صفحة 1 من 2 12 الأخيرةالأخيرة
النتائج 1 إلى 10 من 15

الموضوع: تقرير: مشكلة غريبه لاتفوتكم

  1. #1
    الصورة الرمزية العواجـي
    العواجـي غير متصل متميز ميكانيكا
    تاريخ التسجيل
    Jun 2012
    المشاركات
    262

    افتراضي تقرير: مشكلة غريبه لاتفوتكم

    السلام عليكم
    انا مريت بتجربة حبيت اشاركها معاكم بسيارة فورد قراند ماركيز 1995
    اولا هذا موتر ولدي عبدالرحمن واشتريته له من كم سنه
    وعادة صيانته سهلة الين طلعت عنده مشاكل غريبه من تقريبا 6 شهور (اتضح مؤخرا انها حدثت بعد تغيير البواجي)
    العزم طايح والموتر يتفتف واول مرة صارت المشكلة شيكت بالسكانر اللي امتلكه على كومبيوتر السيارة (PCM(
    وقال لي حساس الهوى (P1100) قمت نظفت حساسات الهوى ومشي الحال لمدة اسبوع وعادت المشاكل من ثاني
    فقلت له شوف مراكز الصيانه المهم الولد حاس بينهم اللي يغير بواجي واللي يغير له حساسات (انا كنت مشغول بمشروع صغير)
    ولما الولد قال لي بيسافر مع اخوياه وسافر ولقيت اني فاضي كم يوم قلت باسم الله واستغرقت يومين وانا رايح جاي على هالموتر
    مالكم بطولتها باختصار الكومبيوتر يقول انه حساس الهوى فيه مشكله اضافة لمشكله في خلط الوقود وان الموتر عزمه تعبان (والله عارف) طبعا
    اتضح ان نظام ضخ وخلط الوقود ماغيه شي ولكن بسبب المعلومات المغلوطه من حساس الهوى اللي مايعرف انه من بعده فيه مشاكل وان حجم وكثافة الهوى اللي خش للمكينه غير اللي هو بيرسله للكومبيوتر.
    وتقريبا شيكت على كل شي من كهربا لحساسات لنظام ضخ الوقود طبعا المعلومات عن طريق النت والمصادر اللي اتوفرت لي بالاضافة لمعرفتي واطلاعاتي البسيطه عاى انظمة التحكم والبرمجه الكومبيوترية بالسيارات ولكن هيهات لاتحسن
    وقريت جملة معترضه لواحد باحد المواقع يقول لااجهزة ولاكومبيوتر ولاعده شيك بيدك من تحت الدبة اللي بعد حساس الهوى والموتر شغال او فك الدبه بكاملها وشيك على هيكلها وبالفعل وكانت هي المصيبه
    اترككم مع الصور هي تسرد لكم القصة

    تشييك الفيوزات اللي عند السواق سليمه


    تشييك الفيوزات اللي عند المحرك سليمه


    تشييك الكتاوت اللي عند المحرك سليمه


    تشييك التوصيلات الكهربائية واعادة كل الى مكانه وإحقاق الحق


    فرز التوصيلات الكهربائية وتعرفتها بالالوان ليزهق الباطل 1


    فرز التوصيلات الكهربائية وتعرفتها بالالوان ليزهق الباطل2


    تشييك حساس الحرارة اللي بغطا حجيرة فلتر الهوى (طبعا r] شيكت حساس الهوى طلع سليم)


    تنظيف حجرة الفلتر من اطنان الاتربة


    الثروتل يترجاني بنفس حزينه انظفه


    ولما التفت له بلمحه انذهلت من حالته المؤسفه


    انواع الترسبات لاتعد ولاتحصى


    الفاجعه المهوله اكتشاف المشكلة الهوز او مجرى دخول الهوى للمكينه متكسر من تحت


    الفاجعه المهوله الهوز او مجرى دخول الهوى للمكينه متكسر من تحت 1


    الفاجعه المهوله الهوز او مجرى دخول الهوى للمكينه متكسر من تحت 2


    الفاجعه المهوله الهوز او مجرى دخول الهوى للمكينه متكسر من تحت 3


    منظر القطعة من الداخل وعلى فكره ترو هذا بعد التنظيف لانه كان متلبد بالاوساخ والزيوت


    القاعدة اللي يركب عليها حساس الهوى اكيد بعد التنظيف 1


    القاعدة اللي يركب عليها حساس الهوى اكيد بعد التنظيف 2


    القاعدة اللي يركب عليها حساس الهوى اكيد بعد التنظيف 3


    القاعدة اللي يركب عليها حساس الهوى اكيد بعد التنظيف 4

    https://fbcdn-sphotos-d-a.akamaihd.n...54177449_o.jpg
    عملية ترميم وترقيع مؤقته بعلبة حلاوة مص ليموني حسب ماطرا لي 1


    عملية ترميم وترقيع مؤقته بعلبة حلاوة مص ليموني حسب ماطرا لي 2


    عملية ترميم وترقيع مؤقته بعلبة حلاوة مص ليموني حسب ماطرا لي 3


    عملية ترميم وترقيع مؤقته بعلبة حلاوة مص ليموني حسب ماطرا لي 4


    عملية ترميم وترقيع مؤقته بعلبة حلاوة مص ليموني حسب ماطرا لي 5


    عملية ترميم وترقيع مؤقته بقطعة قصطير ولصقها بلاصق ابوكسي مافيه ليمون خلص


    والان الموتر عشرة على عشرة ولله الحمد مارجع الولد من السفر الا والسياره اخر فل

    تحياتي للجميع

  2. #2
    الصورة الرمزية kharjawi
    kharjawi غير متصل عضو مبدع
    تاريخ التسجيل
    Jan 2014
    المشاركات
    231

    افتراضي رد: مشكلة غريبه لاتفوتكم

    وعليكم السلام ورحمه الله وبركاته

    ماشاء الله عليك وعلى ترهيمك هههههههه
    أهم شي ضبط الموتر الحمد لله لاكن من جد الثروتل يشتكي
    اذا ماضبط مدخل الهواء تبع الترهيم اشتر لك واحد من التشليح افضل
    الله يعطيك العافيه أهم شي وضحت المشكله مع الحل عشان الكل يستفيد

    موفق
    Grand Marquis


  3. #3
    الصورة الرمزية العواجـي
    العواجـي غير متصل متميز ميكانيكا
    تاريخ التسجيل
    Jun 2012
    المشاركات
    262

    افتراضي رد: مشكلة غريبه لاتفوتكم

    اقتباس المشاركة الأصلية كتبت بواسطة kharjawi مشاهدة المشاركة
    وعليكم السلام ورحمه الله وبركاته

    ماشاء الله عليك وعلى ترهيمك هههههههه
    أهم شي ضبط الموتر الحمد لله لاكن من جد الثروتل يشتكي
    اذا ماضبط مدخل الهواء تبع الترهيم اشتر لك واحد من التشليح افضل
    الله يعطيك العافيه أهم شي وضحت المشكله مع الحل عشان الكل يستفيد

    موفق
    هلا بك اخوي kharjawi
    الحمد لله الامور تمام
    لا لازم اشوف لي واحد جديد او من التشليح مو اذا ماضبط الترهيم
    عارف ليه اخوي اولا لاني قايل مؤقته بس لحد مانوصل للسبب
    وثانيا وهو الاهم لان المواد اللي تصنع بحجرة المحرك لها مواصفات خاصة من حيث الحرارة والمرونه والتعرض للهز والارتجاج الخ....
    شكرا والله يعطيك الف عافية
    تحياتي

  4. #4
    وسوسة مطنوخ غير متصل عضو مجتهد
    تاريخ التسجيل
    Dec 2012
    الدولة
    الرياض
    المشاركات
    155

    افتراضي رد: مشكلة غريبه لاتفوتكم

    مشاء الله عليك هههههههه

    تعجبني والله

  5. #5
    الصورة الرمزية العواجـي
    العواجـي غير متصل متميز ميكانيكا
    تاريخ التسجيل
    Jun 2012
    المشاركات
    262

  6. #6
    الصورة الرمزية فيكي
    فيكي غير متصل عضو مميز
    تاريخ التسجيل
    Jun 2014
    الدولة
    Riyadh
    المشاركات
    321

    افتراضي رد: مشكلة غريبه لاتفوتكم

    والله انك معلم يالعواجي
    هههههههههههههههههه

    عشرة على عشرة يابو عبدالرحمن
    طلعت احسن من الورش النصابين ماشاءالله عليك
    وأهنيك على شغلك ..
    وتستاهل احلى تقييم

    موفق

  7. #7
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي

    ابدعت عزيزي ماشاءالله عليك
    الله يرزقك بر عبدالرحمن واخوانه.
    وبصراحه لو انه وداها الورش كان سلسله لانهاية لها من العبث في الموتر وطلبات لاتنتهي.
    الحمدلله ولك كل الشكر على الافاده .

  8. #8
    الصورة الرمزية العواجـي
    العواجـي غير متصل متميز ميكانيكا
    تاريخ التسجيل
    Jun 2012
    المشاركات
    262

    افتراضي رد: مشكلة غريبه لاتفوتكم

    اقتباس المشاركة الأصلية كتبت بواسطة فيكي مشاهدة المشاركة
    والله انك معلم يالعواجي
    هههههههههههههههههه

    عشرة على عشرة يابو عبدالرحمن
    طلعت احسن من الورش النصابين ماشاءالله عليك
    وأهنيك على شغلك ..
    وتستاهل احلى تقييم

    موفق
    الله عليك اخوي فيكي
    كبرت راسي وخليتني مااشوف احد
    الف شكر على تشجيعك يالحبيب
    وعلى فكرة ترى الولد قد حاس بين الورش وبرضه ماوصل لنتيجه
    وبصراحه انا احب التحدي
    تحياتي

  9. #9
    الصورة الرمزية العواجـي
    العواجـي غير متصل متميز ميكانيكا
    تاريخ التسجيل
    Jun 2012
    المشاركات
    262

    افتراضي رد: مشكلة غريبه لاتفوتكم

    اقتباس المشاركة الأصلية كتبت بواسطة north star مشاهدة المشاركة
    ابدعت عزيزي ماشاءالله عليك
    الله يرزقك بر عبدالرحمن واخوانه.
    وبصراحه لو انه وداها الورش كان سلسله لانهاية لها من العبث في الموتر وطلبات لاتنتهي.
    الحمدلله ولك كل الشكر على الافاده .
    ويرزقك الجنه يارب يانجم الشمال
    الحمد لله على كل حال
    الورش ماقد قصرو فيه حسيبهم الله
    شاكر ومقدر مرورك وحروفك
    تحياتي

  10. #10
    ماركيز Marquis 99 غير متصل عضو ملَكي
    تاريخ التسجيل
    Mar 2013
    المشاركات
    1,225

    افتراضي رد: مشكلة غريبه لاتفوتكم

    ما شا اللله عليك شغل حلو و انحلت المشكله صراحه ارتحت لشرحك و الصور المفصله و شكلي بانضف شجعتني

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر