صفحة 1 من 2 12 الأخيرةالأخيرة
النتائج 1 إلى 10 من 14

الموضوع: تبديل داخلي كراون فكتوريا 2011 بداخلي لنكون تاون كار

  1. #1
    الديبلوماسي غير متصل عضو جديد
    تاريخ التسجيل
    Nov 2013
    المشاركات
    10

    افتراضي تبديل داخلي كراون فكتوريا 2011 بداخلي لنكون تاون كار

    السلام عليكم ورحمة الله تعالى وبركاتة

    أسعد الله أوقاتكم أعزائي

    انا بصراحة تراودني فكرة تغيير داخلية الفورد بلنكون تاون كار الفخم

    من حيث تغيير الابواب ... الطبلون ... المراتب ... التندة ... دواسات الأرضية

    طبعا التاون كار 2011 مافي داخليها شعارات لنكون الا بالدركسون وهذا اللي شجعني أكثر و حل الدركسون بسيط ... أركب غطى الايرباج القديم و انتهينا

    ابي اطلب كل القطع من امريكا و عاااااااااااااااادي ما يهم كم بس محتار في عدة نقاط :

    1- هل القطع حقت التاون تركب بالمللي على الفورد بدون اي مشاكل ؟

    يعني مثل الطبلون و الدركسون و مرتبة الراكب و السواق ؟

    2- انا براسي بعد أركب جلد الابواب حقت التاون على الفورد هل تركب ؟

    3- هل هناك أشكالية على تركيب شاشة اللنكون الاصلية ؟

    4- هل من الممكن طلب عداد لنكون بالكيلومتر او لا ؟

    علما بأن اللي معي كراون فكتوريا لارج الطويلة

    نرجو من خبراء المنتدى تزويدنا بالمعلومات و المواقع الاقل سعرا و نعدكم بتقرير خاص

    لا حرمنا الله منكم ولا من الجنة
    التعديل الأخير تم بواسطة الديبلوماسي ; 08-05-2014 الساعة 09:20 PM

  2. #2
    الصورة الرمزية العوفي
    العوفي غير متصل عضو مميز
    تاريخ التسجيل
    Dec 2011
    المشاركات
    356

    افتراضي رد: تبديل داخلي كراون فكتوريا 2011 بداخلي لنكون تاون كار

    مشرووع مكلف الصدق القزاز يختلف بعد مكينه القزاز افياش المسجل والمكيف

  3. #3
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي

    بحكم استخدامي للموترين.
    الاكيد.
    كهرباء المراتب وكهرباء الابواب تختلف .
    وانتظار تجارب الاخوان

  4. #4
    feras239 غير متصل عضو ملَكي
    تاريخ التسجيل
    Dec 2012
    المشاركات
    762

    افتراضي رد: تبديل داخلي كراون فكتوريا 2011 بداخلي لنكون تاون كار

    اخي الكريم من الاخر وبدون زعل مشروعك غير قابل للتطبيق وان طبق لا يحاكي المنطق
    عشان ماتتخسر


    اعتقد ممكن تطبق المراتب فقط وركب لك شاشة محترمة وخلاص

  5. #5
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    736

    افتراضي رد: تبديل داخلي كراون فكتوريا 2011 بداخلي لنكون تاون كار

    يمكن المراتب بس والتكاية وركب شاشة وكاميرا خلفية وخلاص
    اما الباقي وش لك فيه خرابيط وبتقعد تكلفك واتوقع صعبة التطبيق او يمكن ماتقدر .



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

  6. #6
    A-3llawi غير متصل عضو جديد
    تاريخ التسجيل
    Sep 2013
    المشاركات
    25

    افتراضي رد: تبديل داخلي كراون فكتوريا 2011 بداخلي لنكون تاون كار

    اذا تبي تغير الديكورات خل المراتب حقت تاون كار مع تكايتها وشاشة من نوع جيد وديكورات الأبواب ماركيز مخشب

    أو بدال التكاية تغيير روتين سوي ديكور بالوسط مثل اللكزس ومرسيدس خلها تكاية مع مكان الأكواب ومدخل الكهرب
    -طبعا تزل حاملة الأكواب ومدخل الكهرب- ودروج صغار بالديكور نفسه وخلها مخشبة

  7. #7
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي

    اقتباس المشاركة الأصلية كتبت بواسطة فورد بوليسيp71 مشاهدة المشاركة
    يمكن المراتب بس والتكاية وركب شاشة وكاميرا خلفية وخلاص
    اما الباقي وش لك فيه خرابيط وبتقعد تكلفك واتوقع صعبة التطبيق او يمكن ماتقدر .
    المراتب تركب لكن ما بتتحرك،.
    تبقى ثابته .
    افياش مكينة مرتبة اللنكون تختلف عن افياش مرتبة الفكتوريا بكثير فيها اسنان زياده واسلاك زياده .
    واليمين مالها كهرب اساسا في الفكتوريا.

  8. #8
    الديبلوماسي غير متصل عضو جديد
    تاريخ التسجيل
    Nov 2013
    المشاركات
    10

    افتراضي رد: تبديل داخلي كراون فكتوريا 2011 بداخلي لنكون تاون كار

    اقتباس المشاركة الأصلية كتبت بواسطة العوفي مشاهدة المشاركة
    مشرووع مكلف الصدق القزاز يختلف بعد مكينه القزاز افياش المسجل والمكيف
    عزيزي انا اللي بغير الداخل ماني مغير القزاز ... والتكلفة عادي لو تاصل عشرين ثلاثين الف عادي
    لأني بحط الفورد عندي موتري الأبدي

    اقتباس المشاركة الأصلية كتبت بواسطة north star مشاهدة المشاركة
    بحكم استخدامي للموترين.
    الاكيد.
    كهرباء المراتب وكهرباء الابواب تختلف .
    وانتظار تجارب الاخوان
    ترى فرق الموديلات تختلف فيه بعض الحاجات ... انا مره جيت بغير افيوز الاسطب .. اكتشفت ان موديل 2011 يختلف عن غيرة ... أعتقد انها نفس الشيء اللنكون والفورد موديلات 2011

    اقتباس المشاركة الأصلية كتبت بواسطة feras239 مشاهدة المشاركة
    اخي الكريم من الاخر وبدون زعل مشروعك غير قابل للتطبيق وان طبق لا يحاكي المنطق
    عشان ماتتخسر


    اعتقد ممكن تطبق المراتب فقط وركب لك شاشة محترمة وخلاص
    الله يهديك ليه التحطيم ؟؟ الفورد واللنكون والماركيز نفس الهيكل نفس المكينة اللهم فرق الاكسسوارات و حاجات بسيطه ترى

    اقتباس المشاركة الأصلية كتبت بواسطة فورد بوليسيp71 مشاهدة المشاركة
    يمكن المراتب بس والتكاية وركب شاشة وكاميرا خلفية وخلاص
    اما الباقي وش لك فيه خرابيط وبتقعد تكلفك واتوقع صعبة التطبيق او يمكن ماتقدر .
    ترى بس باقي على اللي قلته الطبلون وانشالله تساهيل

    اقتباس المشاركة الأصلية كتبت بواسطة a-3llawi مشاهدة المشاركة
    اذا تبي تغير الديكورات خل المراتب حقت تاون كار مع تكايتها وشاشة من نوع جيد وديكورات الأبواب ماركيز مخشب

    أو بدال التكاية تغيير روتين سوي ديكور بالوسط مثل اللكزس ومرسيدس خلها تكاية مع مكان الأكواب ومدخل الكهرب
    -طبعا تزل حاملة الأكواب ومدخل الكهرب- ودروج صغار بالديكور نفسه وخلها مخشبة
    بيني وبينك احسها بربسة والله ... ماودي اقص شيء و اركب ... انا قلت اللنكون لان ما فيها الدعوى قص و تركيب كلها نفس الهيكل

    اقتباس المشاركة الأصلية كتبت بواسطة north star مشاهدة المشاركة
    المراتب تركب لكن ما بتتحرك،.
    تبقى ثابته .
    افياش مكينة مرتبة اللنكون تختلف عن افياش مرتبة الفكتوريا بكثير فيها اسنان زياده واسلاك زياده .
    واليمين مالها كهرب اساسا في الفكتوريا.

    الجهة اليمنى ممكن مدبر امرها لابس ابي أشوف فرق الأسلاك الكهربائيه بعد فك المراتب .. جاري البحث
    التعديل الأخير تم بواسطة الديبلوماسي ; 08-07-2014 الساعة 02:49 AM

  9. #9
    A-3llawi غير متصل عضو جديد
    تاريخ التسجيل
    Sep 2013
    المشاركات
    25

    افتراضي رد: تبديل داخلي كراون فكتوريا 2011 بداخلي لنكون تاون كار

    اقتباس المشاركة الأصلية كتبت بواسطة الديبلوماسي مشاهدة المشاركة
    بيني وبينك احسها بربسة والله ... ماودي اقص شيء و اركب ... انا قلت اللنكون لان ما فيها الدعوى قص و تركيب كلها نفس الهيكل
    مافيها قص وتركيب

    ديكورات الأبواب ماركيز لأن ما يختلف أفياشه عن الفورد
    والمراتب ماركيز او تجيب حقت فورد من تشليح وتحط اسفنج زيادة وتنجيد مثل البنتلي ويطلع فخم
    ومريح...التكاية حقت لنكون أفضل بحكم ما تبي تقص وتركب...وبعد تكاية لنكون خلفية

    وبخصوص فكرة الديكور اللي قلته لك ما تقص الا بقطعة الديكور وماراح تقص شيء بالسيارة
    سوي لها قاعدة علشان تركب عالفورد

    ومرتبة الراكب...إذا فيها تحكم كهرب وضعك بالسليم..إذا كان مافي خذلك مرتبة فيها تحريك من التشليح مع ازرار التحريك وافياشه -اذا قدرت على الأفياش- وركبها عند كهربائي شاطر وفاهم

    مشكلة ديكور اللنكون فيها تسخين مراتب ووضعية السواق وحقتك مافيها !!!

  10. #10
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي

    بالنسبة للمرتبة اليمين ياعزيزي
    من الصبح الساعه6 الى 6 المغرب وانا في تشليح الحائر .
    وكان هدفي اركب مرتبة يمين كهرب للفكتوريا حقتي . يعني شغله اسهل من ترهيم حقت لنكون.
    وكلهم افادوا ان من 2009 ما جات اليمين كهرب في الفكتوريا بجميع فئياته
    ولما توجهت للنكون علشان مرتبتها اليمين كهرب ورحت اخذت الكهربائي حق البيان الجديد . ووديته ومحلهم حق القطع اللي في الحائر وطبعا ماطلع معي الا بمقابل .
    وقالي انس الموضوع . لان اصلا حتى الكمبيوتر الموزع للكهرباء مافيه مخرج للمرتبه اليمين ولا يصلح نسحب كهرباء من اي مكان .
    ادرس الموضوع زين.
    وافتك من الخساير .

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر