النتائج 1 إلى 5 من 5

الموضوع: طفشت من الماركيز2008 وبغيرها ل؟؟؟

  1. #1
    شرقااووي غير متصل عضو ملَكي
    تاريخ التسجيل
    Mar 2010
    المشاركات
    533

    افتراضي طفشت من الماركيز2008 وبغيرها ل؟؟؟

    السلام عليكم ورحمة الله وبركاته
    ياأخوان انا عمري 27 ومتزوج لي سنتين
    عندي ماركيز 2008 لها 5 سنين
    الزبده غيرت فيها الى الان
    سلف+مروحة مكينه+على وشك اغير ثلاجة مكينه


    فكرت اغير سيارتي لانها بدت تطلب

    سقت سيارات كثيره

    اكورد افالون لكزس كامري كرولا ....ألخ

    ماعجبني شي مثل الماركيز
    فيه صفه وحيده وهي اللي معلقتني فيها
    لمن اسوق كأن واحد رافعني عن الطريق ويطير فيني من قوة اني ماأحس بالطريق
    أٌقصد العزل الارضي 100%

    والسيارات الثانيه عزلها الارضي سيء جدا مع كل طقه وحفره تحس بالارض


    حطوا نفسكم بدالي وانصحوني لان قررت ولكن قلت بستشير


    نويت اشتري لي ماركيز 2011
    هل تحسون اني ظلمت نفسي لو بضيع 5 او 7 سنين من عمري ثاني مره في سياره مافيها
    ابسط التكنلوجيا او التقنيات الجديده؟؟
    الا مكيف ومسجل ابوكلب ونور سيء
    خصوصا اني عانيت مع هالشغلات ولكن قلت فيه حلول
    المسجل احط شاشه اصليه ماركه بايونير او سوني
    والنور اروح لذا اللي بالرياض واحط فيه 2000 او 3000 واحط عدسات

    واحس اني محتار

    و العزل الارضي والراحه والجوده هي اللي خلتني اتعلق بالماركيز

    هل فيه احد منكم مر عليه سياره فيها

    عزل ارضي مثل الماركيز وراحه قريبه بالسوق

    ياليت يذكرها لي

    وشاكر لكم
    التعديل الأخير تم بواسطة شرقااووي ; 01-09-2015 الساعة 02:48 AM
    Grand MarQius 2008

  2. #2
    الصورة الرمزية Black King
    Black King غير متصل مراقب عام / رئيس التغطيات
    تاريخ التسجيل
    May 2009
    الدولة
    K.S.A AND FORD
    المشاركات
    13,064

    افتراضي رد: طفشت من الماركيز2008 وبغيرها ل؟؟؟

    وعليكم السلام

    والله شف الفورد من يسوقها ويعرفله يعشقها مهم كان

    لكن جرب تاخذ كرايسلر الشكل الجديد 2011 او 2012 يعني تستاجرها كم يوم وتشوف اذا ناسبك الموضوع

    بس اهم شي تكون الجنوط 18 وبتشوف كيف العزل فيها وكذلك نظام المتطور من التقنية الحديث
    اخوكم عبدالعزيز بن محمد

    KING OF THE ROAD



  3. #3
    مالكي مطنوخ غير متصل عضو مميز
    تاريخ التسجيل
    May 2012
    المشاركات
    310

    افتراضي رد: طفشت من الماركيز2008 وبغيرها ل؟؟؟

    والله ياخي شف ماقد ملكت سياره غير كابرس ٩٠ وبعده ماركيز ٢٠٠٧

    بس انا معجب في الافالون بقوة قد ركبت ٢٠٠٩ صراحه تمنيت زيها ولو معي فلوس لاطقها

    باقي السيارات مالي خلفيه عنها بس خلك حول الافالون او مرسيدس او لكزس ال اس ٤٦٠ واطنخ

    بس مافيه مثل راحت الامريكي شي صراحه

  4. #4
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    736

    افتراضي رد: طفشت من الماركيز2008 وبغيرها ل؟؟؟

    شف الفورد معروف براحته واذا بتسوق غيره يبي لك وقت عشان تتعود وتحبه وهذي ميزة الفوردات راحتها وعزلها الارضي.

    لكن شف دامك تقول جربت الافالون وما اعبجتك...جرب طيب كرايزلر الشكل الجديد ايجار وشف كيف وضعها معك.
    طبعا شف المواتر الحين للاسف اغلبها عزلها الارضي سيء حتى انك تدفع 150 الف وتقعد تزعجك الشوارع واي حفر واي عين قطط يوم تسوق... تقريباً اللي شفت ماشاء الله عزلهم الارضي كويس وجربتهم من بين مواتر كثير الفورد فكتوريا وماركيز طبعا كلها واحد وفورد اكسبديشن موديله 2011.
    لكن انت جرب وشف وعلى عمرك شف الكرايزلر 6 سلندر جربها ايجار زي ماقلت لك وشف كل مافيها ثم احكم وقرر اذا اعجبتك.
    او شف لك جينسيس او كيا كوريس اقل فئه ب140 تقريباً ومواصفات ولا احسن.
    اما اللكازس اشوف ماينفع الا من gs وفوق وهذي غاليات .
    اما ال is وال es عندي الماركيز احسن .



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

  5. #5
    نجم الشعرى غير متصل عضو مبدع
    تاريخ التسجيل
    Jun 2014
    المشاركات
    269

    افتراضي رد: طفشت من الماركيز2008 وبغيرها ل؟؟؟

    اخوي وين بدت تطلب؟
    سيارتك لها 7 سنوات وهذي الاشياء غيرتها انت لأول مرة، وما بتحتاج تغيرها الا يمكن بعد 7 سنوات

    وانا مثلك معي ماركيز 2004 وغيرت ثلاجة المكينة قبل سنة ب 1600 ريال دافعها وانا مبسوط لانها حقة بلدها وبتعيش نفس العمر من جديد وطالما المشاكل ما طالت المكينة نفسها او القير او الدفرنس فامورك بالسليم

    واذا صملت موتر ثاني وراحة اكثر واكشخ ونفس الجودة والكرف فعليك بالتاون كار 2010 او 2011 شاص قصير بصراحة سيارة لا يعلى عليها

    Lincoln Continental Town Car 1975

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر