النتائج 1 إلى 6 من 6

الموضوع: توظيب قراند ماركيز يكلف 18 الف ؟!!!

  1. #1
    تاريخ التسجيل
    Apr 2015
    المشاركات
    2

    افتراضي توظيب قراند ماركيز يكلف 18 الف ؟!!!

    السلام عليكم ورحمة الله وبركاته

    قبل كل شي محدثكم ماله خبرةة بالسيارات ابددددد

    انا معي ماركيز 2007 وصراحة ان تعتبر نظيفة ماشية 140 الف وكسور وحريص على تغيير الزيت كل 5000 الاف كيلو


    المهم السالفة يا طويلين العمر شغلت الموتر وتوكلت على الله احط d وما مشى على طول يعني خذ كذا ابو ثانتين ومشى عقبها استغربت بس قلت مافي شي يا رجل لا توسوس عادي

    المهم ومشيت وعلى طول بلف يمين وكان فيه واحد يسار وقفت وطلع صوت خفيف نفس الصوت لو دعست علبة لكنه كان من جوا السيارة قلت لا لا عادي الزبدة واطلع والامور تمام ورحت لمشوار طفيت السيارة وبعد ساعتين او حولها رجعت لها وبسم الله نمشي شوي يا ولد ادعس ! يرتفع الضغط بس ما تمشي اشوف شوي مشيت 10 ثواني الا وترجع واستمريت على كذا تمشي شوي
    وشوي ما تمشي المهم واوقف عند اقرب ورشة لان محدثكم مرة ثانية ما يعرف شي بالسيارة قلت يا رجل لا تطفي عليك بنص الطريق قلت اشوف وش فيها قالي ان ثلاجة المكينة تقطر موية وقطرت عالبواجي ومدري ايش وصراحة ما فهمت عليه مرة لانه هندي والعربي ماش عنده قلت كم تكلف قال 1500 حولها
    قلت خير ان شاء الله
    ومن بكرة عطيتها واحد يقول انه يعرف ورشة كويييسة
    الزبدة ما فهمت علية مرة يقول يبيلك توظب القير ومرة توظب المكينة كاملة الزبدة انه قال ب 18 الف انا انهبلتتت!! قلت وش اللي 18 لا جبها جبها
    ما ادري ان كان لها صلة بالموضوع بس اعبي 91

    انا جيت والله ابي اسالكم واشوف وش المشكلة لان عندي جامعة واختبارات وما اقدر ادور على الورش
    ويعطيكم العافية مقدما

  2. #2
    الصورة الرمزية noor
    noor غير متصل عضو نشيط
    تاريخ التسجيل
    Feb 2011
    المشاركات
    90

    افتراضي رد: توظيب قراند ماركيز يكلف 18 الف ؟!!!

    سلامات يابوي 18 الف

    مكينة الكاديلك السكاليد ب 18 الف

    تبي مكينة الماركيز كذا هذا اللي رحت له شكله حرامي

  3. #3
    عاشق النادر غير متصل عضو نشيط
    تاريخ التسجيل
    Jun 2010
    المشاركات
    98

    افتراضي رد: توظيب قراند ماركيز يكلف 18 الف ؟!!!

    يا رجال دور على ميكانيكي متخخص بالفورد وخله يشوفها قال ١٨ الف ليه
    مكينه كامله حول ٣٠٠٠ الى ٣٥٠٠ والجربكس كامل نفس السعر كلها ٧٠٠٠ وذا يقول ١٨ ههههههههه سلامات

  4. #4
    M7md70 غير متصل عضو جديد
    تاريخ التسجيل
    Feb 2015
    المشاركات
    25

    افتراضي رد: توظيب قراند ماركيز يكلف 18 الف ؟!!!

    اخوي نفس مشكلتك هذي سارت مع خويي ماركيز ٢٠٠١ والسبب كان من الجربكس وضبه وماشاءالله رجعت سليمه
    ومن كلامك تاخر بالتعشيق ومايقبل دعس وانت ماشي هذي واضحه انه من الجربكس
    رح لواحد متخصص وخبرة بالجربكسات احسن لك

  5. #5
    ash-pac غير متصل عضو جديد
    تاريخ التسجيل
    Jun 2014
    المشاركات
    19

    افتراضي رد: توظيب قراند ماركيز يكلف 18 الف ؟!!!

    قبل تدفع وتخسر نفسك اي مبالغ

    اول خطوة تفحص السيارة كمبيوتر عند ورشة فورد
    ثاني خطوة بعد تحديد العطل مهما كانتمر على 3 الى 5 ورش وتسعر قيمة الاصلاح ومدة ضمان الاصلاح
    ثالث خطوة بالنسبة للتوضيب القير او المكينة
    التوضيب صار فيه لعب بالقطع وسرقة يجب عليك شرط ان السيارة عندك من مكينةوقير لم تفك من المصنع واذا فكت لازم قطع اصلي وضمان ممتد الى 6 أشهر لان هذي زبدة السيارة من مكينة وقير


    وعموما مشكلتك واضحه القير يفضي ( كلتشات )

  6. #6
    ابوعمار غير متصل عضو مبدع
    تاريخ التسجيل
    Dec 2011
    المشاركات
    239

    افتراضي رد: توظيب قراند ماركيز يكلف 18 الف ؟!!!

    اخوي فيه فيوز منبه عليه احد من الاعضاء يكون في علبة الفيوزات في الكبوت يكون بالزاويه مكتوب عليه رقم 15
    بدله منت خسران جرب
    هام لأصحاب الماركيز والفكتوريا

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر