النتائج 1 إلى 6 من 6

الموضوع: عطل غريب عجيب محير

  1. #1
    abo-rneem غير متصل عضو جديد
    تاريخ التسجيل
    Apr 2015
    المشاركات
    2

    افتراضي عطل غريب عجيب محير

    السلام عليكم ورحمة الله وبركاته:
    تكفون يالربع تكفون أنا حصل عندي مشكلة ماحلتها أفضل الورش وأفضل محلات الفحص في فورد فكتوريا 2006 وهي أن وقفت السيارة غيرت زيتها وشغلتها ولاحظت عداد الضغط ينزل ويطلع مابين ثانيتين إلى ثلاث ثواني ومستمر على النزول إلى أقل من النصف ويرجع فوق النصف فجأة قلت يمكن يروح جلست لليوم الثاني زاد العطل وظلت السيارة تطفى إذا مشيت طبيعي وعند الوقوف أو التهدئة ينزل عداد الضغط ويطلع وغالباً تطفى مع المكيف وبدونه أوقف أعشقها في الدي عادي أفضيها ترجع الحركة رحت فحصت كمبيوتر في أكثر من ورشة غيرت دعسة البنزين يسمونه الثلوثر أو ماشابه غيرت الدبات غيرت الصفاية فحصت البواجي والكويلات فحصت الكهرباء سويت برمجة فحصت حساس الهواء حق ضغط المكينة فحصت منظم الهواء ولا لقيت لها حل رحت لأفضل الورش منها فلبيني كان شغال في البيان وفحصها بجهاز توكيلات الجزيرة وغيرت الدعسة الثلوثر قال احتمال يكون منها ثم قال عندك الحساس حق الدبات غيرت الدبات وفي النهاية جاب فلبيني عنده الورشة مازال يشتغل في البيان وفحصها وقال كان فيه ماس كهرباء وقال إنه صلحها جربت والمشكلة موجودة فحصت طرمبة البنزين ماخليت شي وفي النهاية أروح للورش الآن أقوله عن العطل وأعلمه باللي سويت يقول مافيه حل دام سويت الكلام هذا كله ماعندنا لك حل ماخليت واحد معه فورد إلا سألته ولكن ألقى الإجابة اللي يقول كويلات عندي سليمة والبواجي جديدة والسيارة مع الممشى طبيعية المشكلة عند الوقوف فقط أو التهدئه قبل الوقوف .. سجلت في المنتدى عسا الله يجعل الفرج على أيديكم والآن فحص الكمبيوتر مايظهر فيها أي خلل ولازالت على وضعها أفيدوني جزاكم الله خير والله إني أحترت وأحتار معي المهندسين والميكانيكيين والكهربائيين

  2. #2
    s10g غير متصل عضو ملَكي
    تاريخ التسجيل
    Jun 2011
    المشاركات
    858

    افتراضي رد: عطل غريب عجيب محير

    وعليكم السلام

    صراحه ما اعرف الحل

    لكن الله يجعل حلها بسيط وما يخسرك اكثر من الي خسرته

  3. #3
    الفهلوي غير متصل عضو جديد
    تاريخ التسجيل
    Feb 2014
    المشاركات
    17

    افتراضي رد: عطل غريب عجيب محير

    الله يعينك

    انا لو مكانك سويت لها فحص بالكمبيوتر

    واحتمال كبير يبين

  4. #4
    ابومزن غير متصل عضو جديد
    تاريخ التسجيل
    Mar 2015
    المشاركات
    16

    افتراضي رد: عطل غريب عجيب محير

    يامرحبا بالغالي اعتقد والله اعلم انه يكون حساس الهواء الي راكب بالثروتر .
    فحصه جدا بسيط .
    شغل السيارة واضرب بيدك عليه اذا طفت السياره او حصل تفتفه ايقن انه من هالحساس
    كذلك مر اي كهربائي وشيك على الفيوزات الي تحت الدركسون والي بالكبوت
    اتمنى وارجو اني افدتك
    واسأل الله ان ييسر الله امرك وتجد حل المشكلة

  5. #5
    Mr,marquis غير متصل عضو نشيط
    تاريخ التسجيل
    Apr 2015
    المشاركات
    96

    افتراضي رد: عطل غريب عجيب محير

    هلا بيك اخوي

    عند حساس الثروتل زي ما قال اخوي ابو مزن

    صارت معانا في فورد فري ستار 2005 زي مشكلتك بالضبط مايختلف فيها اي حرف بس في النهاية سحبنا عليها و بعناها الشهر الماضي ب4000 في تبخير في المكينة والجير تعبان والدركسون يبيله علبة


    او عندك بواجي

    حصلت معي في الماركيز 99 طبعا هالموديل مافيه عداد rpm بس جتني سنة ونص مع كرف ساحب عالبواجي واسمعها تقطع وتتفقع ومافيها عزم وتطفي

    او عندك الدينمو كنت مركب ديلوكس وبعدها ب 4 شهور ودعت وخذيت وحده من المسلم الله يلعنهم على اساس انها اصليه ب1200 ويوم ثاني اشغلها تشتغل ولا اشوف الا امبير البطارية ينزل وطفت علي وانا عند طريق الجبيل وشغلتها اشتغلت ومشيت دعستها ثقيلة والحرارة مليووون وطافي المكيف لين ماوصلت الخضرية

    ورحت فكيت الدينما وخذيتها عند الحرامي بالفاتورة والكرتون قاعد يقوللي كهرباء ماترجع واروح اخذها واكسرها قدامهم واشق الفاتورة وافلتها عليهم زين ماجبت لهم الشرطة

    تالي رحت العطيف وخذيت امريكية ب550 وللحين معاي 7 شهور وامورها 100%الحمد لله




    بس الصراحة شغلتك تحير

  6. #6
    ash-pac غير متصل عضو جديد
    تاريخ التسجيل
    Jun 2014
    المشاركات
    19

    افتراضي رد: عطل غريب عجيب محير

    احتمال كبير من دينمو الكهرباء احتمال كبييير جدا
    وافحصه عند باب البيت لحالك

    افصل البطارية والسيارة شغالة ولو طفت تاكد مليون بالمية من الدنمو حق التعبية

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر