مشاهدة نتائج الإستطلاع: اسال انت وانا اجاوبك ؟؟

المصوتون
1. أنت لم تصوت في هذا الإستطلاع
  • منتاز

    1 100.00%
  • منتاز المنتاز

    0 0%
إستطلاع متعدد الإختيارات.
النتائج 1 إلى 8 من 8

الموضوع: تجربتي مع التعديل والافلام في السياره

  1. #1
    الصورة الرمزية Lka3h
    Lka3h غير متصل عضو جديد
    تاريخ التسجيل
    Jul 2013
    المشاركات
    3

    Wink تجربتي مع التعديل والافلام في السياره

    السلام عليكم ورحمة الله وبركاته

    اول موضوع ومشاركه لي وان شاء الله ماتكون الاخيره

    سيارتي فكتوريا كراون فكتوريا 2004
    فل كامل امريكي / قير 4 نمر

    بدايتها الدفرنس كان يصفر كالعاده الفورد والونه
    قررت اغير دفرنس لانه وصل مرحله ماتسمع المسجل من الصفير ��

    وجيت ادور في تشاليح الرياض المحترمه الحائر والصناعيه القديمه
    واتضح انها كلها فكوها وصلحوها وقفلو الدفرنس ويرمونه في وجهي وياخذون قروشي وبعد شهر يرجع مشروع الونه بعد تجربه من كثير من الناس والزملاء

    قررت اروح مع احد الزملاء الكويت نسمع انها ارخص ونتمشى كم يوم ونفلها

    ويوم رحت انصدمت مهب صدمه حادث لا هذي الصدمه الرهيبه

    حصلت الدفرنس 3.27 مشروك كفرين مع بعض تباوش ، بيجي زرزه ودرفت على كيفك
    والي عندي 2.73 او شي من كذا كفر واحد يباوش ابو كلب

    طبعا اخذته من الكويت ب 100 دينار / يعني 1250 ريال تقريبا
    وعندنا بالسعوديه حدث ولا حرج ب 3000 ريال وطالع

    وطبها تحمست انه رخيص وقمت اخمخم قطع ( هههههههه ����)
    واخذت طبلون بوليسي 220 واخذت كمبيوتر بوليسي بحدود 800 ريال

    وكم قطع خربانه بالسياره ومستهلكه وكلها رخص التراب

    واول ماوصلت الرياض على الورشه لان القطع جايبها على موتر خويي حوض

    اول شي الغيت دبات التلوث وحطيت شكمانين ودبات جديده العتيبي فيها رمسه حلوووه كنها دباب الزبده انا مقتنع

    وطبقت القطع الي جبتها من الكويت وحصل مالم احسب حسابه
    1- الكمبيوتر بطلت اركبه لانه يلغي جميع خاصيات الفل كامل وقررت ابيعه (( تشترون ))
    2- السياره تمشي 146 وفي العداد 180 باقي مافكيت الفصله

    دخلت على المشروع الثاني جهاز sct4 وشريته بفلووس كثير لان المبرمجين ماعندهم جهاز للفورد من 2005 وتحت ومره وحده يخدمني في كل شي يخص السياره

    وباقي مابرمجة عند مبرمج الفلوووس خلصت
    لاكن اخبط في الجهاز وتزين الامور شكلي باجيب المكينه (( هههههههه ))

    طبعا عرفت تقريبا 70% من خصائص الجهاز
    عدلت مقاس الدفرنس وفكيت الفصله وخمبقت شوي بالجهاز لمن تعلمت
    فكيت الفصله ورفعت في مدري وش هواء مدري بنزين الزبده واداء حلو مدري عشان انا متحمس ولا صدق
    بس المشكله ما تعدلت قراءة الطبلون صح باقي ناقص 6 او 7 واول كان الفرق 14
    بعد مافكيت الفصله بس القير يحححن ويطول لمن يبدل لازم ابرمج عند مبرمج
    خل الفلوس تجي واوريكم

    امشي 230 الضغط 3.7 واحس صوت المكينه عالي
    القير فيه مبرد من الوكاله وحرارته 90 وتوصل 100 وانا جالده بالخط فوق 200 او تدعيس واجد ويضعف الاداء علما انني توني موضب القير من شهرين


    المشرع القادم طبعا تقسيط كل شهر شوي عشان ما اطفر واكل هوا
    1- طلبت مبرد Hayden 679 من امزون وانتظره يوصل
    2- بغير الطرمبه بنوع (بوش )
    3- بواجي واسلاك وتنظيف البوابه
    4- اروح عند ابو سحاب ابرمج لان اخوياي المحرضين للترهيم يبرمجون عنده دوج وجموس وكذا

    باقي شي ما ذكرته (( توصون شي ولاش ))


    التعديل الأخير تم بواسطة Lka3h ; 05-04-2015 الساعة 09:43 PM سبب آخر: بعدل الاستطلاع ماعرفت

  2. #2
    سعود محمد غير متصل عضو مجتهد
    تاريخ التسجيل
    Apr 2015
    الدولة
    الرياض
    المشاركات
    128

    افتراضي رد: تجربتي مع التعديل والافلام في السياره

    نقطه مهمه اغفلتها اخوي

    الصور وانا اخوك مع اني ماظن اركب هالامور لكن للمتعه

    حلاتها مع الصور وانت تشرح


    وننتظر تتعديلاتك

  3. #3
    الصورة الرمزية Lka3h
    Lka3h غير متصل عضو جديد
    تاريخ التسجيل
    Jul 2013
    المشاركات
    3

    افتراضي رد: تجربتي مع التعديل والافلام في السياره

    اقتباس المشاركة الأصلية كتبت بواسطة سعود محمد مشاهدة المشاركة
    نقطه مهمه اغفلتها اخوي

    الصور وانا اخوك مع اني ماظن اركب هالامور لكن للمتعه

    حلاتها مع الصور وانت تشرح


    وننتظر تتعديلاتك
    راحت عن بالي الصور لاكن المره الجايه ان شاء الله ولا اذا فضيت تبطحت تحت السياره وصورت
    التعديلات واجد والمخ مليان تعديلات لاكن مافيش فلوووس ياحبيبي مافيش فلوووس
    بس ماعليك شغال اقساط انا كل شهر ارمي شوي بالموتر

  4. #4
    ماركيز_2006 غير متصل عضو مجتهد
    تاريخ التسجيل
    Apr 2014
    المشاركات
    146

    افتراضي رد: تجربتي مع التعديل والافلام في السياره

    ههههههههههههههههههههههههه حبيبي الله يوفقك في مشروعك وانا عندي لك بعض النصائح المهمه جدا قبل ماتدرعم تعال واتس 0548400095

  5. #5
    الصورة الرمزية a66
    a66
    a66 غير متصل عضو مبدع
    تاريخ التسجيل
    Apr 2012
    الدولة
    الــرياض
    المشاركات
    280

    افتراضي رد: تجربتي مع التعديل والافلام في السياره

    ماشاءلله عليك بالتوفيق ياررررب بس تبي نصيحتي يالغالي وقف المشروع شوي وجمع لمشروع كامات وربي بتشوف اداء بيعجبك اكيددد قومه واحصنه بتشوف الموتر اقوا من اول بس اهم شي تركب معه انتيك
    لان سعر البواجي + سعر الكويلات + سعر الاسلاك + سعر البرمجه + وسعر شغل اليد + سعر الطرمبه البانزين = تجيب لك مع التركيب مافكرت تختصر الموضوع وتخليها كام في الاول مع مبرد القير مع البرمجه افضل لك
    الا اذا كانت البواجي و اكويلات الي مركبه حاليها تحتاج تغير لاني مركب كويلات وبواجي رياضيه ماشفت نتايج قويه مع انها مكلفتني . فكر في كلامي والكام مامنه خوف ولا مشاكل اتحدا احد يتشكى من الكامات .

    بعدين عاد ابدا في البواجي و الكويلات الرياضيه . ونصيحتي الثانيه جهاز البرمجه لا تبيعه ابد ابد . خله عندك

  6. #6
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    736

    افتراضي رد: تجربتي مع التعديل والافلام في السياره

    تعديل عشان تصير زي البوليسي حلاتها بوليسي فورد وكالة على طول تاخذه بوكالته وترتاح خخخ
    الله يوفقك اخوي شغلك بطل ان شاء الله



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

  7. #7
    FBI_911 غير متصل عضو ملَكي
    تاريخ التسجيل
    Jun 2011
    المشاركات
    1,195

    افتراضي رد: تجربتي مع التعديل والافلام في السياره

    كان ركبت ٣.٧٣ افضل بكثير من ال٣.٢٧ ومن تجربه

    وبالتوفيق




  8. #8
    Ford Grand غير متصل عضو مجتهد
    تاريخ التسجيل
    Feb 2011
    المشاركات
    171

    افتراضي رد: تجربتي مع التعديل والافلام في السياره

    مدري شقولك بس الموتر موترك سوي اللي يعجبك بس مو تجيب العيد

    وحبيت انوه انت تقول العداد مو مضبوط (دامك غيرت دفرنش فلازم تغير حساس موجود في القير وظيفته يقرا لك السرعه بشكل صحيح وسعره رخيص ) بس هذا اللي ابي اقوله

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر