النتائج 1 إلى 8 من 8

الموضوع: مشكله وحجز موعد للصيانه فرع الصحافه

  1. #1
    Aziz962 غير متصل عضو نشيط
    تاريخ التسجيل
    Sep 2012
    المشاركات
    38

    افتراضي مشكله وحجز موعد للصيانه فرع الصحافه

    السلام عليكم , عندي مشكله في سيارتي فورد اكسبلورر 2013 ماشي 117 الف تقريبا
    المشكله هي :
    1 - صوت طقطقه وكانه شي مفكوك بالكفر يمين خصوصا مع المطبات ااذا كنت لاف يسار
    طبعا سبق ان تم تغيير عمود التوازن وكرسي المقص من كويك لان للكفرين
    رجعت لهم من فتره وقالوا هذا شي مختلف ولازم ورشه الوكاله للصيانه
    بس المشكله ضهرت بعد ذلك بوقت طبعا مريت كذا ورشه وماحد عرف المشكله بالضبط خصوصا انها ماتظهر على طول يعني ركب معي ولفيت كذا مره ماضهرت له , احدهم قال يمكن المساعد بس في بداياته . المهم انه ماحد عرفه ولازال موجود من اكثر من شهر ..
    علما اني مريت ميزان العضيب وسويت ترصيص وتشييك قال لي انه ذراع الدوده ولازم امر متخصصين الهيدروليك .
    2 - احس فيه صوت حنه بالسياره تبدا بعد ال 100 اتمنى مايكون دفرنس او شي كايد .
    ( تم تغيير زيت الدفرنس من كويك لاين ) بس احس المشكله من قبل تغيير زيت الدفرتس

    قلت مالها الا الوكاله مع ان الضمان منتهي كلمتهم وحجزت موعد صيانه 120 الف قالو ب 963 ريال زيوت وفلاتر + التشييك طبعا حجزت امس فرع الصحافه واقرب موعد بعد 3 اسابيع ..

    حتى ذك الوقت
    االسؤال :
    هل من أحد لديه خبره او معرفه عن المشكله او سببها ؟

  2. #2
    شواطئ الحب غير متصل عضو ملَكي
    تاريخ التسجيل
    Apr 2014
    المشاركات
    551

    افتراضي رد: مشكله وحجز موعد للصيانه فرع الصحافه

    صوت الحنة اكيد الكفرات قديمة او تاريخ التصنيع قديم

  3. #3
    Aziz962 غير متصل عضو نشيط
    تاريخ التسجيل
    Sep 2012
    المشاركات
    38

    افتراضي رد: مشكله وحجز موعد للصيانه فرع الصحافه

    يعطيك العافيه ، بس الكفرات برجيستون جديده من 3 شهور تقريبا وصنعها جديد فمااتوقع انها المشكله

  4. #4
    Dawoud10 غير متصل عضو مميز
    تاريخ التسجيل
    Jul 2011
    المشاركات
    450

    افتراضي رد: مشكله وحجز موعد للصيانه فرع الصحافه

    السلام عليكم
    اخوي قبل كل شي لا تقرب الدوده باي حال لان مالها دخل ومشوار ماله اخر، الصوت اذا على شكل طقطقه مع الممشى ومع عيون القطط او الحفر الصغيره فشيك على كراسي المساعدات وسببها حفر شوارعنا وطلوع المطبات وانت دايس فرامل، اما اذا الصوت مع اللف يمن او يسار هذا من العكس وتغير الاثنين افضل من واحد وبتلاقي نوع من العكوس اصدار جديد (من الوكاله) يجي مع قاعدة تثبيت قيمة القاعده 39 ريال بس تحتاج ميكانيكي لان مراح يلاقيها وقت الفك وبيقولك تختلف واذا دقق في مكان التثبيت حيلاقي مكان مساميرها، اما صوت الحنه (خاصه كأنه صوت كفر محبل يزيد ويقل مع السرعه) هذا من العكس الايمن بالذات وجرب الموتر على سكه جديده وعلى سرعة 80 الى 90 فضي القير بكون واضح
    الشغله الاخيره مع تغير العكس او كرسي المساعد تحتاج وزن اذرعه وتدوير كفرات واحسن ميزان اللي يجي ليزر تلاقيه عند وكلاء الكفرات (وانصح بوكيل هانكوك) اسعارهم ارخص من أي ميزان
    اللي ذكرته كله من تجربه و الوكاله راح يزيت المساعدات بدون حتى يشد أي مسمار، فرع الصحافه مر واسال المشرف اسمه اسلام -اعرفه من قبل توكيلات الجزيره- وبيفيدك (سلم عليه اخوك داود) اسف على الاطاله لكن من حر ما واجهت من الوساوس مريت حتي ورش المرسيدس ولا احد عرفها الا صدفه من تجربة الممشى وتفضية القير بتبين معك. التكلفه من قطع و وزن وتركيب (يعتمد على الورشه) في حدود 3900 لكن بتدعيلي وتنساها
    التعديل الأخير تم بواسطة Dawoud10 ; 05-16-2015 الساعة 04:23 PM
    لا الله الا انت سبحانك اني كنت من الظالمبن

  5. #5
    Aziz962 غير متصل عضو نشيط
    تاريخ التسجيل
    Sep 2012
    المشاركات
    38

    افتراضي رد: مشكله وحجز موعد للصيانه فرع الصحافه

    وعليكم السلام اخوي دادود ويعطيك العافيه على جهدك في الرد ،،
    طبعا انا غيرت كرسي المساعد ومسمار التوازن الاثنين من كويك لان من 4 شهور تقريبا ،،
    ويبدو ان ممكن يكون العكوس حسب شرحك
    واللي فهمته من ردك انه ممكن يكون السببب بالمشكلتين الطقطقه والحنه هو العكس،

  6. #6
    Dawoud10 غير متصل عضو مميز
    تاريخ التسجيل
    Jul 2011
    المشاركات
    450

    افتراضي رد: مشكله وحجز موعد للصيانه فرع الصحافه

    السلام عليكم
    اللي حصل معك نفس تجربتي العكس اليمين
    لا الله الا انت سبحانك اني كنت من الظالمبن

  7. #7
    Aziz962 غير متصل عضو نشيط
    تاريخ التسجيل
    Sep 2012
    المشاركات
    38

    افتراضي رد: مشكله وحجز موعد للصيانه فرع الصحافه

    بعد انتظار 3 اسابيع تقريبا حل الموعد المنتظر ..
    راجعت الوكاله اليوم او قبل قليل وللاسف خرجت منهم بخيبه أمل الاسباب كالتالي :
    - حسب الاتصال افادوا ان رسوم تشييك 120 الف / ك هي 963 تقريبا شامل تغيير الزيوت والفلاتر والتشييك على المشاكل المذكوره او على الاقل هذا اللي فهمته من الموظفه .
    - وعند مقابله المهندس في الصيانه افاد انه رسوم التشييك شامل القطع تقريبا 2400 شاملا التشييك على الملاحظات .
    - طبعا قلت له انه هذا مبلغ كبير وانا الملاحظات اللي عندي محدده .
    - الحل الثاني هو ان يتم التشييك على مناطق الالم عفوا اقصد اماكن المشكله فقط وهذي تخلتف وفي حالتي قال التشييك على الاصوات الاماميه راح يكون ب 440 ويتم كتابه تقرير اذا تم تغيير جميع ماذكر في التقرير وليس جزئي يتم خصم رسوم التشييك من الاجور .
    - قلت على الاقل هذا اقل الضرر وهنا جت مشكله ثانيه ان علشان يتم التشييك فقط يبي لها يومين السياره عندهم !! وهنا طبعا ماعجبني الكلام وقلت له لا شكرا ...
    - الخاتمه : مع سوء خدمات الوكاله المقدمه + غلاء الاسعار + الوقت المبالغ فيه لحل المشاكل مع حجز موعد مسبق ( يعني لو جاي بدون موعد انسى موضوعك) + محدوديه الضمان سواء كمده او كيلوات وشروطه المخفيه اللي لو حسبتها طلع ضمان اي كلام .
    اقول في ظل وجود النقاط اعلاه ..
    يبقى المرجع الوحيد هي الورش وهنا تبقى تحت رحمه اللي يتعلمون وانت وحظك ...
    وسابدا بالمرور على الورش مع اقتناع بنسبه 70% ان المشكله كما ذكرها الاخ داود مشكورا وهي العكس .

    السؤال الآن :
    وين الاقي ورشه فورد متخصص شغله مضبوط و مضمون في شمال او شرق الرياض ؟
    ---


    طبعا للفائده سألت عن اسعار العكس اليمين واليسار تقريبا 850 لكل واحد .
    والمساعدات 350 لكل واحد للعلم فقط .

  8. #8
    عبدالعزيز السعد غير متصل مشرف قسم الاكسبلورر
    تاريخ التسجيل
    Jan 2012
    المشاركات
    518

    افتراضي رد: مشكله وحجز موعد للصيانه فرع الصحافه

    عليكم السلام ورحمة الله

    سبق و حصل لي مشكلتك الأولى ( صوت الطقه )

    وتم تغيير المساعدات (يمين و يسار) و كراسي المساعدات و أختفت .

    و بخصوص مشكلتك الثانية ( أتوقع برمجة القير ) سبق وصار لي مثل : الطقه بين كل تغير و تغير و اختفت بعد البرمجه


    الله يوفقك وطمنا وش يصير معك
    لا إله إلا الله وجده لا شريك له ، له الملك و له الحمد ، وهو على كل شيء قدير

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر