النتائج 1 إلى 9 من 9

الموضوع: ورشه مضمونه - قدر الله وماشاء فعل

  1. #1
    Aziz962 غير متصل عضو نشيط
    تاريخ التسجيل
    Sep 2012
    المشاركات
    38

    افتراضي ورشه مضمونه - قدر الله وماشاء فعل

    الاخوة الكرام :
    قدر الله وماشاء فعل , كنت واقف بأمان الله عند الاشاره الا ويجي واحد الله يستر عليه يطقطق بالجوال وماشي بسرعه فوق 120 ويخبط فيني وبكم سياره ثانيه .
    الضرر : الكفر الايسر الخلفي تم الضربه على ركن الصدام مع الكفر وتم تكسر اكثر العضلات اللي حول الكفر ودفني على اللي قدامي وجت ضربه من الامام . والحمد لله على السلامه اولا واخر .
    السؤال :
    ابي ورشه شغلها نظيف خصوصا في الميكانيا لان السمكره بسيطه ولله الحمد . طبعا بالرياض.
    مابي الوكاله لاني عارف بتقعد قريب الشهرين اذا شغلات بسيطه وتجلس اسبوع ...
    افضل يكون متخصص بالفورد لان التخصص يعني مرت عليه كثير سيارات من نفس النوع وتعلم ولايكون يتعلم فيني ...

    نوع السياره : فورد اكسبلورر xlt 2013
    انتظر اجاباتكم مشكورين لان راح اعتمد على الله ثم على أرائكم ..

  2. #2
    شواطئ الحب غير متصل عضو ملَكي
    تاريخ التسجيل
    Apr 2014
    المشاركات
    551

    افتراضي رد: ورشه مضمونه - قدر الله وماشاء فعل

    السلام عليكم
    الحمدلله ع السلامة و بعض الناس الله يهديه حياته رخيصة يسرع ويلعب بالجوال ويتهور
    هل السيارة على التامين؟
    ليه ما تصلحها وكالة افضل لك.

  3. #3
    Aziz962 غير متصل عضو نشيط
    تاريخ التسجيل
    Sep 2012
    المشاركات
    38

    افتراضي رد: ورشه مضمونه - قدر الله وماشاء فعل

    الله يسلمك ويعافيك ،،،
    السياره ليست على التآمين الشامل...
    الطرف الاخر عليه الخطا بنسبه ١٠٠٪ ومعه تامين .
    بس مشكله الوكاله بيطولووووووووون وبيصلخوني بالسعر ومافيني حيل انتظر شهرين او اكثر بعد
    وللحين مراجعات بالتآمين الله لايعيدها شركه " اسيج للتآمين " صار لي اسبوع وكل يوم يطلبون شغله اخرها اليوم طلبو السياره للمعاينه ومابعد دخلت اوراق المطالبه
    بنشوووف اخرتها معهم

  4. #4
    o.habeeb غير متصل عضو مجتهد
    تاريخ التسجيل
    Jun 2013
    المشاركات
    189

    افتراضي رد: ورشه مضمونه - قدر الله وماشاء فعل

    اقتباس المشاركة الأصلية كتبت بواسطة aziz962 مشاهدة المشاركة
    الله يسلمك ويعافيك ،،،
    السياره ليست على التآمين الشامل...
    الطرف الاخر عليه الخطا بنسبه ١٠٠٪ ومعه تامين .
    بس مشكله الوكاله بيطولووووووووون وبيصلخوني بالسعر ومافيني حيل انتظر شهرين او اكثر بعد
    وللحين مراجعات بالتآمين الله لايعيدها شركه " اسيج للتآمين " صار لي اسبوع وكل يوم يطلبون شغله اخرها اليوم طلبو السياره للمعاينه ومابعد دخلت اوراق المطالبه
    بنشوووف اخرتها معهم
    بشر ايش سار معاك؟؟؟

  5. #5
    Aziz962 غير متصل عضو نشيط
    تاريخ التسجيل
    Sep 2012
    المشاركات
    38

    افتراضي رد: ورشه مضمونه - قدر الله وماشاء فعل

    هلا بك خلها ع ربك عدى رمضان الله يشرفه بدون تفرغ للعباده من مطالبات المرور والتأمين لمراجعات الورش والمشاوير , لكن نسأل الله القبول والعون ..
    اللي صار معي التأمين خلصنا الاوراق وقالوا الموعد بعد العيد للشيك واللي ييسر ويكون كلامهم صدق ومانتمرمط .
    السياره قلت بصلحها على مرحلتين :

    الاولى : الميكانيكا واللي تخص جميع العضلات اللي حول الكفر الخلفي يسار ( مقصات - كراسي فوق وتحت - شدادات - عمود توازن - فلنجه - اسلاك اليو بي اس ..... واشياء ثانيه مثل الجنط والكفر ) المهم هذي صلحتها عند ميزان البلاد يمدحونه وانا لسا مااقدر احكم عليه الا بعد الانتهاء الكامل .
    المرحله هذي كلفت القطع 8200 تقريبا وشغل يد البلاد 1700 يعني قل الاجمالي 10.000
    طبعا يوم شغلت السياره كل اللمبات شغاله والبريك مايمسك قال يبي لها برمجه بعد ماتخلص شغلك كله نسويها .

    المرحله الثانيه : السمكره "دخلت السياره من يومين "
    طبعا الضربه جايه على الركن الخلفي يسار والرفرف اللي فوق الكفر مباشره بالاضافه الي الواجهه الاماميه الجزء السفلي "اللحيه " .
    رحت للوفاء قال سمكره بدون قطع 12.000 !! جيت العضيب قال لازم تجيب رفرف كامل يعني كلها تغيير وبتكون مكلفه جدااا .
    المهم اخيرا نزلتها عند البيان الجديد بعد ماشفت عندهم سياره ايدج نفس الضربه ولقيته قاعد يعدل تعديل شبه كامل بحيث يقلل كميه المعجون , وارتحت نوعا ما لشغله وثقته بنفسه "باكستاني "..
    قال سمكره الرفرف + زاويه الشنطه + رش الصدام الخلفي تكلف 5000
    يضاف لها القطع وهي صدام خلفي بجزئيه +قاعد الصدام الخلفي+ اصتب خلفي + الجزء السفلي الامامي + قاعد الرديتر الاماميه كامله .
    صار فيه تهريب فريون وقال الضربه ممكن تكون ضاربه عندك ثلاجه المكيف الخلفي ولازم تتغير تبين معهم بعد الفك بالاضافه الى اي قطع أخرى ..

    بانتظار النتايج والله ييسر واهم شي تضبط بعد كل هالجهد لانه حرام يروح تعبك وحرصك وبالاخير ماتضبط .

    لولا صعوبه ارفاق الصور بالمنتديات بشكل عام لارفقت لكم الصور سواء السياره قبل وبعد او الفواتير لمعرفه اسعار القطع كفانا الله واياكم شر الحوادث والمتهورين ..


    التعديل الأخير تم بواسطة Aziz962 ; 07-07-2015 الساعة 10:41 AM

  6. #6
    شواطئ الحب غير متصل عضو ملَكي
    تاريخ التسجيل
    Apr 2014
    المشاركات
    551

    افتراضي رد: ورشه مضمونه - قدر الله وماشاء فعل

    لتحميل الصور
    استخدم هالرابط من اللاب او الجوال
    uShare
    وانسخ الرابط هنا

  7. #7
    7attemm غير متصل عضو نشيط
    تاريخ التسجيل
    Jul 2015
    المشاركات
    74

    افتراضي

    الله يعينك و يسهل امورك ان شاء الله .

  8. #8
    abod09 غير متصل عضو جديد
    تاريخ التسجيل
    Jul 2015
    المشاركات
    2

    افتراضي رد: ورشه مضمونه - قدر الله وماشاء فعل

    طيب الكهرب وش طلع مشكلته
    لأن انا صار لي مثل ها المشكلة واحد صدمني مع الباب اللي يمين ومولعة كل اللمبات وامبير الحرارة ما يرتفع وما لقيت الحل

  9. #9
    Aziz962 غير متصل عضو نشيط
    تاريخ التسجيل
    Sep 2012
    المشاركات
    38

    افتراضي رد: ورشه مضمونه - قدر الله وماشاء فعل

    هلا بك اخوي عبوود وعذرا ع التأخير
    المشكله طلعت بس السلك حق حساس الabs حق نفس جهه الصدمه سوو فحص كمبوتر وبين معهم وركبوه وطفت اللمبات حتى بدون برمجه او شيء.

    --
    طبعا امس وبعد اكثر من شهر طلعت السياره والحمد لله على كل حال
    بالاضافه للمبلغ الاول حق الميكانيا السمكره والقطع الخاصه فيها من صدامات وثلاجه وقاعده رديتر كلفت 16.000 يعني اجماليها 26.000
    مبدئيا تقييمي للورشتين
    ميزان البلاد : 9/10 يعاب عليه سعرهم شوي اغلى من بعض الورش العاديه بس مرتب وفاهمين . يعني يستاهلون .
    ورشه البيان ( اللي جنب ماي كار ): 8/10 العيوب السعر + التأخير خصوصا انهم دوام شركه يعني ساعات عملهم اقل الخميس نص دوام الجمعه مايداومون اجازه العيد كانت 5 ايام. علشان كذا طولت .
    بس سمكرتهم وشغلهم جيد مع انه برضه غالي يعني كلفت الرفرف الخلفي يسار + زاويه الشنطه + الصدام الخلفي 5500 ريال بس كقيمه رش وسمكره . ( طلعت السيارس امس واسمع صوت طقطقه وشكله الديكور ماتركب صح وبرجعه الهم اليوم )

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر