صفحة 1 من 2 12 الأخيرةالأخيرة
النتائج 1 إلى 10 من 19

الموضوع: تقرير تغيير بطارية فكتوريا 2011 ومفاجاءة استنتاج

  1. #1
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي تقرير تغيير بطارية فكتوريا 2011 ومفاجاءة استنتاج

    السلام عليكم ورحمة الله وبركاته
    وبعد
    من قبل رمضان كنت الاحظ ترشيح على اصبع البطارية السالب


    وكنت انظفه بموية حارة وامشي الحال الى ثاني يوم العيد جيت اشغل الموتر لاحظت ضعف واضح وبطء شديد في تشغيل السياره وكل يوم يزيد .
    طبعا هنا نصيحه لا تاخذ البطاريه الا من الصناعية القديمه بالنسبة لسكان الرياض
    مريت كذا محل كفرات وبطاريات اللي في المحطات
    وكانت اسعارهم كالتالي
    هانكوك 370 ريال
    دايو 350 ريال
    موتور كرافت 3 انواع
    بدون ضمان 270 ريال
    بضمان سنه 400ريال
    بضمان 3 سنوات 570 ريال
    المهم ماعجبني الوضع
    اتصلت على بن شيهون فرع الغرابي اللي عالزاوية وكيل هانكوك قالي البطاريه ب230 ريال
    قررت اخذ دايو اجربها

    وتوكلت على الله ونزلت الصناعية القديمة ولقيت اول محل فاتح قال نستفتح ب270 طيب وبطاريتي قال والله بعطيك 20 فيها معاد تمشي قلت خير ان شاءالله
    ومشيت لقيت محل واعجبني عنده بطاريات وزيوت ةماشاءالله عنده بطاريات باناسونيك وبطاريات انرجايزر بس كلها للسيارات اليابانيه .
    سلام عليكم وكل عام وانت طيب
    وعليكم السلام وانت بخير وسلامه
    بكم دايو للفورد
    270 ريال ومع الرجيع ب220 ريال حسب القديمه ب50 ريال لوجود شرخ عند الاصبع السالب ولا كان حسبها ب60
    توكلت على الله ونظف الاصابع وركبها والحمدلله
    هذي صورة بطارية الوكاله بعد الفك

    واحضار بطارية دايو


    وهنا بعد التركيب



    والان مع المفاجاءة
    كنت قد ذكرت انني اعاني من عدم ارتفاع مؤشر البنزين من فتره اذا طفيت الموتر وعبيت لكن اذا عبيت والموتر شغال يرتفع بسرعه
    بعد تغيير البطارية عبيت بعشره
    والسيارة طافيه ولاحظت ارتفاع الامبير بسرعه ورحت كم مشوار وخلصت وعبيت مرة ثانيه بعشرة ونفس الملاحظة ارتفاعه بسرعه
    وبعدها قررت امشي لين تفضى واعبي فل وهي طافية
    والاستنتاج
    كما في الفيديو ولله الحمد

    http://www.up-00.com/?lCqB

    وهذا يجعلني اطرح تساؤل لعل من يفيدنا من الاعضاء الكرام
    هل عدم ارتفاع المؤشر بسرعه دلالة علة بدء ضعف البطارية .؟
    لان الاغلبيه يقولون له عوامه ويغيرها ولا يستفيد شيئ
    نشوف الاراء والتجارب واتمنى اني افدتكم
    وتقبلو تحياتي
    التعديل الأخير تم بواسطة north star ; 07-24-2015 الساعة 09:25 AM

  2. #2
    ExpeditionXLT غير متصل عضو مبدع
    تاريخ التسجيل
    Jun 2015
    المشاركات
    246

    افتراضي رد: تقرير تغيير بطارية فكتوريا 2011 ومفاجاءة استنتاج

    المفروض تستخدم بطاريات موتور كرافت وترا الترشيح مشكله بسيطه مامنها ذاك الضرر الي يخليك تغير البطاريه شيك على موية البطاريه اذا هي ناقصه عبها.. ممكن البطاريه الي ركبتها الامبير حقها يختلف اختلاف بسيط عن الموصى فيه فالكاتلوج عشان كذا استخدم بطارية موتور كرافت المخصصه لسيارتك اضمن لك

    بالتوفيق لك
    التعديل الأخير تم بواسطة ExpeditionXLT ; 07-24-2015 الساعة 09:30 AM

  3. #3
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي رد: تقرير تغيير بطارية فكتوريا 2011 ومفاجاءة استنتاج

    بارك الله فيك عزيزي ExpeditionXLT

    حاولت اخذها من الوكاله لكن سعرها 750 ريال اشوفه مبالغ فيه
    اجل السيارات الفخمه بكم بطارياتها .؟
    واللي برا ما ضمنتهم ولو قالك ضمان ورجعت له قال رح للوكيل .
    شاكر لك مرورك

  4. #4
    الصورة الرمزية DELL
    DELL غير متصل إداري
    تاريخ التسجيل
    Dec 2010
    الدولة
    الولايات المتحدة الاميركية - ولاية ماساسوتش / بوسطن
    المشاركات
    18,783

    افتراضي رد: تقرير تغيير بطارية فكتوريا 2011 ومفاجاءة استنتاج

    يعطيك العافية على التقرير الجميل والمعلومات القيمة واحلى تقييم


    Boston, Massachusetts




  5. #5
    ExpeditionXLT غير متصل عضو مبدع
    تاريخ التسجيل
    Jun 2015
    المشاركات
    246

    افتراضي رد: تقرير تغيير بطارية فكتوريا 2011 ومفاجاءة استنتاج

    لا تاخذها من الوكاله الله يجزاك خير خذها من محلات قطع الغيار مثل التقوى والرميزان وغيره يبيعونها اصليه سعرها تقريبا 300 ريال انا مركبها في سيارتي لها سنه تقريبا ومبسوط منها
    التعديل الأخير تم بواسطة ExpeditionXLT ; 07-24-2015 الساعة 10:17 AM

  6. #6
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    736

    افتراضي رد: تقرير تغيير بطارية فكتوريا 2011 ومفاجاءة استنتاج

    اخوي اتوقع مالها دخل البطارية في عدم ارتفاع مؤشر البانزين بسرعه
    انا بطاريتي حقت ماركيزي شد بلاده وماشاء الله كويسه
    لكن مؤشر البانزين انا اعبيه والسيارة شغاله ومايترفع بسرعه.
    وواحد من اخوياي معه فكتوريا استاندر سعودي 2006 ايضاً مايرتفع مؤشر البنزين عنده بسرعه
    لكن اللي لاحظته يمكن يرتفع عنده اسرع مني بشوي فاتوقع البطارية مالها دخل في هذا الشيء



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

  7. #7
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي

    شاكر مرورك وافادتك عزيزي فوردبوليسي p71

    هذا اللي حصل معي من فترة قبل رمضان بنص شهر
    الامبير ماكان يرتفع لما اعبي والموتر طافي
    احيان اليوم اوقف واصحى اليوم الثاني ولسا ماطلع فوق
    واذا عبيت والموتر شغال يرتفع
    وايضا المكيف كان تمام بس اذا دعست بنزين خفيف والموتر واقف الاحظ دفع الهواء يتحسن وصوت زياده سرعة المروحه واضح
    بعد تغيير البطارية لاحظت ثلاث مرات اعبي والموتر طافي ويرتفع الامبير تمام والعداد يعطي قراءات صحيحه
    والموضوع للنقاش ربي يعافيك
    الى ان نطلع بفايدة
    شكرا لك

  8. #8
    الطامس غير متصل عضو نشيط
    تاريخ التسجيل
    Mar 2011
    المشاركات
    78

    افتراضي رد: تقرير تغيير بطارية فكتوريا 2011 ومفاجاءة استنتاج

    الي صار ان البرمجة حقت انبير البنزين تبرمجة من جديد يوم فصل اصبع البطارية عشان يركب البطارية الجديدة
    اذا تكررت المشكلة فالمرات الجاية افصل الاصبع واشبكة وتلاحض الانبير يرتفع بسرعه شرط تكون مطفي الموتر
    اثناء التعبية صارت معي في موتري فكتوريا 11 سعودي ثقل فالانبير اذا عبيت سواء فل او اقل وجربت افصل الاصبع
    واشبكة وضبط طبعا كل الفوردات اذا تبي الانبير يرتفع بسرعه لازم تطفي اذا جيت تعبي سواء فكتوريا او ماركيز حتى الموديلات القديمة عن تجربة

  9. #9
    الصورة الرمزية Grand Marquis95
    Grand Marquis95 غير متصل التصميم والجرافكس و التغطيات الرسميه
    تاريخ التسجيل
    Feb 2009
    الدولة
    الرياض
    المشاركات
    922

    افتراضي رد: تقرير تغيير بطارية فكتوريا 2011 ومفاجاءة استنتاج

    اذكر بمحلات قطع الغيار موتر كرفت ب 320 الى340 ريال عاد مادري وش وضعها لكن تجلس معي سنتين ونص تقريبا
    توني ادري ان فيه انواع
    Instagram @bandar_Z71

  10. #10
    الصورة الرمزية الأجهوري
    الأجهوري غير متصل عضو جديد
    تاريخ التسجيل
    Dec 2014
    الدولة
    الطائف
    المشاركات
    21

    افتراضي

    اقتباس المشاركة الأصلية كتبت بواسطة الطامس مشاهدة المشاركة
    الي صار ان البرمجة حقت انبير البنزين تبرمجة من جديد يوم فصل اصبع البطارية عشان يركب البطارية الجديدة
    اذا تكررت المشكلة فالمرات الجاية افصل الاصبع واشبكة وتلاحض الانبير يرتفع بسرعه شرط تكون مطفي الموتر
    اثناء التعبية صارت معي في موتري فكتوريا 11 سعودي ثقل فالانبير اذا عبيت سواء فل او اقل وجربت افصل الاصبع
    واشبكة وضبط طبعا كل الفوردات اذا تبي الانبير يرتفع بسرعه لازم تطفي اذا جيت تعبي سواء فكتوريا او ماركيز حتى الموديلات القديمة عن تجربة
    كلام سليم وهو مدون في كتالوج السيارة، ولذا لو عبيت بنزين والمحرك شغال تأخذ الإبرة حوالي ٥ د حتى يقرأ الكمبيوتر الوضع الجديد، لذا الأحسن فصل المحرك أثناء تعبئة البنزين

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر