صفحة 1 من 2 12 الأخيرةالأخيرة
النتائج 1 إلى 10 من 12

الموضوع: الموتر مايشتغل

  1. #1
    Mr,marquis غير متصل عضو نشيط
    تاريخ التسجيل
    Apr 2015
    المشاركات
    96

    افتراضي الموتر مايشتغل

    اخواني
    عندي مشكلة وابي ردها ضروري اليوم

    وديت الموتر ماركيز 99 الى كهربائي لوووووووح في الدمام وقلت له يسوي لي المكيف وخرب علي ام الوايرات والظفيرة حقت علبة الفيوزات اللي تجي ورا البطارية صارت السيارة ماتشتغل وشلتها بسطحة وجبتها البلد ونزلتها عند كهربائي باكستاني طبعا اللي عفس علي السيارة يمني وتهاوشت معه وجاء الباكستاني يوم كامل يعرف وشو المشكلة ورتب الظفيرة كلها من جدة وجديد بس الى الان قال مايشتغل لان لمبة السيكيورتي ماتشتغل خير شر اللي تجي فوق الطبلون ندقها سلف كانها مافيها بنزين وقالي افحص والفحص ب300
    وقالي احتمال برمجة وش السواة ياشباب

    واحد يقولي اذا اللمبة تولع وتطفي سريع يعني يبيلها برمجة

    واحد يقولي اذا ماتشتغل خير شر يعني حطه في القبر واقرأ عليها الفاتحة هذا الكلام من عند الهاشمي للمفاتيح

    والعمودي يقول جيبها ويمكن تشتغل او

    اوديها فحص اقوله فحص لو ويش ما اسويه


    واذا تشتغل وماتطفى يعني مافيها شي

    وانا اليوم اذا ماشفت لها حل ببيعها تشليح

    تكفووووون ي شباب وش السواة
    التعديل الأخير تم بواسطة Mr,marquis ; 08-10-2015 الساعة 06:19 AM

  2. #2
    ExpeditionXLT غير متصل عضو مبدع
    تاريخ التسجيل
    Jun 2015
    المشاركات
    246

    افتراضي رد: الموتر مايشتغل

    المفروض انك ترجع لنفس الكهربائي الي خربها لك وتقوله يرجع السياره زي ماكانت واذا مارجعها زي ماكانت لازم تشتكيه

  3. #3
    Mr,marquis غير متصل عضو نشيط
    تاريخ التسجيل
    Apr 2015
    المشاركات
    96

    افتراضي رد: الموتر مايشتغل

    والله وانا اخوك تهاوشت معه وحاول بكل ااطرق وماعرف يرجعها ولا فلس عطيته
    وقلت له اذا الموتر ماتصلح ورجع زي اول بجيب لك الترحيل

  4. #4
    bader15_ غير متصل عضو جديد
    تاريخ التسجيل
    Nov 2010
    المشاركات
    4

    افتراضي رد: الموتر مايشتغل

    شيك على علبه الفيوز الي ورا البطاريه ومن تحتها لايكون فيه شي مفصول مايوصل الفيوز مع الفيش من تحتراو السلك مايوصل وشكراً

  5. #5
    bader15_ غير متصل عضو جديد
    تاريخ التسجيل
    Nov 2010
    المشاركات
    4

    افتراضي رد: الموتر مايشتغل

    ايه وفيه حساس المكيف من تحت السياره اذا غيرته تشتغل شيك عليه

  6. #6
    Mr,marquis غير متصل عضو نشيط
    تاريخ التسجيل
    Apr 2015
    المشاركات
    96

    افتراضي رد: الموتر مايشتغل

    والله يا اخ بدر شيكوا عليها ومافيها شي وبرمجتها من شوب مرتين ولا حياة لمن تنادي
    لا لمبة السيكيور تشتغل ولا الانوار ولا الساعة ولا البوري

    قالوا لي اجل الكمبيوتر ضرب وودع ويمكن يتصلح

    اخوي كم قيمة التصليح تقريبا ؟!

    واذا ماتصلح كم قيمة الجديد ؟

  7. #7
    كاديلاك غير متصل متخصص ميكانيكي
    تاريخ التسجيل
    Dec 2009
    المشاركات
    1,283

    افتراضي رد: الموتر مايشتغل

    عندك قطعه مربعه صغيره بحجم علبة الكبريت يسار البطاريه تأكد منها غالبا هي سبب الطفيه يكون الكهرب نهائي فاصل عن السياره حركها وشيك على الكيبل المتصل بها

  8. #8
    Mr,marquis غير متصل عضو نشيط
    تاريخ التسجيل
    Apr 2015
    المشاركات
    96

    افتراضي رد: الموتر مايشتغل

    اخوي كاديلاك انت قصدك علبة الكتاوت اللي تجي بعد علبة الفيوزات ؟ ورا البطارية؟؟

    اخوي امس قالوا لي لازم السيارة تشتغل وقالوا في قطعة بلاستيك من داخل السلف قطعة سوداء زي الشريحة اسمها دقمة تجي بعد ماتفك غطاء الدركسون محل السويتش حق المفتاح فيه قطعة تحت سوداء هاذي مكسورة وحاول يركبها وتالي قالي
    احتمال المشكلة منها واحتمال من احد كمبيوتراتها ضرب قاعد يقول الفورد فيه 3 كمبيوترات كمبيوتر نور - والكمبيوتر المعروف اللي يجي جنب علبة زيت البريك
    الثالثة مدري وش هي كانت بتشتغل من القطعة السوداء اللي تجي تحت السويتش لاكن الكهربه ضعيفة والله احترت وش اسوي

  9. #9
    Mr,marquis غير متصل عضو نشيط
    تاريخ التسجيل
    Apr 2015
    المشاركات
    96

    افتراضي رد: الموتر مايشتغل

    اخواني شكله الموتر حن لي كلمت الكهربائي وش صار قال

    رتب الظفيرة اللي عند علبة الفيوزات ورتب الكتاوت وغير الفيوزات كلها اللي داخل واللي برا ورتب السلك اللي يركب في زر الطرمبة عند الشنطة وفك السويتش ورتب وايراته وبرمجناها مرتين (امس زي ماقلت لكم ) وما اشتغلت قلتله يمكن الطرمبة قالي مو من الطرمبة ومستحيل منها وقال الكهربائي انه حط بنزين داخل البخاخ واشتغلت 20 ثانية وطفت وقالي بحاول يكتشف العطل المرة الثانية وقالي يمكن من الكمبيوتر وغير الكمبيوتر وماشتغلت غير كل الكتاوتات وماشتغلت واليوم كلمته قالي السيارة ميؤؤس منها ماتشتغل يبي لك سطحة وودها الوكالة المهم الساعة 11 انا عنده من شوي وقمت اقول اشتغلي الله يخليش ويطول بعمرش __ههه
    وادقها سلف ماشفوها الا على طول شغالة ولا كأن فيها شي حتى الكهربائي واللي معه انصدموا وطفيتها ورديت اشغلها مرة ثانية واشتغلت وجربها الكهربائي واشتغلت _________ النهايــــــــــــــــــــــه هههه

    الزبدة يا اخوان قالي الكهربائي بشيك المره الرابعة كيف اشتغلت عشان لاتنعاد علي وبصلح المكيف

  10. #10
    Mr,marquis غير متصل عضو نشيط
    تاريخ التسجيل
    Apr 2015
    المشاركات
    96

    افتراضي رد: الموتر مايشتغل

    يا اخوان رجعت لي المشكلة مره ثانية ماتشتغل وشلتها بسطحة ووديتها الخضرية محل اسمه مركز البخاخات والقيرات الاوتوماتيكية قالي في مشكلة في النظام الالكتروني للكمبيوتر وقال بشغلولها لي ب600 ريال واذا بيحتاج قطع بكلمني عشان بجيبهم او انا اجيبهم المهم وتمت السيارة عندهم 5 ايام وقالوا يبي لي نظام كامل كمبيوتر-والسويتش-والمفاتيح-وجهاز السيكيورتي الاسود المربع الصغير وغيرته وركبوه واشتغلت وخلوها 20 دقيقة وطفت ولما جوا يشغلوها ماتشتغل ورجعت لهم واخذت الكمبيوتر رجعته واخذت واحد ثاني واشتغلت والصبح بشوفوها اذا بتشتغل مره ثانية ولا لا

    اول شي الكمبيوتر اللي حق سيارتي الاساسي لما تفتح السويتش تقعد تولع4 ثواني وتالي تومض بسرعة تطفي وتولع
    والاثنين اللي اشتريتهم من التشليح يقعدوا يأشروا 2ثانيتين وتومض بسرعة تطفي وتولع ومدري وش يعني(((( الاثنين اشتغلوا ونفس التأشير بس الى الان اخر واحد اشتريته ماجربوه المرة الثانية اذا بشغل السيارة ولا لا )))))) تكفوا ياخوان وش المشكلة يقول الكهربائي اذا رجعت في مشكلة في الظفيرة اذا احد يعرف واير يتعلق بالسيكيورتي او طرمبة البنزين لايبخل علينا والله الموتر صار عندهم 5 ايام ودفعت لهم 600 عشان يشغلونها بس بدون القطع اللي يبيلها

    يا اخوان شوفوا لي حل واحد جتله نفس مشكلتي الفيوزات والكتاوت شيكوهم وشغالين ماركيز 1999
    التعديل الأخير تم بواسطة Mr,marquis ; 08-18-2015 الساعة 03:00 AM

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر