صفحة 1 من 2 12 الأخيرةالأخيرة
النتائج 1 إلى 10 من 20

الموضوع: لاتبخلون علينا بالنصيحه.! اتمنى تفاعلكم 🌹

  1. #1
    المقاطي غير متصل عضو جديد
    تاريخ التسجيل
    Sep 2015
    المشاركات
    6

    افتراضي لاتبخلون علينا بالنصيحه.! اتمنى تفاعلكم 🌹

    السلام عليكم ورحمة الله وبركاته .... بصراحة المنتدى متعوب عليه كثير حاب اشكر الاعضاء الي جعلو من هالمنتدى مرجع لي اي شخص حاب يمتلك فورد الله يعطيهم العافيه : ماطول عليكم عندي مشكله محيرتني كثير ! رحت للمعارض ابحث عن فكتوريا 2011 حصلت امريكي لكن طلعت فيه مشكلتين .. الاولى المكيف دفعه خفيف يقول مشكله التوزيع في الطلبون اصلاحه ب 150 والثاني مساعدات 2 خلفيه........ انا خايف من المكيف انه عطل دايم ولا فيه مهندس كفو 😔

  2. #2
    Feras19 غير متصل عضو جديد
    تاريخ التسجيل
    Sep 2015
    المشاركات
    10

    افتراضي رد: لاتبخلون علينا بالنصيحه.! اتمنى تفاعلكم 🌹

    اقدر افيدك اخوي بالنسبة للمكيف انا معي فكتوريا 11 امريكي دفع المكيف عندي مزبوط زيه زي السعودي وصحيح قريت كثير مواضيع عن مشكلة توزيع المكيف واعتقد فعلاا لها حل ابحث وتلاقي مواضيع تتكلم بهالخصوص

    وتقبل مشاركتي المتواضعة

  3. #3
    Dr.Marquis غير متصل عضو نشيط
    تاريخ التسجيل
    Sep 2015
    المشاركات
    44

    Arrow رد: لاتبخلون علينا بالنصيحه.! اتمنى تفاعلكم 🌹

    بالنسبة للإصلاحات نصيحة دايم أنصح اي شخص أعرفه فيها.. رح لورشة البيان .. هم متعودين على هالسيارات وبغض النظر عن هالنقطة فهم يعطونك ضمان شهر على التصليحات واسعارهم وسط ارخص من الوكالات النصابين و اغلى شوي من الورش الغشيمين.. فتستاهل راحة الراس.. طبعآ صحيح كثير فوردات تجي فيها هالمشكلة ويصبح الهواء يطلع من فوق فقط.. او يضعف فجأة بدون سبب.. فهذا موزع الهواء يكلف 300 ~ تقريبآ وممكن اقل شوي .. لكن العطل هذا معروف وكثير ناس صلحوه وعادة يكون في المكيف اللمس الإلكتروني. .

    إذا اعجبتك السيارة مررررة مرررة وخلاص راغب تشتريها ومواصفاتها نادرة خذها وودها للبيان وبيصلحونها لك وبيعطونك ضمان شهر بس مر على اقرب فرع لهم وأسأل وناقش وخذ واعطي شوي وتسعر لهالعطل على أساس يكون عندك تصور وثقة لو احتجت اي إصلاحات حالية او مستقبلية لا قدر الله.. بس بيكون بالك مرتاح.. أنا جربتهم وجربت ورش كثيرة ايام ما كان معي هايلكس والتيما والله فررررررررق يا عمي البيان ورشة من مستوى ثاني.. ما قد دخلت سيارة فيها مشكلة وما حلوها .. يعجبونك صراحة.. وعلى اي حال ان شاء الله ما تحتاجهم. ومافي شيء م يتصلح. بس لا تنسى تطلع تقرير كار فاكس و اوتو تشك مع بعض .. وتفحص السيارة وتجربها على الطريق.. وحاول أنك تاخذ فل كامل او ماركيز فل كامل عشان م تتحسف بعدين تقول ليتني ماخذ فل

  4. #4
    المقاطي غير متصل عضو جديد
    تاريخ التسجيل
    Sep 2015
    المشاركات
    6

    افتراضي رد: لاتبخلون علينا بالنصيحه.! اتمنى تفاعلكم 🌹

    يعطيك الف عافيه🌹 ... يعني اشتري الموتر والمهندس يضبطه

  5. #5
    المقاطي غير متصل عضو جديد
    تاريخ التسجيل
    Sep 2015
    المشاركات
    6

    افتراضي رد: لاتبخلون علينا بالنصيحه.! اتمنى تفاعلكم 🌹

    اخوي دكتور وش الفرق بين الفل والنص فل والله يعطيك العافيه ��

  6. #6
    Dr.Marquis غير متصل عضو نشيط
    تاريخ التسجيل
    Sep 2015
    المشاركات
    44

    افتراضي رد: لاتبخلون علينا بالنصيحه.! اتمنى تفاعلكم 🌹

    الله يعافيك .. الفرق في أشياء بسيطة عندك الفوردات تختلف بين بعض حتى بنفس النوع .. لكن بشكل عام الفل يجي بارقام سرية ع الباب ولمبات سقف اضافية للركاب اللي ورا وازرار بالدركسون للمسجل بالاضافة لمثبت السرعة وتحريك مرتبة الراكب بالإضافة للسايق بالكهرب ومرايات بالتعتيم الآلي يعني واحد يكبس العالي وراك تتحول المراية غامقة وما تشعيك الكبوس اللي وراك وتجي بوصلة ودرجة حرارة في المراية الوسطية ومكيف لمس وهيدروليك وبعضها تجي بمساعدات رياضية حقت البوليسي وبعضها لا وبعضها يجي (كونسول علوي : فيه درج نظارات بالسقف وازرار فتح البايكة) ومراتب جلد وتحكم بالدعاسات وزر فصل التراكشن بعضها فيها وبعضها مافيه زر بس فيها تراكشن وبعض الأمريكي الفل فقط يجي شكمانين أما السعودي يجي كله شكمانين ستاندر وفل..

    الماركيز يجي فيها تخشيب ومراتبها اسفنج ضغط الين اما الكراون فيكتوريا تجي بدون تخشيب ومراتبها اقسى بحاجة بسييييطة حتى الفل واما الباقي مشترك بينهم..

    طبعآ الفورد كراون فيكتوريا تجي خمس انواع :

    P70 : شاصية طويل تجي اوسع من ورا بفارق سنتيمترات قليلة (ملاحظة بعضها كانت تكسي في أمريكا لذلك لازم تستخرج سجل الكارفاكس والأوتو تشك مع بعض..) بعضها تكون شغالة بساعات محرك طوييييييييييلة حتى لو العداد قليل ومو ملعوب فيه..

    P71 : هذا النوع من أكثر الأنوع رغبة .. بكل بساطة هذا الفورد البوليسي الشهير.. فرقه عن العادي كالتالي :
    1- زر فتح الشنطة في نص الطبلون تحت المسجل.. عشان العسكر يفتحه اي واحد منهم بسرعة ويسحبون السلاح من الشنطة بسرعة وفي لحظات تفرق بين الحياة والموت أحيانا. .

    2- العداد إلى 140 بالميل للمواصفات الأمريكي وإلى 240 للمواصفات الكندي والسعودي والخليجي..

    3- مبرد زيت قير مكينة إضافي ومبرد زيت قير إضافي والسعودي تجي كل الأنواع سواء فورد او ماركيز معها مبرد قير اما الأمريكي في البوليسي فقط..

    4- عمود كردان ألمنيوم خفيف الوزن ويساعد السيارة على بلوغ سرعات أعلى.. العمود الحديد ثقيل ودورانه بسرعة كبيرة يزيد ثقله بسبب قوة الطرد المركزي وعوامل فيزيائية أخرى اشد تعقيدا فيستحيل معه الوصول لسرعات عالية..

    5- كارونة 3.27 أو 3.55 و55 أكثر طبعآ الفرود العادية تجي غالبآ 2.73
    فلا تلخبط بين 3.27 و 2.73 كلما قل الرقم صارت السيارة تمد أكثر وتريح بالخط اكثر على الرابع ويصير تسارعها طبيعي من 0-100 كلم في 8ثواني~ وصرفيتها أقل. . اذا زاد الرقم يتحسن التسارع ولكن تحشر أكثر بالخط على الرابع وحقين الفوردات اللي يستخدمونها للمقاومات يركبون كارونة 4.10 تسارع مجنون نسبيا لكن تنحشر بالخط..

    6- كمبيوتر مفتوح شد بلد .. التعشيقات تطول أكثر و السرعة القصوى مفتوحة ماله فصلة..

    7- مساعدات رياضية.. يايات رياضية

    8- تصميم محسن للثلاجة حقت المكينة و الانتيك حق الهواء.. وينتج محركها 250 حصان واما العادي 220 - 239 حصان~

    9- دينمو 200 امبير مع وصلات ظفيرة إضافية. .

    **ملاحظات عامة على البوليسي** الموديلات القديمة كان يجي داخليته ازرق غامق بالكامل والجدد تجي قماش رمادي..
    بعض البوليسي يجي عليه شيء يسمى مجموعة المظهر الخارجي المدني
    يعتبر بوليسي سري مثل الفوردات العادية داخليا وخارجيا بس المحركات والتعليق بوليسي.. وهذا النوع اغلى ويجي شبك المقدمة عادي والازياق عادية وداخليته عاديه..

    P72 : سياحي شركات .. وبعضها تاكسي و استخدام ثقيل.. تفرق بفرامل أعتقد وهوزات وخراطيش أقوى وهذي مشتركة مع بعض مواصفات البوليسي.. بعض الأشياء فقط وليس كلها.. سيارة تحمل مواصفات التحمل وليس مواصفات الأداء. .

    P73 : الستاندر المدني .. او النص فل عندنا وهالنوع يبدأ فيه الأرقام اللي في الباب والتحويل من مكيف فرار إلى لمس بحسب المواصفات الإختيارية..

    P74 : اللي هي LX الفل كامل وتجي منها LX Sport قير ارضي وجناح و اختياريا فتحة سقف في بعض الموديلات .. حول 2005

    اما الماركيز تجي M74 لكل الأنواع. . على حد علمي

    **الأرقام هذي ستجدها مدمجة في رقم الشاصية..

    **بعض الفوردات يجي فيه مواصفات خاصة مأخوذة من نوع آخر..

    **فورد عندها نظام اسمه المجموعات الإختيارية.. يعني (طلبية خاصة)

    ** أحيانا بعض السيارات الأمريكي تجي بمواصفات زينة وما تعرفها إلا من خلال رقم الشاصية.. والبطاقة اللي في الباب..

    ** بعض السيارات الأمريكية المغشوشة تجي بشكل فل وهي في الحقيقة ستاندر مغشوش..

    هذا أكثر اللي اتذكره واعرفه ولو جبت رقم الشاصي وصورة للبطاقة اللي في الباب بفكك لك الرموز واعطيك المواصفات .. فحاظرين تبشر بسعدك والله

  7. #7
    Dr.Marquis غير متصل عضو نشيط
    تاريخ التسجيل
    Sep 2015
    المشاركات
    44

    افتراضي رد: لاتبخلون علينا بالنصيحه.! اتمنى تفاعلكم 🌹

    نسيت اقول لك.. اغلب الامريكي اشوفه يجي بدون مكيف خلفي.. السعودي يجي مكيف خلفي..

    وفيه غيرها انواع و إصدارات خاصة ونادرة جدآ. .

  8. #8
    المقاطي غير متصل عضو جديد
    تاريخ التسجيل
    Sep 2015
    المشاركات
    6

    افتراضي رد: لاتبخلون علينا بالنصيحه.! اتمنى تفاعلكم 🌹

    ماشاء الله عليك يادكتور كفيت و وفيت الله يعطيك العافيه ... هذا اللي محيرني خصوصا اني اول مره اشتري فورد حتى اللي اعرفهم مايملكون فورد ... وفروقها كثير مايليلها الا واحد خبير / بجيب لك رقم الشاص وابيك تشوف معلوماتها لاني دورت بالنت كثير مالقيت احد 😔

  9. #9
    Dr.Marquis غير متصل عضو نشيط
    تاريخ التسجيل
    Sep 2015
    المشاركات
    44

    افتراضي رد: لاتبخلون علينا بالنصيحه.! اتمنى تفاعلكم 🌹

    طبعآ المواصفات الأساسية مشتركة بينهم كلللللللللللهم الفيكتوريا والماركيز واللنكون
    نفس المحرك من موديل 98 الى 2002 وبعدها دخلت تعديلات طفيفة من 2003 الى 2005 ومن 2006 وطالع تم اعتماد الدعسة الكهربائية
    ومواصفات مكينة الفورد كالتالي :
    محرك مودجيلار v8 بسعة 4.6 = 281
    بزاوية 60° درجة
    sohc عمود كامات واحد
    16 بلف 2v بلفين على كل سلندر واحد بارد من الانتيك للهواء الداخل مختلط مع البنزين الآيونايزد عن طريق البخاخات وواحد للشكمان حار.. لاخراج نواتج الاحتراق عن طريق بلف الشكمان الحار..
    طبعا من الوكالة يتطلب زيت 5w30 لأمريكا وأجواءها و10w30 للسعودية
    قوته من 220 - 239 للعادي و 250 للبوليسي

    القير : من 90 الى 97 = aod/e
    من 98 الى 2005 = 4r70w وهو نفس القير تقريبآ وهو قير متخلف!

    بعض النوعيات من 2006 الى 2011 تجي بقير 4r70e وهو نفس القير لكن مرتبط بالسيارات اللي دعستها كهرب.. وعليه تعديلات ممتازة جدآ

    فقط الميركوري المراودر نزلت بقير 4r75w

    نظام التعليق اختلف بعد 2003 تحسن كثير

    الكوارين تجي من شد البلد 3 أنواع. .
    1- 2.73 وأغلب الفوردات كذا
    2- 3.27 وهذي أقل شيء وبعض الأنواع نزلت فيها فقط وبعض الفوردات الp71 قبل 2003
    3- 3.55 هذي نزلت لكل البوليسي (p71)
    وللميركوري المراودر..

    الميركوري المراودر ما نزلت إلا سنتين 2003 و 2004 فقط..

  10. #10
    Dr.Marquis غير متصل عضو نشيط
    تاريخ التسجيل
    Sep 2015
    المشاركات
    44

    افتراضي رد: لاتبخلون علينا بالنصيحه.! اتمنى تفاعلكم 🌹

    اقتباس المشاركة الأصلية كتبت بواسطة المقاطي مشاهدة المشاركة
    ماشاء الله عليك يادكتور كفيت و وفيت الله يعطيك العافيه ... هذا اللي محيرني خصوصا اني اول مره اشتري فورد حتى اللي اعرفهم مايملكون فورد ... وفروقها كثير مايليلها الا واحد خبير / بجيب لك رقم الشاص وابيك تشوف معلوماتها لاني دورت بالنت كثير مالقيت احد 😔
    أبشر بسعدك جيب الرقم وصورة البطاقة اللي في الباب لا تنساها..

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر