صفحة 1 من 3 123 الأخيرةالأخيرة
النتائج 1 إلى 10 من 23

الموضوع: إلى اصحاب الفورد نصيحة لوجه الله تعالى

  1. #1
    ماركيز X5 غير متصل عضو جديد
    تاريخ التسجيل
    Oct 2013
    المشاركات
    28

    افتراضي إلى اصحاب الفورد نصيحة لوجه الله تعالى

    السلام عليكم ورحمة الله وبركاته
    ما تعنيت وكتبت هذا الموضوع إلا من حبي للخير لكم
    من يعاني من خرابات الفورد قير مكينة كهرب صرفية بنزين الدرايش ما تفتح نتعة بالتبديلات ونة دفرنس خراب سلف خراب دينمو وما تحصل دينمو اصلي إلخ.. من الخرابات اللتي لا تعد ولا تحصى

    اولاً شفت مع اخوي كامري 2010 ماشية 348,000 بدون مشاكل تذكر قلت انت وش صلحت فيها
    قال والله ما صلحت فيها شي قالي بس ابدل الكفرات والفحمات وزيت المكينة وزيت القير هنا جاتني صدمة
    وانا كل اسبوع بالصناعية وهو متكي شاي وقهوة وتعاليل
    ومليت وقلت ابي اشتري سيارة جديدة وكتبت الموضوع هذا
    ماركيز 2011 ولا كامري 2014

    قعت ابحث وابحث وعرفت ان تويوتا تهتم بالجودة وان السيارة تتحمل وإلخ..

    قلت بتوكل على الله واطق كامري 2014
    طلعتها من معارض حفر الباطن
    إلى الآن لي سنتين وانا ما طبيت الصناعية
    ربي لك الحمد
    قبل كنت مغفل احمق لا اعرف شيء

    فاللي يبي يريح راسة

    ويريح فلوسه ويريتاح
    طق تويوتا أياً كان نوعها او سعرها

    والله اكتب الموضوع لكم من شقائي وعذابي بالصناعية
    والله ابي الخير لكم
    كنت امشي على رجلي إذا طفت سيارتي ارجع للبيت مشي وكلي حسرة وغبنة
    والله لو تعلمون ماذا حصل لي من خرابات لا يعلم بها إلا الله والله لرحمتوني

  2. #2
    فواز عبدالعزيز غير متصل عضو جديد
    تاريخ التسجيل
    Oct 2015
    المشاركات
    4

    افتراضي رد: إلى اصحاب الفورد نصيحة لوجه الله تعالى

    يا اخوي تجارب البشر مختلفة
    ونصيحتك مالها اي داعي
    يعلم الله ان كان عندي ماركيز ٢٠٠٤ ( شاريه مستعمل ) ماشي حول ٩٠ الف
    لعنت والد والد والد والدينه ٦ سنين
    حتى الايباقات طلعت من كذة حادث
    مافكيت الا قيره لمرة واحدة فقط وظبته من كثر ما ادعس وافحط وحتى التطعيس طعست
    والباقي ما غيرت فيه الا قطع استهلاكية لا اكثر
    وبعدها وش شريت؟
    شريت كامري هاللي انت طاير فيها وتضحك على نفسك وتبي تضحك علينا
    وست شهور ظلت معي ثم طقت مكينتها
    والان الان رجعت للفورد مرة ثانية
    سيارة قطعها بلاشششش
    تاكل فيها المطب على سرعتك وما تقول لأ
    سواقتها اطلق من كامري مديل ٢٠٣٠ من فئة glx hs< ذي من عندي
    وتجي تقول خذوا كامري نصيحة لوجه الله !!!!
    لا والله الا خل نصيحتك بمخابيك
    ان كانك ما توفقت بالفورد حقك وكان مسكرب
    لا تقعد تنصح الناس وتحسب كلنا نعاني مثلك هداك الله وعافاك
    خال العيال
    شرى فورد ٩٨ امريكي
    وليومك هذاهو يروح فيه ويجي
    ١٨ سنة بالشوارع وبعده يقول فيني حيل وابشتغل اكثر
    سيارة مصممة أصلا لامريكا لتعتمدها لشرطتها للمطاردات والتكاسي
    وتقولي نصيحة ابعدوا عنها هههههههههه
    الله يعوض اللي خذ الفورد المسكرب منك
    وانت ما كتبت هالموضوع والله العظيم
    وانت اسمك ماركيز
    الا عشان حسرة حسيت فيها يوم ركبت سيارة غير الفورد وشفت شلون تبدلت عليك سواقتها بالاسترالية اللي خذيتها
    قال ايش قال قبل كنت مغفل واحمق
    لا لا تخاف محنا مغفلين ولا احنا حمقى يوم عشقنا الفورد وخلينالك مركوب الدرباوية
    التعديل الأخير تم بواسطة فواز عبدالعزيز ; 10-14-2015 الساعة 01:45 AM

  3. #3
    maxboost غير متصل عضو جديد
    تاريخ التسجيل
    Jul 2009
    المشاركات
    4

    افتراضي رد: إلى اصحاب الفورد نصيحة لوجه الله تعالى

    ماهو شرط .. انا معاي كراون فكتوريا موديل 99 اشتريتها قبل 7 سنين من امريكا ماشيه 30 الف والحين العداد قريب يوصل 450حوالي الف يعني 280 الف ميل .. كنت اداوم عليها يوميا 350 كيلو للمدرسة و بعدين كنت اداوم كل اسبوع مرتين من تبوك للمدينه يعني 2800 كيلو بالاسبوع و رجلي حاره ع السيارة امشي ع الفصلة .. وليومك هذا ماسويت شيء بالسيارة ماغير زيت وقطع استهلاكيه زي الفرامل و البطارية و المساعدات حتى غيرتها اضن 3 مرات بس .. حاليا السيارة بدت تشتكي ولكن ماشية واسافر عليها من البيت للمدرسة 170 كيلو رايح و 170 كيلو جاي يوميا بدون خوف والله يشهد على كلامي ..

  4. #4
    FBI_911 غير متصل عضو ملَكي
    تاريخ التسجيل
    Jun 2011
    المشاركات
    1,195

    افتراضي رد: إلى اصحاب الفورد نصيحة لوجه الله تعالى

    مادري وش المغزى بالموضوع !!

    قناعات غريبه !




  5. #5
    الصورة الرمزية سيد الطريق$BUICK$
    سيد الطريق$BUICK$ غير متصل مشرف قسم السيارات الاخرى
    تاريخ التسجيل
    Aug 2011
    الدولة
    الاحساء سيتى
    المشاركات
    2,916

    افتراضي رد: إلى اصحاب الفورد نصيحة لوجه الله تعالى

    سيارتك فيها مشكله علشان كذا كرهتها
    Instgram+snap : tbutrika


    http://instagram.com/p/o5qvsaJCpT/

    سبحان الله وبحمده عدد خلقه ورضا نفسه وزنه عرشه ومداد كلماته

    http://www.ford4arab.com/vb/t75947.html
    كيفيه تفعيل خاصية كاميرات ساهر خرائط (ايقو)
    http://www.ford4arab.com/vb/t75669.html
    كيفيه تنزيل خرائط (igo)^..
    http://ww
    w.ford4arab.com/vb/t75028.html

    تركيب بروجكتر للنكن^
    http://www.ford4arab.com/vb/t82805.html#post797334
    طريقه تنظيف فتحه التهويه^
    http://www.ford4arab.com/vb/t77019.html
    تفصيل غطاء شفاف للواجهيه^
    http://www.ford4arab.com/vb/t94766.html
    لأول مرة تركيب عدسات عاللنكن^

  6. #6
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    736

    افتراضي رد: إلى اصحاب الفورد نصيحة لوجه الله تعالى

    اقتباس المشاركة الأصلية كتبت بواسطة maxboost مشاهدة المشاركة
    ماهو شرط .. انا معاي كراون فكتوريا موديل 99 اشتريتها قبل 7 سنين من امريكا ماشيه 30 الف والحين العداد قريب يوصل 450حوالي الف يعني 280 الف ميل .. كنت اداوم عليها يوميا 350 كيلو للمدرسة و بعدين كنت اداوم كل اسبوع مرتين من تبوك للمدينه يعني 2800 كيلو بالاسبوع و رجلي حاره ع السيارة امشي ع الفصلة .. وليومك هذا ماسويت شيء بالسيارة ماغير زيت وقطع استهلاكيه زي الفرامل و البطارية و المساعدات حتى غيرتها اضن 3 مرات بس .. حاليا السيارة بدت تشتكي ولكن ماشية واسافر عليها من البيت للمدرسة 170 كيلو رايح و 170 كيلو جاي يوميا بدون خوف والله يشهد على كلامي ..
    اكيد فرت وارد الولايات المتحده مواتر كرف وكد ومد وماتبي شهاده من احد اللي يجهلها ينشد الشرطة والحكومة الامريكية قبل الحكومه عندها كل المواتر فورد ومعروفه الفرود


    اعرف راعي ماركيز امريكي موديل 1992 يعني له فوق 23 وماوضب لا مكينة ولا قير قبل فتره باعه ولا كان اذا شد على الدعسه من صفر يقحص شوي هههههههه

    قال ايش قال كامري هههههههه



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

  7. #7
    تركي211 غير متصل عضو جديد
    تاريخ التسجيل
    Sep 2015
    المشاركات
    6

    افتراضي رد: إلى اصحاب الفورد نصيحة لوجه الله تعالى

    الله يجزاك خير

    استعجلت ي غالي واصابعك مو سوا
    الفورد الي انت ماخذه احتمال م توفقت فيه

  8. #8
    *نسيم الصباح* غير متصل عضو مميز
    تاريخ التسجيل
    Aug 2013
    المشاركات
    335

    افتراضي رد: إلى اصحاب الفورد نصيحة لوجه الله تعالى

    من ناحية المشاكل فالفورد حساس نوعاً ومن تجربة والبيت عندي فيه سيارتين تويوتا وسيارتين فورد .
    لكن تويوتا تعطيك عملية اكثر لكن في الموديلات الجديدة اختلفت للأسف ماهي مثل زمان .

    الفورد معروفه مشاكله لكنها غالباً بسيطه وقطع الغيار ارخص من تويوتا .

  9. #9
    Mr,marquis غير متصل عضو نشيط
    تاريخ التسجيل
    Apr 2015
    المشاركات
    96

    افتراضي رد: إلى اصحاب الفورد نصيحة لوجه الله تعالى

    اخوي والله عندي ماركيز 1999 خليجي على يد الوالد وراثة خخخ ابوي خذاه وفي 2009 عطاه اخوي وفي 2010 خذيته لان اخوي سافر وبجيبله فكتوريا انشا الله من امريكا والحمد لله كرفنا امها كرف جتني تقريبا 7 مشاكل
    1-تعطل نظام السكيورتي كامل وغيرنا كمبيوتر ومفتاح ودقمة وملحقاته كلفتني 1300
    2-انفجر رديترين خلال 4 شهور والسبب ان طلعوا صيني وماي رديتر تجاري وغيرت مكسيكي ب600 والمويه اصلي والشغل ب300
    3-ظفيرة مروحة المكيف ب300 مع شغل اليد
    4-الدينمو والسبب انه صيني وركبت واحد على اساس انه اصلي وفي النهاية يطلع تجاري واسبوع ويخرب وركبت امريكي ب550 والحمد لله الى الان سنتين ماشتكيت منه
    5- تفتفه لما السيارة تكون باردة السبب بلف الحرارة ترا من اسباب التفتفة الملحوظة اللي يشيل بلف الحرارة
    6-صاحبي فحط فيها وطاح في حفرة وراحت العضلات جهة اليمين 8 جلد مقصات وقماشات وجلد عمود توازن ومسامير عمود توازن و4 ركب ودراع شاص ودراع دودة و4 جانبينات و4 يايات وكلفتني حدود 5000
    7-مشيت عليها وهي تدخن على سرعة 160 وارتفعت حرارتها وافتح الكبوت الاقي القزوز يدخن وش السبب الموتر مافيه قطرة زيييييت
    ولله الحمد غيرت واجهية لانها كانت معجوجة بحدود 600 فيبر وشبك وانوار كاملة وصدام والسمكرة 700 وقبل اسبوعين جا واحد وروح الرفرف اليمين الخلفي والتأمين صلحها لي في ورشة القارات
    والزيت اوديها بترومين
    والحين ممشاها 711000 لاتوضيب مكينة ولاشي بس انت حافظ والله يدوم انت انفض الموترنفض مو تسوي تلقيطات او لما تخرب تصلح والله بتخسر حالك انفض وانسى

    لي 7 شهور بالهون عليها والله الى الان ماغيرت فيها الا قماشات وزيت
    عل العموم الله يعطيك خيرها ويكفيك شرها

    للمعلومية واحد من اخوياي طلع كورلا وكالة 2015 ومشت 10000
    وترى صاحبي جدا سيئ يشطف ويلحم لين ما اول امس دخل في جيب شروكي 2000
    وينزل كبوت وصدام وشمعات سلم عليهم ورديتر والجيب ماجاله ولا شي والاسوء ان طلع ورا الصدام فلييين
    تعرف وش يعني فلييين يعني جودة خيااااس ولا بقرش -----ملاحظة ولا ايرباق طلع

    وأسف على الاطالة
    التعديل الأخير تم بواسطة Mr,marquis ; 10-30-2015 الساعة 08:54 AM

  10. #10
    ExpeditionXLT غير متصل عضو مبدع
    تاريخ التسجيل
    Jun 2015
    المشاركات
    246

    افتراضي رد: إلى اصحاب الفورد نصيحة لوجه الله تعالى

    يعني عشان معك كامري ماشيه 340 الف صار الفورد سيء؟ طيب ناس واجد اعرفهم عندهم كراون فكتوريا وقراند ماركيز وتاون كار عداداتها واصله 500 الف وفوق وماشيه بدون اي مشاكل الكامري اول ماياصل عداتها 250 الف تبدا تقربع وهي تمشي تصير كأنك راكب ددسن 82 بعكس الفورد

    عموما كلامك موب منطقي ابدا ويدل على جهلك وقلة خبرتك.

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر