صفحة 1 من 2 12 الأخيرةالأخيرة
النتائج 1 إلى 10 من 14

الموضوع: شراء بويه للفكتوريا من الخارج

  1. #1
    Victoria07 غير متصل عضو جديد
    تاريخ التسجيل
    Oct 2013
    المشاركات
    6

    افتراضي شراء بويه للفكتوريا من الخارج

    السلام عليكم ورحمة الله وبركاته

    اسعد الله اوقاتكم بكل خير
    مالكم في الطويله عندي كراون فكتوريا سمني بويته لكم عليها وودي ارش الموتر كامل واللون صعب شوي وفي نفس الوقت جميل ولا ابغى اغامر واتكلف ويطلع لون غير مرضي
    وسبق ورشيت اجزاء في السياره ولكن فرق اللون واضح
    وبحثت في بعض المواقع ولقيت موقع يضمن تطابق اللون مع الضمان وخلاف ذلك تسترجع المبلغ كاملاً
    قبل لااتتسرع قلت استشيركم لكي نستفيد ونفيد ان شاءالله
    طبعاً فيه ورش في الرياض ترش بويه وشغلها كويس بس موسها حاد جداً والقصد التوفير والشغل المظبوط والفايده وخلاصة الموضوع في البويه تكون مرضيه

    هذا رابط الموقع
    Custom Touch Up Paint | Repair Car Scratches | Car Paint for Autos - PaintScratch.com

  2. #2
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي

    وعليكم السلام ورحمة الله
    من وجهة نظري بتكلفك قيمة الشحن اكثر من مبلغ التوفير
    لان البويه ثقيله وايضا تعتبر سائل واغلب شركات الشحن ماتنقل سوائل . واللي تنقل سوائل مستغله الوضع ورافعه اسعارها.
    اذا ناوي شغل مضبوط مر الوفاء الاصليه في الصناعيه القديمه

  3. #3
    Victoria07 غير متصل عضو جديد
    تاريخ التسجيل
    Oct 2013
    المشاركات
    6

    افتراضي رد: شراء بويه للفكتوريا من الخارج

    الوفاء قالي 25000 مدري يمزح والا صادق
    ومعدل اسعار الورش من 5000 الى 6000
    بخصوص شركة الشحن تواصلت مع myus وقالوا يشحنونها
    الجالون 4 ك اثنين 8 ك
    سعر الشحن تقريبا 120$ تزيد تنقص
    سعر جالونين 2640
    التكلفه تقريبا واصله السعوديه 3000 ريال
    سمكره وحرق تقريبا 2500-3000
    المعدل 6000 ريال نفس الشي
    والقصد في الموضوع تطابق اللون فقط

  4. #4
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي

    شكله يمزح
    اذا الموتر مافيه سمكره بياخذون 9الاف
    تاون كار مرشوش كامل عندهم قبل اربع سنوات بدون سمكره
    بالنسبة لتطابق اللون
    محلات البويه عندهم الغالي والرخيص
    تحصل عندهم ربع كيلو ب10 ريال وتحصل ربع كيلو ب120
    خذ لفة على وكلاء بويات السيارات وهم يعرفون يعطونك الرقم المطابق او مر خذ رمز اللون من الوكاله والله يعينك

  5. #5
    Victoria07 غير متصل عضو جديد
    تاريخ التسجيل
    Oct 2013
    المشاركات
    6

    افتراضي رد: شراء بويه للفكتوريا من الخارج

    أشكرك على مرورك north star

  6. #6
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    736

    افتراضي رد: شراء بويه للفكتوريا من الخارج

    انصحك تمر الوكالة وتاخذ من عندهم رمز اللون افضل واضمن



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

  7. #7
    FBI_911 غير متصل عضو ملَكي
    تاريخ التسجيل
    Jun 2011
    المشاركات
    1,195

    افتراضي رد: شراء بويه للفكتوريا من الخارج

    العمودي وكيل معتمد للبويات الاصليه

    معروف ورقم ١ بلا منااازع

    اشتر من عندهم وصل الله وبارك




  8. #8
    Victoria07 غير متصل عضو جديد
    تاريخ التسجيل
    Oct 2013
    المشاركات
    6

    افتراضي رد: شراء بويه للفكتوريا من الخارج

    العمودي مر على بمرهم ان شاءالله
    شكراً ومقدر مرورك fbi

  9. #9
    الصورة الرمزية ابو داهم
    ابو داهم غير متصل عضو مجتهد
    تاريخ التسجيل
    Jul 2010
    المشاركات
    152

    افتراضي رد: شراء بويه للفكتوريا من الخارج

    صحيح العمودي وكيل البويات الاصلية للمملكة لاني تفاجأت صراحة يوم قالي واحد بالوكالة ان حنا ناخذ البويات من العمودي .. انصحك تاخذ من عندهم البوية ومعاها التنر واللكر الهولندي عشان يطلع لع البوية كانها قزاز .. موفق

  10. #10
    Victoria07 غير متصل عضو جديد
    تاريخ التسجيل
    Oct 2013
    المشاركات
    6

    افتراضي رد: شراء بويه للفكتوريا من الخارج

    مريت على محل الضويان للبويات وحصلت عندهم بوية سكينز
    وصلح عينه والبويه ماشاءالله ماعليها كلام روعه
    وسعر الكيلو 200 ريال وقالي يكفيك 3ونص
    بس سمعت ان برية سكنز صارت مغشوشه وتتعبى في جده
    هل فيه وكيل معتمد يورد بوية سكنز الي عنده علم لا يبخل علينا
    الشي الثاني وش رايكم اصنفر السياره على الحديده والا مايحتاج

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر