النتائج 1 إلى 7 من 7

الموضوع: ايش اسوي بعد شراء سيارة استخدام امريكي

  1. #1
    sniper.jed غير متصل عضو جديد
    تاريخ التسجيل
    Nov 2015
    الدولة
    جدة
    المشاركات
    3

    Exclamation ايش اسوي بعد شراء سيارة استخدام امريكي

    السلام عليكم و رحمه الله وبركاته
    مساكم الله بالخير و جمعه مباركة علينا وعليكم

    اخواني ارجو قبولي كعضو و اخ جديد لكم بهذا المنتدى الرائع
    اللي بصراحه استفدت منه كثير وهوا السبب في اختياري لشراء السيارة
    الحمدلله امس استلمت السيارة (الله يبارك فيكم و عقبال عندكم) اللي هيه ماركيز 2010 استخدام امريكي الحمدلله بعد الكشف على السيارة وتقليبها وإصدار التقارير (كارفكس و الاتوشيك) طلعت سليمة يا رب لك الحمد المهم ونا طالع من المعرض ورايح البيت قبل ما أوصل البيت جا واحد حاب يبارك ليه بسيارته وسلم عليه في الباب الخلفي يمين ولكن الحمدلله حكات بسيط مع طعجه في الباب

    طولت عليكم حبايبي <*****<*****لسه ما شفتو شي :d
    لكن اللي ابي اعرفه ايش الأشياء المفروض اسويها في السيارة مثلا من ناحية:
    1-غيار زيت المحرك والسيفون واذا فيه شي معين او فلاتر
    (افضل زيت ومن فين)
    2-زيت الجيربوكس يتغير ولا ازيده ولا اخليه زي ماهو
    3-زيوت السياره بشكل عام (فرامل دركسون اذا فيه مدري <*****<*****جديد على الفوردات)
    4-موية اللديتر
    5-الكفراات اهم شي لانه راكبه عليها حق بلدها وتاريخها 2010 ومعدومه
    وهنا ابي نصائحكم افضل كفرات لها مع العلم مقاس بلدها 225/60/17 هل اخليها نفس المقاس ولا اعرضه شوي زي 235/55/17 او 235/60/17 رائكم يهمني وايش النوع التمام استخدام داخل المدينه ويكون ناعم وهادي غير مزعج بالخط ومريح لي وللسيارة
    6-البواجي و الكويلات
    7-فلاتر القير و وجه القير

    8- اذا فيه شي ثاني لازم اسويه ما ذكرته يا رب تذكروني

    الله يعطيكم العافية ويجزاكم كل خير
    بس اخوكم حاب االفوردات ومالي خبرة فيها
    ممشى السيارة 53 الف كيلو <*****<*****< ممكن يفيدكم

    الله يوفقكم ويكتبلكم الاجر
    التعديل الأخير تم بواسطة sniper.jed ; 11-06-2015 الساعة 01:42 PM

  2. #2
    sniper.jed غير متصل عضو جديد
    تاريخ التسجيل
    Nov 2015
    الدولة
    جدة
    المشاركات
    3

    افتراضي رد: ايش اسوي بعد شراء سيارة استخدام امريكي

    يا حلوين والله احتاج المساعدة

  3. #3
    الصورة الرمزية راعي الزد
    راعي الزد غير متصل نائب المشرف العام
    تاريخ التسجيل
    Dec 2008
    الدولة
    القمر
    المشاركات
    16,298

    افتراضي رد: ايش اسوي بعد شراء سيارة استخدام امريكي

    حياك اخي الكريم
    الموضوع اسهل مما تخيل

    من باب الاحتراز الاشياء الاستهلاكيه فقط وافحصها اذا هي كويسه مايحتاج تغييرها مثل سير المكينه والكويلات وفحمات الفرامل والبريكات واذا هي سليمه مايحتاج ا طلاقا الا اذا بدت تخرب

    الاشياء الهامه بالتفصيل

    تغيير زيت المحرك 6 علب الا ربع مع السيفون
    تغيير زيت القير عشان تنتظم فيه بنفسك كل 40 الف كيلو وياخذ 7 علب موتر كرافت ميركون v او النوع الجديد وبامكانك التشييك من خلال قراءه الزيت المناسب من خلال الكتابه ع عيار الزيت الموجود داخل المكينه
    تغيير صفايه البنزين
    تغيير فلتر الهواء
    تلميع الموتر داخليا من باب الاحتياط تعرف الامريكان عندهم كلاب ودايم متسدحه بالسيارات
    الكفرات لك ماشئت حسب سرعتك عندك من الصيني الطقهم يبدا من 800 ريال الى البريسجتون وطقته توصل 2000 ريال مقاس 17 واهم شي مقاس الكفر المطلوب
    وصلى الله وبارك

    الاجور زيت القير يكلفك حوالي 250 الى 230 مع الزيت والفلتر ولاتاخذه الا من الوكاله او التقوى
    زيت المكينه لك الحريه اهم شي اللزوجه 20/5

    وخذ لك لفه بالموقع ثقف نفسك شوي عن الفورد وحياك الله مره ثانيه
    لأخير في كاتم العلم


  4. #4
    الصورة الرمزية راعي الزد
    راعي الزد غير متصل نائب المشرف العام
    تاريخ التسجيل
    Dec 2008
    الدولة
    القمر
    المشاركات
    16,298

    افتراضي رد: ايش اسوي بعد شراء سيارة استخدام امريكي

    زيت الدفرنس وزيت الفرامل لاتقربهم ابد واذا فيه نقص زدهم فقط .
    لأخير في كاتم العلم


  5. #5
    hossain210 غير متصل عضو مميز
    تاريخ التسجيل
    Oct 2014
    المشاركات
    301

    افتراضي رد: ايش اسوي بعد شراء سيارة استخدام امريكي

    اخوي متأكد ان الممشى بالكيلو؟

    اما الكفرات أرشحلك هانكوك ناعمة بشكل ماتتصور

  6. #6
    *نسيم الصباح* غير متصل عضو مميز
    تاريخ التسجيل
    Aug 2013
    المشاركات
    335

    افتراضي رد: ايش اسوي بعد شراء سيارة استخدام امريكي

    الممشى ممتاز مع اني اتوقع انه 53 الف ميل .
    عموماً تغير زيت مكينة 10w30 او 5w20 ولو تاخذ كرتون من قطع الغيار يكون احسن وعندك موتور كرافت وعندك كاسترول .
    فلتر هواء غيره ويكلفك 40 ريال
    صفاية بنزين بتكلفك حدود 40 ريال
    زيت القير يغير لك 5 علب ونص تقريباً موتور كرافت LV مع الفلتر .
    الاقمشة شيك عليها وقت تغيير الكفرات ان كانت تحتاج للتغيير ام لا .

    الكفرات عندك انواع عديدة وانت وميزانيتك
    ان كان تبي شيء متوسط عندك ماكسيس مقاس 235/55/17 بـ 280- 290 للكفر الواحد .
    بالتوفيق

  7. #7
    تركي211 غير متصل عضو جديد
    تاريخ التسجيل
    Sep 2015
    المشاركات
    6

    افتراضي رد: ايش اسوي بعد شراء سيارة استخدام امريكي

    1-غيار زيت المحرك والسيفون واذا فيه شي معين او فلاتر
    (افضل زيت ومن فين)


    بترومين تقريبا بـ 132 مع الفلتر يمشيك 5000 كلـم .



    2-زيت الجيربوكس يتغير ولا ازيده ولا اخليه زي ماهو

    غير زيت القير برضو في بترومين , بس قبل لاتجيهم روح للتقوى او الوكاله واشتر فلتر قير وركبه ببترومين .


    3-زيوت السياره بشكل عام (فرامل دركسون اذا فيه مدري <*****<*****جديد على الفوردات)

    ابد لاتلمسها ابدا اذا هو ناقص زده بس .


    4-موية اللديتر

    م أعتقد انها تحتاج لتغيير ..


    5-الكفراات اهم شي لانه راكبه عليها حق بلدها وتاريخها 2010 ومعدومه
    وهنا ابي نصائحكم افضل كفرات لها مع العلم مقاس بلدها 225/60/17 هل اخليها نفس المقاس ولا اعرضه شوي زي 235/55/17 او 235/60/17 رائكم يهمني وايش النوع التمام استخدام داخل المدينه ويكون ناعم وهادي غير مزعج بالخط ومريح لي وللسيارة


    من واقع تجربتي غيرت هانكوك والان قودير
    هانكوك سيئ وحده 30الف كيلو بالكثير ويبدا يغثك
    قودير امريكي ممتاز جدا مريح جدا والطقم اذكر ماخذه ب 2160 .


    6-البواجي و الكويلات

    غير البواجي ب 80 ريال اعتقد وغير صفاية البنزين ب 35 ريال .



    والله يبارك لك فيه ..


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر