اولاً: السلام عليكم ورحمة الله وبركاته

انا عضو جديد والآن سجلت وحاب اعرض بعض المشاكل
الي واجهتها وكيف حليتها بسيارتي gt2013 القير اوتو
واتمنى أن اكون عضو خفيف عليكم ومنكم نستفيد..


1- رجه قويه بالكبوت على سرعة 160 واحياناً 120
مع شدة وسرعة الهواء في الطريق


الحل: بطانه سوداء تحت الصدام كانت مقطوعه والهواء
يتسرب منها الى الكبوت ويسبب الاهتزاز وتم تغييرها
وسعرها في الوكاله 700ريال


وايضاً جاتني نفس المشكلة بعد فترة وكان سببها البطانه
الي تجي تحت فلتر الزيت وسعرها مبالغ فيه 900 ريال!!


وصرت لما اغير زيت افكها واخلي البنشري يشدها ليه
باسلاك الحديد وماشيه معايه تمام ولله الحمد



2-كانت تولع عندي لمبة المكينة وتقعد يوم او يومين
وبعدها تروح وكنت مو معطيها اهتمام وبعد فترة
راحت واختفت المشكله تماماً بدون رجعه يارب..



3-لما غيرت البطارية وركبت الجديدة اتحول الكيلو الى
ميل والسياره تعشق للثاني ومافي ثالث ولا الي بعده
مع نتعه قويه في التغيير بين الاول والثاني


الحل: بسيط جداً وهو من اعدادات شاشة الطبلون
ممكن الكل يعرفها بس ذكرتها عشان اذا في شخص
ما يعرفها ويستفيد



3-ضعف جداً قوي في عزم السيارة وضعف الكهرباء
وكان الحل الاصبع الموجب يحتاج تغيير سريع
وتم تغييره ورجعت السيارة تمام ولله الحمد



4-نتعه قويه في التغيير بين الاول والثاني ولما توصل
السيارة 80 يرتفع الار بي ام والسيارة بمحلها ما تزيد
عن 80 وبعد ثواني يرجع الار بي ام طبيعي والسرعه
تتعدى 80


الحل: رحت الوكالة وقالوا برمجه واعطيتهم الصباح
واخذتها الظهر وفعلاً اختفت المشكله تماماً



5-صوت الكفرات المزعج مع عيون القطط والمبالغه
في المطبات الصغيره والعاديه تخليك تحس انك
طحت في حفرة


انا شخصياً اشوفها طبيعية بصراحة



6-تشويش تام في شاشة السيارة يجيك نفس
التشويش حق القناة الاولى زمان وانت تعدل
الاريل بس بدون صوت ومافي اي زر شغال


الحل: طبيعية وسببها بالنسبة لي حرارة الجو
وتقعد معايه عشر دقائق وتختفي وترجع الشاشة
لوضعها الطبيعي



اخواني اتأسف ع الإطالة وهذه المشكلات واجهتني
واستعملت معها الحلول المذكورة وانتهت تماماً


اسأل الله أن يجمعني وياكم في جنات الخلد❤️