صفحة 1 من 3 123 الأخيرةالأخيرة
النتائج 1 إلى 10 من 28

الموضوع: ميزه التعديل في التورس , هل صحيح مايقال ؟

  1. #1
    سعود محمد غير متصل عضو مجتهد
    تاريخ التسجيل
    Apr 2015
    الدولة
    الرياض
    المشاركات
    128

    افتراضي ميزه التعديل في التورس , هل صحيح مايقال ؟

    بسم الله الرحمن الرحيم

    شباب استفساري الله يخليكم . لا أعلم اين قرأت او سمعت عن هالمعلومه

    ان التورس السياحي على سبيل المثال , يكون فيه كل شيء مجهز عشان تضيف عليه شغلات موجوده على النصف فل ولنفرض الانوار السبعه او الخمس



    وسؤال شاطحححححححححححححححححححححححح وليس للعقلاء , بل المجانين

    ينفع اركب كرسي تبريد بدال الوكاله ؟


    ومعذرة على اي سؤال من خارج هالكوكب

    ولكم الشكر والتحية

  2. #2
    algannas غير متصل عضو مميز
    تاريخ التسجيل
    May 2012
    المشاركات
    388

    افتراضي رد: ميزه التعديل في التورس , هل صحيح مايقال ؟

    المعلومة اللي سمعتها صحيحه 100%
    تقدر تركب اي شئ للاستاندر بشرط توصل كل شئ صح وبأسلاكه
    مثلا عندك الكاميرا الخلفيه سلكها موجود للشنطه واصل لكن بعض الاشياء لازم انك
    تاخذ الظفيرة معها .
    يعني الظفيرة الاساسية للسيارة تكون لجميع الفئات وعلى حسب فئة السيارة يزيدون و ينقصون في المواصفات وهذا الكلام شامل اغلب انواع السيارات لان الطريقة هذي اوفر على المصنع انه يصنع ظفيرة وحده لكل السيارات ولو صنع لكل فئة ظفيرة خاصه كان ارتفع السعر لانه راح يزيد مسارات الانتاج واقسام المصنع.

  3. #3
    سعود محمد غير متصل عضو مجتهد
    تاريخ التسجيل
    Apr 2015
    الدولة
    الرياض
    المشاركات
    128

    افتراضي رد: ميزه التعديل في التورس , هل صحيح مايقال ؟

    اقتباس المشاركة الأصلية كتبت بواسطة algannas مشاهدة المشاركة
    المعلومة اللي سمعتها صحيحه 100%
    تقدر تركب اي شئ للاستاندر بشرط توصل كل شئ صح وبأسلاكه
    مثلا عندك الكاميرا الخلفيه سلكها موجود للشنطه واصل لكن بعض الاشياء لازم انك
    تاخذ الظفيرة معها .
    يعني الظفيرة الاساسية للسيارة تكون لجميع الفئات وعلى حسب فئة السيارة يزيدون و ينقصون في المواصفات وهذا الكلام شامل اغلب انواع السيارات لان الطريقة هذي اوفر على المصنع انه يصنع ظفيرة وحده لكل السيارات ولو صنع لكل فئة ظفيرة خاصه كان ارتفع السعر لانه راح يزيد مسارات الانتاج واقسام المصنع.
    هلا وغلا باخوي القناص , الله يبارك فيك يارب .

    المفروض ان العالم تتكلم عن هالشيء , وانك ان شاء الله ماراح تعاني لو فكرت تضيف شيء على سيارتك في المستقبل .

    ولاعليك امر الله يحفظك , بس ممكن لو عندك رابط فيديو يشرح لنا هالميزه
    عشان ارسلها للشباب معي .


    انا ناوي اركب الشاشه مع كاميرا أمامي وخلفيه الألوان ان شاء الله , بس ناوي اشوف كم سعرها .


    سؤال اخر
    الفورد التورس حقتني نصف فل امريكيه , هل الشنطه الخلفيه مخرومه اقصد لو شريت شعار فورد اللي فيه مدخل الشنطه , بتكون الفتحه جاهزه عشان اطلب منها الكاميرا ؟



    الله يعافيك ومعذره تعبناك معنا
    التعديل الأخير تم بواسطة سعود محمد ; 03-06-2016 الساعة 09:51 PM

  4. #4
    algannas غير متصل عضو مميز
    تاريخ التسجيل
    May 2012
    المشاركات
    388

    افتراضي رد: ميزه التعديل في التورس , هل صحيح مايقال ؟

    للأسف روابط م عندي حاليا لكن تقدر تدخل اليوتيوب وتكتب عن اي شئ حاب تضيفه والافضل تكتب انجليزي لان السياره منتشره في امريكا بشكل رهيب وكل شئ بتحصل له فيديو يشرح عنه .
    اكتب how to في بداية كل مقطع وبعدها اكتب الشئ اللي تبحث عنه مثلا how to install ford logo معناته كيف تركب شعار فورد وبعدها شوف المقاطع وتابع الطريقه حتى لو م فهمت كلامهم بس راح تشوف ايش يسوي.


    والشئ الثاني اللي هو مواصفات السياره من ناحية التجهيز والتركيب السعودي نفس الامريكي يعني بودي شاص قطع اساسية وفتحات مسامير كلها نفس بعض
    الفرق بين السعودي والامريكي زياده او نقص كم مسزة بس.
    مثلا عندك الامريكي فيه ميزة الاضواء الامامية تشتغل في النهار وهذي غير موجودة في السعودي.
    ومثلا السعودي الليمتيد يختلف عن الامريكي لان السعودي يجي واحد لكن الامريكي تقدر تطلب ليمتيد وتشيل بعض المواصفات اللي تشوف انك م تحتاجها وبكذا معك ليمتيد بسعر تقدر تدفعه ، عشان كذا تشوف اغلب الامريكي يجي للسعودية ليمتيد بمواصفات ناقصة مثل الرادار والنقطة العمياء وهذي اوفر على التجار اللي يستوردون السيارات لانه افضل له يجيب ليمتيد امريكي بمواصفات اقل ويبيعها بسعر ينافس الليمتيد السعودي تقريبا.

  5. #5
    algannas غير متصل عضو مميز
    تاريخ التسجيل
    May 2012
    المشاركات
    388

    افتراضي رد: ميزه التعديل في التورس , هل صحيح مايقال ؟

    بالنسبة للكاميرا الامامية هذي انت اللي راح تضيفها على السيارة يعني فئات التوروس كلها نزلت بدون كاميرا اماميه يعني تحتاج تسليك ثاني وتشبكها مع فيوز مناسب لان اي شئ تضيفه ماهو موجود من ضمن مواصفات السيارة وقت التصنيع هذا يعتبر ان مالها مكان مخصص في السيارة وانت لازم تزبطه و شغلتها ماهي معقده اكثر من انك تشوف احد يشتغلها لك صح.

    وبالنسبة للكاميرا الخلفية للتوروس فهي تجي في نفس شعار الفورد تحته واذا حبيت تتأكد من السلك تقدر تفك النيكل الخلفي لعلامة فورد او البطانه اللي في باب الشنطه من الداخل و تتأكد.

  6. #6
    سعود محمد غير متصل عضو مجتهد
    تاريخ التسجيل
    Apr 2015
    الدولة
    الرياض
    المشاركات
    128

    افتراضي رد: ميزه التعديل في التورس , هل صحيح مايقال ؟

    اقتباس المشاركة الأصلية كتبت بواسطة algannas مشاهدة المشاركة
    للأسف روابط م عندي حاليا لكن تقدر تدخل اليوتيوب وتكتب عن اي شئ حاب تضيفه والافضل تكتب انجليزي لان السياره منتشره في امريكا بشكل رهيب وكل شئ بتحصل له فيديو يشرح عنه .
    اكتب how to في بداية كل مقطع وبعدها اكتب الشئ اللي تبحث عنه مثلا how to install ford logo معناته كيف تركب شعار فورد وبعدها شوف المقاطع وتابع الطريقه حتى لو م فهمت كلامهم بس راح تشوف ايش يسوي.


    والشئ الثاني اللي هو مواصفات السياره من ناحية التجهيز والتركيب السعودي نفس الامريكي يعني بودي شاص قطع اساسية وفتحات مسامير كلها نفس بعض
    الفرق بين السعودي والامريكي زياده او نقص كم مسزة بس.
    مثلا عندك الامريكي فيه ميزة الاضواء الامامية تشتغل في النهار وهذي غير موجودة في السعودي.
    ومثلا السعودي الليمتيد يختلف عن الامريكي لان السعودي يجي واحد لكن الامريكي تقدر تطلب ليمتيد وتشيل بعض المواصفات اللي تشوف انك م تحتاجها وبكذا معك ليمتيد بسعر تقدر تدفعه ، عشان كذا تشوف اغلب الامريكي يجي للسعودية ليمتيد بمواصفات ناقصة مثل الرادار والنقطة العمياء وهذي اوفر على التجار اللي يستوردون السيارات لانه افضل له يجيب ليمتيد امريكي بمواصفات اقل ويبيعها بسعر ينافس الليمتيد السعودي تقريبا.
    هذا اللي لاحظته واخبرني فيه اخوي , انك تستطيع طلب مواصفات النصف فل مثل سيارتي ناقصها الشاشه والحساسات .

    ووقتها تفحصت المواقع الامريكيه للشراء السيارات وكلها فيها اضافة الخصائص او الميزات





    اقتباس المشاركة الأصلية كتبت بواسطة algannas مشاهدة المشاركة
    بالنسبة للكاميرا الامامية هذي انت اللي راح تضيفها على السيارة يعني فئات التوروس كلها نزلت بدون كاميرا اماميه يعني تحتاج تسليك ثاني وتشبكها مع فيوز مناسب لان اي شئ تضيفه ماهو موجود من ضمن مواصفات السيارة وقت التصنيع هذا يعتبر ان مالها مكان مخصص في السيارة وانت لازم تزبطه و شغلتها ماهي معقده اكثر من انك تشوف احد يشتغلها لك صح.

    وبالنسبة للكاميرا الخلفية للتوروس فهي تجي في نفس شعار الفورد تحته واذا حبيت تتأكد من السلك تقدر تفك النيكل الخلفي لعلامة فورد او البطانه اللي في باب الشنطه من الداخل و تتأكد.

    القناص انا كنت اقصد في الكاميرا الخلفيه

    هل فورد مجهزين فتحه في الشنطه ( بدلا من اطلع للغرابي ويخرم لي الشنطه ) عشان لما اشتري شعار الفورد اللي فيه فتحه ماحتاج خرم الشنطه



    والله يعافيك على الرد

  7. #7
    algannas غير متصل عضو مميز
    تاريخ التسجيل
    May 2012
    المشاركات
    388

    افتراضي رد: ميزه التعديل في التورس , هل صحيح مايقال ؟

    الشنطه نفسها لكل الفئات يجهزون كل شئ وهم يركبون اللي يناسب الفئة
    مثلا عندك الصدام الامامي فيه فتحات للمبات الليد اللي تحت موجوده حتى في الاستاندر لكن الاستاندر مقفلينه بقطعه زينه.
    وهذا نفس الوضع في الشنطه جااهزه لكن مغطينها بعلامة بدون كاميرا
    اتمنى وصلت الفكره واي سؤال حاضرين.

  8. #8
    سعود محمد غير متصل عضو مجتهد
    تاريخ التسجيل
    Apr 2015
    الدولة
    الرياض
    المشاركات
    128

    افتراضي رد: ميزه التعديل في التورس , هل صحيح مايقال ؟

    اقتباس المشاركة الأصلية كتبت بواسطة algannas مشاهدة المشاركة
    الشنطه نفسها لكل الفئات يجهزون كل شئ وهم يركبون اللي يناسب الفئة
    مثلا عندك الصدام الامامي فيه فتحات للمبات الليد اللي تحت موجوده حتى في الاستاندر لكن الاستاندر مقفلينه بقطعه زينه.
    وهذا نفس الوضع في الشنطه جااهزه لكن مغطينها بعلامة بدون كاميرا
    اتمنى وصلت الفكره واي سؤال حاضرين.
    ياشييييييييييييييييييييييييييييييييييييييييييييييي يييخ الله يبارك فيك يارب وصلت وصلت

    عندي احساس اني لو عندك عطيتني كفين , وتقول فهمممممممممممممت



    عندي سؤال ثاني كذلك
    وش رايك في قضية الحساسات , خصوصا ان صدامي الخلفي مافيه فتحات لتركيب حساسات , لو فكرت اخذ شيء من الغرابي .


    سؤال ثالث : كيف وضع تبريد وتسخين مراتب التورس ؟ اتوقع هذي ماتنفع الا بواسطة اخذ مرتبة تورس فيها خاصية التبريد , صحح لي معلومتي لو كانت خاطئه ؟



    المعلومات هذي لازم تكتبها في المنتدى يالقناص , ماشاء الله واضح عندك معلومات كافيه عن التورس



    والله يبارك فيك يارب

  9. #9
    algannas غير متصل عضو مميز
    تاريخ التسجيل
    May 2012
    المشاركات
    388

    افتراضي رد: ميزه التعديل في التورس , هل صحيح مايقال ؟

    شوف اخوي الحساسات موضوعها بسيط جدا
    تقدر تروح الوكالة وتطلب الحساسات كامله يعني الحساسات بالظفيرة وبعدها تركبها عادي يعني تخرم الصدام بنفس وزنية الوكالة وتركبها
    او عندك حل ثاني اشوف انه انسب وهو انك تشوف لك توروس تشليح وتاخذ حساساته بالصدام جاهز وترشه اذا ماكان نفس اللون .
    ومن ناحية الرش لاتخاف م احد راح يعرف انه مرشوش حتى الفحص م يطلعه لانه فيبر والفيبر في اي سيارة ما يطلع اذا مرشوش لان الجهاز يكشف المعدن بس.
    شطحت شوي ********************
    المهم باقي تبريد المراتب عشان اختصر عليك الموضوع راجع الكتلوج وشوف الفيوز حق التبريد للمراتب وين مكانه بعدها شوف هل فيه فيوز مشبوك او لا.
    اذا كان فيه فيوز معناته نفس الفيوز يعطي مبرد المراتب ويعطي شئ ثاني يجيك مكتوب في الكاتلوج والباقي عليك تركب التوصيلات.
    لكن اذا طلع ما فيه فيوز يعني مكان فيوز فاضي بس معناته المكان هذاما يوصل كهرب لانه ماهو ضمن المواصفات يعني ماراح يكون وراه اسلاك توصل الكهرب للكراسي.
    هذا مثال لتقريب الفكرة لو فيه ازرار للدركسون الفل يجيك 5 ازرار والنص يجيك 3 ازرار بتكون الظفاير حقت الكهرب مختلفه ف المصنع يوفر في الاسلاك ويعطيك ظفيرة لثلاث اسلاك حسب الفئة اسلاك اقل ويوفر قيمة الباقي ، وهذا اللي حاصل في السيارات وعشان كذا قلت لك تأكد هل مكان الفيوز فاضي او لا .
    اتمنى وصلت لك الفكرة واضحه وبالتوفيق في مشاريعك.

  10. #10
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي

    من تجربة في ايدج استاندر
    كل شي جاهز
    ظفيرة كشافات الليد
    سلك الكاميرا الخلفيه
    افياش شاشه الفل

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر