النتائج 1 إلى 4 من 4

الموضوع: مهم ونصيحة للجميع

  1. #1
    raqee_1 غير متصل عضو نشيط
    تاريخ التسجيل
    Aug 2011
    المشاركات
    38

    افتراضي مهم ونصيحة للجميع

    السلام عليكم ورحمة الله وبركاته

    أخواني أنقل لكم تجربتي وبإذن الله أكون سبب حتى مايصير بسياراتكم مثلي

    تتذكرون الأمطار اللي في الرياض الاسبوع الماضي وكيف خربت كثير من السيارات.
    المهم أنا دخلت في موية وطلعت منها وماحسيت بأي فرق وبعدها من بكرة المكيف عندي صار حار والكمبروسر مايشتغل كان يوم خميس وأنا طالع من الدوام قلت موب ممديني على الوكالة بوديها للصناعية يمكن يكون فريون وبس.
    وديتها لأكثر من خمس ورش الأول باكستاني قال فريون لكن سبحان الله ما ارتحت له وطلعت والثاني قال لا الفريون عندك سليم ومليان لكن أنا مدري وين المشكلة فيه لأن كل شي عندك تمام والثالث قال برمجة وسوا برمجة وماضبطت والرابع قال ضفيرة والخامس قال حساس واخرهم ورشة البيان قال ما ادري وين المشكلة اتركها عندي.

    وديتها أمس للوكالة الصباح وقالي الفني خلال ساعتين بنتصل فيك ونعلمك وش فيها.
    تأخرو ماردو علي وطلعت للوكالة قالي الفني أنت وين مودي السيارة له لأن لقينا الاسلاك مقطعة وفيش الكمبروسر مقطع والضفيرة خربانه والبرمجة محيوسة.
    وشرح لي المشكلة اللي كانت عندي والمشكلة بعد ماتعبثوا فيها حقين الصناعية.
    يقول عندك مشكلة وحدة بس وهي كانت فحمات الكمبروسر خربانة وارسلت للكمبيوتر انه يوقف الكهرب عن الكمبروسر لو أنك جبت السيارة عندنا كان غيرنا لك الكمبروسر وبرمجنا الكمبيوتر وانتهت المشكلة لكن الأن واللي صاير في سيارتك هو أن الكهربائيين اللي برا كانوا يرسلون الكهرب للكمبرسر بالقوة وقطعو عليك الأفيش من كثر التشبيك والتفصيل وهذا الشي خرب عليك البرمجة وحساس داخلي في الطبلون بالاضافة للأفياش والفيوزات والكمبروسر.
    شوفوا الفاتورة اللي كاتبها لي والاشياء اللي مفروض تتغير .
    دعواتكم لي أن الله ييسر أمري ونصيحتي لكم أي مشكلة تصير في سيارتك ودها للوكالة افحصها عندهم وبعد ماتشوف المشكلة أنت تقرر تصلحها برا أو عندهم .
    تكلفت تصليح سيارتي المبدئية 4500 ريال


    [IMG][/IMG]

  2. #2
    Mr.Fusion غير متصل مشرف قسم فيوجن
    تاريخ التسجيل
    Mar 2010
    المشاركات
    891

    افتراضي رد: مهم ونصيحة للجميع

    الله يعينك اخي العزيز , وفعلاً اكتشاف الخطأ بطريقة سليمة واحترافية يحل 50% من المشكلة.

    وشكرا لك




    American Muscle

    سـبـحـان الـلــه وبــحـمــده ,.,,., سـبحـان الـلـه الــعــظــيــم

  3. #3
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي

    الله يكون في عونك
    لكن نصيحه زود على نصيحتك
    اذا قام الواحد يحط توقعات لاتخليه يلمس شي في الموتر ابدا
    بعضهم يعرف الخراب وبخفة يد يحاول يحرك فيش ولا يفصله وماعنده مشكله لو يحك الفيش في بكره عادي خله يتقطع علشان يغير
    اسمع من واحد واثنين وثلاثه والاي يقلك الخراب كذا تحمله كامل المسوؤليه
    شكرا لك


    أرسلت بواسطة iPhone بإستخدام Tapatalk

  4. #4
    الصورة الرمزية DELL
    DELL غير متصل إداري
    تاريخ التسجيل
    Dec 2010
    الدولة
    الولايات المتحدة الاميركية - ولاية ماساسوتش / بوسطن
    المشاركات
    18,783

    افتراضي رد: مهم ونصيحة للجميع

    كان الله بعونك ومعوض خير ان شاء الله

    بس للامانة قطع غيار الفيوجن جدا مكلفة للأسف


    Boston, Massachusetts




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر