صفحة 1 من 2 12 الأخيرةالأخيرة
النتائج 1 إلى 10 من 15

الموضوع: شوفولي حل مع هالسياره

  1. #1
    ابو سلمان1403 غير متصل عضو مبدع
    تاريخ التسجيل
    Dec 2012
    المشاركات
    208

    افتراضي شوفولي حل مع هالسياره

    السلام عليكم

    الله قدر علي وشريت الاكسبديشن وغثني وشوفة عيونكم على مواضيعي السابقه
    مره القير وصلحوه على الضمان ومره خبط المكينه ووضبوه على الضمان
    اما الان طلع علي شي غريب مدري احد مر عليه او لاء وهو مسكت خط الرياض الطايف ومثبت السرعه على 119 وذا وطيت حفر بسيطه حق الطريق يولع عندي ال abs ومانع الانزلاق ولمبة الجلنط تقريبا ثواني ويخف عزم الموتر ويفصل المثبت ويرجع طبيعي طول الطريق كذا مع العلم انا دايم اروح مع ذا الطريق واكل مطبات وحفر اقوى من كءا ولا يجيني الي جاني هذا المهم وصلت جده والسياره زي ماقلتلكم طبيعيه ثاني يوم طلعنا نتمشى الا ووطيت حفره وطفت السياره فجاءه بطريق وسببت زحمه السويتش يشتغل لكن ماتشتغل السياره حتى الدعاسات المتحركه اذا فتحت الباب ماتنزل والباب الشنطه مافتح معي يعني تقريبا خلل بالكهرب وقف واحد جزاه الله خير سوالي اشتراك واشتغلت السياره طبيعي وقالي اتوقع البطاريه ضعيفه غيرها انا على طول وقفت بمحطه وغيرت البطاريه لكن الصدمه يوم العامل ركب البطاريه الجديده طفت السياره ورجع زي اول ماتشتغل العامل طقطق الاصابع حق البطاريه وطقطق ظفيره الي مع سلك البطاريه الموجب واشتغل السياره والان هي طبيعي طلعت اليوم وشتغلت عادي ورحت سويت فحص كهرب قالي السياره مافيها اي شي ومشت بجده لمدة ساعتين ماجاني اي خلل يذكر وش السوات مع هالسياره وعلى فكره عرضتها للبيع طابت نفسي منها

  2. #2
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي

    وعليكم السلام ورحمة الله
    تاكد من اسلاك الاصابع حقت البطاريه يمكن توصيلها ضعيف
    ولا مرتخيه مع الوقت خصوصت ان صار في الموتر توضيب قير وترضيب مكينه وماهنا مهندسين سغلهم كله بربسه يفك عشره مسامير ويرجع سته
    فمع الحفره احس ان في سلك ينفصل شوي ويرجع مكانه وهذا سبب المشكله



    iphone 6s plus

  3. #3
    اوريجون غير متصل عضو نشيط
    تاريخ التسجيل
    Dec 2015
    المشاركات
    42

    افتراضي رد: شوفولي حل مع هالسياره

    شيك على الأسلاك والكهرباء عموما
    او ارجع للوكالة اذا هي باقي تحت الضمان
    لأن المشاكل الكهربائية صعب تصليحها الا على قلة من المحترفين من الفنيين والكهربائيين
    بعكس المشاكل الميكانيكية امرها اهون
    واستخر ربك قبل البيع وروح فيه للمعارض واعرضه على الشريطية ونزله تحت الميكرفون يحرجون عليه
    وبإذن الله تزين اموره

  4. #4
    اوريجون غير متصل عضو نشيط
    تاريخ التسجيل
    Dec 2015
    المشاركات
    42

    افتراضي رد: شوفولي حل مع هالسياره

    ايش موديل موترك

  5. #5
    ali1020 غير متصل عضو مميز
    تاريخ التسجيل
    Mar 2014
    المشاركات
    356

    افتراضي رد: شوفولي حل مع هالسياره

    عليك بالوكاله يغير لك السلك كامل من اصبع البطاريه الى السلف او الى الدينمو واذا هي ع الضمان يسوونها لك بلاش وان شاء الله تظبط معاك

  6. #6
    ابو سلمان1403 غير متصل عضو مبدع
    تاريخ التسجيل
    Dec 2012
    المشاركات
    208

    افتراضي رد: شوفولي حل مع هالسياره

    الله يعطيكم العافيه والله طابت نفسي منها

    تخيلو سيارتي2012 ليمتد شاريها وكاله كاش ب 150 الف نزلتها اليوم المعارض جابتلي 55 الف ريال شي يغبن طبعا رفضت بيعها وعرضتها باالانترنت

  7. #7
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي

    يابو سلمان باذن الله تحل هالمشكله وامسك موترك قيره موضب وتمام والمكسنه موضبه وتمام هالمشكله ان شاءالله بسيطه
    وتحصل من يصلحها
    دام الموتر متماسك وعضلاته كويسه وسليم من الصدوم ومريح وقد خسرت عليه مصاريف فحرام خسارة مية الف بالاضافه الى مصاريف صيانه قد دفعتها اخرى
    الا ان كان الموتر منهار كل ما رقعت من جهه طلح من جهه عاد مالنا الا نقول الله يكون بعونك ويعوض عليك


    iphone 6s plus

  8. #8
    ابو سلمان1403 غير متصل عضو مبدع
    تاريخ التسجيل
    Dec 2012
    المشاركات
    208

    افتراضي رد: شوفولي حل مع هالسياره

    والله ياجماعة الخير غيرت بطارية السياره عقبها ماطفاة معي الحمدلله واما مانع الانزلاق مازال يولع وقبل امس رحت بغير الزيت بعد ماوضبو المكينه رفعو السياره كويك لاين الا المكينه غرقانه زيت من تحت وفيها تهريب ووديتها نفس اليوم للوكاله واستلموها وزي العاده على الضمان بس تناشبت انا وياهم ان يعوضوني بسياره لحد ماوافقو وقالو باكر تعال نسلمك الا هو اليوم بروح واستلم سياره بديله

  9. #9
    khaledsa غير متصل عضو نشيط
    تاريخ التسجيل
    Sep 2014
    المشاركات
    35

    افتراضي رد: شوفولي حل مع هالسياره

    الله يعينك على الاكسبدشن

  10. #10
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    736

    افتراضي رد: شوفولي حل مع هالسياره

    الله يعينك اخوي والله غبنه لان الاستاندرات تجيب اعلى من سعر موترك موديلات 11 وطالع
    فعشان كذا لا تتسرع تبيع لو كان الموتر صاحي حاول تشوف بلاه اما اذا هو مبلشك احذفه وبين كل عيوبه للمشتري عشان مايدعي عليك ويجيب اللي يجيب .
    لكن غريبه اللي سمعته الاكسبديشن يتحمل هذا وراه ودع قير ومكينه



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر