النتائج 1 إلى 3 من 3

الموضوع: شاشة فورد اكسبلولر 2012

  1. #1
    ottm77 غير متصل عضو جديد
    تاريخ التسجيل
    Apr 2009
    المشاركات
    3

    افتراضي شاشة فورد اكسبلولر 2012

    السلام عليكم ورحمة الله وبركاته
    اخواني اعضاء المنتدي السلام عليكم
    عندي مشكلة احاول طرحها في المنتدى على أجد الفائدة ..
    عندي سيارة فورد اكسبلولر 2012 ستاندر
    قبل 8 شهور قررت اني ادلعها شوي و اركبلي شاشة اندرويد وبعد المشاورات نصحني أحد الاخوان
    بأنه يعرف محل في الدمام (مع العلم بأني من سكان ( الرياض )) و هالمحل حسب كلامه متخصص في الشاشات و يركب لكثير من الوكالات .. وفعلا اخذت بنصيحته
    ورحت المحل وركبت شاشة + كميرا خلفية + كميرا امامية ب 2300 ريال .
    اشتغلت الشاشة اول شهر زي الحلاوة طبعا المكيف مال السيارة مربوط بالشاشة يعني تقدر تتحكم بالتكييف و كل اوبشن المكيف من خلال برنامج في الشاشة و اللي صار انه بعد شهر تقريبا تعطلت الازرار اللي في جانب الشاشة و خاصية التحكم بالمكيف و بعض الميزات.
    واضطريت ارجع للدمام ( بدون مكيف ) علشان اراجع المحل
    وفعلا تم تبديل قطعة داخل الشاشة واللي اتوقع هي عبارة عن منظم او كمبيوتر صغير.
    وبعد فترة تقريبا شهر ونص خربت نفس القطعة مرة ثانية . وتم الرجوع للمحل و تبديل نفس القطعة .
    وبعدها بفترة قبل اسبوعين ظهرت نفس المشكلة و اضطريت اضرب مشوار للمحل من الرياض الى الدمام بدون مكيف في الحر
    المهم انا وصلت معاي وطلبت من مدير المعرض يرجعلي الشاشة القديمة ويرجع فلوسي لاني خلاص وصلت حدي.
    رفض وحاول التملص بالبداية و ادعى انه المصنع ودالهم من يومين حل للمشكلة هذي و انه على ضمانته الشخصية .
    انا رفضت واصريت على موقفي لما توصلنا لتسويه انه يخصم ثلث المبلغ كإستخدام و يرجع الباقي
    وفعلا تم ارجاع مبلغ تقريبا 1500 ريال وخلالي الكميرات الامامية و الخلفية ( حسبهم علي ب 400 ريال ) وانا طبعا ابي اشتري راسي و ابي افتك .
    سؤالي يا اخواني هل الشاشاشت اللي انتم مركبينها عانيتو فيها من المشاكل هذي ,
    وهل في شاشات معينة مضمونة و مجربة للفورد اكسبلولر تحديدا وتكون نوعية جيدة وممتازة
    لاني بصراحة من خلال تجربتي كرهت الشاشات كلها .
    واذا في نوع او مكان معين بالرياض مضمون تدلونا عليه وكم اسعاره و ايش تنصحونا
    ولكم جزيل الشكر
    الصور المرفقة الصور المرفقة

  2. #2
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي

    مالي خبره فيها لكن لك رساله عالخاص



    iphone 6s plus

  3. #3
    ottm77 غير متصل عضو جديد
    تاريخ التسجيل
    Apr 2009
    المشاركات
    3

    افتراضي رد: شاشة فورد اكسبلولر 2012

    مشكور اخي الكريم بس ما زلت ابحث

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر