النتائج 1 إلى 4 من 4

الموضوع: تقرير تركيب تكاية لنكون تاون كار على الماركيز

  1. #1
    ابو صقر1 غير متصل عضو نشيط
    تاريخ التسجيل
    Apr 2016
    المشاركات
    41

    افتراضي تقرير تركيب تكاية لنكون تاون كار على الماركيز

    السلام عليكم اعضاء فورد العربية

    فكرة التكاية شفتها عند واحد من الشباب وعجبني استعمالها وخاصه انها بتخدمك بحكم الدرج الي داخلها والسياره مواصفات سعوديه يعني بس فك وركب ما تقص ولا شي
    لقيت التكايات بس اسعارها شوي غاليه من 800 الى 1000 وبعضهم يطلب 1500
    وبعد شهرين الحمدالله بعد معاناة حصلت تكاية في التشليح وطالب فيها 500 ريال لونها رصاصي
    وشفتها نظيفه والسبرنقات سليمه والقواعد طيبة وتوكلت على الله واخذتها

    هذي صورة التكاية





    طبعا احب انوه ع النقطه هذي الي بيشتري تكايه ويركبها ع السياره انه الاكواب لو فتحتها بتلاحظها تنزل تحت اخر شي وتحسبها مكسوره او خربانه وتزعل ع البايع يوم يقولك نظيفه مافيها شي
    وانا كنت منهم وكلمت العضو النجم الشمالي الله يجزاه خير north star وقالي هذي طبيعيه
    لانك اذا ركبتها تتسند ع النفخه الي في النص بين الراكب والسايق






    طبعا التكاية لونها رصاصي والسياره عندي الداخليه لونه بيج مخمل
    تحتاج توديها محل تنجيد ينجدها لك بنفس اللون
    ورحت انا عند اكثر من محل ابيه يعطيني نفس القماش او اللون وما لقيت
    في الصناعية والغرابيه ، ولقيت عند واحد قريب من اللون تماما وتوكلت ع الله وحطيتها عنده
    طبعا ينجدها لك 100 ريال مع التركيب
    لكن قبل تنجد ود التكاية عند مغسله يغسلها لك او تلميع وانا حطيتها في مغسله يغسلها وخليتها في الشمس يوم وبعدين وديتها التنجيد
    واعتذر عن عدم وجود صور وقتها والله والبال راح بعيد عنها والله لا يشغلنا عن طاعته

    هنا قبل لا اركب التكاية



    هنا اثناء التركيب ومثل ما قلت لكم اذا موترك سعودي بتفك صواميل المراتب من تحت عشان تفك التكايه
    لان التكايه والصاموله حقت المراتب وحده بتضطر تفكها عشان تطلع التكاية



    ^^^ لما فكو التكايه تفاجات بالقطعه البلاستيكية هذي وانا اعتقدت انه لي عادي رايح للمكيف الخلفي
    لكن ماشااءالله طلع شي مو بالحسبان هههههه



    وهنا اخيرا بعد التركيب




    هذا م لدي الليله الحمدالله مشروع وخلصته الحمدالله وماشااء الله تبارك الله واعتذر ع الصور القليله
    طبعا ما انسى اخوي العضو north star الله يعطيه العافيه ع بعض المعلومات الي افادني عن التكاية وله جزيل الشكر
    وللي بيركب تكاية وموتره امريكي يقدر يرجع لموضوع north star عن تركيبها
    التعديل الأخير تم بواسطة ابو صقر1 ; 08-16-2016 الساعة 01:37 AM
    جراند ماركيز 2007 سعودي اصدار 100 عام

  2. #2
    الصورة الرمزية Black King
    Black King غير متصل مراقب عام / رئيس التغطيات
    تاريخ التسجيل
    May 2009
    الدولة
    K.S.A AND FORD
    المشاركات
    13,064

    افتراضي رد: تقرير تركيب تكاية لنكون تاون كار على الماركيز

    يعطيك العافيه

    من وين اخذتها تشليح في الرياض

    ولله ودي بوحده
    اخوكم عبدالعزيز بن محمد

    KING OF THE ROAD



  3. #3
    north star غير متصل متخصص اكسسوارات
    تاريخ التسجيل
    Aug 2011
    المشاركات
    4,085

    افتراضي رد: تقرير تركيب تكاية لنكون تاون كار على الماركيز

    ابو صقر1
    ماهذا يارجل
    اجل تتسند على النفخه ههههههههههههه
    اولا : لا شكر على واجب فتواجدي هنا لاستفيد وافيد.

    الف مبروك التكاية ونقول وداعا للأبهر والم الكتف من التكية المائله سابقا
    تتهنى فيها يارب مافي ملل من المشاوير الان
    تقرير مميز اعجبني فيه بساطة الاسلوب
    الف مبروك مره اخرى

  4. #4
    ابو صقر1 غير متصل عضو نشيط
    تاريخ التسجيل
    Apr 2016
    المشاركات
    41

    افتراضي رد: تقرير تركيب تكاية لنكون تاون كار على الماركيز

    اقتباس المشاركة الأصلية كتبت بواسطة black king مشاهدة المشاركة
    يعطيك العافيه

    من وين اخذتها تشليح في الرياض

    ولله ودي بوحده
    اخذتها من تشليح عبدالغفار اسمه في الشارع الثالث ع ما اعتقد

    اقتباس المشاركة الأصلية كتبت بواسطة north star مشاهدة المشاركة
    ابو صقر1
    ماهذا يارجل
    اجل تتسند على النفخه ههههههههههههه
    اولا : لا شكر على واجب فتواجدي هنا لاستفيد وافيد.

    الف مبروك التكاية ونقول وداعا للأبهر والم الكتف من التكية المائله سابقا
    تتهنى فيها يارب مافي ملل من المشاوير الان
    تقرير مميز اعجبني فيه بساطة الاسلوب
    الف مبروك مره اخرى
    لا تتدقق واجد اهم شي توصل المعلومه هههههههههه
    والله يبارك فيك وبالفعل القديمه تخليك تميل عشان تتكي
    لكن هذي مستواها جدا مميز وتخدمك
    جراند ماركيز 2007 سعودي اصدار 100 عام

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر