النتائج 1 إلى 2 من 2

الموضوع: دفعت 830 ريال خلال ساعتين +نصيحة انتبهو من البواجي؟!

  1. #1
    كباكا غير متصل عضو جديد
    تاريخ التسجيل
    Jan 2016
    المشاركات
    2

    افتراضي دفعت 830 ريال خلال ساعتين +نصيحة انتبهو من البواجي؟!

    السلام عليكم ورحمة الله وبركاته

    اليوم صلحت اشياء في الفورد حقي كلفتني ثمانمية وثلاثين خلال اقل من

    ثلاث ساعات

    صحيت الصباح شغلت الفورد مشيت كم متر الا الاحظ السيارة فيها تفتفه قويه

    وادعس سيده فحص كمبيوتر ويطلعلي النتيجه : -

    تشييك الكويل رقم 8 وتغيير بواجي وتشييك طرمبة ماء (احتمال تهرب ماء)

    لأن الاحظ كل خمس ايام يتقص ماء القربة حقت الاديتر ،دفعت قيمة الفحص150ريال

    وطوالي ع الكهرباء ابو بكس غير سبع بواجي ويوم وصل للثامن اللي عند جِهت الراكب

    دقّر البوجي وحلف إنه مايطلع من مكانه😡 قال الباكستاني لو حاولت فيه بقوه اكثر راح

    ينكسر عليك وبتاكلها خوابير <~~ هذي ترجمه للي قاله 😷 المهم انتقلنا لطرمبة الماء شريتها

    ب250 وغيرها ابو بكس ب100 خلصنا من الطرمبة رجعنا لموضوع البوجي قالي رح للمخرطه

    هم يعرفون شغلهم معه رحت المخرطه قلتلهم السالفه( من الى) قالولي نفكلك البوجي

    على مسؤليتك 👀 قلت ليه وش بيصير؟! قال احتمال ينكسر البوجي وبتحتاج تفك الراس

    وبتكلفك 1400ريال ؟؟ قلتلهم على الله جرب وان شاءالله ينفك ؟! المهم رش عليه زيت وانفك بالراحه 👍🏼

    قلت الحمدلله عدت على خير وخذو مني150 واول مره ادفع فلوس وانا راضي🙂


    وعند المخرطه لقيت شخص معه اكسبدشن يقول انكسرت علي اربع بواجي وكلفني تصليحها4000 ريال

    الزبدة لكلامي ياجماعه لاتتساهل في موضوع البواجي غيرها على ممشى 30000 الف ولاتتأخر ولاكيلو
    لأني انا مشيتها ثنين وثلاثين الف كيلو وصار اللي صار

    وبث هذا اللي عندي ✋🏼

  2. #2
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    736

    افتراضي رد: دفعت 830 ريال خلال ساعتين +نصيحة انتبهو من البواجي؟!

    ماله دخل لو تغير بواجي بحقت المصنع زي بواجي الفورد الامريكي نوع بلاتينيوم تمشيك 130 الف كيلو بالراحه
    اما سالفة تغير بواجي كل 30 الف كيلو هذي ماتنفع
    وحتى بواجي الفورد النوع العادي اللي تلقاها باغلب السعودي او كله تمشيك الى 80 الف كذا بالراحه والى 100 الف
    يعني قصدي انها تأدي عملها بشكل كامل ولا عن كونها تمشيك فهي تمشي الواحد الى 200 الف بعد
    الفورد سواء سعودي او امريكي ياخذ له بواجي بحسب رقم الهيكل والموجود نوعين بس من الشركة موتر كرافت
    وكلها واحد عموما.



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر