صفحة 1 من 2 12 الأخيرةالأخيرة
النتائج 1 إلى 10 من 18

الموضوع: برمجة ماركيزhp وتركيب صندوق وتيوب بوليسي

  1. #1
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    732

    افتراضي برمجة ماركيزhp وتركيب صندوق وتيوب بوليسي

    السلام عليكم ورحمة الله وبركاته
    اليوم بطرح للاخوان عشان الفايدة عموماً للي يبغى يبرمج اي سيارة امريكية v8 وراعين الفوردات خصوصاً
    انا موتري قراند ماركيز 2011 امريكي شكمانين كورونة c8 = 2.73
    طبعاً ستوك حتى الدبات كلها كنت مخليها لكن زي ماعرفت الامريكي 4 دبات تلوث قدام ثنتين وورا ثنتين كبار عكس السعودي والبوليسي الامريكي بس دبتين قدام ووقتها ركبت دبات وطنية وفرق العزم ماشاء الله قومه وخط فرق واضح 15 حصان تقريباً لكن المشكلة كانت تطلع ريحة كربون بسيطة ومافي مكان للحساسات فتولع لمبة المكينة فرجعت دبات التلوث حقت موتري كاملة ومارضيت بالأداء شوي والكتمة البسيطة جداً .. فقمت قصيت الدبات اللي ورا من بعد الحساسات وركبت مواصير يعني خليته نفس نظام السعودي بس دبتين قدام تلوث وعلى كذا مافي ريحة كربون ولا شيء والحمدلله فرق العزم والصوت واحس الموتر مرتاح اذا دعست له ومافي ظغط على الاربي ام او ثقل عليه او على المكينة زي قبل ... ولو شلت الدبتين اللي باقية قدام ( اللي موجودة بالسعودي طبعا) كان فرق معي اكثر لكن مابغيت لانها مهمه ما ابي ريحة كربون تطلع .. لكن للاسف بعد 4 ايام ولعت لمبة المكينة

    لكن ماكان عندي مشكلة بعدها لاني كنت بشتري صندوق بوليسي مع حساسه وتيوب بوليسي
    مع العلم كثير قالي ماراح تركب على الفوردات العادية لازم برمجة او بتصير صرقعه والبعض قال تركب لكن الحساس حق البوليسي نفس العادي لكن مشكلته اذا ركبته مايركب يقعد يتفتف الفورد
    انا رحت وتوكلت قلت مركبه مركبه سواء تفتف او لا ...ماتفرق لاني ببرمج بعدها على طول
    ورحت وفكيت الصندوق والتيوب حقت موتري الشد بلد وركبت حقت البوليسي مع حساسه
    وماشاء الله تبارك الله لا تفتفه ولا شيء ودعست عليه وفرق معي العزم وحتى الصوت صار طرب اكثر زي البوليسي .

    ورحت طبعاً كملت طريقي للمبرمج ووزن لي الهواء والبنزين مع الصندوق والتيوب البوليسي
    وصار الأداء افضل يوم وزنهم وغير كذا فكيت الفصله ... وظغط تعاشيق الفورد وكالة 5350 ولكن تتحمل مكينة الفورد الى 6200 لكن اللي يحط 6200 يكون موتره هوائيات وزي كذا ..
    عالعموم انا رفعت النسبة على حسب كورونة موتري الى 5900 يعني اقوى تعشيقه للفورد
    بحيث انه يطول النمره .. واما التورك بس زدته نسبة 10% عشان مايتعب الموتر ولا حاجه مع ان في كثير يزودونه 50% وأعلى وماجاهم ماشاء الله شيء.
    لكن انا مو راعي مطارحات بشكل دائم فخليتها كذا.
    وطبعاً الشرارة ونوع البانزين خليتها وكالة ماعدلت عليها والباقي وكالة مع العلم لو عدلت على الشرارة يفرق بالعزم قومة وخط خصوصا.

    وجربنا الموتر وكنا نقيس حرارة القير تدعيس في الدي 1 والدي2 وعلى الدي ومن صفر ودحدرات والحمدلله كانت الحرارة مستقرة على ظغط اربي ام عالي مما يُبين ان الفوردات عموماً من 2006 وفوق ماتحتاج مبرد قير اضافي لانها نفس تظام تبريد البوليسي عكس موديلات 2005 وتحت كان البوليسي له مبردات اضافية .

    وانا اصلا كنت عارف انه مايحتاج ان شاء الله لمبرد اضافي
    لكن تاكدت بعد قياس الحرارة .

    والحمدلله ماشاء الله المبرمج نفسه انبهر من الموتر ومدح فيه الله يوفقه ويجزاه خير
    بس انا مابغيت اعدل عليه واظغط عليه بزيادة لاني ابيه يتحمل نفس تحمل الوكالة وانا مرتاح وبنفس الوقت يعطيني عزم والحمدلله هذا اللي جبته

    الفصله يفصل 250 كذا لكن ماجربت زيادة هديت .
    عالعموم الفوردات 2006 وفوق اذا فك فصله بدون تعديل والدبات موجودة حقت التلوث تجيب 245 -250 كذا .

    واحد ماشاء الله تبارك الله فاك الفصله عند نفس المبرمج جراند ماركيز 2010 مفرغ الدبات وكذا شغله بسيطة جايب 265 الله لا يضره.

    عالعموم السرعه مامنها خير وانا مافكيتها عشان اسرع لكن للضروره فقط الله لا يجيب الشر

    باختصار اللي سويته كالتالي :

    - نظام دبات التلوث خليته مثل الفورد البوليسي الامريكي ( والفورد السعودي بكل انواعه )
    - صندوق بوليسي مع حساسه
    -تيوب بوليسي ثم رحت سويت :
    - برمجة hp ( فك فصلة - تطويل نمرة القير - وزنت الهواء والبانزين مع الصندوق والتيوب حقت البوليسي )
    الفرق ماشاء الله تبارك الله ولله الحمد ...

    اي استفسارات او اللي يبغى اسم ورقم المبرمج يكلمني .
    الموقع الرياض طبعاً
    التعديل الأخير تم بواسطة فورد بوليسيP71 ; 01-07-2017 الساعة 06:41 PM



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

  2. #2
    FBI_911 غير متصل عضو ملَكي
    تاريخ التسجيل
    Jun 2011
    المشاركات
    1,195

    افتراضي رد: برمجة ماركيزhp وتركيب صندوق وتيوب بوليسي

    تتذكرني شكله طرحت افالون عشان كذا عدلت

    المهم مبروك وحساس الماف حق البوليسي والعادي كلها سواء ماتفرق وماضنتي الفورد يجيب فوق ال250

    والمبرمج المفروض زودت لك تايمنق وهل شبك لك حساس خلفي يشوف وقت البرمجة؟

    واذا انت بالرياض علمني نجرب معاك




  3. #3
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    732

    افتراضي رد: برمجة ماركيزhp وتركيب صندوق وتيوب بوليسي

    هههه هلا يالله حيه افا عليك كيف ننساك
    الله يبارك فيك
    والله مدري عنها لكن الفوردات الثانية فكتوريات وذا يركبون حساس البوليسي يتفتف معهم لازم برمجة
    لكن انا ركبت الصندوق مع الحساس والتيوب ولا طلع صرقعه ولا تفتفه الحمدلله ورحت برمجت بعدها على طول طبعا وعطاني اداء افضل بعد البرمجة .

    ومدري يمكن لو بس فك فصله مايعدي ال250 لكن لو شايل الدبات او على الاقل الدبتين اللي ورا زايدة بالامريكي وهوائيات يجيب
    لان الماركيز الامريكي 2010 اللي قلت بالموضوع فاك فصله جاب 265 كان هوائيات ماشاء الله.

    كيف زود لي تايمنق قصدك زود الوقت حق ايش؟
    هو زاد طول النمرة حقت التعشيق
    صارت 5900 والتورك بس زدته 10% وشكلي برجع له يزيدها 20% لان التورك ماله ضرر بس انا موسوس ما ابي اعدل شيء ههههه

    اما عن وقت البرمجة مدري وش الفايدة منها لكن كل المعلومات والمعطيات كانت على الجهاز

    وايه نعم بالرياض
    وانت وش معك موتر ؟



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

  4. #4
    FBI_911 غير متصل عضو ملَكي
    تاريخ التسجيل
    Jun 2011
    المشاركات
    1,195

    افتراضي رد: برمجة ماركيزhp وتركيب صندوق وتيوب بوليسي

    الله يبارك لك بموترك

    ونا اخوك كان معي ومع اخويياي فوردات معدله من مبطي اقل واحد منا هوائيات وماقدرنا نجيب اكثر من ٢٥٠ جي بي اس .. الطبلون مو مقياس صحيح فما بالك اذا فورد ستوك
    اقصد بالتماينق الشراره وماادري وش قصدك بالتورك و١٠٪ يمكن قصدك التورك منجمنت بحكم اني لي خلفيه عن البرمجه

    معاي يوكن ٢٠٠٦ تفريغ بس




  5. #5
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    732

    افتراضي رد: برمجة ماركيزhp وتركيب صندوق وتيوب بوليسي

    الله يجزاك خير ويبارك للجميع ان شاء الله

    غريبه اللي معكم يمكن الخط ماكان يساعد مره او المكينة مو ذاك ولا القير .
    بس الفورد الستوك اضعف كرونة يجيب 240 كذا 250 واعرف واحد 2006 فكتوريا
    ستوك خليجي جايب 256 بدون اي تعديلات بس فك فصله لكن معه موديل 2000 واضعف كرونة بعد وفاك فصلته ومركب انتيك وفلتر ودبات صوت وجاب 270 .

    بس ذاك ماشاء الله هوائيات وجاب كذا موتره
    ايه الشرارة لا والله ماعدلت عليها مع انها تفرق بالقومة وبالخط تخلي الموتر يسحب
    لكن تعرف اذا تحكمت بالشرارة لازم تختار نوع بانزين معين فما بغيت احوس انا
    خليتها نفس ماهي بلد .

    التورك قصدي التورك حق الموتر نفسه الفورد الستوك اضعف كرونة التورك حقه تقريبا حوالي 290 زي كذا انا زدت في التورك اللي هو عزم التورك 10% بس .

    وجربت مع تورس نشيط في نوره طلعت عليه شوي الى 100 فرق خفيف جداً بعدها مسكت معه فالخط راح فرق بسيط وكنت على الدي مو منزل القير .
    بس ماشاء الله التورس ذا نشيط لان كثير قاومتهم وانا ستوك قبل واطلع عليهم في القومة

    ومدري والله افكر اركب فلتر كي ان يقولون احسن ويفرق .
    وانا لو بغيت احس بفرق صح كان فرغت او ركبت الدبات الوطنية وهي عندي
    لكن ما ابي ريحة الكربون ههههه
    ولا ماشاء الله يوم كنت مركبها قبل ما افك الفصلة واركب الصندوق والتيوب البوليسي
    وفرق كبير جداً .

    وانا تعديلي الحين شيء بسيييط جداً يعني فكة فصلة وانتيك بوليسي
    لكن الحمدلله عطت فرق ومستوى حلو ومرضي .

    اليوكن حقك 5.3 ؟ كيف عزمه نشيط وتمسك خطوط او لا ؟
    لان ما اتوقع تطلع على الفوردات



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

  6. #6
    FBI_911 غير متصل عضو ملَكي
    تاريخ التسجيل
    Jun 2011
    المشاركات
    1,195

    افتراضي رد: برمجة ماركيزhp وتركيب صندوق وتيوب بوليسي

    لا اللي معي شاريه جديد اصفار ومابه خلاف كل قطعه ماركات وكل السرعات اللي قلتها مااضن صحيحه بحكم تجاربنا .. المارودر وهو مارودر بهوائيات بلعنه جنبا فيه ٢٧٠ ف مضنتي الفورد يجيبها لو يحب السماء الا اذا تعديل قوي. والكارونه ترا كلام فاضي ترا افضل سرعه جبناها بكارونه ٤.١٠ وبالمنتدى بتقولك ناس حدها ٢١٠ هالكارونه ذي ،، ٩٩٪ المعلومات الي تنقال هنا للاسف غلط واضمن لك وابصم بالعشر لو تجيب ٢ فورد واحد كارونه نايمه وواحد كارونه ٤.١٠ او ٣.٧٣ صدقني بالخط بياكل خابور الكارونه النايمه
    وشكل الي تعرفهم يقايسون مع سيارات طبالينها تقرا غلط وهذا توقعي
    واليوكن ٥.٣ تفريغ قديم ٢٠٠٦




  7. #7
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    732

    افتراضي رد: برمجة ماركيزhp وتركيب صندوق وتيوب بوليسي

    غريبه اللي معك بوليسي طيب 2010 اذكر تقول المفروض وهو ستوك لو نشيط يمشي 235-240 خصوصا لو كان امريكي ...
    واما اللي قلتهم لك والله هذا اللي جابوه ماشاء الله فل هوائيات وجاب كذا
    وموديل 2000 جاب 270 لكن ضرب عليه القير الموتر قديم اصلا ومو مركب مبرد تعرف مبردات الفوردات الموديلات القديمة مو ذاك الزود والدليل كان يحطون للبوليسي موديلات 2005 وتحت مبردات اضافة.
    اما موديلات 2006 وفوق كانت العادي والبوليسي سعودي وامريكي كلها نفس نظام التبريد .

    واما المارودر انت قلتها بس هوائيات وكارونته محشوره 3.55 طبيعي يجيب270 كثر الله خيره.
    الفوردات كارونة نايمة فك فصلة بالقليل تجيب 245-250 وشلون لو تعديلات ثانية او تفريغ حتى يفرق ترا.

    وكلامك صحيح بخصوص ان الكورونه النايمة تجيب سرعه اعلى ادري انه غير صحيح
    والمحترف بعد الله يهديه اللي له مقطع في اليوتيوب يشرح عن انواع الكارونات اعتقد هو اللي خربط على اغلب ملاك الفوردات يوم يقول للناس حدها كورونة البوليسي 220 وييييين ؟! ويقول النايمة اقوى شيء بالخط
    كثير راعين بوليسيات ستوك يجيبون 240 قديم وجديد
    وبالواقع كثير نشوفهم يحطمون كلامه واحد معه سبورت 2003 برمجة اس سي تي مركب مواصير بدال التلوث وشرارة وهواء وبانزين وتعاشيق مغير فيها وجايب ماشاء الله 258 هذا وهو كارونة بوليسي يطقطق على الكوابرس بالخط .
    ولا فيه كثير كارونة 3.73 وحقت المارودر يمشون 240 و260
    وبالعكس احسن كرونة اتوقع حسب ماسمعت حقت البوليسي لانها تشد على 220 تغير في رابع العزم يكون قوي مو طايح وبنفس الوقت ماتظغط على المكينة وعدد دوراتها زيادة هي والقير وكذلك كارونة المارودر
    اما عن كلام ان النايمة تجيب سرعات اعلى غير صحيح
    الفرق يمكن قصدك الكارونة 2.73 تكون اريح على المكينة هذا شيء ثاني .

    والمارودر اللي عندكم ماشاء الله لو مبرمجينه كان فرق
    احسك موسوعة فوردات مارودر وبوليسي هههه ماشاء الله

    حلو والجمس اللي معك طيب قد تطارحت فيه مع مواتر ونشيط ؟
    لان اتوقع حتى الجديد 2016 الغمارة سييرا ماله مجال مع الميركري



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

  8. #8
    FBI_911 غير متصل عضو ملَكي
    تاريخ التسجيل
    Jun 2011
    المشاركات
    1,195

    افتراضي رد: برمجة ماركيزhp وتركيب صندوق وتيوب بوليسي

    انت بالاول افهم موضوع الطبالين وفروق قراياتها بين السيارات اغلب السيارات من وكالتها طبلونها مهب دقيق تلقاها تزود ١٠ كيلو عن الحقيقه اذا ماكان اكثر هذا شي لازم تعرفه قبل كل شي هذا غير الي يغيرون حجم كفراتهم وتتغير قرايات الطبلون بشكل كبير فتحصله يقولك انه جاب ٢٤٠ وبالحقيقه ٢٢٠
    الكابرس يفصل ع ٢٣٥ بطبلون الكابرس مايعادل ٢٢٥ جي بي اس فطبيعي الفورد يروح بالخط بس لو الكابرس يفك فصله صدقني راح يتبخر قدام الفورد حتى لو الفورد مركب هوائيات ماله مجال مع الكابرس فاك فصله
    المارودور والفورد حقي وكل الفوردات انباعت مبطي ذا الكلام قبل ٣-٤ سنين عدلنا عليها لين قلنا امين وعرفنا مستوياتها صح ماعدا ماركيز واحد موجود للحين هوائيات كارونه اذا ودك تجرب معه علمني او تبي اليوكن مافيه مانع

    والسيرا الجديد مالك مجال معه خذ العلم مني ورنا وش بتسوي بالقديم حقي بالاول ههههه




  9. #9
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    732

    افتراضي رد: برمجة ماركيزhp وتركيب صندوق وتيوب بوليسي

    بخصوص الكابرس واحد ماشاء الله بدون فك فصلة يفصل 240
    بعد فك الفصلة بدون اي تعديل ثاني يمشي 269 يعني نقول 270 موديل 2015 طبعا
    افا المارودر يارجال من يبيعه ليش تبيعه الامريكي اخليه عندي واقف ولا ابيعه اطالعه يوميا اقول ميركري مارودر واضحك يكفي هههههه

    السييرا الجديد اشد معه قبل ايام انا ماشاء الله ستوك وشكمان مو عاد الحين .
    وقاومت تورسات جديدة ونشيطات وشديت معهم اكثر من السييرات وطلعت الى 116 ماشاء الله مع العلم موتره نشيط وراعي خطوط اما انا لا خط ولا شيء الحمدلله مريح هههه

    الماركيز هذا حقك ؟ وكم موديله
    وكارونته اي رقم ؟
    طبعا عليه برمجة بعد دامه فل هوائيات ولا ؟

    لان ودي اجرب معه اما اليوكن ان شاء الله اطلع اكيد



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

  10. #10
    FBI_911 غير متصل عضو ملَكي
    تاريخ التسجيل
    Jun 2011
    المشاركات
    1,195

    افتراضي رد: برمجة ماركيزhp وتركيب صندوق وتيوب بوليسي

    ماكان معي مارودر كان مع خويي والماركيز ذا خويي برضو موجود للحين واكيد مبرمج مايبيلها كلام ومبرمجة انا وكارونته ٣.٧٣ الموتر يبيله تصفيه بس ندوس عليه ماعندك مشكله راسلني خاص وعطني رقمك
    اللي كان معي بوليسي ٢٠١٠ وبعته ومعي موستنق الحين




صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر