النتائج 1 إلى 3 من 3

الموضوع: الله وفقني وخذيت ماركيز 2011 بعد ال99

  1. #1
    Mr,marquis غير متصل عضو نشيط
    تاريخ التسجيل
    Apr 2015
    المشاركات
    96

    افتراضي الله وفقني وخذيت ماركيز 2011 بعد ال99

    السلام عليكم ورحمة الله وبركاته

    كيف حالكم ي شباب عساكم بخير

    بعد عشرة دامت 18 سنة مع الماركيز 1999 وممشى 740 الف خبطت المكينة قبل 5 شهور والحين ف القراج واقف ومطربل وان انشاء الله ناوي ارجعه وكاااالة ف الكويت واضبطه هناك

    المهم ماعلينا
    الحمد لله خذيت لي ماركيز 2011 ماشي 120 الف كيلو طبعا جبناه من امريكا واول مستخدم له وماشاء الله مشيته مشيه ملوك لاكن احس ال 99 انعم ف المطبات والحفر 😂😂😂
    المواصفات جلد وشاشة ف الطبلون وكشافات لاكن الصدمة طلعت الكشافات مو من بلدها لاكن اصلية
    لاكن فيه كمن حاجه غثتني انه
    كرسي الراكب يدوي
    ومافيه جرس السرعة


    1-عندي مشكلة واخاف اني انخدعت فيه يمكن الدفرنس مغير ولا شي
    ان امشي 180 على الفصلة والسيارة بطيئة وتعبر جنبي سيارات بالهبل ويطلع ف السناب اني امشي 140
    وعند خويي فكتوريا 2000 يمشي 140 وانا امشي 180 ويجيني غثة وقهر انه يعبر ويمشي يعني من جد احسها بطيئة لاكن ماشاء الله ف القومه تستجيب وكل شي
    بس هذا العيب اللي ذكرته وابي تفسير له طبعا لما ادعس والسيارة واقفة ابضغط يوصل الى 4 يعني الكمبيوتر مقفول فهل هذا السبب

    2-طبعا بحكم ان في كثير من مستخدمين الفورد مايحبون صوت السرعة على 120 لاكن انا اعشقه لما كان عندي الماركيز 99 امشي 120 يطلع طن طن طن بس هذا 2011 ومايطلع وش السواه ملاحظة انا شفت موتري ال 99 فيه الجرس لانه خليجي فوق درج الراكب لاكن ال2011 مافيه جهاز هل فيه حل او طريقة


    3- حاجه الكشافات ي جماعة ابي اتحكم فيها زي بلدها
    يعني الشمعات موجودة والكشافات موجودة وموصلة بالسكن بس ما ابي كذه ابي اتحكم فيه واشتريت سويتش الانوار اللي فيه السحب حق تشغيل الكشافات وركبته وماضبط هل فيه افياش وكالة مخفية تبع الكشافات ولا وش الطريقه
    واعذروني عالازعاج

    وهاذي الاستفسارات الثلاثة اللي ابيها وابي ردها ضروري

  2. #2
    الصورة الرمزية فورد بوليسيP71
    فورد بوليسيP71 غير متصل عضو ملَكي
    تاريخ التسجيل
    Jul 2014
    المشاركات
    736

    افتراضي رد: الله وفقني وخذيت ماركيز 2011 بعد ال99

    وعليكم السلام
    مبروك الموتر والله يعطيك خيره ويكفيك شره
    وماقصر ماشاء الله ال99 مشا 740 الف شد بلد وثم ودعت مكينته انشهد انها مواتر

    اما بخصوص سؤوالك الاول شف اذا بتعرف مغير او لا موترك على كم يعشق الاول اذا حطيته بالدي ون ؟
    وعن خويك راعي موديل ال 2000 يمكن هو اللي مغير عنده الكارونه مو منك السبب.
    عالعموم اسهل طريقة تنزل تحت الموتر وشف الدفرنس الكارونة حقتك اقسم عدد السنون حقتها
    جرب عد عدد سنون الكارونه واقسمها على عدد سنون البنيون ويطلع لك الرقم









    وبخصوص صوت السرعه انا معي ماركيز 11 ومايطلع عندي الصوت ومدري ليش الصراحة وطبعا نفس مواصفات حقك
    واتوقع السعودي اللي فيه كذا او الموديلات 2008 وتحت .

    اما عن الكشافات لازم تشتري الزر حقها اللي يشد ويسحب نفس شد البلد من التشاليح
    وتشبكه على موترك تولفه بفك الديكور ويعرفون شغلتها حقين الزينه والصناعيات .

    وانصحك ماتحوس تخليها زي ماهي اصلا حلات الكشافات مع السكن والسكن مع الكشافات
    يعني سكن بدون كشافات مو زين وكشافات بدون سكن مو زينه
    فمالها داعي الزر وفي كثير سيارات تشتغل كشافاتها مع السكن حقها
    زي التورس تشتغل الليد حقها من الوكالة مع السكن مالها زر لحال .



    الدين واجد و الوظايف تعيسة *** والعسكرية خلت الراس شايب

    Police interceptor

    كله ولا الفورد لاتقطعونه
    يامنتجين الفورد خلو كحيلان

    لو زاد سعره مايعافى زبونه
    يشتريه لو كان غالي الاثمان

    يقولون اللي قيمته مايعرفونه
    مركب عزيز النفس ماهو بكوبان

    وابمدحه دام انكم تعشقونه
    من يمدح الفورد ماهوب بغلطان

    فيه اجتمع فعل الخشن مع ليونه
    مثل الشجاع اذا ابتسم يوم الاكوان

    يافورد تكفون لاتقطعونه
    يفداه انتاج تويوتا ونيسان

    الفرح راح من وقت مايقطعونه
    زين المواتر انعدم فيه الامان

  3. #3
    o_lg_ll غير متصل عضو جديد
    تاريخ التسجيل
    Feb 2014
    المشاركات
    17

    افتراضي رد: الله وفقني وخذيت ماركيز 2011 بعد ال99

    الله يعطيك خيره ويكفيك شره


    وانا مثلك عندي 99 ماركيز وافكر اغير الى 2012 فكتوري

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر