النتائج 1 إلى 3 من 3

الموضوع: معناة مع لنكون تاون كار 2003 _ مشكلة محيره

  1. #1
    سمو ذاته غير متصل عضو نشيط
    تاريخ التسجيل
    Jun 2009
    المشاركات
    71

    Unhappy معناة مع لنكون تاون كار 2003 _ مشكلة محيره

    مرحبا شباب
    ان شاء الله طيبين
    ربي يحفظكم جميعاً

    عندي مشكله بسيارتي لنكون تاون كار

    ما فيها عزم ابد مهما ادعس عالبنزين ما تمشي العزم ضعيف
    وديتها ورشه فحصتها كمبيوتر قال عندك بلف رقم 8 قافل وعندك التكايات ويكلفك اصلاحهاا شغل يد 1500
    وديتها ورشه ثانيه قال عندك 3 بلوف قافله رقم 8 و 4 و الكويل رقم 7 خربان
    وديتها ورشه ثالثه قال عندك الكمبيوتر ما بيعطي كهرب مضبوط للكويلات بالتحديد ما بيعطي ذبذبات وقال ركب مستعمل عليه ضمان يومين سعره 900 ريال والتركيب والبرمجه بيكلفك 500 ريال
    اخر شي قفلت معي و وديتها الوكيل الملحم قال خل السياره وخلينها ثاني يوم اتصلو قالو انهم فحصو الظفيره كامله وسليمه وهنا اكد لهم ان المشكله بالكمبويتر يعطي اكواد عشوائيه وقالو ما فيه كمبيوتر جديد وطلبو مني اجيب مستعمل من التشليح ويركبوه لي ويبرمجوه
    وش الحل يا جماعه ابي نصايحكم

  2. #2
    سمو ذاته غير متصل عضو نشيط
    تاريخ التسجيل
    Jun 2009
    المشاركات
    71

    افتراضي رد: معناة مع لنكون تاون كار 2003 _ مشكلة محيره

    ما كو ولا رد ايه راحت ايامك يا فورد العربيه ههههه المووهم تم حل المشكله وحبيت اشاركم قد يكون الموضوع مفيد لمن يواجه المشكله مستقبلا وراح اكتب لكم من البدايه وبختصار

    طبعا بعد بحث بالمنتدى لقيت مواضيع قديمه تنصح بالذهاب لورشة ابو عامر بالخضريه بالدمام والبعض تذم فيه قلت خلني اروح واشوف وبالعل رحت اول ما دخلت واجهني سوداني ضخم مسوي سكسوكه قال وش عندك مشكله خبرته بالمشكله قال شغل يدنا 1500 ريال هذا غير القطع عليك ويمكن اذا فتحنا المكينه تطلع مشاكل ثانيه راح نكلمك تشتريها وتعليقي كالتالي
    1- كان استقباله جدا مستفز ومو بالشكل المطلوب كنه تصريف وما له خلق حتى يكلمني
    2- ما فحص السياره ولا حتى طلع جربها ابد ولا حتى اهتم بس سدح تكلفة الاصلاح

    سألته ليش هالتكلفه وانت ما فحصت فكيف تسعر التصليح قال والله ما دري هم كذا والسؤال من هم اللي كذا من انتم خخخخ
    ما علينا قلت له وين بوابة الخروج ودقيته ريوس ورحت مركز البيان السوري لان سمعت عنه المهم استقبلني سوري اسمه معاذ حنيفه مشرف الصيانه بالمركز والله يا جماعه عسل قال افحص لك السياره بالكمبيوتر وراح يبين معاي المشكله بتكلفه 100 ريال بس قلت توكل على الله وفحص السياره قال لازم تخلي السياره حتى افحصها لك يدوي كمان غير الكمبيوتر فيه اشياء لازم يدوي حتى اتأكد من المشكله واطلع اجرب السياره قلت تم خليها ثاني يوم كلمني وقال ان المشكله من الكمبيوتر للسياره ما يعطي كهرب مضبوط ولا ذبذبات مضبوطه للكويلات ولازم تغيره والتكلفه للمستخدم من 800 الى 900 ريال والبرمجه تبدأ من 400 الى 500 وما بنختلف فيها ان شاء الله المهم قلت له ابي السياره اتنقل فيها للبحث عن كمبيوتر وصف لي محل يبيع كمبيوترات بس والله نسيته ما اذكره المهم جلست مع العيال بالاستراحه وكل واحد يفتى من عنده بالمشكله قلت يا ولد بكره الصبح يا انا ياالسياره واكلم اخوي قلت تعالي الصناعيه بالاحساء مليت من ورش الدمام وافرفر واناظر الورش وما شفت نفسي الا داخل مركز الملحم ما قلت لهم اني فحصت السياره من قبل وعلمتهم وش فيها قال استريح بالانتظار يفحصوها لك ب 150 ريال واذا بتصلح ما بنحملك قيمة الفحص قلت تم توكل على الله وانا بالانتظار جاني المهندس قال ان الكمبيوتر للسياره ما يعطي اكواد صح ويعطي اكواد عشوائيه وفيه احتمالين يا الظفيره فيها التماس وراح يتم فحصها بالكامل اذا مافيها التماس يعني من الكمبيوتر لازم تغيره ولازم تخلي السياره قلت تم خلوها ثاني يوم الصبح قالو تم فحص الظفيره بالكامل وسليمه ما بوه التماس و ان المشكله من الكمبيوتر للسياره ولازم تجيب واحد مستخدم لان الجديد راح نطلبه لك من امريكا وراح يكلفك كثير قلت ما هوب مشكله اجيب كمبيوتر من التشليخ و يوميا افرفر في ذا التشاليح وعطوني واد من التشاليح طريق البقيق الدمام قال حق لنكون 2003 واكد لي اشتريته بسعر خيال 400 ريال بس وديته للملحم قالوثاني يوم كلموني قالو اللي جبت حق كراون فيكتوريا خخخخخخ افا يا ذا العلم وارجع اخذه وارجعه للتشليح لان عليه ضمان يومين واخذ فلوسي واجلس افرفر مره ثانيه بالتشاليح وكل ما عطوني واحد ابحث عن الكود بمحرك قوقل يطلع لي بيانات عنه وطلعت فضايحهم اللي يعطيني حق موديل 2000 واللي يعطيني حق ماركيز واللي يعطيني حق كراون لين الحمد الله شفت صدفه وانا مار على تشليح موقف بالواجهة لنكون 2003 نفس موديل سيارتي والسياره نظيفه مره ما فيها صدمات استغربت قلت للعامل ليه ذي هنا ما فيها صدمات قال راعيها وداها السوق يبيعها ابخسو الشراطيه سعرها وحلف يمين عليه الطلاق ن يبيعها تشليح اصرف له ههههههههههههه ضكت وربي قلت الكمبيوتر فيها قال ايه قلت شغل السياره وشغلها والله يا عيال صافيه ما فيها شي ابد السياره وتمشي المهم قلت اباااا الكمبيوتر قال ما بيعه بروحه لازم كامل قلت تم بكم قال 1200 مع الدغمه ومفتاحها كامل حاولت مو راضي ينزل وكلمت صاحب التشليح ما قبل المهم اخذته و رحت للملحم سلمته ثاني يوم كلموني قالو تعال السياره جاهزه يا لبى صاروخ رحت واستلمتها بصراحه فرق ما شاء الله صارت السياره تطير صروخ وخفيفه والمكينه صارت هاديه مره بالاول تجيب الضغط ههههه من جد هالكمبيوتر مخ السياره ههههههه طبعا المبلغ التركيب والبرمجه 1500 ريال مع الخصم 1200 طبعا انا مو مقتنع ان الكمبيوتر مع الدغمه والمفتاح والفيش بعد يحتاج برجمه ما ضن لان كامل جايبه لو الكمبيوتر لوحده كان ممكن يتاج برجمه لكن الملحم اكدو لي ان لازم برجمه حتى لو جبته كامل ع كل حال اهم شيء ضبطت سيارتي هع هع هع
    وبث خلصت الحتوته خخخخخخ
    التعديل الأخير تم بواسطة سمو ذاته ; 04-17-2017 الساعة 07:32 PM

  3. #3
    بدر الدجا غير متصل عضو مجتهد
    تاريخ التسجيل
    Apr 2009
    المشاركات
    106

    افتراضي رد: معناة مع لنكون تاون كار 2003 _ مشكلة محيره

    تشكر يا صاحب المشكله على طرح الحل
    بارك الله فيك

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر