والله استفسارك حلو وبمكانه صراحه
طيب جربت مره تفك القطعه الخربانه وتاخذها معك للتقوى وتقارنها بنفس الرقم؟
ياليت تجرب هالشيء لان هذا الاثبات الوحيد الي يعلمك ان القطعه اصليه وتبع سيارتك ولالا
لان صراحه انا 2007 وابي اغير الفحمات باقرب وقت جاني شد عضلي من البريك ويوم رحت للوكاله مزعوني بحوالي ال 800 ريال طقم كامل قدام وورى غير انه قالي فيه نوع فورد ونوع موتور كرفت والفرق بينهم ان الفورد مايطلع صوت اذا انتهى ولموتر كرفت يطلع صوت س طبعا جودة فورد اقوى من موتر كرافت بنظري وطبعا الموتر كرافت ارخص بكثير من فورد
ليش لاتسالني لان من جد يقروشون الواحد بس انا ماعلي منهم لافكيت حقت السياره رحتلهم وقلتلهم ابي نفس هالرقم وبس

لاحوووول طيب والعمل الأن ؟؟؟ طيب أنا بسألك يامديرنا العزيز حسيت إنو الفحمات الي ركبتها سيئه أو ماقامت بواجبها الملطوب منها ......يعني ياأن الواحد ينصك ب 800 ريال يا ماياخد أصلي ...وصادق أخوي فكتوريا كل الي ركبو الفحمات من التقوى يقولون إنها تصدر صوت ونادر ...على حد قولهم إنه هاذي هي المشكله الوحيده في فحمات التقوى !!!!


المشكله إني مركب دينمو منهم وخايف إنه يقطعني بالخط لاسمح الله <<<بدات أشكك بدينمو حقي

كل شي إلا دينمو هههههههه

^
يآ رجل بلآ وسوسة
الوآلد مآ يشتري لموترهـ إلا من التقوى
أخبر شرآ ثلآجة وفحمآت وكويلآت الظآهر وبوآجي وأسلآك بوآجي وفلتر ومن عندهم
والموتر زي العسل الا الفحمآت أشوفهآ صآرت تطلع مثل صوت احتكآك الحديد
بس خفيف مررة
وإذآ بتقعد توسوس من الحين
ركب من الحين من الوكآلة
أهم شي الرآحة النفسية والله

:smile:

بالنسبة للفحمات يوجد نوعان لدى الشركة:
1-الاصلي الدرجة الأولى (لايصدر صوت صرير ) غالي
2- والاصلي الدرجة الثانية (يصدر صوت صرير) رخيص
وبشكل عام أريح وأضمن إنك تأخذ القطع من الوكالة.

أخوي مثل ما ذكر أخونا royal marquis فيه درجات

أنا ركبت قبل سنه وشوي تقريباً فحمات أبو 230 تقريباً أو حول هالمبلغ والظاهر انه قالي درجه ثانيه لأن الدرجه الاولى غاليه

المهم صحيح تصدر صفير لكن بعد فتره طووويلة شوي يختفي الصفير وما يظهر إلا ناااااااااااادراً أو ما يظهر نهائي

شوف يالغالي الوكالة لازم يمعط منك الفلوس وانت تشوفها لكن ممكن تجربة مديرنا الغالي مع التقوى كانت مع شخص ما يخاف الله اغلب المحلات التجارية تبيع الاصلي والتجاري معا لكن التقوى معروفة بقطعها

ومسألة الفحمات انا اركبت فحمات كرتونها احمر طبعا كانت الوحدة 100 ريال علشان زبون واخذت امامي وخلفي كلهم 200 ريال طلع صوت اول مركبتها لكن اختفى مع الوقت وتراها جيدة ما نقول افضل من الدرجة الاولى لكن جيدة

شف الفحمات لاتغامر هذي فرامل وضروريه جدا جدا
انا بصراحه بغير الفحمات امامي وخلفي ولحد الحين كل يوم اقول بكره بكره
وسالت عنهم بالوكاله قالوا 350 امامي و350 خلفي عند الجزيره وبعدين رحت سعرتهم بالحاج حسين ونفس السعر تماما
وراح اشتريهم ب 700 ريال والشكوى ع الله

الفرامل اللي بسيارتي الحين ماحسها قويه مره والبريك مايمسك ابد وع قولتك جاني شد عضلي وانا ارعص فيه ولايمسك والقير قبل يطق ب p

وان شاء الله بركب الاصليه واريح راسي كل شي العب فيه الا الفرامل لاتغامر حلاه الموتر من يوم تضرب فرامل يوقف بمحله وخصوص لاصرت راعي سرعه وطيران

وملاحظه الفحمات للي شفتها في كرتون عادي جدا لاعليه لاشعار ولاشي ولالون مجرد كرتون صغير طبعا من الوكاله قلت وشو هذا وين كرتون اصلي قال هذا اصلي 100 % وكاله هههههههه واللي عنده علم ولاشي يفيدنا

وننتظر باقي الاخوه يفتونا

بالنسبه للأخوان الي يقولون عن الفحمات الدرجه الثانيه إنها زينه أنا أتفق معهم وزي ماقلت لكم أول إنها زينه بس تطلع صوت و تقوم بشغلها 100% ... وأوخي ياراعي الزد الله يعوضك مقدما بس ترى زي ماقالو وقلت أن مافي فرق بين الثنتين من ناحيه العمليه ...يعني ليش تدفع هالفرق عشان صوت خفيف ونادر !!!.....طيب في أحد من أعضاء منتدانا العزيز أشترى قطعه من التقوى ونقد عليها بشي ؟؟؟



عشقتكـ ياماركيز