النتائج 1 إلى 8 من 8

الموضوع: مشكله بلوف !!!

  1. #1
    FORD_97 غير متصل عضو جديد
    تاريخ التسجيل
    Apr 2009
    المشاركات
    7

    افتراضي مشكله بلوف !!!

    السلام عليكم ورحمة الله وبركاته ...

    وانا ادور بالنت وابحث عن حل لمشكلتي .. لقيت منتداكم وحسيت انك خبره بالفرود ... وقلت اسجل واقولكم المشكله يمكن تساعدوني ...

    انا شريت فورد كراون فيكتوريا موديل 97 ... وكانت ناجحه في جميع الاختبارات الا فيه حاجه بسيطه وهي صوفه مكينه اللي عند القير به تهريب .. قلت عادي والباقي تمام ...

    طبعا كنت لما افحص الزيت يطلع صافي ما شاء الله ... بس من فتره قريبه شهرين ثلاثه ... بدأ يزود التهريب يعني علبه بالاسبوعين ... والشكمان بدا يطلع دخان ازرق خفيف ... وقالو جلد بلوف وعادي لو ما تصلحها ... مع انه فيه ميكانيكي قال لي غير نوع زيتك من سوبر جي تي الى سوبر شل الاحمر ابو علبه حديد القديم ... عاد دوره هذا ...

    ما علينا ... قبل امس وانا افر بالليل الساعه 12 ... بدت تجي تقطيعه قويه ... مع صوت طقطقه ... واول شيء طرا لي البواجي ... ورحت من بكرى وسألت كهربائي وقال مهي بواجي رح ميكانيكي ... ورحت لميكانيكي متخصص بالفورد <***** على كلام الناس ....
    المهم اول ما سمعها قال بلوف واخذ 2800 واصلحها لك خلال يومين ... السعر شامل كل شيء القطع وشغل اليد ,,

    ورحت لميكانيكي ثاني ... هو نفسه اللي قال غير نوع زيتك ... بس انه داهيه ما شاء الله عليه ... وعلى كلام الناس والا انا ما عمري صلحت عنده ,,, اسمه برويز للي يعرفه يعني وعلى فكره انا من حائل ...

    بس قال لي البلوف ميه بالميه خربانات بس اللي ماني متأكد منه هو الطقطقه يمكن انه صوت جنزير ويمكن تحتاج فك مكينه وتوظيب واخذ عليك 3500 هذا اذا فيه توظيب ... واذا ما يحتاج توظيب ... نشري طقم بلوف بــ350 ريال بس ما ادري كم ياخذ هو على تركيبهن ....

    وانتم وش رأيكم يا شباب اوظب كامل والا اغير البلوف والا وش السواة ؟

    ملاحظه / يدي توجعن من الكتابه ... لأني يوم خلصت كتابه ضغطت على زر ************ Esc الله لا يقبله من زر ...
    ومسح علي كل شيء ... ورحت كتبت الموضوع مره ثانيه ... يعني افزعولي يا اهل الخبره ...

    المهم خليتها

  2. #2
    الصورة الرمزية راعي الزد
    راعي الزد غير متصل نائب المشرف العام
    تاريخ التسجيل
    Dec 2008
    الدولة
    القمر
    المشاركات
    16,300

    افتراضي رد: مشكله بلوف !!!

    عليكم السلام ورحمه الله وبركاته
    بدايه ارحب فيك يابعد حيي والف لاباس عليك
    من خلال مافهمته من الموضوع ان عندك م
    1- تهريب زيت مكينه
    2- دخان ازرق
    3- طقطقه مكينه حاده وكن فيه كساره جوا


    طبعا واضحه وضوح الشمس وهي مشكله البلوف
    وحصلت معي سابقا على فكتوريا م 94 بس اني تجاهلتها وكد الموتر معي حوالي 2 سنتين لين بعته وكان يدخن ازرق جامد لما اصير موقفه واتحرك وحليت المشكله ان صرت احط فيه شحم بالمكينه بدال الزيت والشحم هذا رايب جدا مثل (الروب اللبن ) واسمه موبيل او قلف والعلبه معدنيه مثل حبه الزيت سلمك الله علبه شحم + 3 علب الا ربع ومشى حاله عال العال ولاعاد صار يدخن ابد لاازرق ولا ابيض واستمريت ع هالحال لحد مابعته شحم وزيت فقط

    الحل الثاني
    وهو الاصلاح تشتري الجلد ويركبونها
    وطبعا في حايل يبدو وضع ورشهم متخلف نوعا ما لان البلوف صارت تصلح بواسطه الكبس ويغيرون الجلد الخربانه
    دون مايفكون بلاوي المكينه وطبعا انصحك لاجيت الرياض تروح لورشه البيان الجديد وهم يسوونها في ظرف نص يوم او اقل وياخذون شغل يد حوالي 700 ريال الى 800 ريال فقط وهذا اللي انصحك فيه

    الاصلاح ب 3500 ريال قله بالمشمش
    3500 تجيب لك مكينه من التشليح بكل بلاويها

    وموفق يالغالي وماتشوف شر
    لأخير في كاتم العلم


  3. #3
    الصورة الرمزية BLacK DeviL
    BLacK DeviL غير متصل عضو مجتهد
    تاريخ التسجيل
    Mar 2009
    المشاركات
    173

    افتراضي رد: مشكله بلوف !!!

    ^ خبرته أكثر ^_^
    :aa:


  4. #4
    Grand غير متصل عضو نشيط
    تاريخ التسجيل
    Feb 2009
    المشاركات
    63

    افتراضي رد: مشكله بلوف !!!

    اما 3500 انتبه لايضحكون عليك
    حقها كما قال الاخ راعي الزد حول 700

  5. #5
    الصورة الرمزية خالد المنيف
    خالد المنيف غير متصل عضو ملَكي
    تاريخ التسجيل
    Apr 2009
    الدولة
    Dhahran
    المشاركات
    5,763

    افتراضي رد: مشكله بلوف !!!

    والله راعي الزد ماقصر كفى ووفا

    سوي حركته بالشحم واذا راحت خلاص استمر عليها لان حرام موديل السياره قديم 97 ماله داعي التوظيب هذاك لو السياره فاكها اصفار ممكن اكون معك بدلعها وبوظبها واذا ماظبطت حركت راعي الزد الله يعينك على التوظيب اجل ولا خذلك مكينه جديده من التشليح ابرك لك
    والتهريب انصحك تصلحه

  6. #6
    FORD_97 غير متصل عضو جديد
    تاريخ التسجيل
    Apr 2009
    المشاركات
    7

    افتراضي رد: مشكله بلوف !!!

    مشكورين على الردود والله يجزاكم خير ان شاء الله ....


    انا عارف ان جلد البلوف تطلع دخان وكنت عارف يوم طلع دخان انها جلد بلوف ... بس خليتها ....
    لكن التقطيعه اللي بالسياره وشي ؟ كأنها بواجي <***** كذا احسها .,..

    لأن السياره تقطع وكأن المكينه تبي تقع ,,,, وحتى السياره لازم تجلس معي كم شهر .... يعني اذا الموضوع مستمر كذا لازم اشوف له تصليح .... وحتى الدخان عادي نتحمله .... بس التقطيعه هي اللي مزعجتن واخاف تخبط وتاقف المكينه مره وحده وما تحرك متر واحد ,,,,

    مره اخرى مشكورين يا اخواني ,,,, بيض الله وجيهكم ,,,

  7. #7
    تاريخ التسجيل
    Apr 2009
    الدولة
    Riyadh
    المشاركات
    306

    افتراضي رد: مشكله بلوف !!!

    أنا كان عندي الشكمان يطلع دخان أزرق خفيييييف وبصراحه أنا خفت وقلت بس الماكينه جابت العيد ههههههههه وبدت الوسوسه وصرت ببيع وحاله <*****<*****موسوس درجه أولى

    لين ماربي هداني ورحت عند ميكانيكي إلي وضب موتري وقالي (والله يأبوفارس لو السياره مع واحد غيرك كان قلت إنها خبطت ) <*****< أبوفارس الي هو أنا محافظ جدا ترى حتى أسألو عيال حارتنا هع


    فسألني سؤال عن الزيت إلي أحطه قلتله بكل فخر جيتكس أبو 17 ريال وبكل ثقه <*****<ينقاله محافظ الحين

    قلي هذا البلى حط إلترا سفن وجرب وشوف ...والله موتري كان ينقص ويدخن ويوم حطيت الزيت الثقيل من الألترا سفن تفأجات بعدم نقص بالزيت وشي إسمه دخان ماعاد يطلع أبدا من الموتر إلا التبخير بالصبح والبرد وهذا بأعتقادي طبيعي

    فجرب إنت زيت ثقيل وزي ماقالو الاخوه حط شحم وشف ولاتتسرع ولاتوسوس أهم شي



    عشقتكـ ياماركيز

  8. #8
    Xx_3zobe_fe_najran_xX غير متصل عضو مميز
    تاريخ التسجيل
    Dec 2008
    المشاركات
    2,825

    افتراضي رد: مشكله بلوف !!!

    صباااااااااااااح الخير عليكم كلكم نفر نفر وقسم بلله اشتقنالكم بعد هل غيبه الصغيره الي طولها مترين وشبر
    المهم بخش بالموضوع عرض سريع شبه منحرف إلا زاويه بسيطه
    والله يالغالي قريت موضوعك بسرعه لأن الفكر عندي والله مشوش بقوووه
    احتمال سلك الأريل مجروح
    يافورد بالنسبه لجلد البلوف مثل ما تفضل اخوي راعي الزد فيه قطعه اسمها زرقينه يشيلون الجلد بدون فك روس المكينه
    والبنسبه للدخان عشان تتأكد اكثر بنفسك ومايكون فيه مجال للشك لاحظ ان الدخان ينقطع معاك لما تسخن السياره
    ولما تكون السياره حاميه وتدعس بنزين بقوووووه راح يطلع معاك الدخان وبعدها ينقطع على طول
    بعكس لما يكون عندك شنبر ماينقطع الدخان
    ثاني شي والمعلومه هاذي لك وللأخوه الأعضاء لو كان عندك بلف فيه مشكله او مكسور او متوقف لاتشتري طقم بلوف
    لأن طقم البلوف الي انت لقيته وقيمته 350 هاذي تجاااااااااااااااااريه مو اصليه وسعرها اكبر دليل
    الله لا يهينك تروح التشليح وتشتري راس مكينه كامل
    والسبب ياسيدي ان راس المكينه لما تجيبه من التشليح يكون معاه طقم بلوف كامله وأصليه وكلها قيمتها ما تتجاوز 400 او 450 بالكثير وأكرر وأقول طقم البلوف اصليييه
    بعكس الي انت لقيتها تجاريه
    بس تروح للمخرطه وتخليهم يشوفون الراس انخرط قبل كذا او لا وأقصد بالخرط الي هو مسحية الراس
    حاول تاخذ راس ما انمسح وتقدر تخلي المكنيكي يفك البلوف وينقلها
    وأكيد راح تقلي راس المكينه عندك سليم
    اقلك معليش بس هذا راس كامل بالبلوف
    ثاني شي فكرة اخوي راعي الزد 100% بالشحم والله لايحدنا عليها ههههههههههه
    انا مرت معاي فترة تبويش بموتر كان معاي وكنت اصبله زيت ديزل موبيل قسم بلله تقول عسل ابو صبه من ثقله والحمد لله قلة صرفية الزيت والدخان
    وطبعاً الشحم افضل بكثر نسبة لكثافته بس حركة زيت الديزل للكسالى امثالي ههههههههه
    دمتم بألف صحه وعافيه وأعتذر على الإطاله

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. أنا تهت .. هل هو بواش أو جلد بلوف ..؟!
    بواسطة the emperor في المنتدى قسم ورشة فورد
    مشاركات: 8
    آخر مشاركة: 01-07-2011, 07:29 PM
  2. جلد بلوف
    بواسطة speed557 في المنتدى قسم ورشة فورد
    مشاركات: 6
    آخر مشاركة: 01-01-2011, 09:34 PM
  3. جلد بلوف فكتوريا
    بواسطة ALRGIB في المنتدى قسم ورشة فورد
    مشاركات: 11
    آخر مشاركة: 06-20-2010, 07:35 PM
  4. صوت تكايات بلوف
    بواسطة العوني1431 في المنتدى قسم ورشة فورد
    مشاركات: 3
    آخر مشاركة: 06-12-2010, 08:01 PM
  5. بلوف الماكينة
    بواسطة الجـوكر العربي في المنتدى قسم ورشة فورد
    مشاركات: 12
    آخر مشاركة: 04-07-2010, 11:55 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر