|
|||||||
| استراحة الأعضاء للمواضيع الغير متعلقه بالسيارات وللترفيه للأعضاء |
| اعلانات |
 |
|
|
LinkBack | أدوات الموضوع | انواع عرض الموضوع |
|
#1
10-11-2008, 06:15 PM
|
||||
|
||||
بـوبي و القرطـآس :( < قصة محزنـة
مـدخل // عزيزي الطآلب لقد تجاوزت حدك من التسدح والتبطح بتآريخ 11/10/1429هـ **** مدآرررس :frown: -- السلام عليكم .. تسيف الحآل ..؟؟ ../ }{.. بُوٍبْيٍ وٍالقِرٍطَآسْ ..}{ :Swaffff: في ليلة من ليالي منفوحه المشمسه وبينمآ كان المطر يداعب خدي <~ أعرف أعبر صح أتيت للمنزل ومعي عسكريم ابو نص وبينمآ كنت أبلعه إذ بي ارىا خشة أخي لازقتٌ في عسكريمي المائع " ياهيك اللغه يابلا " :c74e1a5490f413f48b2 وقال : هذا وش ..؟؟ <~ مسوي نفسه بريء ومسكين مايعرف وش ! :Gm_019: قلت له بخبث : هذا شي حلوو مرره .. بس مالك أمل تآخذ منه إلا بطريقة وحده .. وهو ينقز ويقول : وش تكفىا علمني :wath8: رديت عليه : إنك تروح لم غرفة أبوي العزيز وتسرق مفتاح الددسن منه واعطيك العسكريم ’ :40: وإذ به يردف قآئلآ : ابشرر , كم عندنا رايق <~ أبووك ياشغل المصلحه يالمصري :Gm_019: وهو ينقز لم الغرفه ويجلس ربع ساعه وانا انتظره وادعي إن المهمه المستحيله ماتنكشف <~ أخص ياتوم كروز وهو يجي و وجهه يعطي ألوآن .. قلت : خير ياابو وشووله لاطعني كل هالوقت , وبعدين وش بوه وجهك صاير كأنه علبة ألوآن ورع بالابتدآئي رد : ياخووي شسووي بأبوك ذآ .. بغىا يكشفني وانا أنجضع تحت السرير إلا اشم لي ريحه ياعساك ماتشمها انا : ووش ريحته ..! هو : تصدق ياراايق .. إني شفت شرابات من عصر فرعون تحت السرير وحنّا طول هالايام ماحسينآ بها انا : بلآ من وصآختكم ياكلآب <~ طبعآ هالكلام بقلبي .. وأردفت قآئلآ : هآت المفتآح إخلص وأخذت المفتآح وافتح بآب الشآرع <~ اكيد بتفتحه أجل بتسكره وإذ بي أرىا صديقي الصدوق [ ابو مطلق ] **** والنعم والله :Swaffff: ابو مطلق هذا سلمكم الله .. أكبر دآشر في منفوحه ومآجآورهآ من محيطآت وصحرآوآت بس هدآيته على يدي إن شاء الله <~ طآلع نفسك أول نرجع حق محور حديثنآ " فيس محمد الصيرفي " واقول له : حيآ الله صديقي ابو مطلق وهو يرد : اخلص وش تبي رديت عليه : خير ياابو وش في أخلاقك صآررت تجآريه .. وهو يرد بكل حزن : بلآ من شيٍ شفته وانا أرد والفضول شغال ب مخيخي الايسر " لأن مخيخي الايمن جالس يتكلم " : ليه ووش شايف فضفض لي .. هو : تذكر كلبي " بوبي " [ أكرمكم الله ] انا : ايه أذكره وش بوه هو : وانا طالع امس البارحه <~ حدد يا امس يالبارحه .. رحت ل بوفية عبد الصمد اللي بآخر الشارع وبوبي يمشي معي وانا مااشي وماااشي وماااشي ومآآآشي " تخبرون البوفيه بآخر الشارع لآزم يطوّل وهو مآشي " .. ولما وصلت دخلت <~ أكيد بتدخل أجل بتطلع وأطلب طلبي المعتآد اللي هو .. اثنين بيض بالطحينيه و واحد فول بالمآيونيز .. وبينمآ انا انتظر طلبي على أحر من الثلج , وإذ بي اسمع صوت زقزقه وتصفير وانا احسبوه من بطني وانا التفت إلا يطلع الصوت .. صوت بررريك سياره وإذ بي أرىا المنظر البشع المأساوي , شوية شباب مستهترين كآنوا يستعرضون قدآم ورآعين يلعبون كوره وهم يخشون عرض ع خشة بوبي ويدعسونه .. يعني ل هالدرجه وصل الاستهتآر بحيآة الناس يؤ أقصد الكلاب أعزكم الله .. وانا جالس اكتب بوه قصيده رثاء يارايق .. وانا ارد وانا فاقن خشتي : طيب اذا انا دعسوني .. بتكتب فيني رثاء ..! وهو يرد : من المجنون اللي بايعن عمره يدعسك .. انت لو يدعسونك تدري وش يصير .. رديت : وش !! قال : تنفجر السياره وانت تطلع مثل الجحش " وانتم بكرآمه " مافيك بلآ ياجحش قلت بنظره بريئه : الله يسآمحك .. وأردفت : أركب خلنا نروح نستعرض بالسياره عند الشباب .. وهو يرد : الله من زين السياره , كلها ددسن 84 غماره وحده , ولها شبك وفيها تيس ميت رديت : إركب لاتجيك الزبيريه تمشي 280 سم بالساعه <~ نو كومنت ونروح لم بوفيه عبدالصمد .. أبغى اشوف آثآر الجريمه .. يمكن أعرف شي عن المُجرم <~ أووخص ياكونآن ولا شارلوك هولمز ونروح ونسأل الهندي اللي بالبوفيه عن الحآدث الشنيع , وهو يقول : سوف هآدآ صديق آنآ في سوف هو يزي سوي فحّط إعمل سيم سيم كيدآ [ أنننن أننننن أوووووح ] <~ يوصف طريقة التفحيط بئدين يزي سوي إدئس هآدآ كلب حيلو مسكين .. وهو يرد ابو مطلق عليه : لاتقول عن كلبي حلو يابو فسيّه انا : يآولد هو مآيقصد شي بس إسكت ريثمآ ينتهي من الكلام <~ أبووك ياللغه أبو فسيّه : اوويه سوي إسكت ريسما انا خلص كلام .. سئوودي آخر زمن .. انا : أقول لاتتحلطم كأنك عجوز مآخذين عشآهآ أبو فسيّه : طيب طيب " معها هزة رآس " , هو في وقف خمسه دقيقه يسوف كلب بعدين يقول [ يالله إفررك لايمسكنآ فخرري ] انا : طيب خلاص ضف وجهك .. ونطلع لم مكان الحآدث ونشوف دم بوبي .. ويقعد يصيح ابو مطلق وقال : يحرم عليّ الفنجآل وعلوم الرجال إن مآجبت ثارك يابوبي <~ مدري ليه حسيت إني بديرة غليص ! رديت : قم بس لا أفقع وجهك .. ولاتكثر من المسلسلات التآريخيه مرتن ثآنيه ولقينآ قرطآس طآيح عند الدم .. ومآعرفنآ هالقرطآس . قرطآس إيش قلت : ياولد شف هالقرطآس تتوقع قرطآس إيش ..! فخري : يمكن قرطآس باور هآورس <~ روح نآم أبرك لك انا : لا لا ما أظن بس أبآخذه وارسله ل مختبآرتنآ في الحآير أغديهم يلقون شيٍ يسوىا يآمآل الماحي وركبنا أم عزيّز " الددسن لبىا مكينتهآ " ورحنا لم المختبر اللي بالحآير .. ونقآبل الدكتور في علم القرآطيس [ حسنين فتح الباب ] دخلت ع المختبر وأقابل ذيك السكرتيره اللي تطيح الطير من الارض <~ قآم يضيّع من الخقه وانا أظبط القذله واسكر الزراير وادور عطر مالقيت إلا معطر جو [ بريحة الصنوبر ] وتعطرت منه <~ ع الاقل أهون من ريحتك واجيها واسوي نفسي كآش وكوول .. أنا : صبآح النور ياسرور .. يؤ أقصد صبآح النور والسرور <~ للحين الخقه مأثره عليه المسيكين هي : أهلين .. صبآح الخير يآوجه الخير <~ هي قالتها من هنا وانا انبرش من هنا انا : " هآآ " <~ ووجهي يقوطر سعابيل هي : إيش فييك عسىا مآشر .. انا : الشر مايجيك يابعد طوايف فخري وبوبي يآجعلتس مآتروحين مرآحه هي : ليه , وين رآح بوبي .. سيآحه ولا إيش ..؟؟ <~ كلن على همه سرىا انا : إيه رآيح يصيّف بجنيف <~ لو تعرف الصدز كان تسحب ع أوومي اللي جآبتني انا بعد : طيب مُمكن لو سمحتي نقابل الدختر [ حسنين فتح البإب ] هي : طيب ثوآني آخذ لكم موعد معه .. وبعد مالطعوا أوومنا بالرشبشن <~ ركزوا ع الرشبشن دخلنا علىا الدختر [ حسنين فتح الباب ] الملقب ب حسنين الاعور ولما دخلت عليه جلست أنآظر إلا كأني جالس ب زباله " أكرمكم الله " بالمنفوحه ولا بالنظيم , تأكدت بقووه إن تخصصه زباله يازباله <~ طيب وش دخلهم تعصب عليهم و وريته القرطآس كوود إنه يعرف هالقرطآس .. قرطآس إيش ومن له .. كلّمه ابو مطلق .. ابو مطلق : السلام عليكم , كيف حالك حصنيّين ..! انا بصوت واطي : ياكلب ياإبن الكلب .. إسمه حسنين ابو مطلق : طيب انا وش يدريني شايفني أمه !! وهو يكمل .. : السلام عليكم , دختور حسنين .. " وبصوت خفيف : هآه كذا صح " انا : إيه صح بس إخلص الله يلعنك من خوي ابو مطلق : طيب طيب شغلك برىا يالكلب يال .. طوووط طااااط طيييط <~ تم حذفه من الرقابه مع تحيات رآيـق وهو يكمل .. : حنّا سالفتنا سالفه يادختور , انا يادكتور عندي كلب .. الدكتور نط وهو فاقن خشته : سبحان الله إزاي كلب ويبقىا عندو كلب .. حآقه غريبه واللهي .. فخري : انا كلب أجل .. إييييه لاصارت حآجتك عند الكلب قل له ياحسنين وقال فخري سالفته والدختور بغىا يصيح من تأثير البصل اللي أكله مع الفول ودق الدختور ع صدره وقال : ابشر بسعدك وانا ولد فتح الباب <~ مصري بدوي و وريته القرطآس وقال : بكرآ تمروني نفس هالوقت عشان تآخذون نتيجه التحاليل .. ولما طلعنا قابلت السكرتيره .. وانا اللي أشبكهآ وظبطت أموري وكلش .. وحنا طالعين من المختبر .. قلت : ابو مطلق .. انا ابروح ل دورة الميآه " وانتم بكرآمه " وابرجع لك .. قال : طيب ولما رجعت له .. لقيت ابو مطلق مدعوس [ داعسته تريله محمّله بطيخ ] وانا أظمه ع صدري وابكي حسيت فيه احد يمسكني من كتفي ويقوول : راايق .. رااايق ... رااااايـق " ويهزني وكل شوي يهزني أقوىا " راايـق قووووم .. وانا أفز من الفرررحه واقول : الحمدلله حلم .. الحمدلله حلم وانا اللي أجلس أمطخ خشة أخوي من كثر الفررحه واشغّل أغنية " أنا الشآكي " <~ قديم شوي وأقعد أهز ومافي احد في بيتنآ مآ مطخت خشتوه من الفرحه .. ورحت ل ابو مطلق وجلست أمطخوه , حتىا بوبي جلست أمطخوه <~ أبووك يالفرحه .. وتوووته تووته خلصت الحتووته .. مآيستفآد من الموضوع :- 1/ لآتطلع للبوفيه ومعك بوبي .. 2/ انتبه من اللي يستعرضون لايدعسون بوبي 3/ إذا طلعت من المختبر التفت يمين ويسار قبل تعبر الشارع <~ سبيس توون قناة شباب المستقبل 4/ حسنين إبن كلب وترآه أكبر نصآب لا أحد يروح له 5/ السكرتيره .. زحلقت لي ولا اتصلت : ( 6/ ماهو كل حلم تحسبه صدز ولا صحيت تقوم ترقص وتمطخ كل من تشوفه مثلي الله يخليني لنفسي ! 7/ أتركهآ لكم انتم اكتبوا وش استفدتم غير مصالتي كآن معكم من قلب الحدث ../ رآيق [ طش إم طش بآريس ]
|
|
#2
10-12-2008, 05:10 AM
|
||||
|
||||
|
رد: بـوبي و القرطـآس :( < قصة محزنـة
عندي ملاحظه عليها :goood:
__________________
|
|
#3
10-12-2008, 02:23 PM
|
||||
|
||||
|
رد: بـوبي و القرطـآس :( < قصة محزنـة
اقتباس:
النتـف لآبد مـنـه :c74e1a5490f413f48b2 اذآ انت غشيم وقبعت مشكلتك :tears: لآكن انا طاره أجيييـاال :40:
|
|
#4
10-12-2008, 05:04 PM
|
||||
|
||||
|
رد: بـوبي و القرطـآس :( < قصة محزنـة
ههههه مسكين بوبي وابو مطلق
__________________
[align=center]  black-wo0olf3344@hotmail.com[/align]
|
|
#5
10-13-2008, 01:11 AM
|
||||
|
||||
|
رد: بـوبي و القرطـآس :( < قصة محزنـة
اقتباس:
وبـوبي اخوه عبدالله :Swaffff: الله يرووجـك يآشيخ :d5b336f956ad1478089 عوآفي ع المرور وبنكثر قصص عشاانك :40:
|
|
#6
10-13-2008, 05:55 PM
|
||||
|
||||
|
رد: بـوبي و القرطـآس :( < قصة محزنـة
هههههههههههههههههههههههههههههههههههههههههههههههههه ههههههههههه
__________________
[align=center] black-wo0olf3344@hotmail.com[/align]
|
|
#8
10-14-2008, 04:03 AM
|
||||
|
||||
|
رد: بـوبي و القرطـآس :( < قصة محزنـة
خخخخخخخخخخخخخخخخخخخخخخخخخخ عادي كل واحد لازم يقبع :Swaffff:
__________________
|
|
#10
10-14-2008, 10:47 PM
|
||||
|
||||
|
رد: بـوبي و القرطـآس :( < قصة محزنـة
هذاك قلتها ..
__________________
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
فورد العربية ford4arab.com |
تصميم و تطوير دريم تيم |
العرض العادي
