النتائج 1 إلى 6 من 6

الموضوع: ملاك الموستنج الجديده لا تبخل علي بردك ^_^

  1. #1
    odilon غير متصل عضو جديد
    تاريخ التسجيل
    Jun 2010
    الدولة
    مملكتي
    المشاركات
    6

    افتراضي ملاك الموستنج الجديده لا تبخل علي بردك ^_^

    السلام عليكم
    كيف حالكم ياشباب************ عضو جديد بقراطيس الوكاله
    ماشالله منتداكم صرح شامخ في عالم فووورد
    والأعضاء عيني عليكم بارده******** ماشالله
    ما أبغى أطيل عليكم الكلام

    أنا ولله الحمد توظفت و صرت أقدر أختار سيارة أحلامي بنفسي
    ********ابوه دايم يتدخل في أمور سيارته<*****
    نوية اصير واحد من أبناء هذا صرح ونوية علىالفورد موستنج
    وأنشالله ياموديل 2006 أو 2007 8سلندر وعادي بأذن الله
    ماراح اأسأل عن قطع غيار ولا خرابات
    أنا ابغى أسأل
    عن الأستخداام يومي يعني اروح وأجي من الشغل عليه
    بأستعمله كأنه سياره عاديه
    وباخذه قير عادي عشان اذا اشتهيت انطرب شوي
    1
    – هل الموتر عملي؟
    ((سيارتي القديمه بحرقها)) – ماراح أستخدم سياره ثانيه معه

    كيفه مع الحراره خصوصا اني من الشرقيه والتحديد الأحساء والجو عندنا نار في صيف دافء حار شتاء يعيني حر في حر وانا تاريخي مع فورد للأسف سيء مع الحرارة أيام مركيز 98 الله لا يعيدها والكامري القراندي المعي الحين حراراه بعد

    2- كيف حرارة الموستنج يتحمل ولا؟؟
    أنا راح أشتري الموتر انشالله يا من قطر أو الأمارات

    3 - وش أهم شي اركز عليه لما أفحصها ؟؟

    4 - كيف افرق وارد امريكا عن الخليجي؟؟
    عندي عقده من وراد أمريكا ******** المركيز 98

    5- وهل تنصحوني ان ما أخذ واحد ماشي كثير يعني فوق الميه؟
    ولا؟
    نمشي على مقولة أيام أول الأمريكي مايضره ممشى
    أبغى أخذه وأنسى الورش سنه على الأقل

    انا مقتنع 70% بالسياره لكني قلت أسأل أهل الخبره

    ما أبغى الشايب يتشمت علي ويقولي لوأ نك طايعني وماخذ ددتسن ولا كامري أصرف لك
    الي عنده موستنق أو مجرب موديل 2006 او 2007 لا يبخل علي برد

    أسف على الأطاله

  2. #2
    stang&quis غير متصل عضو ملَكي
    تاريخ التسجيل
    Apr 2010
    المشاركات
    932

    افتراضي رد: ملاك الموستنج الجديده لا تبخل علي بردك ^_^

    استخدام الموستنغ حاله حال اي سياره ثانيه تقدر تروح وتجي ماهوب كورفت ولا لامبورغيني

    والحراره برضو مثله مثل اي سياره حافظ على ماي الراديتور والثروموستات ولا راح تتزحزح الحراره من محلها

    اذا بتشتري من الامارات خذ وياك واحد خبير ميكانيكا اغلب وارد الامارات ملفق واهم شي تشيك السياره من تحت وارفع الفرش حق الشنطه والداخليه اذا شفت اثار لماي او صدا او تلحيم

    انا انصحك تشتري من امريكا لكن عن طريق محل معروف وبينك وبينه شرط نظافه الموتر اذا ماعجبك تاخذ فلوسك

    واكيد كل ماصار ممشى الموتر اقل كل ماصار افضل لكن مااتدري هل العداد مضبوط ولا ملعوب فيه

    وافضل انك تضل تستخدم موترك القديم للدوام والموستنغ للويك اند عشان تحافظ عليه بس ولا هو مايضره الاستخدام


    اي استفسارات ثانيه حاظرين

  3. #3
    د.شريطي غير متصل عضو جديد
    تاريخ التسجيل
    Jul 2009
    المشاركات
    21

    افتراضي رد: ملاك الموستنج الجديده لا تبخل علي بردك ^_^

    السلام عليكم..

    اخوي انا عندي موستنغ 2008 وانا من الاحساء وشايفه زي العسل .. كانك تبي نصيحتي الامارات و قطر انحش لا تجيهم عندك الكويت حلوة او انك تاخذ امريكي وانزل الدمام او القطيف وبتحصل هناك بس شوي غالي بس بيكون نظيف ..

    اما عن الاستخدام هذا انا استخدمه مشاوير رايح جاي ومرتاح معه مع ان القير عادي بس اهم شي تشيك عليه من زيوت وفحمات والقطع الاستهلاكية ..

    كانك بتنزل الدمام فيه موستنغ 2007 للبيع لونه اسود تلقاه موقف عند مطعم كريسبي كريم وبنك السعودي الفرنسي مقابل فندق الشيراتون بس مو عارف اذا قير عادي او لا ..

    وشكرا ...

  4. #4
    odilon غير متصل عضو جديد
    تاريخ التسجيل
    Jun 2010
    الدولة
    مملكتي
    المشاركات
    6

    افتراضي رد: ملاك الموستنج الجديده لا تبخل علي بردك ^_^

    يعطيكم العافيه شباب ماقصرتو

    بس د.شريطي
    الأمارات أسعااارها حلوه وصحيح أنت مو أول واحد ينصحني ان ما أخذ منها
    وقطر أسعارها أفضل من الأسعار عندنا في الشرقيه كثار شفت في الدمام معروضين للبيع لكن نصهم كانو يفرووون في شااارع العباد وقوة مقاااومات وفيهم مواتر نظيفه بس عارضينها بغااالي
    أنا لي قرايب في قطر وبدووور هناك أكثر مواترهم ماتتعدى 60 الف وجاي الصيف والشعب يبي يساافر
    واذا في مكتب في الشرقيه انتم خابرينه يجيب موتر نظيف لا تبخلو علي فيه ياشباب

  5. #5
    stang&quis غير متصل عضو ملَكي
    تاريخ التسجيل
    Apr 2010
    المشاركات
    932

    افتراضي رد: ملاك الموستنج الجديده لا تبخل علي بردك ^_^

    عندك مكتب عبر الجزيره يجيبون مواتر و قطع فالدمام محلهم خش موقع مستعمل وتلاقي ارقامهم واتفق وياهم

    ...بس متأكد اخوي قطر عندهم موستنغات ؟؟وارخص منا ؟

  6. #6
    الصورة الرمزية marauder04
    marauder04 غير متصل عضو ملَكي
    تاريخ التسجيل
    Apr 2009
    الدولة
    السعودية _الخبر
    المشاركات
    620

    افتراضي رد: ملاك الموستنج الجديده لا تبخل علي بردك ^_^

    ^^^^^^^ نفس السؤال

    قطر اغلى منا بواااجد

    والله كنت ابي جمس رفرف رياضي 2005 مستعمل يبونه ب 89 الف وعندنا على 50

    في الوكاله كان ب 95 في قطر وبعد خمس سنوات ما ينزل الا قليل

    وادكر كان اسعاره عندهم مستعمل في سنه قبل سنتين في 60

    والموستنجااات عندهم والله مبااالغين فيهاا 2005 فل قير عادي ب 70 او 75

    عندكم موقع قطر سيل تقدر تتاكد بنفسك



    عالعموووم انا ادور موستنق احمر قير عادي 8 سلندر 2005 او 2006

    اللي يخبر واحد للبيع يخبرني



    GOOD BYE MY CAR

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. سؤال لكل ملاك الموستنج
    بواسطة mjod في المنتدى موستنج / جي تي Mustang / GT
    مشاركات: 6
    آخر مشاركة: 03-06-2011, 04:49 PM
  2. منقول // : لا تبخل على والدتك بقراءة هذا الدعاء
    بواسطة Marqez في المنتدى استراحة الأعضاء
    مشاركات: 5
    آخر مشاركة: 04-26-2010, 10:49 AM
  3. ملاك سيارات فورد هم الاكثر رضاءا بالجوده من باقي ملاك الشركات الاخرى
    بواسطة Panthers_4ever في المنتدى قسم المواضيع العامه لسيارات السيدان من فورد
    مشاركات: 12
    آخر مشاركة: 04-24-2010, 10:47 PM
  4. لا تبدل كفراتك بالغرابي؟
    بواسطة ابو جوري في المنتدى القسم العام
    مشاركات: 14
    آخر مشاركة: 03-10-2010, 01:37 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر