يامرحبا والله ومليون مسهلا
شوف المكيف هذا بلوته بلوى وخصوص لاصار ينسم ويخلص فريونه وعند فحصه لايظهر اي تهريب ونتفاجا مع تعبئه الغاز الاصلي اسبوع ولا اسبوعين ويطير والحل سلمك الله المره الجايه

- اول شي تعبي الكمبرسر هواء على ظغط 40 وبعدين بالاسنفنجه منقعه بالصابون وتدور دواره على مرابط ليات المكيف الالمنيوم لان فيها جلب زي جلب سلندر الغاز العادي ( جلبه حلقه مطاطيه سودا دائريه وسعرها بريال واحد ) تتاكد من جميع المرابط سواء الموصله للثلاجه والمشبوكه في الاديتر والمشبوكه في الكمبرسور لان دايم التهريب يظهر منها وماتكتشفه فقاعات الصابون وقت مايكون الموتر ثابت اثناء الفحص ولكن بعد التحرك للسياره ومطبات وحركه تتحرك المكينه وبالتالي تتحرك المواصير معها وتبدا تنسم تدريجيا (وانا سبق حصلت معي المشكله عقدتني وطلعت من الجلب الداخليه للمواصير الالمنيوم )

- الكبرسور يوجد به صوفه داخليه يغفل عنها الكثيرين الصوفه هذي نفس الحكايه تصير تهرب ع خفيف وسعر استبدالها كبس 150 ريال

افحص الحاجتين هذي وان شاء الله يارب تنحل مشكلتك


ان كنت من هل الرياض
فيه ورشه بوديك لها في صناعيه حراج بن قاسم اشاره الحاير اسمها صناعيه الحراج ادخلها في محل واحد متخصص كمبرسورات وتكييف فقط وكل الصناعيه يعرفونه بشهرته وشغله كمبرسورات متخصص

وهذا الرد مقتبس من احدى رودي ع الاعضاء

بالنسبه للغاز احب انبهك لشغله مهمه وهي سلمك الله ان الغاز انواع واكيد انت معبيه عند اقرب كهربائي ثلاجات وهذا خطا لان انواع غاز الفريون المستخدم في السيارات وهي اثنين
CFC R12 و النوع الثاني HFC R134a
النوع الاول وهو R12 هذا الغاز يستخدم من سنة السبله وحرب البسوس من السبعينات وهو ضار ع البيئه والانسان وخصوصا طبقة الاوزون لذلك جرى منعه
النوع الثاني وهو R 134a وهذا الغاز بدا استخدامه في مطلع العام 1994 م حتى الان

وش الفرق بين الاثنين
الغاز الجديد R134a اكثر كثافه من القديم ونظام التبريد في السياره الجديد وهو HFC يختلف تماما عن النظام القديم
طبعا اغلب العماله وذلك لجهلنا ييستعملون غاز اي كلام حق اصلاح الثلاجات والمكيفات ويشوفنا مدرعمين ويحقنون مواترنا بهالغاز وياغافل لك الله ماتدري الا هو مخلص ولا ضارب الكمبرسر عندك ولا مسدد مواصيرك
لانه غير متوافق مع الكمبرسر !!

والطريقه سلمك عشان تعرف نوع غازك المستخدم بسيارتك ان جميع السيارات الجديده من موديل 94 م تستخدم نظام التبريد الجديد HFC ايضا هناك ملصق على الريداتر او بطرف الكبوت للسياره من اليسار يحتوي على نوع الغاز لكل سياره وايضا موجود بكتالوج
وهنالك ايضا صمام التعبئه ( السلندر ) في النظام الجديد لا يحتوي على مسمار الضغط ويكون حجمه اكبر من الصمام السباق وله مسمار ظاهر للتعبئه وسداده وافضل نوعيه هي الغاز الفرنسي وعقبه الامريكي والياباني

لكن الموجود بالسوق كله صيني مضروب يعدم الكمبرسر ويتبخر بسرعه وسعره 50 الى 70 ريال

وسعر الدبه حقت الغاز للمضروب الصيني في شارع الزين بالرياض 270 ريال ( الاسطوانه الخضراء )
لكن الاصليه R 134a 390 ريال وهو المخصص لموترك والسيارات الحديثه


http://ford4arab.net/vb/t1535.html

الله يبيض وجهك يا راعي الزد
بس الله لايهينك ودي اعرف اسم الورشة ووصفها بالضبط
الصناعية معروفة بس ايش اسم المحل بالضبط الله لايهينك

[align=center]ما قصر اخونا راعي الزد كفى ووفى[/align]

بسم الله الرحمن الرحيم

اخوانى واخواتى فالله
الفريون لقد قرأت الموضوع للاخ الكريم المليء بالمعلومات حول اجهزة التكيف والمعدات والفئات التى تخص غاز
الخ ...

هذا الموقع يوضح الدورات الداخلية للتكيف
للمتابعة والمذيد من المعلومات اضغط على هذا الرابط
R-134a refrigerant
واتمنى الاستفادة وجزاكم الله كل خير