هلا فيك اخوووي التوش ونوورت المنتدى

اولا جنط الأصلي مايجي الا 17 نجمه
ثانيا الجنط الأصلي 17 ماايركب الا على موديلات 2003 وفووق


ولو تلاحظ ان الهوب حق مووترك دااخل شوي وتشوف موتر 2003 وفوق بتلاقيه لاصق تقريبا بالجنط

وااذا تبي جنط 16 رح للغرابي اتوقع اسعارهم من 800 لين 1000 طقم

ياحبيبي يركب واحد من اخوياي مركب جنط 17 على موديل 99 لوتبي اجبلك الصوره جبتلك

طيب ياحبيبي الرجال قال 17 اصلي ركز على كلمة اصلي

وهذ شوي وش فيك معصب

لو تبي يركب اصلي يركب اصلي بس لاتعصب

التوش
صورة الجنط الي تبيه

هذا مقاس 17 عرض 235 و

ارتفاع الكفر الستاندر 55


ونزل لموديل 2001 و2002

فيه شكل ثاني بنفس المقاس هذا بالظبط
الي تشوفه الحين على كل سيارات فورد تقريبا
نزل من 2003 الى 2009

وزي ماقالك راعي البوري جنط اصلي مايركب لموديل ماهو موديله

واذا بتركب تجاري بيركب ماعندك مشكله بس بنعرف انه تجاري لان البلوط عندك يتكون مجوفه ماهي بارزه زي الاصلي

وانصحك بارتفاع الكفر اعلى من 55 للمحافظه على الجنط من الحفر والمطاب واريح لك وللموتر

واذا كنت تبي شكل خله 55 او اقل وبيبرز عندك الجنط زياده

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ


اخوي الذهبي ياليت تزودنا بصور للسياره الي تقول عنها مع صوره للجنط من الداخل وصوره للهوب

اخوي الجنط اللي حاطه انت بالصورة ما يجي الا مقاس 17 اصلي حق الفورد سبورت 2001 _2002 الامريكية طبعا يختلف عن اللي بالسبورت من 2003 وطالع لان الجنط يجي مجوف على داخل وغالبا ما يجي الا من امريكا وما تحصله هنا الا نادر او تجيبة طلبية من امريكا طبعا لو حصلته وركبت كفرات مقاس 245 /55/17-تطلع السيارة كلاااااام

تسلمون ياشباب ومشكورين
ولي فهم قصدي (الحوسه) انا ادور على الجنط الاصلي 16 المجوف الاصلي
بس التجاري احــس انه بايخ ومايعطيك الشكل نفس الاصلي
ويعطيكم العافيه ياشباب
بس في تباريز يفصلونها في المخرطه عشان يركب الجنط الاصلي 17 وشرايكم فيها

يالغالي الاصلي مايجي الا 17 فقط ولا يركب عندك يركب من 2002 وفوق

اذا تبي تركب زي الفورد مالك الا التجاري

او تشوفلك جنط زينه 18 او 20 وتوكل على الله ركبه

اذا انت من سكان الرياض رح للغرابي راح تحصل كل الي تبيه هناك

اخوي( التوش) اذا حصلت تباريز في المخرطه احسن لك خذه وركب الجنط الاصلي افضل شكل واقوى بس قول كم التكلفة

لأني الصراحة ركبت قبل سنة تجاري وماشي زي الحلاوه بس مشكلته ان البلوط تجي داخله شوي وتطفشك اذا بتفكها والدلوخ البنغالية الي في الورشة يوم جيت اغير قماشات فتحوهم بالمكينة وشمخوا الفتحات واكسرو واحد من البلوط

بس لو ادري ان في تباريز في المخرطة كان ركبت جنوط بدون تبريزه