صفحة 1 من 3 123 الأخيرةالأخيرة
النتائج 1 إلى 10 من 30

الموضوع: تجربه شخصيه هذا الاسبوع عبيت غاز النيتروجين وضرب علي كفر بسرعة 140 وهذي النتيجة100%

  1. #1
    القر97ني غير متصل عضو نشيط
    تاريخ التسجيل
    Jul 2010
    المشاركات
    35

    افتراضي تجربه شخصيه هذا الاسبوع عبيت غاز النيتروجين وضرب علي كفر بسرعة 140 وهذي النتيجة100%

    بحكم ااني من عشاق الغرابي ومن مرتادينه ليس للتعديل لاني اعتقد ان شغل الوكالة مافيه مثله الا اذا فيه مشكله متفق عليها وحلول مجربه ومتفق عليها فلاباس المهم انا من فتره اسمع بالغاز النيتروجين الي يعبون فيه الكفرات وذاك اليوم انطنخت وقلت ندلع كفرات الفورد ونعطيها غازل نتروجين ويكفيها السنين العجاف الي قضتها مع الهواء المخيس خلها تشم حاجه نضيفه والله واعبي الكفرات الكلام قبل يمكن ثلاث اسابيع والبارح طالت اعماركم جاي من الخط الجديد الي يدخلك على الجسر المعلق بالرياض ماشي تقريبا 140 والله لا يوريكم ضرب الكفر الي ورا يمين وهاتك يا انواع الهز وامسك ما تمسك وحد ورد وصد ومد لين الله بستره من فوق زينها ووقفت ولبقت يمين ونزلت لقيت ما باقي غير الجنط وحلقتين سود من الكفر على اطراف الجنط ولو مشت السيارة شوي كان قلبتها على الجنط وراح فيها واحتمال محاكيكم كان يكتب موضوعه من المستشفى المهم قلت خلني اشوف الكلام الي يقولنه عن هالغاز انه يبرد الكفر وهالسوالف والله يا الربع اني ماسك الكفر بيدي والجنط بيدي ولا تقول ان السيارة مشت او ضرب كفر بس تحسه دافي يعني حرارة الجو مو اكثر طبعا بعد البنشر بخمس دقايق وغيرنا الكفر ومشت الامور وعلى ابو غرابي وطقم كفرات جديد لاني من اول ناوي اغيره لاني بسافر اجازة الاسبوع الجاي والكفر القديم رايح في الرحلة بس قلت بغيره قبل السفر

    المهم اليوم تذكرت اني قريت وسمعت اكثر من واحد يتسائل ان هالغاز يسبب انفجار ومدري اشتعال وبعضهم مشكك بالكلام الي يدور عنه قلت انقل لكم هالتجربه الي حصلت لي انا شخصيا والي اسئل الله باسمه العظيم ان ما احد يتعرض لها من اخوانا المسلمين ويستر علينا وعلى كل مسلم

    الاكيد والمختصر اني جربت هالغاز وضرب علي الكفر بسرعة 140 ولم يحدث اي شي من ما يتخوف منه الاخوان الي مترددين او متخوفين الا بالعكس لقيته افضل بكثير من الهواء العادي من برودة الكفر ولا حصل اي شي مما يتردد عن عيوب هالغاز وعلى فكره يوم غيرة طقم الكفرات حطيت الغاز وقلت للرجال يتوصى شوي ويحط لي شويتين غاز بكيس لا سمح الله يبنشر مخ الواحد يعبيه منه خله يبرد على مخه شوي

    من المواقف المضحكه كل خوياني ليمو وقفو يعرضون خدماتهم وانا مبنشر ليمو هذا اسم الدلع لخوياني ليموزين الف ليموزين وقفو لي تقول انهم ماشين وراي مستنين ابنشر بس جعل عيني ما تبكي ابو سعود وقفو اربع شباب سعودين اثنين بمستو بيشي واثنين بفورد ويتحلفون كلهم ما امد يدي في الكفر

    وعلى فكره الي يقولون انفجار واشتعال ترا يخلطون بين غاز الهيدروجين والنايتروجين الي يسبب الاشتعال حسب ما افادني واحد من الشباب هو غاز الهيدروجين ولو هالغاز يسبب الاشتعال كان انمنع من الاسواق مو مثل ما حنا شايفين انتشر في اغلب البناشر وصار له اجهزه تستورد


    وبالسبه لو بنشر الكفر او نقص الهواء وما فيه غاز عادي جدا تقدر تزيده هوا عادي ومتى ما صرت بمكان يتوفر فيه الغاز فرغه وعبه يعني الكفره الي فيها هوا عادي بتزعل من الي فيها نيتروجين وبتحلف يمين انها ما تتحرك لين تعبيها مثل خويتها
    ما صارت كفرات صارت حريم كل وحده بتقول ابي زي الثانيه

    تصدقون فيه شبه بين الحريم والكفرات لو نقص هواء كفر او بنشر احتمال يقضي عليك ولو نقصت على حرمه او قطعت عنها الدراهم بتقضي عليك

    الله حلل للرجال اربع حريم والسيارة تمشي على اربع كفرات الفرق في الاستبنه الكفرات الاربع تقول الله يستر لا اطير للشنطه والاربع حريم كل وحده تقول الله يستر لا اطير برا البيت

    الكفر الجديد اريح وامن من الكفر القديم والحرمه الجديده اريح وامن من الحرمه القديمه

    خساير الكفر الجديد اقل من من خساير الكفر القديم

    خساير الحرمه الجديده اقل من خساير الحرمه القديمه

    الكفر تعبيه هوا عادي يصخن تعبيه نيتروجين يبرد الحرمه تعطيها مصروف عادي تصخن عليك ترخي عليها بالدراهم تبرد عليك


    هههههههههه

  2. #2
    تاريخ التسجيل
    Aug 2009
    الدولة
    الرياض
    المشاركات
    2,557

    افتراضي رد: تجربه شخصيه هذا الاسبوع عبيت غاز النيتروجين وضرب علي كفر بسرعة 140 وهذي النتيجة10

    الحمد الله على السلامه

    خخخخخخخخخخخخخ

    الله يرجك

  3. #3
    الصورة الرمزية asoom
    asoom غير متصل عضو ملَكي
    تاريخ التسجيل
    Mar 2010
    المشاركات
    994

    افتراضي رد: تجربه شخصيه هذا الاسبوع عبيت غاز النيتروجين وضرب علي كفر بسرعة 140 وهذي النتيجة10

    خخخخخخخ
    الحمدلله ع السلاامه
    الله يرج بليسكـ

    مشكووراخووي

  4. #4
    الصورة الرمزية mmk
    mmk
    mmk غير متصل عضو ملَكي
    تاريخ التسجيل
    Oct 2008
    الدولة
    Jeddah
    المشاركات
    1,260

    افتراضي رد: تجربه شخصيه هذا الاسبوع عبيت غاز النيتروجين وضرب علي كفر بسرعة 140 وهذي النتيجة10

    ههههههههههههههههههههههههههههههههههههههههه

    خير يابو تتكلم عن النتروجين ولا عن الحريم , شكلوا الحريم لاعبين بيك لعب خخخخخخخخخخخخ

  5. #5
    الصورة الرمزية ابو نوفل
    ابو نوفل غير متصل عضو نشيط
    تاريخ التسجيل
    Apr 2010
    المشاركات
    66

    افتراضي رد: تجربه شخصيه هذا الاسبوع عبيت غاز النيتروجين وضرب علي كفر بسرعة 140 وهذي النتيجة10

    الحمـــــد لله على السلآمه والله يعوضك
    بالنسبة لغآز النيتروجين انا اول ماشريت طقم كفرآت عبيتهآ نيتروجين والى الآن ماضرب علي كفر ولله الحمد ,,, مع اني رآعي مشآوير وسفريآآت وان شاء الله مايضرب علي كفر
    تقبل مروري

  6. #6
    stang&quis غير متصل عضو ملَكي
    تاريخ التسجيل
    Apr 2010
    المشاركات
    932

    افتراضي رد: تجربه شخصيه هذا الاسبوع عبيت غاز النيتروجين وضرب علي كفر بسرعة 140 وهذي النتيجة10

    هههههههههه

    اما موضوع تحفه

    والحمدلله على السلامه

    ونقطه مهمه للي معبي ناتروجين او معبي من قبل اذا جيت تنسم الكفر لاي غرض تدخل بر ولا جيت عند بنشري

    انتبه تحط وجهك قبال الكفر غااااز النيتروجين غااااز مميت لانه يسبب الاختناااق ويحل محل الاوكسجين

    ف حطوا بالكم
    Looking 4 new stang after dah slow a… 2v has been sold

  7. #7
    الصورة الرمزية موادع زماني
    موادع زماني غير متصل عضو ملَكي
    تاريخ التسجيل
    Dec 2009
    الدولة
    KsA
    المشاركات
    635

    افتراضي رد: تجربه شخصيه هذا الاسبوع عبيت غاز النيتروجين وضرب علي كفر بسرعة 140 وهذي النتيجة10

    حمد لله ع السسسلامه

    ومعلومات مفيده

  8. #8
    الصورة الرمزية ALQAHTANI
    ALQAHTANI غير متصل عضو ملَكي
    تاريخ التسجيل
    Jun 2010
    الدولة
    الـمـمـلـكـة الـعـربـيـة الـسـعـوديـة
    المشاركات
    1,763

    افتراضي رد: تجربه شخصيه هذا الاسبوع عبيت غاز النيتروجين وضرب علي كفر بسرعة 140 وهذي النتيجة10

    الحمد الله على سلامه ....الله يكفينا شر الانفجارات

  9. #9
    الامـاكن غير متصل عضو مبدع
    تاريخ التسجيل
    Apr 2010
    الدولة
    K.S.A
    المشاركات
    242

    افتراضي رد: تجربه شخصيه هذا الاسبوع عبيت غاز النيتروجين وضرب علي كفر بسرعة 140 وهذي النتيجة10

    الله يرج ابليسك ... رجا مبرحا

    لووول

    أجل توصى لك بكيس منه

    بالله تكفى ما فيه دلفري من هالغاز...

    تحياتي وشكراً لسرد تجربتك؛؛؛

  10. #10
    ابو فهد 333 غير متصل عضو نشيط
    تاريخ التسجيل
    Mar 2010
    المشاركات
    57

    افتراضي رد: تجربه شخصيه هذا الاسبوع عبيت غاز النيتروجين وضرب علي كفر بسرعة 140 وهذي النتيجة10

    الحمد لله ع السلامة ....
    ياجماعة أنا بصراحة خايف اني اعبي كفرات موتري
    بالنيتروجين ... بسبب أن الكفر اذا عبيته بغاز النيتروجين
    يصير بااارد .. والأرض حارة جدا فيصير علاقة عكسية
    بين الكفر والأرض ,,, مما قد يسبب انفجاار لاقدر الله .
    الله يكفينا الانفجارت

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. .:. مميزات نفخ الاطار بغاز النيتروجين .:.
    بواسطة Rayan 224 في المنتدى القسم العام
    مشاركات: 19
    آخر مشاركة: 08-02-2013, 02:15 AM
  2. لو عبيت بنزين 95 السياره تكون على مسؤليتك !!!!!
    بواسطة abu 3tb في المنتدى قسم المواضيع العامه لسيارات السيدان من فورد
    مشاركات: 14
    آخر مشاركة: 02-08-2011, 03:25 PM
  3. عكست اصابع البطارية . وضرب الدينمو
    بواسطة ابو يحيى 07 في المنتدى قسم ورشة فورد
    مشاركات: 20
    آخر مشاركة: 01-20-2011, 03:11 AM
  4. النيتروجين للكفرات..
    بواسطة الشاب اللطيف في المنتدى قسم ورشة فورد
    مشاركات: 13
    آخر مشاركة: 08-09-2010, 03:22 PM
  5. غاز النيتروجين
    بواسطة ابوعمر في المنتدى استراحة الأعضاء
    مشاركات: 12
    آخر مشاركة: 06-21-2010, 12:13 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر