صفحة 1 من 4 123 ... الأخيرةالأخيرة
النتائج 1 إلى 10 من 40

الموضوع: الجنوط (شرح عام)

  1. #1
    الصورة الرمزية S_Edition
    S_Edition غير متصل عضو جديد
    تاريخ التسجيل
    Sep 2010
    الدولة
    مــزاجـــــي
    المشاركات
    22

    الجنوط (شرح عام)

    بسم الله الرحمن الرحيم

    في البداية يا اخواني الاعزاء احب اشركم على هذا الموقع اللي هو اكثر من رائع, وحاب اشكر جميع القائمين عليه من ادارة واعضاء

    تقريبا كثير من الشباب ماعنده فكره عن الجنوط من ناحية المقاسات والخفه وما الى ذلك من امور متعلقه بالجنوط, فقررت انا ومن باب المعرفه اني افيد زملائي واخواني الغير ملميين بهذي الامور واذا كان هنالك موضوع كتبه احد الاخوان بخصوص هذا الشي فالسموحه يااخوان لان ماعندي فكره..
    بس احب انوه اني من البحرين وعندنا اختلافات بسيطه في بعض المصطلحات مثل رنقات والتي هي جنوط ورشوه والمقصود هنا كارونه وكذا, فالسموحه اذا مره وحده قلبت فالكلام

    طبعا انا وكراعي كراون فكتوريا راح اتكلم عن موتري اولا..

    الكراون فكتوريا من 92 الى 2002

    جميعها تستخدم نفس المقاس والذي هو 5x4.5 , وهذا مقاس فتحة البلوط (بلط), ومقاس المحور هو 70.5 ملم (محور الجنط)

    موديلات 92 الى 97 تستخدم جنوط مقاس 15 كحد ادنى. موديلات 98 وطالع تستخدم جنوط مقاس 16
    عرض الجنوط هو 7 انتش للـ 16 والـ 17 بينما 6.5 لمقاس الـ 15, وفي بعض الحالات يكون عرض جنوط الـ 15 هو 7 اذا كانت بوليسيه (للفكتوريا البوليسي من نفس هذي الموديلات)

    للفكتوريا من 2003 وطالع

    جميعها تاتي بجنوط مقاس 16 كحد ادنى, 17 للـسبورت (في الفتره الاخيرة اصبحت جنوط الـ 17 تاتي مع الموديلات الاستاندر نفس حالتي يعيني ), 18 للمارودر
    العرض هو 7 انتش ماتغير, بينما 8 انتش لجنوط المارودر وذلك لانه اقوى فتعطيه قابليه اكثر للتحكم بالاضافه الى انها تحتاج لكفرات اكبر

    الاوفسيت offset للموديلات الجديده
    وهو مقاس وجه الجنط من الداخل للدرام وييل (مسامحه بس مب صايد اسمه بالعربي)
    طبعا في هذي الموديلات الاوفسيت نسبته عاليه وهي 50 ملم ولكن اي قياس يتراوح بين الـ 40 ملم والـ 50 يكون مقبول

    الحين ندخل في سالفة اللي يبون يبدلون جنوط الوكالة بجنوط ثانيه

    لموديلات 2003 وطالع
    جميع جنوط الموستنج من موديل 2005 وطالع تركب على الكراون فكتوريا وذلك لان لديهم نفس القياسات ولكن هنالك استثنائات بسيطه لبعض الموستنجات وذلك بسبب اختلاق قياس الاوفسيت حيث تكون نسبته اقل, اذا كان خاطرك انك تركب جنوط موستنج انزل من 2005 فانها ماراح تظبط وذلك لان نسبة الاوفسيت فيها قليله مقارنه بالموديلات الجديده

    للموديلات الاقدم
    رنقات الموستنج تركب ولكن راح تحتاج الى سبيسر على الاقل بو 30 ملم لان الاوفسيت في الفكتوريا 2002 ونازل نسبته تختلف عن الفكتوريا الجداد حيث انها اقل, بالاضافه الى ذلك فان موديلات 2002 ونازل تستطيع ايضا ان تستخدم جنوط الموستنج من 94 الى 2004 ولكن باضافة الادبتر (سبيسر)


    طبعا انا صار لي ساعه قاعد اتكلم عن الاوفسيت والسبيسر ولكن ماشرحت شنو سالفتهم, فلكم هذا الشرح..

    طبعا هنالك امور راح تدخل في هذي النقطه ونبدا بـ عرض الجنط نفسه

    للفكتوريا موديل 2003 وطالع
    يكون عرض الجنط 7 مثلا ,ومثل ماتجوف عينك ان الجنط صاير داخل شوي يعني حتى يادوبه واصل الى الرفرف مع الكفرات طبعا
    لهذي الموديلات للي يبي يبدل حجم الجنوط فيستحسن للامام ان لاتخرج عن مقاس الـ 9 انتش لان مافي مجال اكثر وهذا اذا كنت تبي تكون متناسق, اما للخلف فحتى لو ركبت مقاس 10 انتش فمافي اي مشاكل وافضل ان لاتتعدى هذا المقاس
    الاوفسيت هو اللي يقرر اذا الجنط راح يكون طالع عن الرفرف او يكون متناسق معاه, والنظريه تقول ان كل ماكان الاوفسيت اقل للموديلات الجديده فان الجنط راح يبرز للخارج بشكل اكبر وكل مازادت نسبة الاوفسيت اصبح مكان الجنط متناسق مع الرفرف اكثر

    للفكتوريا 2002 ونازل
    الرفرف صاير حجمه اكبر ولذلك فانه ممكن يحتوي الجنط بشكل اكبر ولهذا السبب بمقدور اصحاب هذي الموديلات استخدام جنوط الموستنج من موديلات 94 الى 2004

    عرض الجنط
    طبعا كل ماكان اعرض اصبح التحكم افضل واكبر دليل لدينا هو الكورفت فلو نظرت للجنوط الخلفيه راح تلقاها عريضه بشكل مو طبيعي وذلك لتحسين التحكم والاداء وبيني وبينكم اظمن بصراحه


    الوزن
    طبعا الجنوط البوليسيه تكون دائما اثقل من الجنوط الاخرى وذلك لانها حديد مب مثل جنوط لسبورت مثلا فهي المينيوم ,بالعربي خفيفه, فاذا كنت تبي اداء افضل فعليك بالجنوط الاخف وعندك الحسبه

    معلومات عامه
    احب اذكر ان جميع الكفرات لها مجال محدد لاحتواء الجنط يعني للكفرات اللي تجي على الفكتوريا لسبورت موديل 2007 مثلا تكون مقاس 235/55/17 هذي الكفرات موجوده على جنوط بعرض 7 انتش ولكنها تقبل جنوط 8 انتش وهكذا فاتمنا من الاخوه انت ينتبهوا لذي النقطه بدل ماتخسرون فلوسكم على الفاضي

    اذا كنت ممن يبحثون عن الاداء الافضل فلا تتعدى حجم الـ 18 انتش لحجم الجنط فهذا الحجم هو الافضل من ناحية الاداء والسلامه ايضا

    ارجوا اخذ الحيطه والحذر من الجنوط التجارية, طبعا انا ماركبت جنوط تجاريه ولا اعرف احد ركبها ولكن اللي اعرفه ان الجنوط يجب ان تكون مختومه بعدة اختام منها مثلا ختم الجوده وقوة التحمل وفي بعض الجنوط الاصلية اللي تجيك من الوكالة فانها تحتوي على سيريل نمبر وختم الشركة نفسها

    للاخوه اللي عندهم ماركيز فالكلام لايختلف عن الفكتوريا واذا مومقتنعيين فالمارودر اكبر دليل

    في النهاية السموحه على الاطالة واذا كانت هنالك اي اخطاء فاني اكرر اعتذاري ويامرحبا بمشاركاتكم
    [SIGPIC][/SIGPIC]

  2. #2
    الصورة الرمزية ملك الفورد
    ملك الفورد غير متصل عضو مبدع
    تاريخ التسجيل
    Jan 2009
    الدولة
    طالب
    المشاركات
    268

    افتراضي رد: الجنوط (شرح عام)

    طيب اقدر اركب جنوط الموستنق البولت

  3. #3
    الصورة الرمزية S_Edition
    S_Edition غير متصل عضو جديد
    تاريخ التسجيل
    Sep 2010
    الدولة
    مــزاجـــــي
    المشاركات
    22

    افتراضي رد: الجنوط (شرح عام)

    اقتباس المشاركة الأصلية كتبت بواسطة ملك الفورد مشاهدة المشاركة
    طيب اقدر اركب جنوط الموستنق البولت
    اكييد تقدر ومثل ماذكرت الموستنج من 2005 وطالع نفس مقاس الفكتوريا والموستنجات اللي كنت مستثنيها اهي الشيلبي 2009 و 2010 لان الاوفسيت يختلف فيها

  4. #4
    الصورة الرمزية RAMBO
    RAMBO غير متصل عضو ملَكي
    تاريخ التسجيل
    Aug 2009
    المشاركات
    1,906

    افتراضي رد: الجنوط (شرح عام)

    يعطيك العافية .. أنا من زمان كنت أبي معلومات عن الجنوط

    لكن بسألك ...

    الموستنق هذا شنو ؟؟ وهل تركب الرنجات على فكتوريا 2010 ؟؟




    وألحين لا جيت .. أبشتري جنوط غير الوكالة

    وش اللي لازم أقوله لصاحب المحل عشان يعطيني المقاس 17 المناسب للفكتوريا 2010 ؟؟

    يعني بس أذكرله مقاس الجنط اللي هو 17 والأوفيست اللي هو 50 ؟؟


    ومره أخرى ... شكراً على موضوعك

    اللي

  5. #5
    الصورة الرمزية S_Edition
    S_Edition غير متصل عضو جديد
    تاريخ التسجيل
    Sep 2010
    الدولة
    مــزاجـــــي
    المشاركات
    22

    افتراضي رد: الجنوط (شرح عام)

    اقتباس المشاركة الأصلية كتبت بواسطة RAMBO مشاهدة المشاركة
    يعطيك العافية .. أنا من زمان كنت أبي معلومات عن الجنوط

    لكن بسألك ...

    الموستنق هذا شنو ؟؟ وهل تركب الرنجات على فكتوريا 2010 ؟؟




    وألحين لا جيت .. أبشتري جنوط غير الوكالة

    وش اللي لازم أقوله لصاحب المحل عشان يعطيني المقاس 17 المناسب للفكتوريا 2010 ؟؟

    يعني بس أذكرله مقاس الجنط اللي هو 17 والأوفيست اللي هو 50 ؟؟


    ومره أخرى ... شكراً على موضوعك

    اللي
    الله يعافيك اخوي
    هذي الموستج يالغالي 6 سلندر موديل 2006 اذا ماخاب ظني وهناك معلومه تقريبا 98% من الشباب مايعرفها وهي ان الموستنج البريميوم بكج (باقه) موديل 2006 يجيك بهذي الجنوط واللي اهي معروفه بجنوط المارودر ولكن فيها اختلاف بسيط جدا لدرجة ان مايتلاحظ وللعلم اني وخلال الـ 4 سنوات الماضية ماجفت موستنج 6 سلندر عليه هذي الجنوط يعني موجود بس في امريكا وان بغيت هذي الجنوط فـ ممكن تطلبها من بره
    بالنسبه للفكتوريا 2010 فجنوطها مثل الـ 2007, 2008 مافي فرق يعني لان الموتر ماتغير خير شر انت قبل لاتروح المحل وتبتدي الناس تنصب عليك ادخل على النت وجوف لك اي جنط من الجنوط اللي تركب على الموستنج 2005 وطالع وتالي روح للمحل وقوله تبي هذي
    واخر نقطه عن وش تذكر له تحديدا ظيف على اللي قلته مقاس البلوط اللي هو 5x4.5 او ساعات يكتبون لك 5x114.3 تره مافي فرق لثنين نفس الشي

  6. #6
    الصورة الرمزية MHSTR
    MHSTR غير متصل مشرف متقاعد
    تاريخ التسجيل
    Feb 2010
    الدولة
    الرياض
    المشاركات
    1,914

    افتراضي رد: الجنوط (شرح عام)

    يعطيك العافيهـ

  7. #7
    الصورة الرمزية S_Edition
    S_Edition غير متصل عضو جديد
    تاريخ التسجيل
    Sep 2010
    الدولة
    مــزاجـــــي
    المشاركات
    22

    افتراضي رد: الجنوط (شرح عام)

    اقتباس المشاركة الأصلية كتبت بواسطة MHSTR مشاهدة المشاركة
    يعطيك العافيهـ
    الـله يـعافيـــك

  8. #8
    جراندي 06 غير متصل عضو مجتهد
    تاريخ التسجيل
    Nov 2009
    المشاركات
    111

    افتراضي رد: الجنوط (شرح عام)

    يعطيك الف عااافيه.....

    حبيت ائلك سوعاال...انا موتري ماركيز 2001 مركب جنوط الماركيز الجديد طبعا الجنط يجي بتبريزة....

    فيه جنوط موردر تجي جااهزة مبرزة..؟؟

    تحياااتي لك

  9. #9
    الصورة الرمزية S_Edition
    S_Edition غير متصل عضو جديد
    تاريخ التسجيل
    Sep 2010
    الدولة
    مــزاجـــــي
    المشاركات
    22

    افتراضي رد: الجنوط (شرح عام)

    اقتباس المشاركة الأصلية كتبت بواسطة جراندي 06 مشاهدة المشاركة
    يعطيك الف عااافيه.....

    حبيت ائلك سوعاال...انا موتري ماركيز 2001 مركب جنوط الماركيز الجديد طبعا الجنط يجي بتبريزة....

    فيه جنوط موردر تجي جااهزة مبرزة..؟؟

    تحياااتي لك
    الله يـــــعافيك..
    تبريزه = سبيسر ؟
    اخوي انه باختصر السالفه عليك, النقطه اللي تخص الفكتوريا من 92 الى 2002 تره نفسها للماركيز, واذا كان تعريفي للتبريزه صحيح فاني ماخبر جنوط تجي جاهزه مبرزة بس حاول انك تنتبه لنقطة الاوفسيت (مافي جنط يجي بـ سبيسر لان الاوفسيت هو اللي يحدد بروز الجنط من انه يكون في الداخل اكثر)..
    اتمنى اني فهمت سؤالك ومسامحه اذا كان عكس ذلك

  10. #10
    جراندي 06 غير متصل عضو مجتهد
    تاريخ التسجيل
    Nov 2009
    المشاركات
    111

    افتراضي رد: الجنوط (شرح عام)

    لا ياغالي انا فاهم ان الماركيز نفس الفكتر...

    ممممم مدري شلون اشرحلك....على كلام صاحب المحل فيه جنوط تجي بارزة وفيه جنوط لا...

    دقيقه ابجيب لك رابط فيه ماركيز مركب الجنوط البارزة

صفحة 1 من 4 123 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. جودت الجنوط
    بواسطة ls.97 في المنتدى قسم ورشة فورد
    مشاركات: 11
    آخر مشاركة: 07-08-2010, 01:49 PM
  2. مطلوب هذي الجنوط
    بواسطة رايق في المنتدى عروض الشراء
    مشاركات: 5
    آخر مشاركة: 06-06-2010, 01:06 PM
  3. عن الجنوط وحوستها
    بواسطة aak860 في المنتدى قسم الإكسسوارات والعنايه بالسيارات
    مشاركات: 1
    آخر مشاركة: 04-20-2010, 08:44 PM
  4. سؤال عن الجنوط ؟؟
    بواسطة ابو يحيى 07 في المنتدى قسم الإكسسوارات والعنايه بالسيارات
    مشاركات: 8
    آخر مشاركة: 03-13-2010, 11:48 PM
  5. مساعدة في الجنوط
    بواسطة الوحش الأسود في المنتدى قسم الإكسسوارات والعنايه بالسيارات
    مشاركات: 9
    آخر مشاركة: 02-04-2010, 04:03 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر