آول مره أسمعهآ منكـ

اول مره اسمع هالمعلومه


اخوي الي اعرفه ان الاستبنه تركب مظبوط وتمشي بس لا تسرع عليها اكثر من 120 كيلو



وانا شايف كم من فكتوريا وماركيز مركبين الاستبنه الصغيره قدام والسياره تمشي تمام




تحياتي

انا استبنتي كبيره
بس اول مره اسمع عن الصغيره انها ما تصلح قدام
انا اشوغ ناس واجد مركبينها قدام وورا وعادي يمشوون عليها

تحياتي

طيب واللي يقلكم انه مرت عليه عندي اخوي معاه ماركيز 99 مدري امريكي اوسعودي بس يمكن سعودي مره بنشر عنده كفر قدام راح ركب الاستبنه بعد ماخلص يحطها في ادي الا الكفر يزحف مايدور حاول مافي ابت ماتمشي ياجماعت الخير رجع كلم واحد مهندس قاله ركب الاستبنه بدل الكفر اللي في الخلف ومشي الحال

جواب يسدح نفسه
لأن الحمل يعتبر كبير على الكفر لوجود المكينه
والوزنيه راح تختلف
مو اغلب محلات الميزان قبل يوزن الأذرعه عندك يقلك بدل اماكن الكفرات
والأهم من هذا كله صغر حجم الكفر وحجم الكفر مهم
نفس طريقة الدفرنس الي تروسه اكثر والي تروسه قليل راح يفرق معاك بالمشي
وعن نفسي اول ما شريت سيارتي من ثاني يوم ونا ناطل الأستبنه وماخذلي جنط 16 وريحت راسي مره وحده
وترى رخيص قيمته بالبناشر 40 ريال ويتمنون احد يجي يشتريه منهم

يعطيكم العااااااااااااااااااااااااااافيه
مشكورييييييييييييييييييييييييييييييييييييييييييييي يين

الاستبنه الصغيره ما تنفع بريال وانا اقولكم ليش

اول شيء حجمها صغير علشان خفتها وما تسوي زحمة بالشنطة بس هذا ينعكس عليك وقت اللزوم لانها اذا ركبتها ورا يطفي

عليك التراكشن والاي بي اس يعني الزحفه سلام سلام وما فيه فرامل وراح تلاحظ ااول ما تركبها وتمشيء تولع لمبة التراكشن ولمبة الاي بي اس كتحذير لك يعني يابو الشباب انتبه منها

وثاني شيء الكفر ما يتحمل ممشى ولازم تنفخه الى 60 او 70 مكتوب عليه واذا الهواء اقل من كذا ما يمشيك 10 كيلو على طول يصر حار ويجاوب معاك ومكتوب عليه بعد لا تمشي عليه اكثر من 70 كيلو هذا اذا هو جديد بزرعه ونافخه زين

طيب لا سمح الله انت على طريق سفر وبنشر عليك الكفر وش تسوي نادر ما تحصل محطة بهذي المسافه وعندها كفر مناسب

وسعره معقول وعنده صراف بعد يعني تتوهق تتوهق

عاد انا يوم شفت صيفنا غير رحت قبل اسبوع واخذ جنط 16 حديد حق فورد وكاله نظيف واركب عليه كفر وارمي الاستبنه حقت الوكاله عندي بالمستودع وبزرعها بعد

و اضرب لكم مثل للعبره مره بنشر علي الكفر الخلفي على الدايري الشمالي بالرياض وقفت وغيرت الكفر ومشيت

ولعت اللمبات حقت التراكشن والاي بي اس عرفت ان الدعوة خربانه هديت رحت لمشواري على مخرج 5 وكان فيه مطب

وانا ماني مسرع يعني امشي 60 تقريبا المهم اهدي بالفرامل السيارة تروح وانا عارف ان الفرامل مش حالك من يوم ولعت اللمبة بس ما توقعت لهذي الدرجة امشي 60 والسيارة رايحة بوجهها ما فيه الا كفر واحد اسمعه يشحط اللي هو عكس الكفر الصغير لانه مرتفع شوي عرفت ان الكفر هذا نكبه وقفت عند المكان اللي ابيه ولمست الكفر لقيته موحار نار يا شيخ احس انه
خلاص ذاب هذا وانا معبيه 60

يعني زبدة الكلام طق لك جنط 16 حديد وركب له كفر اضممن لك واحسن بكثير

ياشباب السيلرة معاي من سنتين تقريبا ولا فكرت اني اغير الكفر الصغير
انا جربت البنشر لكن الكفر الخلفي ما ادري عن الامامي
مره ركبت الاستبنة الصغيرة ومشيت على سفر بسرعة 140 ولمسافة 200 كيلو تقريبا
ما بها الا العافية
صحيح اني لاحظت ان السيارة مو ثابته شوي بس ما اشتغلت معاي لمبة abs ولا غيره
و الفرامل على كيفك قوي و لا فيه اي مشاكل