صفحة 1 من 2 12 الأخيرةالأخيرة
النتائج 1 إلى 10 من 16

الموضوع: التوروس بعد التجربة والسفر مميزات وسلبيات وإضافات

  1. #1
    الصورة الرمزية hanooon515
    hanooon515 غير متصل عضو جديد
    تاريخ التسجيل
    Feb 2011
    الدولة
    السعودية
    المشاركات
    16

    افتراضي التوروس بعد التجربة والسفر مميزات وسلبيات وإضافات

    السلام عليكم ورحمة الله وبركاته

    انا طلعت سيارتي قبل اسبوع توروس ابيض ستاندر قولوا ماشاءالله!!!

    طبعا عجبني فيها مقاس الجنط حلو احس افضل من باقي الفئات
    اول ماطلعت السيارة من الرياض سافرت عليها حايل
    طبعا اول 200 كيلو مثبت السرعة 120 وبعدها على 160 وكان الطريق غبار وهواء قوي
    لكن بصراحة ماشاءالله السيارة راسية ولا تسمع صوت من برى ابد
    يعني مستوى الهدوء جيد مقارنة بالسيارات الاخرى طبعا الزجاج عادي وليس مدبل مثل باقي الفئات ولكن مستوى العزل ممتاز
    طبعا لفت نظري ان القزازة الامامية مدبله وكذلك جهة السائق مدبله مع العلم ان الوكالة الستاندر تاتي الامامية فقط مدبله
    يمكن نسو وحطولي جهة السائق مدبله حتى مدير المبيعات استغرب من هالنقطة هههههه جربوا شوفو يمكن تكون عندكم مدبله ياأصحاب se

    المميزات كل شي حلو بحكم ان السيارة جديدة ولكن في اشياء تبهرك ولازم انك تتكلم عنها
    1- البنزين 91 مشيت فيه اكثر من 500 كيلوا بعدين اشتغلت اللمبة شي حلو اقتصادية مره
    2- الشنطة مره كبيرة وتاخذ اغراض كثيرة
    3- الراحة التامة بالسيارة سواء بالامام او الخلف وبالذات بالمرتبة الخلفية
    4- شكل السيارة فخامة رغم انها اقل فئة ومع ذلك لا تفرق الا بكماليات زيادة عن باقي الفئات
    5- اشياء كثيرة وهذا اللي يحضرني

    السلبيات اشياء بسيطة لكن حبيت اذكرها ولكنها لاتسقط من حبي للسيارة
    1- مرتبة الراكب نازلة ولايمكن رفعها الا في الفئة اللمتد فقط
    2- مرآة السائق مزعجة جدا لانها تختلف عن المرآة الاخرى لا يوجد بها مقاسات بعد الصورة مثل اللي متعودين عليه ههههههه
    3- ضروري وجود كميرا خلفية لان السيارة كبيرة ومرتفعة من الخلف ) بركب المراية اللي تتحول كميرا عندهم بالوكالة سعرها 1200 بعد الخصم والمحاولة
    4- النور مو حلو العالي ومشكلة الزنون غالي بالوكالة سعره 2000 وانا ركبته برى باقل منهم طبعا اذا رحت للضمان فكيته ورجعت نور الوكالة والشغلى كلها 5 دقايق بدون تجريح اسلاك ولاشي وطالع شكله حلو ولونه ابيض ثلجي مو ازرق
    5- اللوحة الخلفية قصيرة والوجهية نازلة مره اي شي تحك فيه .

    السيارة بشكل عام حلوة وانا معي اسبوع مشيت 2500 ك

    والزيادات اللي سويتها بالسيارة
    1- رشيت المرايات نفس اللون طبعا للي بيرشها يفكها بدون مايترك السيارة بالورشة المراية ينفك البلاستيك الاسود اللي عليها وبعدين يترش وبعدها تركبها رشها مايتعدى 100 ريال

    2- ركبت نور زنون طبعا مو بالوكالة وكان عندي بسيارتي الاولة وركب تمام على التوروس وسعره 300 ريال نفس الوكالة بالضبط كوري بس الوكالة لازم يستفيدون من ورى العملاء

    3- ظللت تظليله زيرو ون اسود عازل
    4- ركبت شاشة ملاحة فوق الطبلون وحلوة مره سعرها 400 ريال مع الضمان مقاسها 5 بوصة

    الاشياء اللي ابي اركبها ومحتار هي :
    عازل للوجه او لاء اخاف مع الايام يتغير لون الوجهيه
    المراية اللي تتحول كميرا عند الرجوع للخلف سعرها من 1800 الى 1200 بعد الخصم بالوكالة طبعا

    الجناح شكلة حلو بس مدري وش رايكم

    انوار الضباب سعرها 450 من دون تركيب بس مالها اي فايدة منظر بس وش رايكم اركبها او لاء

    ابي طريقة اشغل فيها الفلاش بدون الولاعة مدري يركب عندي نظام السينك او لاء اللي عندة خلفية يساعدني ابي اركب مدخل usb للمسجل لانه لايوجد عندي ارجوكم ابي طريقة تخليني اشغل الفلاش واتحكم من المسجل

    اهذي مجموعه من الصور بعد التعديلات ورش المرايات نفس اللون والتظليل









    وهذي صور لشاشة الملاحة اللي ركبتها


















    وهذي صور للزنون مركبه برى الوكالة طبعا ب 300 ريال ابيض ثلجي
    لما تروح للوكالة فكة عشان الضمان مع اني متاكد ان اللي بالوكالة مو الاصلي لانهم متعاقدين مع شركة ورافعين السعر على العميل ولونه مو حلو ازرق بايخ مع احترامي اللي برى افضل بكثير وبدون قص اسلاك ولا شي وضمان سنة





    وهذي صورتين هدية بس ترى السرعه مو زينه لكن السيارة ماشاءالله هادية وماتحس انك تمشي




    تقبلوا تحياتي



  2. #2
    عاشق توروس غير متصل عضو ملَكي
    تاريخ التسجيل
    Mar 2010
    الدولة
    السعودية- الرياض
    المشاركات
    1,361

    افتراضي رد: التوروس بعد التجربة والسفر مميزات وسلبيات وإضافات

    ما شاء الله ،، الله يعطيك خيرها و يكفيك شرها

    تصدق قلبت رأسي !!

    أقول وشلون جنوط se و مرايات نفس لون السيارة ؟

    بس تذكرت أنك صبغتها

    طيب هل صبغتها خارج الوكالة ؟؟ و هل هي مطابقة للون الوكالة ؟

    و صراحة se 2011 أفضل من 2010 و هي أن فيها مقياس درجة الحرارة + مسكة الشنطة من داخل عشان تسكرها

    _____________

    و بالنسبة لـ فتحة USB هذي فحطت عليها و لا قدرت ، سألت الوكالة ، قالوا ما تقدر تركبها لأنها تجي ( باكج ) كامل ، قلت ليش حاطينها أجل ؟

    صرت أستخدم AUX و فك لي أزمة ، بس يبقى USB أفضل

    و الكشافات ، إذا كان يهمك المنظر ، ركبها بتطلع حلوة مرة خصوصاً مع الزينون

    أما الكاميرا الخلفية ، أذكر أنها تجي كاميرا يركبونها في مكان علامة فورد + حساسات خلفية

    يعني سعرها كذا معقول جداً و بتفك لك أزمة ( صعب تسوق التورس بدون حساسات )


    قبل سنة يوم أشتري سيارتي ركبت حساسات من الوكالة بـ 1200 ريال !!

    و برا الوكالة بـ 350 ( بس ما كنت أدري أنها نفس اللي خارج الوكالة )

  3. #3
    فورد قديم غير متصل عضو نشيط
    تاريخ التسجيل
    Oct 2010
    المشاركات
    59

    افتراضي رد: التوروس بعد التجربة والسفر مميزات وسلبيات وإضافات

    أحلى موضوع ,,, بس ابسالك الموتر مع المطب يحك بطنه ؟

  4. #4
    الصورة الرمزية hanooon515
    hanooon515 غير متصل عضو جديد
    تاريخ التسجيل
    Feb 2011
    الدولة
    السعودية
    المشاركات
    16

    افتراضي رد: التوروس بعد التجربة والسفر مميزات وسلبيات وإضافات

    اقتباس المشاركة الأصلية كتبت بواسطة عاشق توروس مشاهدة المشاركة
    ما شاء الله ،، الله يعطيك خيرها و يكفيك شرها

    تصدق قلبت رأسي !!

    أقول وشلون جنوط se و مرايات نفس لون السيارة ؟

    بس تذكرت أنك صبغتها

    طيب هل صبغتها خارج الوكالة ؟؟ و هل هي مطابقة للون الوكالة ؟

    و صراحة se 2011 أفضل من 2010 و هي أن فيها مقياس درجة الحرارة + مسكة الشنطة من داخل عشان تسكرها

    _____________

    و بالنسبة لـ فتحة usb هذي فحطت عليها و لا قدرت ، سألت الوكالة ، قالوا ما تقدر تركبها لأنها تجي ( باكج ) كامل ، قلت ليش حاطينها أجل ؟

    صرت أستخدم aux و فك لي أزمة ، بس يبقى usb أفضل

    و الكشافات ، إذا كان يهمك المنظر ، ركبها بتطلع حلوة مرة خصوصاً مع الزينون

    أما الكاميرا الخلفية ، أذكر أنها تجي كاميرا يركبونها في مكان علامة فورد + حساسات خلفية

    يعني سعرها كذا معقول جداً و بتفك لك أزمة ( صعب تسوق التورس بدون حساسات )


    قبل سنة يوم أشتري سيارتي ركبت حساسات من الوكالة بـ 1200 ريال !!

    و برا الوكالة بـ 350 ( بس ما كنت أدري أنها نفس اللي خارج الوكالة )
    شكرا على المرور بالنسبة لصبغ المرايات بالوكالة 650 ريال وخارج الوكالة 80 الى 100 ريال ونفس الشي لانها قطعة بلاستيك صغيرة حرام تدفع 650 ريال عليها والوكالة رافعة السعر مع ان الشغل نفس الشي لكن اللي تقدر تسويه برى الوكالة افضلك من الوكالة قاهريني بكلمة (الغاء الضمان) طيب رخصوا الاسعار مو ترفعونها اجل حساسات مو مثل الوكالة من شركة متعاقدة معها فورد ب1200 وبرى نفسها سعرها 350 ريال حرام ظلم للعميل


    اقتباس المشاركة الأصلية كتبت بواسطة فورد قديم مشاهدة المشاركة
    أحلى موضوع ,,, بس ابسالك الموتر مع المطب يحك بطنه ؟
    السيارة ماشاءالله ماتحك لانها رفيعة لكن اللي يحك البلاستيك اللي قدام اذا جيت بمرتفع او منخفض **** يعني مطبه كبيرة او تطلع من البيت مع نزلة قوية

  5. #5
    عاشق توروس غير متصل عضو ملَكي
    تاريخ التسجيل
    Mar 2010
    الدولة
    السعودية- الرياض
    المشاركات
    1,361

    افتراضي رد: التوروس بعد التجربة والسفر مميزات وسلبيات وإضافات

    طيب يا الحبيب ما جاوبتني

    هل لون البوية نفس لون السيارة بالضبط ؟؟

    أفكر أصبغ المرايات بس شايل هم تطابق الالوان !

    يعطيك العافية

  6. #6
    عاشق توروس غير متصل عضو ملَكي
    تاريخ التسجيل
    Mar 2010
    الدولة
    السعودية- الرياض
    المشاركات
    1,361

    افتراضي رد: التوروس بعد التجربة والسفر مميزات وسلبيات وإضافات

    1- مرتبة السائق نازلة ولايمكن رفعها الا في الفئة اللمتد فقط
    قصدك مرتبة الراكب الأمامي

    السائق تقد ترفعها بالكهرب و تحرك الظهر يدوياً

    بالنسبة لحماية الوجهية ما ينصحون بها لأنها تغير لون الوجهية مع الوقت

  7. #7
    الصورة الرمزية hanooon515
    hanooon515 غير متصل عضو جديد
    تاريخ التسجيل
    Feb 2011
    الدولة
    السعودية
    المشاركات
    16

    افتراضي رد: التوروس بعد التجربة والسفر مميزات وسلبيات وإضافات

    اقتباس المشاركة الأصلية كتبت بواسطة عاشق توروس مشاهدة المشاركة
    طيب يا الحبيب ما جاوبتني

    هل لون البوية نفس لون السيارة بالضبط ؟؟

    أفكر أصبغ المرايات بس شايل هم تطابق الالوان !

    يعطيك العافية
    بالضبط نفس الدرجة واسف التأخير

    اقتباس المشاركة الأصلية كتبت بواسطة عاشق توروس مشاهدة المشاركة
    قصدك مرتبة الراكب الأمامي

    السائق تقد ترفعها بالكهرب و تحرك الظهر يدوياً

    بالنسبة لحماية الوجهية ما ينصحون بها لأنها تغير لون الوجهية مع الوقت
    لقد تم التعديل وفعلا مرتبة الراكب وليس السائق

  8. #8
    vip222290 غير متصل عضو جديد
    تاريخ التسجيل
    Feb 2011
    المشاركات
    21

    افتراضي رد: التوروس بعد التجربة والسفر مميزات وسلبيات وإضافات

    ماشاء الله تبارك الله
    الله يعطيك خيرها ويكفيك شرها
    بسالك ودي اركب شاشة الملاحة وين احصلها في الرياض
    وكم كلفت وهل تحتاج تكسير او تخير في الديكور
    معاي تورس 2011/sel

  9. #9
    أبوناصر غير متصل عضو ملَكي
    تاريخ التسجيل
    Jan 2011
    الدولة
    الرياضksa
    المشاركات
    2,600

    افتراضي رد: التوروس بعد التجربة والسفر مميزات وسلبيات وإضافات

    سوناتا طبلونها 260
    لين متى يا فورد هههههههه
    موفق يابطل انت ووتورسك
    في امان الله
    لا اله الا الله محمد رسول الله
    استودعكم الله الذي لا تضيع ودائعه

  10. #10
    عاشق توروس غير متصل عضو ملَكي
    تاريخ التسجيل
    Mar 2010
    الدولة
    السعودية- الرياض
    المشاركات
    1,361

    افتراضي رد: التوروس بعد التجربة والسفر مميزات وسلبيات وإضافات

    فورد تقدر تطلع سيارات تمشي 280 و زيادة

    بس من باب الأمان و السلامة ..

    بعدين لو تفكر فيها .. من هو اللي بايع نفسه و يمشي فوق 160 كم ( إلا في الحالات الطارئة ) ؟؟

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. التوروس بعد التجربة والسفر مميزات وسلبيات وزيادات
    بواسطة hanooon515 في المنتدى قسم المواضيع العامه لسيارات السيدان من فورد
    مشاركات: 28
    آخر مشاركة: 03-02-2011, 04:09 PM
  2. استفسارات بسييطة عن التوروس .. الرجاء دخول كل اصحاب التوروس
    بواسطة rshsg في المنتدى قسم المواضيع العامه لسيارات السيدان من فورد
    مشاركات: 15
    آخر مشاركة: 08-13-2010, 02:11 PM
  3. يا شباب بخصوص اللنكون((التجربة))
    بواسطة @قرني والعز عنواني@ في المنتدى قسم تعديل وتزويد السيارات
    مشاركات: 7
    آخر مشاركة: 06-01-2010, 12:40 AM
  4. شوفوا رساوة الفورد يا اهل التويوتا والشفر
    بواسطة الاباتشي في المنتدى القسم العام
    مشاركات: 33
    آخر مشاركة: 11-06-2009, 08:50 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر