النتائج 1 إلى 7 من 7

الموضوع: توكيلات الجزيرة

  1. #1
    فورد فوكس غير متصل عضو نشيط
    تاريخ التسجيل
    Oct 2010
    المشاركات
    42

    افتراضي توكيلات الجزيرة

    سلام عليكم ورحمة الله وبركاتة

    كيف الحال
    إنشاء الله في اتم الصحة والعافية


    يا شباب عندي موضوع محيرني


    أسباب غلآ أسعار قطع غيار الفورد الفوكس في غير المعقووووووول

    هل لان توكيلات الجزيرة هو محتكر القطع ويتحكم في الاسعار


    أو ان هناك أسباب آخرى


    واتمنى الكل يشارك

    وتقبلوووو خالص تحياتي ،،،،،

  2. #2
    مبتدئ غير متصل عضو نشيط
    تاريخ التسجيل
    Feb 2011
    المشاركات
    48

    افتراضي رد: توكيلات الجزيرة

    والله اني مدري

    وبالنسبه لتوكيلات الجزيره انا جايهم قبل سبوعين تقريباا ومسعر الكراون استندر وقالولي بـ 124 الف
    اقصاط طبعاا

    واليوم يقولون بـ 127 وحتى اني شفت كم واحد من المشترين يهاوشون على هالسالفه

    يفيدونك الشباب

  3. #3
    mhd_949 غير متصل عضو مبدع
    تاريخ التسجيل
    Oct 2010
    المشاركات
    240

    افتراضي رد: توكيلات الجزيرة

    هين اسعارهم نار في كل شي

  4. #4
    saeeka0e غير متصل عضو نشيط
    تاريخ التسجيل
    Jan 2011
    المشاركات
    56

    افتراضي رد: توكيلات الجزيرة

    هذا صحيح ,, انا يوم طلعت سيارتي التورس قبل اسبوع تقريباً ,

    كنت متفق معهم عليها من شهر أو اكثر بحكم انها ما كانت متوفرة عندهم وكانت توها جاية في الطريق في الباخرة وحجزتها وهي في الباخرة تورس ليمتد فل اوبشن 147,000 ريال + اختيار اللون الؤلؤي 2000 ريال = 149,000 ريال.

    ومن هنا وهناك وبعد المحاولات في تخفيض السعر هذا بالنسبة لي انا ((محاولاتي انا)) خفضوا لي 500 ريال يعني التوتل 148.500 ريال .

    بعد كذا بلغت الوالد بالسعر وبحكم انه عنده فورد فايف هندرد وسيارته وقتها كانت في الصيانة , وكان اذا عنده اي ملاحظة والا شي كان يرسل على طول ايميل لوكالة الجزيرة في الرياض ومن ثم الاتصالات تهل عليه من يوم ثاني , عاد يوم اتصلوا عليه ابوي ماشالله عليه تذكر السعر اللي قلت له اياه وفتح الموضوع معهم لين وصل الى واحد مسؤول في الرياض وقدر انه يخفض له سعر الموتر الى 147.000 ريال صافي. ورحنا ودفعنا المبلغ ( اول شي عربون 3000 ريال ,, وبعدها بكم يوم قلت حق ابوي خلنا نروح نكمل باقي المبلغ والسيارة لسا ما وصلت.

    بعد ما جات السيارة واثناء عمل الموظف بتخليص الاوراق اتصل علي الموظف وقال لي كم رقم جوال الوالد , قلت خير عسى ماشر قال انا ابغى اعرف من وين جاب الخصم الكبير هذا . قلت ايه طيب خذ رقم جواله واتصل عليه.

    المهم اتصل على الوالد وخذ العلوم منه , عاد بعدها انا رحت الوكالة وفتحت معاه الموضوع قلت خير وش فيه ليه متصل وتقول من وين جبتوا الخصم . قال المشكلة انه اسعار السيارات ارتفعت من تاريخ قبل استلامي للسيارة بكم يوم ورواني الخطاب الموقع والمرسل من صاحب الحلال الظاهر الشيخ / صباح الكديرس اللي يأمر فيه برفع الأسعار , قال والمشكلة انك حصلت خصم من قبل حول 2000 ريال ومع ارتفاع الاسعار توهقنا احنا وشلون نبيعك بالسعر الجديد والا القديم (( الجديد اللي هو زيادة حول 2000 رايل ثانية بعد ))) قال يعني انت حصلت على خصم تقريبا 4000 ريال وهاذي فوق صلاحيات مدير المعرض. يقول احنا جلسنا نراسل الرياض يومين لين ما اقنعناهم انك حاجز من فترة ودافع الفلوس علشان يرضون يبيعونك على السعر القديم .

    خلاصة الموضوع انه اسعار السيارات ارتفعت الشهر هذا ,,,

    وان شالله ما ادوشت راسكم في هالقصة....

    شاكر ومقدر لكم
    [SIGPIC][/SIGPIC]

  5. #5
    عاشق توروس غير متصل عضو ملَكي
    تاريخ التسجيل
    Mar 2010
    الدولة
    السعودية- الرياض
    المشاركات
    1,361

    افتراضي رد: توكيلات الجزيرة

    للأسف أغلب الوكالات فيهم جشع بشكل غير طبيعي !

    بس على الأقل اهون من أبو جميل

    طيب يا صاحب " فوكس " ليش ما تشتري القطع من النت ؟ شف لك كم واحد من المنتدى و اشتروا من النت ممكن تطلع ارخص لكم

    بس حط في بالك " وزن القطعة " ، لأن لها سعر لحاله

    و احد اسباب ارتفاع قطع الفوكس هي انها محتكرة من الوكيل

    اما الفكتوريا منتشرة و اغلبها مستوردة

  6. #6
    الصورة الرمزية Focus Lover
    Focus Lover غير متصل Banned
    تاريخ التسجيل
    Sep 2010
    الدولة
    تبوك الورد
    المشاركات
    1,560

    افتراضي رد: توكيلات الجزيرة

    يابن الحلال الحمد لله الفوكس ماتحتااج قطع كروووفه هذا من فضل ربي

    بس وش نسوي هانت هانت على البيعه واريح راسي

  7. #7
    الصورة الرمزية M.S.K-1990
    M.S.K-1990 غير متصل عضو ملَكي
    تاريخ التسجيل
    Sep 2010
    المشاركات
    803

    افتراضي رد: توكيلات الجزيرة

    اح اح سعر التورس 149 الف

    والله كنت مفكر فيها لكن خلاص شلتها من القائمه سياره حلوه وفخمه وكل الي اتمناه فيها من مواصفات الخ
    بس معليش السعر مبالغ فيه مره

    اذكر سعر اللميتد 2010 بــ 131 الف
    لان اول ما نزلت التورس اذكر ناس ماخذينها بهاذا السعر وش الي خلاه يرتفع كذا

    معليش التورس وصلت لها السعر اجل 2012 وين بتوصل 160 الف اشتريلي ls460 2007 افضل
    ولا اخذ سوناتا 2011 لميتد بشاشه ما تتعدى 90 الف واوفر الباقي في جيبي
    لحد يقولي كوري عند خالي وحده 2006 فاكها وكاله ولا قد دخلت ورش

    والي يبغى يقارن يجيب سوناتا فل وتورس نص فل بسبب قرب السعر بينهم مع ان التورس SEL اغلى
    السوناتا افضل من جميع النواحي

    حتى لو جبت تورس لميتد وسوناتا لميتد صحيح التورس تتفوق بس مو ذاك الفرق الي يخليني ادفع 50 الف زياده

    شباب انا حلمي اني امتلك التورس صراحه سياره ولا اروع
    بس السعر قطعت قلب صراحه

    مبروك اخوي saeeka0e على التورس والله يعطيك خيرها ويكفيك شرها يا رب
    عقبال ما امتلك وحده زيها

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. سعر اكسبلورر في توكيلات الجزيرة
    بواسطة برهومي في المنتدى إكسبلورر / ماونتينير Mountaineer / Explorer
    مشاركات: 10
    آخر مشاركة: 02-10-2010, 12:25 AM
  2. توكيلات الجزيرة إلى أين ؟؟؟؟؟؟؟؟؟
    بواسطة fd-788 في المنتدى قسم المواضيع العامه لسيارات السيدان من فورد
    مشاركات: 11
    آخر مشاركة: 08-27-2009, 06:00 AM
  3. توكيلات الجزيرة الى اين ؟؟؟؟؟؟؟؟؟؟؟؟؟؟؟
    بواسطة fd-788 في المنتدى القسم العام
    مشاركات: 9
    آخر مشاركة: 06-06-2009, 03:44 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر