صفحة 1 من 5 123 ... الأخيرةالأخيرة
النتائج 1 إلى 10 من 41

الموضوع: تجمع فورد4عرب الخميس 26/4

  1. #1
    تاريخ التسجيل
    Mar 2011
    المشاركات
    317

    افتراضي تجمع فورد4عرب الخميس 26/4

    السلام عليكم ورحمة الله وبركاته


    بالأول أحمد الله على سلامتي على وصول الشرقية الساعة 5:50 الفجر اليوم


    حبيت أشكر كل من شارك وحضر للتجمع حيث إن التجمع كان فوق الوصف بالرغم من تواجد المنظمين في وقت متأخر <*****< أنا أولهم .


    عندي كم ملاحظة وأتمنى الكل يراعيني فيها يحكم إن مشاركاتي قليلة فـ أسلوبي في كتابة المواضيع ماهو ذاك الزود




    ايجابيات



    * التجمع كان فيه 18 سيارة ماركيز و 14 فيكتوريا و سيارة لنكون وهذا يدل على فخامة اللنكون وشعبية القراند ماركيز ^_^


    * للأسف كل من حضر ووقف سيارته ويالله فكر في المظهر العام يعني كـ أبسط مثال يجي يوقفها ويآخذ راحته في الوقفة بدال ما يحاول يوازيها باللي جنبها لأجل يطلع الشكل منظم ، بالرغم من تعاونهم معنا لكن حبيت يكونوا منظمين بدون ما نطلب منهم


    * تم توزيع السيارات حسب النوع ثم الموديل ثم اللون ولكن كان هناك بعض التعقيدات في اللون بالرغم من تناسقه الجميل (على القراند 2007 فقط ^_^ <*****< أمزح)


    * حضور 4 مصورين بكميرات احترافية وكم واحد بكميرات ديجتال (يعني لو مالقينا 100 صور أقل شيء الصراحة راح أقفل المنتدى <*****< مسوي قوي )


    * حضور أكثر من 30 سيارة وهو عدد لم يكن متوقع مع سهولة التنظيم لدرجة لم نتوقعها جميعا (الفضل يعود لاثنين بعد الله ، ووالله أحترمهم وأعزهم لموقفهم اللي سووه قبل حضوري <*****< لأني المنظم الوحيد للتجمع ولا أحد تبرع يساعدني ^_^


    * عند أخذ الصور الجماعية للحضور أو للسيارات وجدنا التعاون المطلوب من الأعضاء (ما قصروا والله)



    وعد واغلط في الايجابيات لدرجة كان أحلى تجمع في حياتي <*****< أصلاً أول تجمع أحضره ^_^ (منظم تراني لا تنسون)





    السلبيات



    * كم واحد يمشي بسيارته كأنه في مزرعة أبوه حقت الإبل يمشي بين البشر يخيط
    لا راعى تنظيم ولا راعى إن في أوآدم قدامه


    * يوم جينا نبي نبدأ مسيرة شفنا كم واحد يقرص بالكفر ويروح بالرغم أعلمكم كلكم والله يا إني أقرص أحسن منهم لكن النظام نظام


    * كلمنا الشباب مسيرة صفين صف قراند وصف فيكتوريا طبعا تفاجأت إن السيارات سوت 9 صفوف


    * أغلب العيال يوم بدأت المسيرة كان يشوف المصورين وين ويلحقهم وخرب المنظر العام للتجمع


    * كم واحد عطل المسيرة بتوقفه الدائم لأجل يترك مسافه بينه وبين اللي قدامه لأجل يجرب يسوي درفت ولاحظوا كلمة يجرب لأنه حتى ما زبطها والصراحة كلنا تأذينا منه وأتوقع نصكم عارفين من أقصد


    * كم واحد حاول يدز يبي يكون أول واحد بالمسيرة





    خاتمة


    التجمع كان رائع وكان يسوده التنظيم بالرغم من السلبيات لكن الايجابيات تطغي على سلبياته وتكاد تمحيها <*****< متعوب على الجملة ، وشكر خاص لكن من ساعد في إنجاح التجمع.




    خاتمة أخرى


    سيتم رفع الصور موقع رفع رسمي في حال عدم توفره من الموقع ford4arab لضمان بقاءه في الموضوع ، ونرجوا منكم الصبر لحين جاهزية الصور للرفع



    خاتمة أخيرة


    نجاح التجمع لم يعتمد على المنظم ولا على أحد آخر وإنما أعتمد على حسن الذوق العام لدى الحضور والحس بالمسؤولية





    عندي خاتمة بس ما أدري وش أسميها بس والله إن في راسي نوم وتصبحون على خير ما أدري صباح الخير وسررت بالتعرف عليكم بالرغم إني والله ضيعت في أسمائكم كلكم وترقبوا الصور، وإن شاء الله في رفع مستوى هذا المنتدى
    التعديل الأخير تم بواسطة أبو الوليد الرمادي ; 04-01-2011 الساعة 06:29 AM

  2. #2
    الصورة الرمزية й ά ώ ά F
    й ά ώ ά F غير متصل عضو ملَكي
    تاريخ التسجيل
    Aug 2009
    الدولة
    الريـآض
    المشاركات
    637

    افتراضي رد: تجمع فورد4عرب الخميس 26/4

    يالبى قلبك يا شيخ يابو الـــوليد
    ياليت منك اثنين واحد عندنا وواحد عندكم
    كان جبنا اللي عندكم وسحبنا عليكم < برىآ برىآ

    والتجمع فعلاً كان جميل وغير متوقع الحضور هذا ما شاء الله

    والسلبيات انا معك بكل نقطه وبكل حرف
    بصراحه انواع القروووشه
    وكتبته بردي في موضوع عبدالسلام في قسم استراحة الاعضاء
    كان كل واحد يشوف مصور يدز له على طول
    وانا اخبر اخبر اني حولك في المسار اللي على يمينك
    وبينا سياره
    فجأه كذا اشوف بيني وبينك عشر طعش سياره
    وكانو الشباب الله يجزاهم خير يسقطون علي ويدخلون بالغصب بيني وبين اللي قدامي
    وما انكر شكلي بروح اغير فحمات + هوبات مو خرط هوبات من كثر ما كعيت فرامل بسبب اللي قدامي
    واللي يلف علي
    اخر شي قلت يمدحون البيت والله ما ينفع كذا لا سمح الله حادث ولا شي

    فيه ملاحظه صغيره
    راعي الماركيز الاسود اللي شد للبيت معي منهو هذا ؟!
    ودي اجرب معه مره ثانيه هههههه

    واتمنى اتمنى المره الجايه اذا قلنا مسيره خلونا نقول بنص سيد او ربع سيد وبكذا راح يكون سيدين
    لاننا قلنا سيدين واخذو الاربع اسياد
    بعض الشباب الله يهديه سبب زحمه للعالم
    واحس بعد مكان المسيره غلط

    لو اننا موقفين على الدائري الجديد بالخط الاصفر لين نجتمع كلنا ونمشي
    ونكون بخط واحد
    الزبده من هذي المسيره مو التصوير يا شباب

    وابدي اعجابي لـ راعي الددسن 84 اللي قام ينطل قدام ابو الوليد هههههههههههههههه
    شكله اعجب فيك هههههههه

    ونوم العوافي
    [/CENTER]
    سبـ ح ـآن الــله وبـ ح ـمدهـ
    سبـ ح ـآن الــله الـ ع ـظيـم

  3. #3
    الصورة الرمزية asoom
    asoom غير متصل عضو ملَكي
    تاريخ التسجيل
    Mar 2010
    المشاركات
    994

    افتراضي رد: تجمع فورد4عرب الخميس 26/4

    مااقصرتو يااشباااب

    وللاسف مالي حظ امس معكم لاكن المرات الجايه

    وننتظرر الصوور..

  4. #4
    الصورة الرمزية RAMBO
    RAMBO غير متصل عضو ملَكي
    تاريخ التسجيل
    Aug 2009
    المشاركات
    1,906

    افتراضي رد: تجمع فورد4عرب الخميس 26/4

    يعطيكم العافية عالتنظيم .. والشكر لله ثم لكم لأنكم جمعتم الأخوان وتعارفتوا على بعض


    بخصوص السلبية حقت الظهور في التصوير

    كان يفضل إن راعي اللنكون <***** أتوقع فيها فتحة سقف .. ولا أنا غلطان ؟؟

    المفروض يكون في مصور في الأمام ..

    لأن الظهور في الصور هذي غريزة في الأنسان ... وما ذبح الفريان إلا هالغريزة


    ويكون صفين مثل ما تفضل .. والقائد راعي اللنكن

    يصورهم فيديو ... ثم يعطيهم إشارة بأنهم يتجاوزونه من اليمين واليسار ثم يرجعون صفين من جديد من قدامه

    عشان كل واحد ياخذ نصيبة من التصوير


    وأنا أفضل إن كل من كان يزر أو يقرص أو يخرب التنظيم .. تلغى صورته.

    ويالله بإنتظار التغطية .. لا عدمناكم

  5. #5
    تاريخ التسجيل
    Sep 2009
    المشاركات
    233

    افتراضي رد: تجمع فورد4عرب الخميس 26/4

    يا هلا يا هلا يالله حيكم جميعا

    طبعا ممكن نصصكم ما يعرفني انا فرآآس <***** اللي وشسمه هذاك فديتني

    الزوبده التجمع كااان كويس و انا الصرااحه لقيت تفاعل من الشباب لا كلمتهم و قلت لهم عدلو سياراتكم

    و الصرااحه مايقصروون و اشكر كل من ساعدني في التنظيم

    صح ان خالد ما جااء الا متآخر و متعب مسسوي لي فيها انا بنظم و آخر شيء قاعد يصور سيارته <***** بينجلد هههههههههه

    لاكن الصراااحه يشكرر كل من تعااون معنا و ما قصرتو

    و ملاحظه اخيره كنكم عكسستو الدررب و وجهتو لم الجسر المعلق و حنا اتفقنا نروح لآتجاه الدائري الشمالي ...؟

    لكن هذ1 خطأ يجب نتفاداه بالمررات الجاايه بالتوجيه لاني متآكد ان بعض الشباب انلحسو من الطرييق

    يالله بآنتظاار الصور بفآررغ الصبر ...
    مآ شآء الله تبآركـ الله







    My BB Pin / 2289329E
    My PM ID / E1540AFC

  6. #6
    الصورة الرمزية Black King
    Black King غير متصل مراقب عام / رئيس التغطيات
    تاريخ التسجيل
    May 2009
    الدولة
    K.S.A AND FORD
    المشاركات
    13,064

    افتراضي رد: تجمع فورد4عرب الخميس 26/4

    ماشاء الله

    حضور طيب يعني 30 سيارة ممتاز

    يمكن يكون عدم وجود اعضاء مؤثرين من الادارة ادى الى لخبطه شوي في التنظيم حسب وصفك

    وان شاء الله نشوف التقرير ونحكم على التجمع

    مع اني كنت قريب اجي لكن الظروف

    موفقين
    اخوكم عبدالعزيز بن محمد

    KING OF THE ROAD



  7. #7
    الصورة الرمزية ا ي م 3894
    ا ي م 3894 غير متصل عضو ملَكي
    تاريخ التسجيل
    Jul 2010
    الدولة
    الريــ ــ ــ ــاض
    المشاركات
    577

    افتراضي رد: تجمع فورد4عرب الخميس 26/4

    اقتباس المشاركة الأصلية كتبت بواسطة أبو الوليد الرمادي مشاهدة المشاركة
    السلام عليكم ورحمة الله وبركاته

    وعليكم السلاااام ورحمة الله وبركاته


    بالأول أحمد الله على سلامتي على وصول الشرقية الساعة 5:50 الفجر اليوم


    الحمد لله على السلامه ولا تعبت انت وخويك والله يعطيكم العافيه ويبيض وجيهكم يكفي والله قطعكم لهالمسافه عشان التجمع فتشرفنا بمعرفت رجال واخوان ونعم .

    حبيت أشكر كل من شارك وحضر للتجمع حيث إن التجمع كان فوق الوصف بالرغم من تواجد المنظمين في وقت متأخر <*****< أنا أولهم .

    نعم الاعضاء بيض الله وجيههم بيضوها في التجمع وكان العدد كافي ووافي وميه ميه وفعلا كان التجمع فوق الوصف واذا على التاخير فمعذور يكفي انك جاي من سفر وهذا اكبر عذر .


    عندي كم ملاحظة وأتمنى الكل يراعيني فيها يحكم إن مشاركاتي قليلة فـ أسلوبي في كتابة المواضيع ماهو ذاك الزود

    يا رجال اسلوب خنفشاري :d ما عليك


    ايجابيات



    * التجمع كان فيه 18 سيارة ماركيز و 14 فيكتوريا و سيارة لنكون وهذا يدل على فخامة اللنكون وشعبية القراند ماركيز ^_^

    ما كأنك غلطت علينا اصحاب الفوردات ولكن تم الرد في موقع التجمع على اصحاب المركري :d <*****< وصترو زي الاخ ************

    * للأسف كل من حضر ووقف سيارته ويالله فكر في المظهر العام يعني كـ أبسط مثال يجي يوقفها ويآخذ راحته في الوقفة بدال ما يحاول يوازيها باللي جنبها لأجل يطلع الشكل منظم ، بالرغم من تعاونهم معنا لكن حبيت يكونوا منظمين بدون ما نطلب منهم

    ما قصرو الشباب والله كل شوي نناديهم يعدلون مواترهم وما يقصرون يجون مع اننا ناديناهم اكثر من ثلاث مرات وفي كل مره يقولون ( ابشر ) انا انحرجت منهم ولكن اذا الشباب اللي قدامك كفو فما عليك فبيض الله وجيههم .

    * تم توزيع السيارات حسب النوع ثم الموديل ثم اللون ولكن كان هناك بعض التعقيدات في اللون بالرغم من تناسقه الجميل (على القراند 2007 فقط ^_^ <*****< أمزح)

    المهم في الاخير صورنا والصفه ميه ميه للفكتر والمركري والبركه في الشباب

    * حضور 4 مصورين بكميرات احترافية وكم واحد بكميرات ديجتال (يعني لو مالقينا 100 صور أقل شيء الصراحة راح أقفل المنتدى <*****< مسوي قوي )

    يا رجال مية صوره بس من كثر الصور نفكر ننزلها في ثلاث مواضيع وانت تقول لي مية صوره بس حراام عليك :d*


    حضور أكثر من 30 سيارة وهو عدد لم يكن متوقع مع سهولة التنظيم لدرجة لم نتوقعها جميعا (الفضل يعود لاثنين بعد الله ، ووالله أحترمهم وأعزهم لموقفهم اللي سووه قبل حضوري <*****< لأني المنظم الوحيد للتجمع ولا أحد تبرع يساعدني ^_^

    يا رجال كلنا اخوان والتنظيم ولله الحمد ما واجهنا فيه اي صعوبات بفضل الله ثم فضل تعاون الشباب معنا .
    *

    عند أخذ الصور الجماعية للحضور أو للسيارات وجدنا التعاون المطلوب من الأعضاء (ما قصروا والله)



    حتى في التصوير طلبنا من الشباب ينتقلون الجهه الثانيه وقالو تم الله يعطيهم العافيه يعني تعاونو معنا بشكل كبير وساعدونا وكانو منظمين جدا جدا


    وعد واغلط في الايجابيات لدرجة كان أحلى تجمع في حياتي <*****< أصلاً أول تجمع أحضره ^_^ (منظم تراني لا تنسون)






    السلبيات



    * كم واحد يمشي بسيارته كأنه في مزرعة أبوه حقت الإبل يمشي بين البشر يخيط
    لا راعى تنظيم ولا راعى إن في أوآدم قدامه

    قصدك راعي المركري الابيض ويا ليت يشوف غلطه



    * يوم جينا نبي نبدأ مسيرة شفنا كم واحد يقرص بالكفر ويروح بالرغم أعلمكم كلكم والله يا إني أقرص أحسن منهم لكن النظام نظام


    * كلمنا الشباب مسيرة صفين صف قراند وصف فيكتوريا طبعا تفاجأت إن السيارات سوت 9 صفوف


    * أغلب العيال يوم بدأت المسيرة كان يشوف المصورين وين ويلحقهم وخرب المنظر العام للتجمع


    * كم واحد عطل المسيرة بتوقفه الدائم لأجل يترك مسافه بينه وبين اللي قدامه لأجل يجرب يسوي درفت ولاحظوا كلمة يجرب لأنه حتى ما زبطها والصراحة كلنا تأذينا منه وأتوقع نصكم عارفين من أقصد


    * كم واحد حاول يدز يبي يكون أول واحد بالمسيرة


    المسره كانت غير منظمه ولكن نتفادا الاخطاء اللي صارت في المسيره في المرات الجايه ان شا الله .



    خاتمة


    التجمع كان رائع وكان يسوده التنظيم بالرغم من السلبيات لكن الايجابيات تطغي على سلبياته وتكاد تمحيها <*****< متعوب على الجملة ، وشكر خاص لكن من ساعد في إنجاح التجمع.


    الحمد لله في النهايه طلعنا بتجمع رائع وراقي وتعرفنا على شباب كفووو وتشرفنا بمعرفتهم وان شا الله لنا لقاءات جايه وما تكون اخر مره والله يعطيك ومن يسمع العافيه



    خاتمة أخرى


    سيتم رفع الصور موقع رفع رسمي في حال عدم توفره من الموقع ford4arab لضمان بقاءه في الموضوع ، ونرجوا منكم الصبر لحين جاهزية الصور للرفع



    خاتمة أخيرة


    نجاح التجمع لم يعتمد على المنظم ولا على أحد آخر وإنما أعتمد على حسن الذوق العام لدى الحضور والحس بالمسؤولية

    صدقت والله



    عندي خاتمة بس ما أدري وش أسميها بس والله إن في راسي نوم وتصبحون على خير ما أدري صباح الخير وسررت بالتعرف عليكم بالرغم إني والله ضيعت في أسمائكم كلكم وترقبوا الصور، وإن شاء الله في رفع مستوى هذا المنتدى

    وتشرفنا حن بمعرفتك يا ابو الوليد ويعلم الله ان لك حق وواجب علينا ولكن انخبصنا في المسيره والتنظيم وما لحقنا نسولف معك وناخذ علومك
    والحمد لله على السلامه مره ثانيه .

    تحيتي لك وللجميع


    ا ي م
    التعامل معي كالتعامل مع الذخيره . . . الـغــلـطـه الاولـى تـكـون الاخـيـره


    سألوني من صديقك ؟؟؟

    فأجبت صديقي يدعى ......... فووورد

  8. #8
    الصورة الرمزية ta3obi
    ta3obi غير متصل عضو ملَكي
    تاريخ التسجيل
    Oct 2010
    الدولة
    الرياض
    المشاركات
    2,492

    افتراضي رد: تجمع فورد4عرب الخميس 26/4

    اقتباس المشاركة الأصلية كتبت بواسطة ™°·.§¶ دمعة عمر ¶§.·°™ مشاهدة المشاركة
    يا هلا يا هلا يالله حيكم جميعا

    طبعا ممكن نصصكم ما يعرفني انا فرآآس <***** اللي وشسمه هذاك فديتني

    الزوبده التجمع كااان كويس و انا الصرااحه لقيت تفاعل من الشباب لا كلمتهم و قلت لهم عدلو سياراتكم

    و الصرااحه مايقصروون و اشكر كل من ساعدني في التنظيم

    صح ان خالد ما جااء الا متآخر و متعب مسسوي لي فيها انا بنظم و آخر شيء قاعد يصور سيارته <***** بينجلد هههههههههه

    لاكن الصراااحه يشكرر كل من تعااون معنا و ما قصرتو

    و ملاحظه اخيره كنكم عكسستو الدررب و وجهتو لم الجسر المعلق و حنا اتفقنا نروح لآتجاه الدائري الشمالي ...؟

    لكن هذ1 خطأ يجب نتفاداه بالمررات الجاايه بالتوجيه لاني متآكد ان بعض الشباب انلحسو من الطرييق

    يالله بآنتظاار الصور بفآررغ الصبر ...
    خخخخخخخخخخخخخخخ
    يآ حبيب آآلبي آذآ مآ صورت سيآرتي آصور سيآرتكـ مثلآلآ ,,,
    مـهـمـآ يـقـولـون عـشـق آلـمـآركــيــز لـلأبــــــد


    يا لـبــى ديــرتــن عـشــقت اهــلــها ومـن فيـهـا وتـجـبركـ الـظرـوف عــلـى الفــراق

  9. #9
    الصورة الرمزية ابو جوري
    ابو جوري غير متصل مشرف متقاعد
    تاريخ التسجيل
    Aug 2009
    المشاركات
    3,903

    افتراضي رد: تجمع فورد4عرب الخميس 26/4

    انا عندي ملاحظه انا الشباب ما قصرووو ويعطيكم العافية <*****


    مشكووور يا كرون 2928

  10. #10
    الصورة الرمزية كرون 2928
    كرون 2928 غير متصل عضو ملَكي
    تاريخ التسجيل
    Feb 2010
    الدولة
    الرياض
    المشاركات
    640

    افتراضي رد: تجمع فورد4عرب الخميس 26/4

    كان تجمع حلو بس سيارتي كانت تعبانا شوي هههههه كنت حاط استبنا بس اجايات اكثر
    التعديل الأخير تم بواسطة كرون 2928 ; 04-01-2011 الساعة 03:44 PM

    my new email:azomotic@hotmail.com
    PMIDF960ACA

صفحة 1 من 5 123 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر