النتائج 1 إلى 7 من 7

الموضوع: يا اهل الموسنقات , استفسار عن توفر قطع الغيار

  1. #1
    gsxr غير متصل عضو جديد
    تاريخ التسجيل
    Jun 2009
    المشاركات
    15

    افتراضي يا اهل الموسنقات , استفسار عن توفر قطع الغيار

    السلام عليكم ورحمة الله وبركاته

    حي الله الموستنقيين <***** يعني اصحاب الموسنق

    والشهر عليكم مبارك

    اخواني من زمان وانا الموستنق تقرقع بقلبي وكل مره اقول اعقل بس

    بس الحين نويت بأذن الله

    بس متخوف من قطع الغيار هل هي متوفره بالرياض ؟ واسعارها كيف

    طبعاً انا معي ميركوي قراند ماركيز ومعروف ان قطع غياره تلقاها لو تبي بالبقاله وانواع كثيره مثل الاصلي والسعودي والمكسيكي وغيره

    لكن الموستنق بما انها قليل جداً بالرياض عندنا فخفت اني اتورط بقطع الغيار

    ولا عندي استعداد صراحه اشتري موتر بحوالي 170 الف واوقفه بحوش البيت لان مافيه قطع غيار بالوكاله <***** تنقهر ياشيخ

    طبعاً الي بيسأل عن السواقه , تراني شايب يعني حدي 120 وان خربتها فجرتها مره او مرتين بالشهر هذا اذا خربتها ومشاويري قليله يعني بالسنه الحمد لله يالله امشي 20 الف كيلو بس او اقل
    اما مقاومت ودرفت ومدري وشو تراني مانيب يمها ولا ادانيها من البيت للعمل وللشباب وبس
    بس ودي اخذها سنتين اكشخ فيها واطيح الي براسي واتعنطز بالكشف في غبار الرياض الجميل
    طبعاً الي ناوي عليها هي : جي تي 8 سلندر كشف وداخل براسي اللون الاسود والداخلي يكون مراتب ودرقسون حمرا بالكامل والباقي اسود <***** ابي احمرها بشوارع الرياض
    ولا انسى طبعا الفلوماستر والله ياصوته طرب

  2. #2
    GiiTii غير متصل متخصص موستنق
    تاريخ التسجيل
    Jun 2009
    الدولة
    الرياض // الظهران
    المشاركات
    350

    افتراضي رد: يا اهل الموسنقات , استفسار عن توفر قطع الغيار

    أهنيك والله على الاختيار

    قطع الغيار موجوده لا تشيل همها، ولو ما كانت موجوده بالرياض يجيبونها لك من جده ولا من اي فرع تكون القطعه متوفره فيه.

    وترا السيارة منتشرة جدا بس لا تقارن انتشارها بانتشار الفيكتوريا والماركيز.

    توكل على الله

  3. #3
    الصورة الرمزية hamad hassan
    hamad hassan غير متصل متخصص موستنق
    تاريخ التسجيل
    Mar 2009
    الدولة
    الكويت
    المشاركات
    4,379

    افتراضي رد: يا اهل الموسنقات , استفسار عن توفر قطع الغيار

    اخوي انا ماني من السعودية لكن خذها قاعدة الموستنج
    سيارة مشهورة وشهرتها تساوي الكراون فكتوريا والجراند ماركيز
    وقطع غيارها متوفرة بالوكالة ومحلات قطع الغيار الكبيرة

    واذا انت منت راعي قومات وتفحيط وبتاخذ السيارة من الوكاله
    خذها مني وع ضمانتي 3 سنوات ماراح تشتكي من اي عطل الا لا سمح الله يكون فيها عيب مصنعي ونادر ماتلقى
    عيب مصنعي بالموستنج ولو فية بتصلحة على الضمان

    من رايي اقول توكل على الله وخذها *
    كم انا متلهف لنزول الكمارو zl1 في الخليج

  4. #4
    stang&quis غير متصل عضو ملَكي
    تاريخ التسجيل
    Apr 2010
    المشاركات
    932

    افتراضي رد: يا اهل الموسنقات , استفسار عن توفر قطع الغيار

    مثل ماقالوا الشباب الموستنغ تقدر تستخدمه حاله حال اي موتر سيدان وعلى استخدامك راح يعمر معك

    والقطع موجوده عندنا بالشرقيه طبعا الكلام على ال8 سلندر اما ال6 قطعها نادره بعضها

    ومن رأي الشخصي حراام تدفع 170 فسياره سبورت ناهيك انها موستنغ جي تي عندك خيارين
    اما انك تاخذ لك موديل تحت ال2010 ب70 او 80 والباقي خليه بجيبك
    او
    اذا معجبك ال2011 خذه مستخدم من امريكا ارخص بواجد هناك السياحي قير عادي وكرونه373 يناع بحدود ال100 الف ريال مع الشحن والجمركه حط 10 او 12 احتياط وبكذا وفرت 60 الف واذا تقدر تصبرب لين نهايه السنه يكون افضل لان ال2012 نزل عندهم وراح تنزل اسعار ال2011 اكثر على نهايه السنه

    وانت وبراحتك
    Looking 4 new stang after dah slow a… 2v has been sold

  5. #5
    iMustang غير متصل عضو نشيط
    تاريخ التسجيل
    Aug 2011
    المشاركات
    34

    افتراضي رد: يا اهل الموسنقات , استفسار عن توفر قطع الغيار

    من ناحية قطع الغيار

    انا عندي موستنج جي تي موديل 2007 وارد امريكا

    والله والله والله ان صار لي 3 ايام متواصله ادور على يايات لها ومش لاقي

    بالاخير لقيت يايات اماميه فقط وطلبيه من جده وتوصل بعد اسبوع

    و على كلامهم ( اذا ماطلبها حد قبلي )

    و حاليا افكر اطلبها من موقع eBay

    < انا بالشرقيه ..

    عالعموم موفق و ربي يطرح لك فيها البركه ويعطيك خيرها و يكفيك شرها

  6. #6
    ammin غير متصل عضو جديد
    تاريخ التسجيل
    Jul 2011
    المشاركات
    25

    افتراضي رد: يا اهل الموسنقات , استفسار عن توفر قطع الغيار

    سلام عليكم والله انا معي موستنج 2006 لمل ابي جبلها قطعه افكها واجيب منها من اي محل فورد بس من دون ما اقول له موستنج لانو كثير من القطع تركب عليها بس لما اقول موستنج بسرعه يرد ما عندي موستنج هههههههه فلتر هواء بواجي بلت ساعه حراره هتي ادرعه لعمود التوازن يركب عليه فورد كرون الجربوكس مانتونير نفسوا يركب بالضبط جلود عامود التوازن نفس الكرون والله ما تاكل هم يا اخي والسلام

  7. #7
    iMustang غير متصل عضو نشيط
    تاريخ التسجيل
    Aug 2011
    المشاركات
    34

    افتراضي رد: يا اهل الموسنقات , استفسار عن توفر قطع الغيار

    وعليكم السلام
    المشكله يا غالي ان اغلب المحلات اللي دخلتها تسالني عن رقم الشاصي
    ف خوفك لما يشوفون طلع بالشاشه موستنج على طول يقول كلمته المشهوره ( ماعندي )
    و مشكلتي الثانيه اني مو لاقي ورشه تقبل اني اوقف سيارتي عندهم و افك اليايات و اطلع ادور عليها بالسوق
    الله المستعان

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر