النتائج 1 إلى 4 من 4

الموضوع: عدة إستفسارات....

  1. #1
    A.I.S.W غير متصل عضو جديد
    تاريخ التسجيل
    Dec 2010
    المشاركات
    2

    Exclamation عدة إستفسارات....

    السلام عليكم ..
    اخبارگم...
    أنا عضو جديد في المنتدى ..ان شاء الله نفيد ونستفيد..

    إخواني عندي عدة آستفسارات عن الموستنج بشتري وحدة GT وعندي استفارات عنها.
    1-أيش الفرق بين القير العادي والاتوماتيك(هل يفرق بالقومه او زي كذا).
    2-هل صدق قطع الغيار تركب عليها قطع غيار الكراون فكتوريا(مثل ايش القطع).
    3-هل عزل الصوت فيها نفس الكراون فكتوريا..
    4-هل تتحمل الكرف اليومي.
    5-لقيت موستنج 2007اسود gtبريميوم قير عادي حاده راعيه بـ66.......لقيت واحد ثاني 2008كحلي gt قير اتوماتيك مركب جنط شلبي ولحيه وحاده راعيه بـ66...
    6-أبغى معارض فيها موستنقات حلوات (اسعارهم معقولة)...(أيهم اكثر معارض الموستنقات بالرياض ولا الدمام النظاف).
    7-وش الفرق بين كات باك كامل واكسل باك وكم اسعارهم ووش افضل نوع وكم سعر المستعمل منهم..
    8-جنوط شلبي سوبر سناك وين تلقى وكم أسعارها.
    9-مقبض القير (القير العادي)اقدر اركب عليه مقبض شلبي (اللي يجي طويل والراس حقه كوره بيضاء)وكم سعره
    10-وش الفرق بين الفلتر والانتيك وكم أسعارها وش افضل نوع وهل يعطي فرق بعزم السيارة ولا لا.


    شاكر ومقدر لكم ..
    ^_^*

  2. #2
    A.I.S.W غير متصل عضو جديد
    تاريخ التسجيل
    Dec 2010
    المشاركات
    2

    افتراضي رد: عدة إستفسارات....

    السلام عليكم ..
    يعني معقوله منتدى كامل والكامل وجه الله سبحانه فيه ولا واحد يرد ولا بقسم الموستنج

    !!!!!!!

  3. #3
    Ghassoony غير متصل عضو جديد
    تاريخ التسجيل
    Aug 2011
    المشاركات
    3

    افتراضي رد: عدة إستفسارات....

    اعذرني انا ما عندي رد لاستفساراتك، بس اللي طول عمري اعرفو انو العادي اسرع في القومة من الاتوماتك واقل مشاكل لو دبلت النمرة عشان تهدي السيارة.
    وان شاء الله الشباب مايقصرو معاك، وعندي موضوع كتبته عن البطارية تفضى بعد يومين لو عندك معلومة شارك الله يجزاك بالخير على كل الأحوال

  4. #4
    GiiTii غير متصل متخصص موستنق
    تاريخ التسجيل
    Jun 2009
    الدولة
    الرياض // الظهران
    المشاركات
    350

    افتراضي رد: عدة إستفسارات....

    1-أيش الفرق بين القير العادي والاتوماتيك(هل يفرق بالقومه او زي كذا).
    القير الاوتوماتيك يخسر أحصنه كثيره أثناء توصيل القوة من المكينة إلى الكفرات. العادي يخسر أحصنه بعد لكن بشكل أقل من الاوتوماتيك.

    اذا تبغا مقاومات يفضل انك تبرمج السيارة للقير الاوتوماتيك عشان يضبط لك نقاط التعشيق لأفضل أداء. اما العادي فأنت تعشق متى ما تبغى

    2-هل صدق قطع الغيار تركب عليها قطع غيار الكراون فكتوريا(مثل ايش القطع).
    مدري عن الشكل 2005 وبعده ، بس الموديلات اللي قبل تتشابه مع الفيكتوريا في أشياء كثيره . يكفيك ان المكينة نفسها بالضبط. وفيه اختلافات طبعا مثل الاقزوز (هدرز الوكاله) وقطر الشكامين وغيرها.

    3-هل عزل الصوت فيها نفس الكراون فكتوريا..
    سؤال غريب صراحه ،، المصندق عزل الصوت فيه أحسن من الكشف بكثير ، أما مقارنة مع الفيكتوريا فما عندي فكره مع ان توقعي بيكون ان الأفضلية للفيكتوريا.

    4-هل تتحمل الكرف اليومي.
    طبعا إذا اعنيت بها واهتميت بغيار الزيوت والفلاتر والصيانة.

    -لقيت موستنج 2007اسود gtبريميوم قير عادي حاده راعيه بـ66.......لقيت واحد ثاني 2008كحلي gt قير اتوماتيك مركب جنط شلبي ولحيه وحاده راعيه بـ66...
    احس الـ2008 سعره نازل شوي

    6-أبغى معارض فيها موستنقات حلوات (اسعارهم معقولة)...(أيهم اكثر معارض الموستنقات بالرياض ولا الدمام النظاف).
    ما عندي فكره


    7-وش الفرق بين كات باك كامل واكسل باك وكم اسعارهم ووش افضل نوع وكم سعر المستعمل منهم..
    اقرا الموضوع هذا: كت باك موستانج gt 2011

    8-جنوط شلبي سوبر سناك وين تلقى وكم أسعارها.
    تطلبها من برا أو إذا كنت محظوظ تحصل أحد عارضها للبيع هنا.

    سعرها 7500 ريال طقم أربع جنوط بدون الشحن، بس حط في بالك انها ثقيييييييله مره فلا تستغرب إذا الشحن طلع بالألوف إلا إذا تعرف محل يطلب قطع بالكونتينرات (الحاويات) يطلع عليك برخيص.

    2005-12 Mustang Shelby GT500 Alcoa "Super Snake" Wheel - 20X9 at LRS - Same Day Shipping!


    9-مقبض القير (القير العادي)اقدر اركب عليه مقبض شلبي (اللي يجي طويل والراس حقه كوره بيضاء)وكم سعره
    أكيد تقدر ، سعره يختلف حسب الماركه بس أغلبها حول الـ200 ريال بدون شحن

    10-وش الفرق بين الفلتر والانتيك وكم أسعارها وش افضل نوع وهل يعطي فرق بعزم السيارة ولا لا.
    الفلتر هو الراس بس زي كذا http://www.mazdarotaryparts.com/ekmp...t-b--805-p.jpg

    الانتيك يجيك الراس + الانبوب كامل إلى الثروتل بودي (الجزء اللي يدخل الهواء إلى المكينة)
    وهو نوعين: رام آير و كولد آير انتيك ،، الرام اير يدخل هواء كثير والكولد اير يدخل هوا أقل من الرام اير لكنه هواء بارد لأن الكولد اير الانبوب حقه يتركب في الرفرف ويكون قريب من الأرض (الهواء البارد دايم يكون على ارتفاع منخفض)

    ايه يعطي فرق بس انه فرق بسيط وما راح يعطيك أفضل أداء إلى إذا برمجت السياره بعده. الفرق اللي يعطيك اياه الانتيك الكامل احسن من الي يعطيك اياه تغيير الفلتر بس.


    ملاحظة: المعذره على ان الروابط والصوره طالع شكلها غبي اتوقع فيه مشكله في المنتدى.
    التعديل الأخير تم بواسطة GiiTii ; 08-17-2011 الساعة 10:50 AM

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر