رآبعـًا :
من الدآخل ..
الحين كم صورة من الدآخل ولكن قبل الصور شوية معلومآت رآح أعطيكم يآهآ من دآخل السيارة
المسجل ..
يتميز بآضآئته الحمرآء
مع وجود شآشة صغيرة من الكرستآل
مع وجود المميزآت التآلية به ..
سي دي وآحد مع موجتين FM + AM
TA هذآ الزر للعثور على الموجآت المرورية
AUX وهذا لتشغيل الآي بود والمنفذ موجود دآخل صندوق القفآزآت
زرين على شكل هآتف < فكرتهم بلوتوث اول مآ شريت السيآرة
لكن للاسف هم لوضع المسجل على نمط MUTE أي صآمت
ولكن بالفل كآمل يوجد بلوتوث

القير ..
تبترونك
ست غيآرآت اوتومآتيكية
مع شكل جذآب ومميز في فئتهآ

الطبلون ..
ذو إضائة بيضآء مع حمرآء
يتكون من دآئرتين
وآحدة لعدآد السرعة حيث عدآد السرعة 260 كم / س ولكنهآ محددة آلية بـ 210 كم / س على مآ أعتقد
والاخرى لـ لعدآد الضغط
يتوسط الدآئرتين كمبيوتر رحلآت مميز العدآدآت بالكآمل
حيث يحتوي على ..
ممشى السيارة بالكيلو متر < الرئيسي والآخر الذي يوضع لحسآب ممشى السيارة على الزيت عآدة
تآنكي البنزين وكم يمشي كيلو
متوسط السرعة
درجة الحرآرة الخآرجية
البنزين كم يمشي لكل مئة كيلو وللاسف انه يمشى 13.9 لتر لكل مئة كيلو يعني السيآرة تصرف بنزين
ومآ تشرب الا 95 بعد ..
نمرة القير
معلومآت المسجل والسآعة
الابوآب المفتوحة وتحديد اي بآب مفتوح
وتأتي بالفل كآمل اكبر من الشاشة الموجودة بـ الستآندر
وذلك لو وجود الحسآسآت وتظهر صورتهآ بهذي الشاشة
الصور ..

[img] [/img]

[img] [/img]

[img] [/img]

[img] [/img]

[img] [/img]


الرجآء عدم الرد حتى اكتمآل الموضوع ..

نجي لمستوى الآمآن بالسيارة
الايربآقآت اللي شفتهم بآلسيآرة
[ ايربآق للسآئق + ايربآق للرآكب الامآمي + ايربآقآت جآنبية + ايربآق موضوع عند ركبة السآئق ]
من نآحية الثبآت بالسيارة فهو رآئع جدآ كمآ سمعت عن السيآرة وعن تجربة بعد
لانه يوميآ في منعطف حآد شوي وانا رآيح للجآمعة آخذهـ على 140 بدون اي خوف والسيارة ما تلعب

صور الايرباقات ..
إيربآق السآئق ..
[img] [/img]


الا يربآق الجآنبي
[img] [/img]

الايربآق اللي تحت ركبة السآئق

[img] [/img]


أخيرآ رآح أعطيكم اللي نسيته بسرعة ..
مميزآت السيآرة
السيارة رآئعة بمنظرهآ الخآرجي فهي مشتقة من السيارآت الاوروبية ونآدرآ ما ترى بهآ لمسآت امريكية
السيارة رآئعة جدآ بثبآتهآ ولو وجدت بدفع ربآعي اتوقع انها رآح تتفوق على الكثير من مثيلاتها
السيارة منآسبة للشباب والعوآئل فتتميز بحجمهآ المعقول وغرآبة الشكل الخآرجي للشباب
تسآرع السيارة ما حسبته حتى الان
صوت المحرك هآدئ جدآ جدآ جدآ < ومآ أكررهآ كذهـ بس
حتى اني قآومت كورولا قبل أمس ووصلت الى سرعة 180 والمحرك محآفظ على هدآوته
صح في البدآية تحس بصوت يوضح لك مدى العزم لكن بسرعة يختفي
حتى بالمقآومآت تحس ان السيارة مملة للاسف
وذلك لهدوء المحرك
ايه صح ترآني قمت على الكورولا < هع

عيوب السيآرة :
طبعآ مآ في سيآرة خآلية من العيوب
العيب الاول واللي قآهرني كل مآ شغلت شي بالسيارة طلع لي صوت [ تك ] من جهة الرآكب مثلا
اذا وضعت رجلي على الفرامل والقير بـ P يطلع لي صوت طقتين
اذا حركت القير طلع لي صوت طقة
اذا شغلت الهوآية طلع لي صوت طقة
اذا طفيت الهوآية طلع لي صوت طقة
ايه وعلى سالفة الهوآية
ترفع الضغط بعد هي
اذا طفيت السيارة لازم اسكرهآ واذا شغلت السيارة تفتح من حآلهآ ولازم اسكرهآ مرة ثآنية
عزل الهوآء مو جيد مرة حيث صوت الهوآء يكون مزعج عند 140 تقريبآ
هآذي العيوب اللي شفتهآ

المشآكل والتي تم حلهآ على الضمآن :
لمن مشت السيارة 1535 كيلو بالضبط
كنت وآقف عند اشارة ولا في احد الشباب ينبهني بخروج دخآن ابيض من الكفر الخلفي وقآل ان سيارتك [ مولعة ] من ورى
طبعآ رحت للوكآلة
وقعدت السيارة اسبوع كآمل عندهم
وبالهوآش لمن عطوني سيارة بديلة مع مكآلمة المدير الاقليمي المهندس سلمآن
طبعآ المشكلة اللي فهمتهآ هي خروج زيت الفرآمل من عند الكليبر بسبب الصوفآت والربلات انها نشفت ومع الاحتكآك والحرآرة خرج الدخآن الابيض
وتم اصلاحها ولله الحمد

الحين السعر اللي رآح يكون مفآجئة ..
سعرهآ بالوكآلة 70 الف ريال للستآندر
ولكن عند البحث بالمعآرض والتروي لمدة ثلاث أشهر
حصلتهآ بمعرض الفلاح بالنسيم بالريآض
بسعر 57 الف ريال
اي توفير 13 الف ريال
ولكن الضريبة للاسف هي اللون
.
.
اخيرآ
انا عآرف ان التقرير مآ عندك أحد
لكن والله عندي طلعة الان
واضطريت اكتبه بسرعة وبلخبطة
اتمنى انكم تسآمحوني على القصور
للاسف ما أمدآني اكتب الحقوق
وتم تصغير الصور
ورآح يطلع لكم اكسآت انتظروا شوي وبتظهر لكم الصور
تحيآتي

تسلم والله على التقرير الروعة
والطقات اللي تسمعها ماعليك منها
وثانيا ابغى اسأل العزل كيف في الفل
واكرر
اشكرك اخي جزيل الشكر كم من تمنيت واحد معاه مونديو 2008 ويعطينا تقرير
صراحة لازم هذا الموضوع يتثبت
وبكم اشتريت سيارتك

تصدق اخوي
المفتاح نفس المفتاح اللي عندي في الفوكس

يـعطيك الف الف عآفية ع التقـرير (( للأسـف لو عدلت الصور اخوي كآن طلع ولا أحلى ))

الله يعطيك خيرهآ ويكفيك شرهـاا

صرآحـة موتر رآئـع

ومن نآحيـة الطقـاات لآتشيـل هـم ..

فوكس
حيآك الله اخوي
بالنسبة للعزل بالفل والله مآ عندي علم فيه
لكن السيارة اللي معي عزلهآ حلو حتى 140 وبعدين يبدأ صوت الهوآء يكون مزعج شوي
بالنسبة لسعر السيارة ذكرته بآخر الموضوع
اتوقع انك مآ شفته بسبب الصور
المفتآج نعم هو نفس مفتآح الفوكس
لاني خذيت وحدة 2007 من الوكآلة كبديل لمن ظهرت لي المشكلة
والفوكس سيآرة رآئعة فيه الشبه الكبير بالمونديو
يفرق العزم فقط
والف شكر لك على مرورك

Rai8
أخوي تم تعديل الصور
اشكرك على مرورك
تحيآتي لك ..

ماشاء الله تبارك الله ,,,,,
الله يعطيك خيرها ويكفيك شرها,,,,,
سلام

ماشاء الله تبارك الله المونديو سيارة من جد روعة وصراحة اتمنى وحدة زيها
وبالنسبة للعزل جرب وامش في الليل حتشوف فرق كبير ومعروف الفورد بالعزل

والله يعطيك خيرها ويكفيك شره

بالنسبة لقوة الاحصنة كم