ماشاء الله عيني عليكم بارده

بس بسألك ,
بعد كل هالتعديلات ماحصلت لك مشاكل في السياره ؟

لأني سمعت من ناس كثير ان خصوصاً الفكتوريا تتحمل كثير في التزويد

وبغيت اسألك الهيدرز اللي مركبينه موجود منه مخصص للفكتوريا ؟

لأن يقولون مافيه هيدرز للفكتوريا بس نقدر نفصل :smile:

عموماً موضوع رائع يعطيك العافيه اخونا فهد

وياليت ماتبخل علينا من خبرتك في التزويد :wink:

ماشااء الله تبارك الرحمن

بصراحه الفورد هذي والتعدي عليها شفته من زمااان بس الي حبيت استفسر عنه يعني معقوله الفورد قوتها 165 حصاان؟؟

وياليت لو تقولنا فيه احد بالشرقيه معتمد في التعديل حق الاستخدام اليومي لان بصراحه ودي اعدل ولكن استخدامي

للسياره بشكل يومي وسفريااات ونادر ماتحصل ناس فاهمه

أخوكـ

هشام ,ماشاءالله عليه, فاهم بكل السيارات الامريكيه واشتغل كثير على الفورد.

البرمجه تفيد كل السيارات, وبرمجت كثير بوليسي وفرق معهم.

بالنسبه للبرمجه والتعديل بشكل عام, كل ماصارت السيارات جديده كل مافرق التعديل فيها. السياره مع الوقت تضعف فيها اشياء واجد, فصعب تلاحظ فرق التعديل.

قد برمجت موديلات قديمه والفرق كان حلو, بس مثل ماقلت ماهو فرق كبير مثل في الجديد.

اذا ناوي تعدل, انصحك تركب فلتر كامل مع اكس بايب وبكرات وبرمجه وكرونا, كذا بتلاحظ زياده في العزم.

شكرآ
فهد

كم مقاس الكرونا الاصليه؟

افضل انك تركب معها دفرنش مشبوك, عشان ماتفحط واجد. سعر الكرونا مع الدفرنش من 2000 الى 2500

بس انتبه من الوكاله, ترى بعض المرات يعطونك مقاسات مختلفه او دفرنش ما يشبك.

واذا بتركب 3.27 وطالع, على سرعات عاليه, ممكن يصير عندك رجه في عمود الكردان اذا كان حديد, وممكن يكسر لك القير او الدفرنش.

ولاتنسى تغير ترس عداد السرعه مع الكرونا.


شكرآ

حلو الكلام بالنسبه لترس السرعه معروف حق البوليسي انه يجي 20 سنه او 21 والي هو اكبر شئ لونه برتقالي الى احمر

مقاس الكارونه الاصلي عندي 2.72 وانا ابي اركب 3.27 لان المفروض شد البلد البوليسي تكون راكبه عليه

وحبيت استفسر عن مدى سلامات تركيبها بالنسبه للسرعات العاليه الى الان طبيعي ولا عندي اي مشكله ولله الحمد

يعني السياره تمشي 210 - 220 ويمكن شفت تسارع سيارتي

افضل تسارع لسيارتي فيكتوريا p71 1994.!

بالنسبه للدفرنش المشبوك اذا قصدك تو ويل مع اللفات مشكله

انا ابيها عادي طبيعي ولكن بكارونه اكبر من ناحية قوة افضل من الصفر والكارونه شفتها عند واحد ماعنده اي مشاكل

بس الي خايف منه طريقة تركيبها لى سيارتي فاذا تنصحني بناس فاهم وعارفهم ياليت تدلنا ولك جزيل الشكر

وادري تعبانك يالغالي

أخوكـ

تأكد من عمود الكردان, اذا الومينيوم فما فيه ضرر, بس اذا كان حديد, ممكن تصير مشاكل على سرعات عاليه.

اذا ركبت كرونا عاليه مع دفرنش مفصول, ممكن ان السياره تفحط واجد اذا دعست من الصفر.

تسارع سيارتك ممتاز, مع الكرونا بتصير اسرع بس لازم يكون عندك عمود كردان الومينيوم.

المحلات كثيره الي تركب الدفرنش, ما اعتقد بيكون فيه مشكله.


شكرآ