النتائج 1 إلى 5 من 5

الموضوع: قصتي الكامله مع الايدج جميع مشاكله اللي مرت علي

  1. #1
    ابوريفان123 غير متصل عضو جديد
    تاريخ التسجيل
    Oct 2011
    المشاركات
    6

    افتراضي قصتي الكامله مع الايدج جميع مشاكله اللي مرت علي

    السلام عليكم ورحمة الله وبركاته
    اقدم لكم تجربتي المتواضعه مع سيارتي الفورد ايدج2011

    انا اشتريت الموتر قبل تقريبا 6اشهر واكثر لاطن واجهتني مشاكل راح اذكرها لكم.....

    1-العزل في السياره سيى جدآ لانك تسمع الصوت الهواء من كل مكان المشلكه انهم يقولون ان احسن شي في السياره عزل الاصوات الخارجيه وايضآ صوت الكفرات مزعج تسمعها بوضوح

    2-طلع عندي صوت بين البابين جهة الراكب من عند الحزام بالضبط صوت شي يقرقع ويزيد مع زيادة السرعه دخلت السياره الشركه وشرحت لهم المشكله المهم بعد اربعة ايام استلمت السياره واعطوني فاتوره قيمتها 400ريال قالو حصلنا قطعه وغيرناها ومسامير ماهي موجوده وتبتنا كل شي طبعآ انا مادفعت ولا ريال لان السياره على الضمان بعديوم رجعت المشكله زي ماهي..

    3-طلع صوت في زجاج السائق الامامي اذا نزلت او طلعت الزجاج يطلع صوت مزعج وديتها الشركه يوم جيت استلمها سالت الموظف ايش المشكله قلي بسيطه شيكنا عليها ومشي الحال المهم راح الصوت بعد فتره رجع وديتها مره ثانيه ويم استلمت السياره سالته ايش المشكله قلي غيرنا لك قطعه بقينة كذا واعطاني الفاتوره وبعد ساعات بس من استلامي السياره رجعت المشكله نفسها مع مشكله اكبر اللي هي انه صار يطلع لي الهوا من بين الزجاج والباب هواء واضح لدرجة اني احط يدي بينها عشان يخف الهواء...

    #-هذي بعض الملاحظات البسيطه

    *صوت اذا شغلت النور العالي سالت قلولي عادي
    *الجيربكس يطلعلك صوت دقه قويه بعض الاحيان هذي مشكله في اغلب سيارات الفورد


    احبتي السياره جيده بس يمكن تكون الملاحظات ماصرت عند شخص اخر هذا حظي ايش اسوي باقي الاشياء ممتازه .......... ياليت تشاركون بأراكم الجميله

  2. #2
    الصورة الرمزية أيمن
    أيمن غير متصل مشرف عام قسم الدفع الرباعي
    تاريخ التسجيل
    Jul 2010
    المشاركات
    2,644

    افتراضي رد: قصتي الكامله مع الايدج جميع مشاكله اللي مرت علي

    وش ذا اخوي كانك اخد سياره من التشليح مو من الوكاله غريبها مع انه جربنا الايدج في سياره التجربه الى في الوكاله بصراحه شي حلو وجبار المشاكل الى انت قلتها ماشفت منها اي شي

  3. #3
    الصورة الرمزية مجافي
    مجافي غير متصل متخصص ايدج
    تاريخ التسجيل
    Mar 2011
    المشاركات
    540

    افتراضي رد: قصتي الكامله مع الايدج جميع مشاكله اللي مرت علي

    بالنسبه لصوت الزجاج الي تقول انا عندي بس في البانوراما ولا ادري وش الدزه انا سيارتي ماشيه 1800 الأن ونتظر صيانة 8000 وبقولهم عنها ..

  4. #4
    الصورة الرمزية Fire
    Fire غير متصل مشرف قسم الايدج و mkx
    تاريخ التسجيل
    Feb 2011
    المشاركات
    1,086

    افتراضي رد: قصتي الكامله مع الايدج جميع مشاكله اللي مرت علي

    و الله يالغالي المشاكل الي صارت معاك غريبة و يحتاج لها وقفة و ترى السيارة صار لها 5 سنوات بالسوق وموديل 2011 ماهو الا فيس ليفت مع تغير بالديكور الداخلي ومافي احد اشتكى على الاقل موديل 2009 و 2010 و اعرفهم معرفة شخصية و اقابلهم كل يوم بالدوام ....

    على العموم الله يعينك و زي ماقلت شكله حظك بالسيارة وبالنسبة لعزل السيارة ممتاز وكل الي تسمعة احتكاك الهواء بالسيارة و المرايات الجانبية لنها مرتفعة و لن في هواء سريع اصلا ولو كان الهواء راكد صدقني ماراح تسمع شي ...

    وعندك الموقع هذا اقراه وروح تاكد هل هاذي الميزات موجودة بسيارتك او لا ...

    MORE POISE, LESS NOISE: NUMEROUS IMPROVEMENTS MAKE 2011 FORD EDGE FEEL MORE CONNECTED, QUIETER | Ford Motor Company Newsroom

    http://media.ford.com/images/10031/N...tures_Edge.pdf

    وبالنسبة لصوت النوار العالي هذا الكتاوت معناتها اشتغلت وهذا طبيعي ....

    وصوت القير مو مشكلة ابد و اقرا الكتالوج وراح تعرف اذا كان عادي او لا لن مشروح فيه سبب الدقة و راح تستمر معاك الا ان تتجناس تروس القير بحكم ان السيارة جديدة وبعدها ما راح تسمعها ابد ....

    وانا لاحظت ان اكثر الي يحكمون على السيارة ما مشت معاهم الا 3 الاف او اقل و حتى ماسوا الصيانة الاولى و هذا يعني انه باقي ماتعود على السيارة ويبي له وقت ويتعود عليها ويميز بين العيوب او الملاحظة
    وشكرا ....
    التعديل الأخير تم بواسطة Fire ; 10-13-2011 الساعة 03:00 PM

  5. #5
    الصورة الرمزية wajeeh007
    wajeeh007 غير متصل متخصص لايدج و MKX
    تاريخ التسجيل
    Jul 2011
    المشاركات
    224

    افتراضي رد: قصتي الكامله مع الايدج جميع مشاكله اللي مرت علي

    هلا فيك اخونا أبوريفان123

    الله يكون في عونك في بعض المشاكل اللي تواجهها خصوصا في صوت الزجاج المزعج أو الصوت اللي بين البابين

    وأنا معاك في جزئية " عزل الصوت " وفيه فرق ما بين "عزل الصوت" و " عزل الهواء "

    أولا .. السيارة مرتفعة ومقاومتها للهواء اضعف من سيارات السيدان .. وانا اشوف المشكلة في البانوراما لأن فتحات السيارة كثيرة والهواء يصطدم بسرعة اكبر عند السرعات العالية .. لكن لما تمشي فيها أقل من ستين كلم/ساعة تلاقي " عزل الهواء " ممتاز ..

    ثانيا بالنسبة " لعزل الصوت " وهذا اللي يهمني بحكم انه كان عندي نيسان ماكسيما وكان فيها عزل الصوت ماشاالله تبارك الله جبااااااااااااار .. يعني عن جد عن جد ماتسمع صوت نهائي كانك في مغارة مش كابينة سيارة لأنه نوعية الجلود اللي عاملينها وتصميم الابواب يخفف بشكل كبير من الضوضاء الخارجية .. وهذا الشي اللي ما لقيته للاسف في الايدج .. عزل الصوت في الايدج أقل بشكل كبير من سيارتي السابقة وهذا الشي انا ملاحظة ومزعجني بصراحة .. حتى الامريكان في منتدياتهم لاحظوا الشي هذا وطلبوا تغيير " الربلات " او الجلود وغيرها لهم الوكيل .. بعضهم أحس بالفرق للأحسن والبعض للاسف صار الوضع أخس وتمنوا انهم ما غيروا شي .... والله المستعان .

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر