النتائج 1 إلى 9 من 9

الموضوع: ساعدوني في الفورد موستنق v6

  1. #1
    Ali.GT غير متصل عضو نشيط
    تاريخ التسجيل
    Oct 2011
    المشاركات
    31

    افتراضي ساعدوني في الفورد موستنق v6

    السلام عليكم ورحمة الله وبركاته,,,,,
    مساء\صباح الخير..
    كيفكم يالشباب ؟؟ طبعا انا ابغى مساعدتكم ونصياحكم وخصوصا من الناس المجربين واهل الخبره....
    انا من عشاااااق ومحبي الفورد موستنق (FORD MUSTANG) عشااان كذا ناااوي اشتري هذه السياره بس برضوووو عشان اليمزانيه تعبانه فافكر اخذ v6 .. الموديل 2007-2010
    سوالي الحين وكم سمعت من الناس ... هل 6 سلندر سئ لدرجه انه لا يستحق ان يشترى ؟؟؟ وهل هي سياره عمليه ؟؟ ****علما اني ما افكر في الريس والقومات<
    وهل هناك فرق في داخلية السياره عن ال8 سلندر؟؟ هل حقا ان 6 سلندر تستهلك كمية اقل في البنزين؟؟****يعني اقتصاديه اكثر< واخيرااااااااااا في حال رغبت في بيع هذه السياره مع اني لا اتوقع بيعه ... هل ساجد صعوبه في بيع السياره لانه 6 سلندر والناااس متحب ولا ترغب الا في 8 سلندر؟؟

    Please I'm waiting your comment and your answer ……………....
    وشكرااااااااا

  2. #2
    الصورة الرمزية hamad hassan
    hamad hassan غير متصل متخصص موستنق
    تاريخ التسجيل
    Mar 2009
    الدولة
    الكويت
    المشاركات
    4,379

    افتراضي رد: ساعدوني في الفورد موستنق v6

    شوف اخوي ال ٦ سلندر معروف انة غير مرغوب زي ال ٨ سلندر
    وصعب تحصل له قطع غيار
    لكن من ناحيه الاعطال نفس ال ٨ سلنرد ويمكن اقل يعني اعطاله بسيطة يفيدونك اكثر اصحاب ال ٦ سلندر
    كم انا متلهف لنزول الكمارو zl1 في الخليج

  3. #3
    الصورة الرمزية اسيرالهم
    اسيرالهم غير متصل عضو مميز
    تاريخ التسجيل
    May 2010
    المشاركات
    448

    افتراضي رد: ساعدوني في الفورد موستنق v6

    طبعا v8 ارغب بكثير بدون مقارنه
    من الاخر و بدون تحطيم ولا يهونون اصحاب ال 6 سلندر بس v6 مايصلح !!
    لا هيبه ولا قوه ولا قطع غيار و صعب في البيعه

    و اذا الميزانيه مضروبه دور لك جي تي 2000 الى 2004 شكلهم حلو اكثر سبورتيه بسبب شكله انسيابي اكثر
    وبسعر v6 2007 او 2010

    و ماراح تندم و شوف موقع حراج و بتحصل ان شاء الله

    و بالتوفيق

  4. #4
    احـــن واحـــد غير متصل عضو جديد
    تاريخ التسجيل
    Oct 2011
    المشاركات
    14

    Arrow رد: ساعدوني في الفورد موستنق v6

    وعليكم السلام ورحمة الله وبركاته

    عزيزي قاعدة حطها في بالك:

    الثمانية سلندر هي خيارك لو إنك فعلاً راح تعدّل في المكينة وركز لي على فعلاً, مو يجي واحد ويركب لها دبتين وهيدر ويقول والله مكينتي معدلة !!
    غير كذا خذ الستة لأنه بالأول والأخير الموستينغ هي الموستينغ !!




    فالكلام إن الموستينغ ستة سلندر سيئة كلام غير صحيح,وهي من أحد السيارات الكوبيه العملية (إذا ماكانت أحسنهم وأروعهم) وهذه هي الثقافة الدارجة عند الأمريكان أهل العضل الامريكي والأفهم والأدرى بتاريخها وإسمها وبيستخدموا الموستينغ كـدايلي يوز كار (سيارة إستخدام يومي) للكرف والمشاوير.


    وموضوع قطع الغيار ياعزيزي أنا معاي 2007 ستة سلندر وأمريكية الإستخدام ومعروف إن عام 2007 ماكانت نازلة الستة سلندر في السعودية, ومن فضل الله ماعانيت من القطع, ياأخي موضوع قطع الغيار في الوكالة يحتاج فقط لشطارة وتعاون من الموظف وإنه مايكتفي بالبحث عن طريق رقم القطعة في حال عدم ظهورها على السيستم, لكن يراجع شكل القطعة ورسمتها, وأنا إنسان أعمل في مجال الهندسة وعارف هالشئ, وشئ طبيعي جداً جداً إن قطع من سيارات فورد تركب على بعضها البعض.



    موضوع إعادة البيع وصعوبته للأسف هذه حقيقة بسبب ثقافة الشعب اللي عندك وإنت أدرى بنفسك..هل شرائك للسيارة مجرد نزوة وراح ترغب بالتخلص بها سريعاً بأقل الخسائر أو إنك مستخدم عاشق وراغب في السيارة وماراح تضطر تبيع إلا في الشديد القوي.



    الفرق بيت الستة والثمانية سلندر من الداخل مافي فروق جوهرية..كلهم نفس الشئ تقريباً.

    بالنسبة للي يشككوا في قوة وهيبة الستة ورزتها شئ طبيعي يكون هذا ردهم لأن 99% منهم ماساقوا السيارة..أي نعم المنطق والفيزياء والميكانيكا والعقل يقولوا الثمانية أقوى وتسارعها أفضل بفرق (ثانية وحدة في المية متر)

    بس القوة موجودة والهيبة والإطلالة موجودة والتخميس والبيرن آوت والدريفت كلهم يضبطوا ومبهرين على الستة وقت تشتهي تسوي شوية جنان.


    كثير من أقرب أصحابي لما عرفوا إني أخذت الستة أنتقصوا وقللوا منها بس ركبتهم إياها وسوينا فيها شوية شغب صار كل واحد فيهم بعد ماينزل ينفث ويقرأ عليها (ماشاء الله تبارك الله)....ياحبيبي الموستينغ هي الموستينغ.


    السبب الوحيد اللي ممكن يخليني أبيع السيارة إني أحصل وحدة نظيفة ستة سلندر على قول المصريين (لؤطة) وتكون بانوراما.


    وأي سؤال حاضرين.


    بالتوفيق

  5. #5
    الصورة الرمزية TALAL 03
    TALAL 03 غير متصل عضو ملَكي
    تاريخ التسجيل
    Aug 2010
    الدولة
    الخبـر
    المشاركات
    732

    افتراضي رد: ساعدوني في الفورد موستنق v6

    كتبت رد طول وراح

    عموما اخي احن واحد كلامك منطقي ونا اشكرك عليه

    بالنسبه للي مايهمه الدرق ياخذ v6 كأستخدام يومي وقليل استهلاكه للوقود
    واخيرا تحقق الحلم وتم امتلاك تشارجر 2014 RT



    حصرياً: حل مشكله erorr بالجي بي اس بشاشات الرود ماستر

  6. #6
    Ali.GT غير متصل عضو نشيط
    تاريخ التسجيل
    Oct 2011
    المشاركات
    31

    افتراضي رد: ساعدوني في الفورد موستنق v6

    الصراااااحه احب اشكركم بشكل عااااام واشكر (( احن واحد)) بشكل خااااص لان الكلام الي قاله ...هو الكلام الي بقيت اسمعه الي يشجعني ويخليني اليوم اروح المعرض واشتريه خخخخ ... بس اذا معليكم امر عندي شغله 2 ... حسب مقلت ان سيارتك وارد امريكي ... يعني عندنا بالدمام اشوف كثيرررر موستنق وارد امريكا وعلى كيف كيفك...بس دايما الناس تقول لي stop اذا اعرفت ان السياره واارد امريكي...السؤال ما هي سلبيات الموستنق وارد امريكا ؟؟ مع العلم ان السيارات الامريكيه اقل في السعر واحيانا فيها موصفات احلى من غيره ... هل تنصحوووون اني اخذ وارد امريكي؟؟؟

    مع جزيل شكرررري لهتمامكم ب موضوعي..............

  7. #7
    احـــن واحـــد غير متصل عضو جديد
    تاريخ التسجيل
    Oct 2011
    المشاركات
    14

    Arrow رد: ساعدوني في الفورد موستنق v6

    العفو أخوي طلال...

    علي

    قبل ماتشتري أي سيارة من أمريكا لازم تسأل عن تقرير الكارفكس والأوتوتشيك

    عن طريق أخذ رقم الشاصيه والتواصل مع الوكلاء, هالتقاير تبيّن لك وضع السيارة وحالتها في أمريكا وعدد ملاكها وأهم شئ كم ماشية, وهل كانت خصوصي أم سيارة شرطة أم إيجار وهل تعرضت لكوراث طبيعية أم لأ وإذا كان مالكها إنسان متحضر وواعي راح يطلع لك حتى سجلها وصيانتها بالوكالة.

    ماأبغى أستطرد بالكلام وإذا تبغى عن التقرير وسعره

    راجع هالموقع اللي تعاملت مع صاحبه

    تقارير فحص السيارات



    بالتوفيق

  8. #8
    Ali.GT غير متصل عضو نشيط
    تاريخ التسجيل
    Oct 2011
    المشاركات
    31

    افتراضي رد: ساعدوني في الفورد موستنق v6

    احب اشكرك اخوي.....ع جهدك المبذول ... بنسبه لموضوع التقرير مررررررره عجبني وكنت اسمع عنه ...مدري بس انا سمعت ان في مواقع اجنبيه ومجانيه هل يوجد موقع يعطيني التقرير مجانا؟؟ وبالنسبه لهذا الموقع تقارير فحص السيارات هل هو موقع موثوق؟؟..... اذا معليك امر طريقة الدفع ((تحويل رصيد بس )) ولا لازم اروح البنك ,,,و شي ثاني انا معندي حساب لا في الراجحي ولا البلاد!!! وهل يشمل التقرير الشركتين ولا لازم اختار وحده الكارفكس او الأوتوتشيك؟؟ اذا لا ايهما افضل ؟؟..... معليش اخوي تعبتك معاي بس انا راح اخذ بنصيحتك ع ششان كذا ابي اعرف كل شي بتفصيل...

  9. #9
    MustangShadow غير متصل عضو جديد
    تاريخ التسجيل
    Oct 2011
    المشاركات
    8

    افتراضي رد: ساعدوني في الفورد موستنق v6

    ارجوا احن واحد التواصل معي على الخاص ضرووووري
    التعديل الأخير تم بواسطة MustangShadow ; 10-26-2011 الساعة 11:08 PM

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر