صفحة 1 من 2 12 الأخيرةالأخيرة
النتائج 1 إلى 10 من 16

الموضوع: بعد تجربة 3 شهور انطباعي عن الماركيز

  1. #1
    KROZR غير متصل عضو نشيط
    تاريخ التسجيل
    Jan 2012
    المشاركات
    62

    افتراضي بعد تجربة 3 شهور انطباعي عن الماركيز

    بسم الله الرحمن الرحيم

    السلام عليكم ورحمة الله وبركاته

    تحيه طيبه للجميع

    وهذا ثاني موضوع لي .. والحقيقه كنت بنزله من الاسبوع الي فات

    بس بعد ماكملت الكتابه والموضوع.. طلع لي : لايمكن عرض الصفحه

    قلت عاد المره الجايه

    الحمد لله ..بعد عناء البحث من معرض لمعرض ..ومن اوريون لكابرس

    شريت اخر توقعاتي في الشراء واخر خيار لي للشراء

    مــاركيز ال اس 2007 من احد الصالات في الشفاء

    الصراحه قبل لااخذها تعبت وجلست فتره ادور اوريون او كابرس

    بس مالقيت الا المترديه والنطيحه ... وعلى ان اعمارهن قريبه

    بس النظيف معدوم تقريبا الا ماشاء الله

    وصحيح كنت اتمنى امتلك الاوريون ... عمليه وقويه ..بس ماانكتبت

    وبعد ماشفت نظافة المستورد المبهره قررت وبقوة اخذ الماركيز

    والحمد لله اعتبر نفسي بعدها ماخذ جديد

    كبوت تنفتح نفسك منه .. داخليه وتبهرك بنظافتها

    وكل من ركب معي حسبني ماخذها جديده ماشاء الله تبارك الله

    طبعا في اول استخدام لها : كنت جدا منلحس واول مره في حياتي اسوق امريكي

    اصوات جديده وسياره كبيره .. والله كأني اول مره اسوق

    الحقيقه ( فكررت ادخلها المعارض من اول اسبوع ههههههههههه ماعجبتني )

    بس بعد ثاني وثالث اسبوع الى الشهر تراجعت كثير

    بدت تدخل مزاجي اكثر واكثر

    ارتحت وخذت على السياره .. الى ان توصلت تقريبا الى ايجابيتها وسلبياتها

    وقبل لاابدا ( وجهة نظر قد تختلف من شخص لشخص )

    الايجابيات :

    1- مراتب تتعب وتقول مريحه .. لبى قلبها بس

    2- راحه عالخط ودايم امسك الدائري وماشاء الله ثابته عالطريق بس الى الان ماسافرت عليها

    3- الديكور ابهرني.. العاده بعد مااوطي عيون القطط او التشققات العنيفه اسمع اصوات في الديكور

    وتحس انه متفكك ... لاكن مع تجربتي للماركيز الوضع غير .. مهما وطيت لااصوات ولا شي والسياره

    تظل في ثبات

    4- نظام الـ abs جدا ممتاز وماعانيت منه .. وبفضل الله ثم بفضله نجيت من حادث كان وشيك

    في أول اسبوع لها

    5- العزم مبهر ماشاء الله .. طبعا بصراحه اكره السرعه والتدعيس .. بسطحت فيها شوي بس قمت

    اهاوش نفسي لين تركتها ^__*

    6- الرحابه في عامة السياره من الداخل

    7- قطع الغيار متوفر وبسعر مناسب.. والى الان ماغيرت فيها شي

    والايحابيات عديده لاكن هذا الي حاضرني

    السلبيات :

    1- المكيف كان معقد ..وبعد ماركبت القسام انحلت المشكله

    بس بعد مامعي حرية في تغيير الاوضاع !! ابي اخليه ارضي او هوايه مااقدر مجرد ازرار !

    2- السياره بكل صراحه ( تزلق ) ويبغى لها ركاده في الملفات

    3 -السياره طويله وهذا اكبر عيب بالنسبه لي.. اواجه دوما صعوبه في توقيفها

    4- اصوات القفول جدا مزعجه وودي احل مشكلتها بس ماعرفت

    5- لايوجد انذار الا في حالة تشغيله بالزر وودي اشبكه بس ماظنتي اقدر

    6- عزل الهواء جدا سيئ .. اذا مشيت 100 يبدأ الازعاج

    السياره عموما : ممتازه

    كان ودي اضيف لها صور بس للاسف ماحصل لي وقت

    والحمد لله انها تيسرت .. واسال الله لي ولكم خير سيارتي وسياراتكم

    وان يكفينا واياكم شرها

    نصيحه فقط : تجنبوا السرعه .. والله مافيها خير

    والماركيز والفكتوريا تغري في التدعيس .. بس والله مافي التدعيس خير

    مافيه الا الهبال وقلة العقل

    والحمد لله لي فتره تاركها والله يعين .. كنت اطيح وجه الي وراي ..اذا شفته يكبس ويوجع راسي اعطيها الثانيه واخليه هو والزنون ابو 10 الي مركبه

    بس وش استفدت ؟

    تحيه من القلب للقلب

    واي استفسار عن السياره للي ناوي يشتري انا جاهز
    التعديل الأخير تم بواسطة KROZR ; 01-20-2012 الساعة 11:22 PM

  2. #2
    تاريخ التسجيل
    Mar 2011
    المشاركات
    3,309

    افتراضي رد: بعد تجربة 3 شهور انطباعي عن الماركيز

    بعطيك انطباعي كمان بعد تجربه دامت سنوات

    الراحه

    رساوته معقوله جدا مقارنه بفئات اخرى

    محركاته انا اعتبرها من افضل محركات السيارات فالعالم اللي تعيش بعمر اطول

    8 شهور مشيت عليه 55 الف كيلو وكلها خطوط ولحد الان مااشتكى من شي

    الفحمات والهوبات تمشيك سنتين بالراحه هذه اذا ركبت وكاله طقم كامل اصلي عمرها طويل مره

    كانت معي مازدا 2008 وكاله وماكملت 4 شهور والا الفحمات راحت فيها واللكزس 430 برضه فحماته ماتطول

    الزحفان مع اللفات كان يزحف معي مديل 2000 امريكي و2009 سعودي

    الان ماركيز 2007 امريكي ومايزحف وكله بفضل نظام التراكشن كنترول كل شوي اشوف اللمبه تولع وترده عن الزحف

    سلبياته

    مشاكله فالكهرب لك عليها

    المكيف خراباته واجد ههههههه

    وعلى البركه الموتر

  3. #3
    KROZR غير متصل عضو نشيط
    تاريخ التسجيل
    Jan 2012
    المشاركات
    62

    افتراضي رد: بعد تجربة 3 شهور انطباعي عن الماركيز

    ^^

    هلا باالي ماقصر معي في موقع حراج ^___^

    ايام ماكنت انزل مواضيع طلب للا الازيرا اوالفكتوريا

    ماقصرت اخوي شويخ

    وشرفني مرورك العطر

  4. #4
    المحيط الهادي غير متصل مشرف فورد سيدان
    تاريخ التسجيل
    Apr 2011
    المشاركات
    1,647

    افتراضي رد: بعد تجربة 3 شهور انطباعي عن الماركيز

    الله يعطيك خيرها ويكفيك شرها وان شاء الله ما تندم
    انا انطباعي عن الماركيز ممتاز
    وان قاله الله مابعدها الا ماركيز ثاني او اختها تاونكار
    Mercury Grand Marquis 1978


  5. #5
    كايف غير متصل عضو جديد
    تاريخ التسجيل
    Jan 2012
    المشاركات
    5

    افتراضي رد: بعد تجربة 3 شهور انطباعي عن الماركيز

    الله يعطيك العافيه

    انا توي شاري ماركيز 2009 مالها الا اربع ايام

    اكثر شي لفت انتباهي الراحه الممتعه فيها وقوة العزم

    لكن فيه صوت صرير يطلع من الخلف عند المطبات ولا ادري بسبب ايش

    بس بشكل عام السيارة حلوه

    وبالنسبه لمشكلة المكيف عانيت منها مثلك باضبط

    ماقدر اغير في الاوضاع وياليت تقول لنا كم سعر القسام وبعد ماركبته وش اللي تغير معك وتنصح فيه

  6. #6
    KROZR غير متصل عضو نشيط
    تاريخ التسجيل
    Jan 2012
    المشاركات
    62

    افتراضي رد: بعد تجربة 3 شهور انطباعي عن الماركيز

    اخوي المحيط الهادي

    شرفني مرورك يالغالي ومبروك السياره مقدما

    اخوي كايف

    صحيح القسام حل ازمه قويه

    بس لازال فيه مشكله ... الازرار ديكور بس

    الي تغير علي : المكيف اول مره يشتغل الي قدام

    ويقلب فجأه للهوايات الي تحت القزازه الاماميه

    والصوت مزعج ومايبرد المكيف مضبوط والروائح تدخل علي

    بعد تركيب القسام وعلى حجمه الصغير انحلت كل المشاكل المذكوره الحمد لله

    وبمر ان شاء الله كهربائي يشوف العله الباقيه

    بالنسبه للقسام انصحك تركبه اذا مابعد ركبته

    ومن ناحية التكلفه والله مركبه مجانا على حساب راعي الصاله

    التركيب كان في الشفا وماخذ الا ٥ دقايق بس

    وحياك الله يالغالي وشرفني مرورك العطر

    التعديل الأخير تم بواسطة KROZR ; 01-21-2012 الساعة 09:51 PM

  7. #7
    الصورة الرمزية 3OKSH
    3OKSH غير متصل عضو مبدع
    تاريخ التسجيل
    Dec 2008
    الدولة
    الخبر
    المشاركات
    245

    افتراضي رد: بعد تجربة 3 شهور انطباعي عن الماركيز

    ممكن اعرف شنو القسام !!! الي تتكلمون عنه

  8. #8
    الصورة الرمزية DELL
    DELL غير متصل إداري
    تاريخ التسجيل
    Dec 2010
    الدولة
    الولايات المتحدة الاميركية - ولاية ماساسوتش / بوسطن
    المشاركات
    18,783

    افتراضي رد: بعد تجربة 3 شهور انطباعي عن الماركيز

    ماشاء الله تبارك الله
    الف الف الف مبروك يا الغالي الله يعطيك خيرها ويكفيك شرها يارب وزين ماخترت الماركيز والفيكتوريا هي اساس صناعة الفورد اللي ابدعت فيها للامانة وكل ماذكرته مميزات هي فعلا المشتركة بين كل سائقي الكراون فيك و الماركيز، بخصوص المكيف ادخل على الرابط هذا في الاسفل وراح تستفيد منه

    http://www.ford4arab.com/vb/t628.html


    Boston, Massachusetts




  9. #9
    KROZR غير متصل عضو نشيط
    تاريخ التسجيل
    Jan 2012
    المشاركات
    62

    افتراضي رد: بعد تجربة 3 شهور انطباعي عن الماركيز

    اخوي dark

    القسام تقريبا انبوب صغير متفرع

    الغرض منه حل لمشكلة المكيف في الامريكي ( المشكله موضحه فوق )

    اخوي dell

    بارك الله فيك وشاكر لمرورك العطر

    اعتذر من الاخوه الي سألوني عن القسام من عدم توفر الصور

    وكان بالود اصور عملية التركيب للتوضيح اكثر

  10. #10
    الصورة الرمزية S aм i.ǍL.мάŁҝı
    S aм i.ǍL.мάŁҝı غير متصل عضو ملَكي
    تاريخ التسجيل
    Oct 2010
    الدولة
    ~ Jeddah ~
    المشاركات
    1,859

    افتراضي رد: بعد تجربة 3 شهور انطباعي عن الماركيز

    .

    .

    الله يبارك لك فيما أعطاك ويعطيك خيرها ويكفيك شرها
    بالنسبه للماركيز موتر والله يعجبك
    انا كان عندي ماركيز 2000 وفعلاً كانت المشكله بالرساوه مع اللفات تحس فيها أنزلاق شوي
    وبعده شريت ماركيز 2005 والحمدلله تقدر تقول ماتحس باللفات أبداً إلا عاد اللفه القوه
    وإن شاء الله قريباً يا ماركيز 2009 أو أفالون 2010 بأذن الله

    .

    .

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر