عليكم السلام
اخوي هذا لادبل ولا تيربو
ووظيفته : يخلي السيارة بدل ماهي أربع سرعات يخليها ثلاث سرعات
مثل التهديه اثناء النزلات القوية أو الطلعات القوية لأن القير اذا كثر التغييرات يضر القيربوكس و نعرف حساسية القير للتغييرات اللي ما لها داعي
فلحماية قير سيارتك حاول تقلل التغييرات خصوصا اذا ما كانت السرعة ثابتة على الخطوط بمعنى انك اذا كنت احيانا تسرع و تضطر تهدي السرعة فجأة الأفضل انك تستخدم الغاء نمرة الراحة اللي يقوم فيها الأوفر درايف أوف و اذا كنت في أرض مستوية و سرعتك ثابتة الغي الزر هذا وسلامتك

ملاحظه : بعض الشباب يستعملونه في المقاومات عشان مايريح للنمره الرابعه الا بعد ال180 وهذا خطا وماانصح باستعماله بعد سرعه 120 والسياره مرتاحه لانه يرد نمره خلفيه وايضا اثناء القومات بعض الشباب يقوم l1يليه l2 يليه l3
يليه d وهذا يسبب ضررررررررررر كبير جدا على القير ظنا منهم في تحقيق تسارع وقد يكون هناك فرق بسيط جدا وغير شاسع ولكن الضرر اكبر بكبير بالنسبة الى النتيجه في السباق بتكون جيده ولكن انت تضر سيارتك اكثر اول شي هناك كلتشات لسيارة بتحترق اذا مش في نفس الوقت بعد فتره وبعدين عندك الكونفنتر الي هو مثل الحدافة في الجير العادي بيكون بين الجير و الماكينة هذه القطعة هي همزة الوصل بين الماكينة و الجير بوكس وهي مفصوله تماما عن القير و الماكينة بداخلها زيت وريش ضغط كل حمل الماكينة بيكون عليها وبكل قوة واذا ماتم التبديل في الوقت المناسب تخرب وهي قطعة غاليه جدا بطبيعتها لانها معقدت التركيب نوعا ما هذي القطعة لاتتصلح تبديل على طول وهذي حساسة جدا وتحكير الجير يؤثر فيها ايضا و الخيار لك ودايم بالقومات لاصحاب الفورد لاتقاوم الا دحدره من 30 او40
اتمنى اني ماطولت عليك

^^^^^^^^^

كلام اخوي عين العقل وكلام صحيح الا اني اختلف في الراي في بعض النقاااط مثل الاوفر درايف سئ استعماله بعد 120

وقطعة الوصل الي نسميها طنجره وبعض الناس يسميها بطيخة القير

الموهم كلامنا استخدام الاوفر درايف بصراحه يكون على حسب ظروف القياده هو صحيح يخلي السياره ماتبدل اخر نمره

في القير اما 4 تعاشيق يخليها على 3

بصراحه انا الفورد معاي له حول 4 سنوات واستخدامي الشخصي للاوفر درايف يكون في حالات اذا ماكانت وحده

وهي عند عدم استجابة تبديل القير لدعسة البنزين مثال :

انا ابي اتجاوز سياره وعلى سرعه 120 - لاي سرعه اعلى ودعسة بنزين السياره ثقيله وماجاوبت بسرعه اضغط الزر

عشان يرد نمره والسياره تمشي برضوا في الطلعات اذا شفت السياره صارت تبدل بسرعه وانا محتاج غيار قو وثقيل عشان

اطلع بسرعه ولكن اشيله عشان السياره تريح ولا تسخن القير وتحمل الكلتشات بطاقه اكبر منها

الطنجرة حقت القير وهي اكبر قطعه في القير وسعرها للفورد فيكتوريا في حدود 400 ريال اصلي وكاله وهي اكيد مهمه

ولكن خرابها قد يكون صعب شويه يعني تكون هي اخر وحده تخرب في القير

بالنسبه للي يستخدم القير الاوفر درايف في القومات انا بصراحه سيارتي من الممكن تختلف عن السيارات الثانيه لان لو

دعسة دعسه كامله او ضغط زر الاوفر درايف نفس وقت التبديل يكون ولكن فيه اختلاف ان القير الثااالث اشا طفيت الاوفر

درايف يوصل حول 220 ويقعد يبدل رابع ويرجع ثالث فانا اشغله عشان يكمل الطبلون ومعروف القير في الفورد

يتحمل للـ230 عادي ولا همه واكبر مثال مقطع فيديو لتسارع سيارتي في قسم الفيديو

وانا بصراحه الي يستخدم القير في القومات عشان لا يبدل بسرعه والثاني يفحط

والتسارع افضل ممكن بثانيه ويفرق اكيد ولكن حسب السواق الي يستخدم القير فيه ناس وقت التبديل وفيه ناس تخليه

يقطع وهذا اكبر غلط

اسف ع الاطالة واي استفسار انا حاظر

أخوكـ

هلا باخوي امير بكلمتي مساك الله بالخير

انا بصراحه ودي اشيل الفصله اقل شي وفت الضروره ادعس واضمن الموتر انه ماراح يفصل ويورطني يعني مو دايم الدوم بمشي 240 حدي 200 الى 180 كااقل ضرف ولكن ماعلم عن الظروف طرده وهقه نحشه شي الموتر مايزبن بينيي وبينك
وش تشور علي الموتر توي شاريه وكان معي قبل 8 سنوات فكتوريا 94 سعودي مايفصل الا 195 والحين ابي اشيل الفصله
سوالي الله يحفظك
تصفحت كثير من المواقع ويقولون اصحاب الفورد ان الوكاله تشيل الفصله ب700 ريال للوارد الامريكي وان السعودي محمي كمبيوتره وماله شفره شيله الفاصل ابد هذي النقطه الاولى
النقطه الثانيه هل انت الغيت الفاصل ؟ ولاموترك فيدرالي ؟ او سعودي او امريكي
النقطه الثالثه هل فعلا فيه ضرر ع القير اني اشيل الفصله وحتى لو ماتجاوزت سرعه ال200 كم ويمكن ماوصلها بعد بس من باب الاطمئنان ان الموتر وقت اللزوم يزبنك خط وطرده يعني مودايم الدوم بحط رجلي هل فيه ضرر ع القير او المكينه
النقطه الرابعه والاهم
من وين اشيل الفصله ؟؟ ووين المحل اللي يشيلها مضمون بالرياض ؟؟ وهل يجب البرمجه اكترونيا للقير معها او بدون برمجه وهل الفصله اساسا لها برمجه بالكمبيوتر وتعاد برمجه السياره كامله ؟؟ وكم سعر التكلفه ؟

واللهي لفيت اغلب المواقع من مكتوب والسيارات واللي لهم خبره بالفوردات ولم اجد اجابه شافيه كل كلامهم خربطه واحد يقولي لازم تغير دفرنس وكارونه والثاني تخبيطه قير فوريه والثالث دخل التزويد ومدري وش دخل التزويد بموضوع الفصله من فلتر وهدرز وتايمن ويوني شيب وخرابيط مالها سنع
والضمان على سيارتي انا الضمان عندي 3 سنوات قير مكينه دفرنس كمبرسر هل ينلغي او يكشفوني لو عدلت شي ؟
وبرضو عندي سوال اخير وتحملني مع شكري الكبير لرحابه صدرك الكبيره
الفرق بين القير العلاق والارضي ؟
قريت دايم ان فيه فروق في ثلاجات القير وعدد الاحصنه
البعض يقول


محرك القير العلاق 225 حصان

محرك القير الارضي 260 حصان

وهناك فرق ايضا بس مو متأكد منه وهو مبرد القير الموجود في الفئة الرياضي فقط

.



والفكتوريا طرازين
بمحرك 4.6 .. وقوة حصانية تبلغ من 224HP Crown Victoria LX الى 239HP حصان لـ Crown
Victoria LX Sport


اين الصحه من هالكلام ؟؟ وشكرا لك

[align=right]ميزة الأوفر درايف (over drive) وإختصارها o/d

كيفية عملها : هذه الميزة تكون عاملة بشكل دائم مالم يتم إيقافها عن طريق ضغط الزر الموجود في أعلى عصا القير ؛ وعند إيقاف هذه الميزة تضيئ علامة في لوحة العدادات.

وظيفتها : هي ميزة تزيد من تسارع ناقل الحركة عن طريق السماح بعمل ترس خاص في ناقل الحركة يسمى ترس مضاعفة السرعة ؛ مما يؤدي إلى زيادة سرعة السيارة وهي عملية مهمة جداً في تقليل إستهلاك الوقود.

متى يجب إيقاف هذه الميزة عن العمل بشكل مؤقت ؟
1- عند الزحام الشديد.
2- في المنحدرات والمرتفعات الصعبة.
3- الطرق المبللة و الأجواء الممطرة.
4- جر عربة إضافية.
5- وجود حمولة ووزن زائد.

كيف يتم إيقاف هذه الميزة ؟
1- يجب أولاً إيقاف السيارة عن الحركة بشكل تام.
2- ثم الضغط على الزر.

كيف يتم إعادة تفعيل هذه الميزة ؟
1- يجب إيقاف السيارة بشكل تام.
2- ثم الضغط على الزر.
3- في حالة إيقاف المحرك وإعادة تشغيله تعود هذه الميزة للعمل تلقائياً.

ماهي شروط إستخدام هذه الميزة ؟
1- عدم إستخدامها في حالة الحركة نهائياً (لأن ذلك يؤدي وعلى المدى الطويل إلى أضرار وتلفيات في ناقل الحركة والمحرك).
2- عدم تجاوز سرعة 80كلم/ساعة نهائياً.

أتمنى الفائدة لك وللجميع ؛؛؛

وشكراً. .[/align]

شباب الاوفردرايف للاقتصاد في استهلاك البنزين .

مشكورين على الافاده

قريت الموضوع
و أشوف فيه اختلاف في الآراء
و الرأي الأخير يبدو أنه علمي

و الرأي الأول منتشر في المنتديات و معة رأي آخر أنه هذه الميزة تستخدم في المطاردات

و العلم عند الله
ما عمري استخدمتها في حياتي

الي ذكر غير صحيح ,,,

الفائدة الأساسية منها في حالة انفجار أحد الإطارات أو خروج أحد المساعدات من مكانه مما يؤدي على عدم توازن وأنت بحاجه إلى إيقاف السيارة فمن المعلوم حتى في سيارات القير العادي يتم استخدم النمرات من الأخف إلى الأثقل حتى يتم ايقافها لأنه ممنوع استخدام الفرامل لما يسببه من خروج السيارة عن السيطرة وربما الإنقلاب ,,,
فعمل 0/d هو تخفيف سرعة السيارة بتغيير النمرات من 5 إلى 0 ,,,

نسأل الله السلامة للجميع ,,,

[align=center]


عندي سوالين لاهنتــم

اللي راعي لفلفه ودوران على سرعات عاديه يعــني من 40 الى 80

هل يشغل الـ أوفر درايف ؟

أو أخليه طافي

وهل اذا طلــع لي الضوء الاخضــر على الطبلون يعني شغال والا طافي الـ أوفر درايف ؟
[/align]