النتائج 1 إلى 10 من 10

الموضوع: استفسار بخصوص الايدج ليمتد

  1. #1
    بنت الخليج غير متصل عضو جديد
    تاريخ التسجيل
    Jun 2012
    المشاركات
    8

    Unhappy استفسار بخصوص الايدج ليمتد

    السلام عليكم


    اخواني انا ادري انه في اختلاف في المواصفات في السعوديه عنا .. انا دفعت مقدم حق سيارة ايدج ليمتد وسعرها 173000 ريال لكن المشكله في انه ماكنت اعرف انه في فرق بينا وبينكم فصدمت انه السيارة اللي خذيتها دفع امامي ! وليتاتها ليد مو زينون وما فيها لا نفيقيشن ولا سنسر امامي وعرفت انه مافيها تفيقيشن ولا سنسر امامي قبل لا اشتريها يعني رضيت في عدم وجود النفيقيشن والسنسر وانا متضايقه بس لان عاجبتني السياره بس صدمت لما قريت عندكم زينون واللي خذيتها ليد والشي الثاني على المبلغ اللي خذيتها فيها تييب عندكم دفع رباعي وانا دفع امامي واخر شي كنت متوقعه فيها هالخاصيه انه اذا كنت دايس سرعه وفيه سيارة جدامك السيارة تخفف من سرعتها تلقائيا هاذي شفتها باليوتيوب وطبعا هالشغلات مو متوفره بالسياره اللي خذيتها يعني انا شاريه ليمتد من غير مواصفات وهذا اللي قاهرني مايعتبر فيها فرق كبير بينها وبين الفئة اللي اقل منها



    فشرايكم شسوي الحين اوقف المعامله ؟ وشنو اللي يقنعني انه فيه فرق بين ليمتد والسيل غير الشاشه والبانوراما والرنجات ونظام النقطة العمياء وانه الليمتد تيي جلد ؟!


    ببجي من الضيقه لاني انصدمت من قلة المواصفات في الليمتد .. بليز اخواني ابي رايكم

  2. #2
    الصورة الرمزية مجافي
    مجافي غير متصل متخصص ايدج
    تاريخ التسجيل
    Mar 2011
    المشاركات
    540

    افتراضي رد: استفسار بخصوص الايدج ليمتد

    مرحبا اختي

    لو مكانك بدون تفاهم وقفت المعامله وخذيته من السعوديه اكثر مواصفات واقل سعر والله يعينك ...

  3. #3
    raheeb00 غير متصل عضو مبدع
    تاريخ التسجيل
    Jul 2012
    المشاركات
    227

    افتراضي رد: استفسار بخصوص الايدج ليمتد

    مو معقول !!! انا اعرف ال 173 يكون فيها جنط مقاس 20 وجناح وفيها الرادار الي اذا كان فيه سياره قدامك تهدي وقفي المعامله نصابين ذولي !!

  4. #4
    alwel غير متصل عضو نشيط
    تاريخ التسجيل
    Jun 2012
    المشاركات
    75

    افتراضي رد: استفسار بخصوص الايدج ليمتد

    الحقي على عمرك ووقفي كل شي احسن لك بنفس دا المبلغ تاخدين لنكن مو ايدج

  5. #5
    الصورة الرمزية Fire
    Fire غير متصل مشرف قسم الايدج و mkx
    تاريخ التسجيل
    Feb 2011
    المشاركات
    1,086

    افتراضي رد: استفسار بخصوص الايدج ليمتد

    هلابك يالغاليه ...

    فعلا زي ماذكرو الاخوان السعر مره مبالغ فيه و غالي جدا و هذا عندنا بالسعوديه قيمه لينكولن mkx ٢٠١٣

    افخم من الايدج و قبل يومين رحت الوكاله و حصلت لينكولن ٢٠١٢ بسعر ايدج لميتد ٢ و كان سعرها ١٦٦ الف

    و الي ناقصها فتحه البانوراما ...

    و اذا يمديك توقفين المعامله نصيحه و قفيها و حاولي تاخذنها من السعوديه ..

    وشكرا ...


  6. #6
    الصورة الرمزية Ibn Najd
    Ibn Najd غير متصل مشرف مساعد قسم الدفع الرباعي
    تاريخ التسجيل
    May 2010
    الدولة
    Saudi Arabia - Riyadh
    المشاركات
    2,777

    افتراضي رد: استفسار بخصوص الايدج ليمتد

    اتفق مع الاخوان.. السعر مبالغ فيه... حساس امامي مايجي أصلا والنافقيشن الى الان يبدو لي ماتوفر

    بس الرادار الامامي (اللي يخفف ويزيد السرعة تلقائيا) والزينون والدفع الرباعي والجنط 20 كلها متوفرة في السعودية وبسعر اقل
    أبوفيصل - Ibn Najd


  7. #7
    بنت الخليج غير متصل عضو جديد
    تاريخ التسجيل
    Jun 2012
    المشاركات
    8

    افتراضي رد: استفسار بخصوص الايدج ليمتد

    جزاكم الله خير على نصيحتكم اخواني .. انزين اذا بغيت اخذها من السعوديه يصير اخذها اقساط ولا تورق ؟ لان سمعت مايسمح اخذها اقساط لازم تورق صح هالكلام ؟

    وانتو شرايكم في التورق؟

  8. #8
    الصورة الرمزية Fire
    Fire غير متصل مشرف قسم الايدج و mkx
    تاريخ التسجيل
    Feb 2011
    المشاركات
    1,086

    افتراضي رد: استفسار بخصوص الايدج ليمتد

    ^^

    و الله انا ماعندي خبر كبيره في الامور هاذي و لكن لو يكون قرض من البنك اوفر و افضل بكثيييييير

    وشكرا ..


  9. #9
    الصورة الرمزية Ibn Najd
    Ibn Najd غير متصل مشرف مساعد قسم الدفع الرباعي
    تاريخ التسجيل
    May 2010
    الدولة
    Saudi Arabia - Riyadh
    المشاركات
    2,777

    افتراضي رد: استفسار بخصوص الايدج ليمتد

    اقتباس المشاركة الأصلية كتبت بواسطة بنت الخليج مشاهدة المشاركة
    جزاكم الله خير على نصيحتكم اخواني .. انزين اذا بغيت اخذها من السعوديه يصير اخذها اقساط ولا تورق ؟ لان سمعت مايسمح اخذها اقساط لازم تورق صح هالكلام ؟

    وانتو شرايكم في التورق؟
    حاليا صار البيع بنظام التأجير المنتهي بالتمليك يعني السيارة تظل باسم الشركة الممولة (سواء شركة تابعة للوكالة أو بنك أو شركة متخصصة في تمويل السيارات) ويدفع العميل عادة دفعة أولى ومن ثم أقساط عبارة عن مبلغ شهري يشمل نسبة مرابحة ونسبة تغطي رسوم التأمين الشامل لأن الشركة مالكة السيارة تقوم بتأمينها بشكل شامل وفي آخر العقد يدفع دفعة أخيرة وتنقل السيارة باسمه (المرابحة+التأمين توصل 10% سنويا)

    ومثل ماقال الأخ فاير الحل الأوفر في حال عدم توفر قيمة السيارة كاش هو أخذ قرض شخصي من البنك في حال توفر الشروط نظراً لانخفاض رسوم المرابحة على القروض الشخصية (2-5% سنويا)
    أبوفيصل - Ibn Najd


  10. #10
    Minister غير متصل عضو مجتهد
    تاريخ التسجيل
    May 2012
    المشاركات
    111

    افتراضي رد: استفسار بخصوص الايدج ليمتد

    السلام عليكم

    سؤال لك انتي في أي دوله؟؟

    لان الي اعرفه الامارت ارخص واحسن مواصفات

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر