الترصيص الارضي ( لمن يعانون من الرجه ) شرح مفصل

اعداد : راعي الزد من خبرته المتواضعه حبيت افيدكم فيها

السلام عليكم ورحمه الله وبركاته
طبعا اليوم من الفرغه وبحكم قرب المكان عندي مره قلت خل اودي سياراتي ارصص كفراتهم وخصوص اني اعاني من رجه في سيارتي الفورد - كراون فكتوريا وهي ملحوظه جدا عند سرعه 120 ومافوق وقلت بالمره اودي ابو زايد حبيب القلب
z350 - لانه بصراحه يلزم له ترصيص مابين كل فتره وفتره بسبب الضروف الاندعاسيه هع

فوائد الترصيص
1- المحافظه على عمر الكفرات الافتراضي وزياده عمرها
2_ حمايه المقصات الاماميه والجلب والعكوس والاطاله بعمرها وخصوص لسيارات الدفع الامامي
3- عدم انحراف السياره يمينا او يسارا واختلاف ميزانيه الدركسون مع الوقت
4- الشعور بالراحه اثناء القياده وانعدام الرجه نهائئيا

لمحبي البر واصحاب الجيوب
الترصيص بشكل دائم خلال كل طلعه بر ولاصحاب السيارات السيدان عند ملاحظه اي رجه بالدركسون رصص فورا

المهم اليوم بشرح لكم عن انواع الترصيص ( موشرح بس فلسفه هامه تحملوني فيها )
الترصيص هو ترصيص الكفرات وهو على 3 انواع وسعرهم
1- الترصييص العادي حق بويمن بالشاكوش والمشكوبيات المعدن الكباسه طبعا لازم يفك الكفر ويحطه ع المكينه وقدامه شاشتين لمعدل التوازن وبعدها يضع القالب وهو ارخص شي وقيمته للكفر الواحد 10 ريال ولكن ترصص ولا ماترصص
يزيل الرجه بنسه 40 % بالنسبه للكفر المتسحل ( الملعون والديه ) ولايخفيها تماما واما عند الكفر الجديد فهو لايبان ابدا
حيث ان الكفرات الجديده تكون خاليه من الرجه مصعنيا بنسبه 90 % وهو ارخص الانواع ويحتاج فك وتركيب وسعره الاجمالي 50 ريال او 40 ريال للطقهم كامل .

2- الترصيص الالكتروني : وهو مثل عمليه الترصيص اليدوي بالظبط في فك الكفرات وتركيبها اللهم اختلاف وجود شاشه كمبيوتر لقراءه البيانات واحيانا يستخدمون نوع من انواع الترصيص اللاصق ( شريط مكعبات معدني ) وسعره 20 ريال للكفر الواحد .

3- الترصيص الالكتروني الارضي : وهو افضل واجود انواع الترصيص عالميا وامنيا وهو محور موضوعي اليوم حيث يكون الترصيص بدون فك الكفرات انما باستخدام آلتين حيث يتم رفع السياره وادراج دولاب معدني يقوم بتدوير الكفر باحتكاكه فيه وآاله اخرى عباره عن مقعد صعير به كمبيوتر ترصد الرجه اثناء دوران الكفر ويجلس عليها عامل الترصيص لوضع المشكوبيه ( اداة الترصيص اللاصقه في المكان المناسب ) ولايحتاج لافك ولاتركيب كفرات وسعر الترصيص الالكتروني الارضي 100 ريال للطقم ولايوجد الا في محلات متخصصه كالعضيب او الدرع او المجد

نصائح مجربه قبل الترصيص وعند حدوث الرجه للسياره:
1- لايضير الكفر تاكله نتائج الاستعمال وانما يوثر تاثيرا تاما وجود ندبات او ضربات او تورم بالكفر فعند هذه الحاله يجب تغييره تفاديا لانصلاخه على الطريق ولايفيد الترصيص فيه بتاتا لاارضي ولافضائي .
2- تاكد جيدا من ضغط الهواء المناسب للكفر على 30 او 35 حيث لايفيد الترصيص اذا كان ضغط الهواء ناقص بالاضافه الى نوع الهواء فالان يوجد نيتروجين ويتميز بخفته عن الهواء العادي .
3- سلامه الجنط من الانعوجاج او وجود برغي مختلف فحتى لوكان الكفر جديد لن يفيد الترصيص معك بتاتا البته وستبقى الرجه الى ابد الدهر .
4- الكفرات الاماميه الزم بالترصيص من الكفرات الخلفيه دائما ( عند ضعف الميزانيه )
5- عند وجود جنط غير سليم بادر بتغييره او وضعه كبديل في الشنطه ( اسبير - استبنه ) واذا ماعندك اسبير ركبه ورا
لحد ماتتيسسر الامور وتغيره .
6- عند الاصطدام بالرصيف وانطعاج الجنط ( نيكل - حديد ) فهو يتم اصلاحه من قبل المخارط فلا ترميه قم باصلاحه
وخرطه واستعمله كاستبنه او تخلص منه ببيعه

ملحوظه : بتشوفون في الصوره الثانيه سياره داتسون حمرا اظنها بي ولا جي تي موديل 77 المهم راعيها محافظ عليها ماشاء الله تبارك الله ومدخلها اطلق ورشه لصيانه لكزس الاالوكيل الرسمي لشركه عبداللطيف جميل لان كل صيانه لكزس عنده !!


بعض الصور اضعها بين ايديكم للترصيص الارضي في الملفات المرفقه

اخوكم
نااسف على الاطاله
وبالله التوفيق

المشاركة الأصلية كتبت بواسطة qaysar موضوعك حلو ولكت الترصيص تظبط صح عند عدم وجود فراغات او فضاوة في الركب او الاذرعة ..الخ تحياتي لك ومشكور مرة اخرى