صفحة 1 من 5 123 ... الأخيرةالأخيرة
النتائج 1 إلى 10 من 41

الموضوع: تقرير مصور وبالتفصيل لحل مشكلة الدينمو لأصحاب الفورد

  1. #1
    mosafr غير متصل عضو مجتهد
    تاريخ التسجيل
    Feb 2012
    المشاركات
    100

    افتراضي تقرير مصور وبالتفصيل لحل مشكلة الدينمو لأصحاب الفورد

    بسم الله الرحمن الرحيم

    في البداية كل عام وأنتم بخير

    وعيدكم مبارك


    اليوم جايكم بتقرير مع العيد عن دينمو الفورد الي بصراحة صارت قضية وآفة مستعصية عند أغلب ملاك الفورد

    وبصراحة مع أزمة عدم وجود دينمو أصلي وجديد في الوكالة أصبح الكل مستاء من هذه المشكلة

    والكل أصبح يبحث عن حلول لهذه المشكلة

    وفي موضوعي هذا حاب أشاركم تجربتي مع حل مشكلة الدينمو عندي

    طبعاً الدينمو عندي ضعيفة وتعبيتها مرة تكون تمام ومرة تضعف حل حسب مزاجها

    ومافيه حل عندي إلا أني أغيرها

    بحثت في جميع المحلات والتشاليح وأماكن بيع قطع الغيار المستعملة

    لكن للأسف مالقيت غير التجاري أو الأصلي المجدد

    قلت مالي غير المواقع الأمريكية راح أحصل دينمو جديدة وممتازة

    وبحثت في مواقع كثير وبصراحة الأسعار تختلف من موقع لموقع

    وفي الأخير استقريت على الموقع هذا


    https://www.dbelectrical.com

    والي شفته في الموقع هذا انه متخصص في الدينمو والشغلات الكهربائية للسيارات


    ولقيت عندهم دينمو جديده وعليها ضمان سنة 220 أمبير
    وبسعر $259.00

    ورابط الدينمو على الموقع

    https://www.dbelectrical.com/p-9188-...2-towncar.aspx

    وكاتبين في الموقع لو الدينمو فوق 200 أمبير لازم آخذ معاها وصلة والي فهمته انه مثل الفيوز تأمين لو صار مشكلة أو التماس في الكهربا تفصل تلقائي

    طلبت هذي الوصلة مع الدينمو
    وسعرها $61.95

    وهذا رابط الوصلة


    DB Electrical - FORD CHEVY HIGH OUTPUT ALTERNATOR FUSE BLOCK WIRING KIT 101



    وتوكلت على الله شريت القطع عن طريق الباي بال

    الدينمو 259 دولار
    والوصلة 61.95 دولار

    المجموع = 320.95 دولار
    تقرياً بالسعودي = 1203 ريال


    لكن كانت قيمة الشحن شوي غالية عندهم مادري ليش

    قيمة الشحن =169 دولار
    تقريباً بالسعودي =633.75 ريال

    المجموع كامل = 489.95 دولار
    بالسعودي = 1837 ريال سعودي

    وهذي الصورة الي جت مع الشحنة تبين التسعيرة للقطع مع الشحن



    لكن لما أتممت عملية الشراء جتني رسالة على جوالي من الفيزا مخصوم 1900 ريال مادري الزيادة ليش


    المهم شكلي طولت عليكم



    نجي للصور

    هذي الصورة تبين تتبع الشحنة من لحظة تسليمها لشركة الشحن إلى لحضة أستلامها

    والشحن كان عن طريق شكرة فيديكس





    وهذي صورة الكرتون الي جت فيه الدينمو والوصلة







    وهذي صورة الكرتونة بعد فتحها





    يتبع
    الصور المرفقة الصور المرفقة

  2. #2
    mosafr غير متصل عضو مجتهد
    تاريخ التسجيل
    Feb 2012
    المشاركات
    100

    افتراضي رد: تقرير مصور وبالتفصيل لحل مشكلة الدينمو لأصحاب الفورد

    وهذي الصورة لكرتونة الي جت بداخلها الدينمو










    وهذي الصور للدينمو بعد إخراجها من الكرتون












    يتبع
    الصور المرفقة الصور المرفقة

  3. #3
    mosafr غير متصل عضو مجتهد
    تاريخ التسجيل
    Feb 2012
    المشاركات
    100

    افتراضي رد: تقرير مصور وبالتفصيل لحل مشكلة الدينمو لأصحاب الفورد

    لكن الي استغربته أني طالب الدينمو من أمريكا

    لكن مكتوب على الكرتون صنع في الصين







    وهذي صورة الوصلة الي شريتها مع الدينمو






    الحين نجي لتركيب الدينمو

    طبعاً قلت بشتري عدة وأركبها بنفسي لكن قلت باقي أروح أدور عدة وأحاول أجرب ويمكن أعرف وما أعرف

    غيرت رأيي وقلت يالله أوديها لكهربائي ويزبطها لي

    وأتفقت مع الكهربائي بــ 60 ريال عاد لاحد يجي ويقول لعب عليك ماعرف عن الأسعار وشغل اليد


    هذي صورة الدينمو القديم لحظة فكها من السيارة







    وهذي الدينمو الجديدة لحظة تركيبها







    وهذي الدينمو ولله الحمد بعد التركيب







    بالنسبة للوصلة يقول لي ما أعرف حقت أيش ومالها لازمه من الأصل

    وماركبتها وما استفدت منها شي



    بالنسبة للتغييرات الي لاحظتها بعد تركيب الدينمو الجديدة

    1- أختفت تفتفة أنوار الطبلون
    2- دفع الهواء للمكيف صار أقوى شوي
    3- أرتفاع النوافذ صار أسرع شوي
    4- المهم والأهم صارت السيارة تشتغل بدون ضعف في البطارية
    5- عزم السيارة صار ثابت عن قبل -كان إذا ضعفت الكهربه عندي طاح عزم السيارة

    هذي أبرز الملاحظات الي حسيتها


    هذا موضوعي وتجربتي للدينمو الجديدة وسامحوني على الإطالة




    والمعذرة نسيت أقول نوع السيارة

    فورد كراون فكتوريا 2001




    وبالتوفيق للجميع
    الصور المرفقة الصور المرفقة
    التعديل الأخير تم بواسطة mosafr ; 08-20-2012 الساعة 07:10 AM

  4. #4
    ولد العم غير متصل عضو نشيط
    تاريخ التسجيل
    Jun 2012
    المشاركات
    98

    افتراضي رد: تقرير مصور وبالتفصيل لحل مشكلة الدينمو لأصحاب الفورد

    لاهنت على التقرير
    ولكن يخوك السعر مبالغ فيه 2000 كامل التكاليف مع الانتظار وخوف البضاعه ماتصل الى اخره .

    بالنسبه لي اختار اخذ لي دينمو امريكي وسعره تقريبا 230 وشغل يد الفني 30 او 40 ريال وصل الله وسلم على سوله .
    واذا خرب وان التكاليف بسيطه وتقدر تاخذلك واحد ثاني الى اخره .

    ما اقول الا الله ييسر امورك وانشاء الله ماتشوف شر والله يبعد عنا وعنكم الخساير

  5. #5
    اذكر ربك غير متصل عضو نشيط
    تاريخ التسجيل
    Dec 2010
    المشاركات
    64

    افتراضي رد: تقرير مصور وبالتفصيل لحل مشكلة الدينمو لأصحاب الفورد

    بيض الله وجهك تقرير راااااااع

  6. #6
    الصورة الرمزية فيكترs
    فيكترs غير متصل مشرف سابق
    تاريخ التسجيل
    Feb 2010
    الدولة
    الرياض
    المشاركات
    4,745

    افتراضي رد: تقرير مصور وبالتفصيل لحل مشكلة الدينمو لأصحاب الفورد

    اشكرك على التقرير الي اكثر من رائع



    لاكن


    سالفة السلك صدقني الي وديت له السيارة سباك


    معقولة ما يعرف وين يركب السلك وفوق هذا كله يقولك ماله لزمة .....!!!!!!!!!!!!



    عزيزي السلك هذا الواصل من علبة الفيوز الي عند البطارية الى الدينمو ( التيار بتاعه موجب + ) ضرووووووري يتبدل

    صحيح انك تخلصت من المشكلة


    لاكن كـــ إحتياطا ركب السلك

    لجل ماتندم بعدين

    وما حطوه الا انو غيرك صار عنده التماس

    وتبهذل



    فــ كمل جميلك





    وبالنسبة للسعر

    اشوفه شويات غالي

    لاكن دامه 220 إمبير مشاء الله ....... انا اشهد لو تبي تحط عليه اضافات كهربائية مراح تضره




    شكرا مرة اخرى
    التعديل الأخير تم بواسطة فيكترs ; 08-20-2012 الساعة 07:41 AM

  7. #7
    الصورة الرمزية aboshoooq
    aboshoooq غير متصل عضو مميز
    تاريخ التسجيل
    Aug 2011
    الدولة
    Riyadh
    المشاركات
    307

    افتراضي رد: تقرير مصور وبالتفصيل لحل مشكلة الدينمو لأصحاب الفورد

    أقوى من الدينمو البوليسي بعد ماشاء الله
    ع البركه الدينموو ، والف شكر ع التقرير الحلو مسسسافر

  8. #8
    الصورة الرمزية Black King
    Black King غير متصل مراقب عام / رئيس التغطيات
    تاريخ التسجيل
    May 2009
    الدولة
    K.S.A AND FORD
    المشاركات
    13,064

    افتراضي رد: تقرير مصور وبالتفصيل لحل مشكلة الدينمو لأصحاب الفورد

    يعطيك العافيه

    على الموضوع
    اخوكم عبدالعزيز بن محمد

    KING OF THE ROAD



  9. #9
    MUSTANG VIP غير متصل عضو جديد
    تاريخ التسجيل
    May 2012
    الدولة
    BAHRAIN
    المشاركات
    13

    افتراضي رد: تقرير مصور وبالتفصيل لحل مشكلة الدينمو لأصحاب الفورد

    ازيد على كلام اخوي فيكتر هذا السلك مع لفيوز نفس الي يتركب حق الساوند سيستم حق يحمي السيارة من الامبير لو ارتفع وتقدر تشتري السلك اظن المتر ب 10 ريال ولفيوز ب 20 ريال من اي محل صوتيات

    المهم انه لازم يتركب لأنه في سيارات احترقت (الله يبعد الشر عنك وعن جميع المسلمين) بسبب عدم تركيب لفيوز في الساوند سيستم بسبب الزيادة المفاجئة في الامبير...ودامهم قالو لازم تركبه يعني امش على كلامهم لأنه ممكن تكون نفس خطورة لفيوز في الساوند سيستم لأنه نفس لفيوز ونفس السلك

    والله يباركلك فيها...بس ماقلت كيف الكهربا الحين وكم الفولت؟

  10. #10
    الصورة الرمزية ابو رشاش
    ابو رشاش غير متصل عضو نشيط
    تاريخ التسجيل
    Aug 2009
    المشاركات
    97

    افتراضي رد: تقرير مصور وبالتفصيل لحل مشكلة الدينمو لأصحاب الفورد

    يعطيك العافيه على التقرير وانا لو قررت اشتري دينمو باخذ البوليسي لاني بصراحه ماعرف للشحن والشراء من المواقع الاجنبيه

    :|
    2003 GS .KSA

صفحة 1 من 5 123 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر