صفحة 1 من 3 123 الأخيرةالأخيرة
النتائج 1 إلى 10 من 24

الموضوع: القلب يرفرفـ ... يبي الـ edge

  1. #1
    ليلك غير متصل عضو نشيط
    تاريخ التسجيل
    Sep 2012
    المشاركات
    38

    افتراضي القلب يرفرفـ ... يبي الـ edge

    حياكم الله أجمعين ....

    كيفكم ؟؟ كيف الأحوال ؟؟


    والله ياجماعة الخير أخوكم في الله عضو جديد ولله الحمد في منتدى مميز يحمل بين

    ثناياه نخبه من أصحاب الذووق الرفيع ..


    الحقيقة أخواني انا من 3 اسابيع تقريبا" وانا أحوووس وأدوووس وأقلب يمين وشمال ... ابي سيارة جديده ,, ولله الحمد الميزانيه عال العال الله يخلي الأهل !! هههههههه


    طبعا" قلنا نروووح لـ شركة العم سام ونشوووف وش يملكون .. القلب انشلع نصفين بصراحه ... انشلع يمين جهة الـ edge وانشلع يسار جهة الـ ....... !! <*****<***** أكيد عرفوتها خلاااص مو لازم ...
    ههههههههههههه

    المهم ياحبايبي حطيت عيني على إدج الليميتد .... وقلت خلني أستشير الأخوة الكرام قبل ما أسوي شي ... لأن المسألة يا أخوان 150 ألف مو لعب !!

    طال عمركم ابي منكم الآتي حالا" بالا" مستعجلا" ....


    بسم الله ...

    1- كم آخر تسعيره رسميه لـ الإدج لميتيد 2 ؟؟ وهل مواصفات الليميتد 2 يوفرها الوكيل والا من جنبها ؟؟

    لأن مرة رحت عند وكاله ((كورية)) وسألت الموظف عن السيارة المعروضة .. وقالي هذي فل كامل وأقوى شي نزل السوووق ومش عارف ايش .. ويوم تفحصت السيارة لقيتها (نص فل ) .. بس بـ مواصفات السعودية تعتبر فل الفل لأن الوكيل مايوفر الفل كامل اللي تشووفه بالمواقع ....
    فهل توكيلات الجزيرة مثله ؟؟؟

    2- بكل أمانه أخوتي الكرام ... هل عيوب الإدج قوية والا كـ أي سيارة أخرى ؟؟ وايش عيوبه المعتاده ؟؟

    3- كيف شركة فورد عموما" من ناحية ما بعد البيع ؟؟

    4- انا يا أخوتي الكرام شخص يبي يستخدم .. يعني أبي سيارة تكد معي 5 سنين قدام .. والسيارة على فكرة محد يسوقها غيري .. وسواقتي ولله الحمد رايقة وماني حق مطارحات ومن ها الكلام ...
    و90% من حياتي داخل البلد .. بالعربي الفصيح أخوكم جاي على رقم شايب !! ههههه
    هل الإدج كفؤ لهذه الأمووور وماراح يعذبني مع الوقت ؟؟

    5- كم يستغرق وصول السيارة اذا طلبتها من الوكاله في الغالب ؟؟

    هذا مالدي حاليا" ... وابي برنت كامل عشان لما أرووح لـ الموظف حق الوكاله أخش في عينه
    وثقتي فيكم عاليه ماشالله عليكم فديتكمـ


  2. #2
    ليلك غير متصل عضو نشيط
    تاريخ التسجيل
    Sep 2012
    المشاركات
    38

    افتراضي رد: القلب يرفرفـ ... يبي الـ edge

    ياوجه الله !!



    فوق 60 مشاهده ولا حد عندووو اي اضافه !! على الأقل شكرا" وبارك الله فيك !! ههههه

  3. #3
    Minister غير متصل عضو مجتهد
    تاريخ التسجيل
    May 2012
    المشاركات
    111

    افتراضي رد: القلب يرفرفـ ... يبي الـ edge

    انا عندي الررررررررد

    السياره روعه وممتازه

    ولكن وانا اخوك ما انصحك انك تدفع فيها ريال ولا تشتريها

    واذا مصمل تعال ابيعك سيارتي

    المشكله هي من الوكيل وتعاااااااااااااامله التعبااااااااااااااااااان


    اما السياره رررررروعه ما هي جيب ولا هي سياره صغيره سياره ممتازه وفي السفر والله روعه

    انا من اخذتها والسياره معي ممتازه ولكن بعد 16 الف كيلو طلعت عندي مشكله في الفرامل وبعد ما وديتها لصيانه قالو بعد 3 اسابيع وهذا الي رفع ضغطي والوكاله زحمه اذا جيتهم

    اما اذا تغير زيت واشياء خفيفه يخلصونك خلال ساعه

    ما ادري وش اكتبلك بس هذا الي اعرفه

  4. #4
    ليلك غير متصل عضو نشيط
    تاريخ التسجيل
    Sep 2012
    المشاركات
    38

    افتراضي رد: القلب يرفرفـ ... يبي الـ edge

    88


    هلا بالغالي ...

    منوور المرور اللطيف والخفيف ...

    سيارة حلوة وروعة ماقلنا شي .. بس كيف ماتنصحني فيها وهي روعه وحلوة ؟؟؟ <*****< ماخشت راسي !!

    هل الخلل من الوكيل أم من السيارة نفسها ام من الإستعمال الشخصي ؟؟

    وهل اللي معك ليميتد 2 ؟؟


    انتظر الكثير ...

  5. #5
    kei
    kei غير متصل عضو مجتهد
    تاريخ التسجيل
    Feb 2011
    الدولة
    ford
    المشاركات
    131

    افتراضي رد: القلب يرفرفـ ... يبي الـ edge

    هلا بيك أخوي
    أنا اقول لك رأيي وبكل صراحة وتجرد
    أنا املك الإيدج من سنة ونص
    وسافرت بها كذا مررررة

    السيارة روعة ومرتاح منها .. ومميزة جداً بشهادة جميع من شاهدها وركب معي
    بس بنفس القت مستحيل سيارة تخلو من عيوب
    هذا بشكل عام

    مميزات السيارة
    شكل مميز ورياضي من وجهة نظري ووجهة نظر الكثير من الشباب
    ثبات ورساوة السيارة اللي عندي دفع رباعي
    التكنولوجيا ونظام سينك البعض يقول يعلق وما ادري ايش أنا من أخذتها مرة علق بس بدون مبالغة
    أنظمة السلامة والأمان
    الضمان للسيارة 5 سنوات أو 200000كيلو
    الرحابة والوسع في السيارة

    سلبيات السيارة
    في السرعات العالية تسمع صوت ولكن ليس بالشكل اللي البعض يصوره ويبالغ وهو طبيعي لأن السيارة مرتفعه وفيها سقف بانوراما
    الوكيل سيء .. ولكن أحسن من غيره إذا بتقارنه بهم وبيني وبينك ما أخس من زيد إلا عبيد كلهم سيئين
    سعرها حالياً مبالغ فيه بصراحة سعر الليمتد 2 ب 160000ريال زاد قرابة العشرة الآف ريال!! عن السابق

    وآسف على الإطالة
    تحياتي

  6. #6
    ليلك غير متصل عضو نشيط
    تاريخ التسجيل
    Sep 2012
    المشاركات
    38

    افتراضي رد: القلب يرفرفـ ... يبي الـ edge

    8888


    هلا وغلا أخوي .. فديت قلبك على ها الرد اللي يشرح الصدر لاهنتــ ....

    الصراحه رد يستحق التأمل والنقاش حوله ...

    وراح أناقشك حبه حبه ... :


    بالتأكيد وانا أخوووك كل سيارة فيها عيوووب .. بس الأهم ان تكون في نسبة وتناسب بين العيوب والمزايا
    بمعنى اذا كانت عيوبها (( فادحه)) فسلملي على الدآآب وشجرته .. واما اذا كانت عيوبها بسيطه ومزاياها تغطي العيوب بمراحل فهنا نقدر نصنف السيارة بـ الممتازه ...

    أحد العيوب التي ذكرتها انك تسمع صوووت في السرعات العاليه ... هل هذا يعني ان (( العزل )) سيء ؟؟
    لأن بصراحه أول شرط لي في الـ edge ان يكون عزلها مميز ....

    أحد العيوب أيضا" هو الوكيل ... وانت صنفته انه من ضمن السيئيين زيه زي غيره ... طيب أخوي ابي تصنيف واظح وصريح بالنسبة للوكيل من ناحية 1_ الصيانه 2- توفر قطع الغيار
    هل هو أفضل السيئين أو يصنف تحت الوكالات المشهورة مباشرة كـ تويوتا والجميح أو يصنف كـ وكيل مشي حالك أو يصنف كـ سيء أو يصنف كـ سيء مع مرتبة الشرف ؟؟

    أحد العيوب ذكرت أخي الكريم ان سعره مبالغ فيه مع العلم ان الأسعار في أوروبا وأمريكا أصبحت رخيصة مقارنة بـ الاسعار لدينا ... وهذي للأمانه تستدعي التوقف مع (وزارة التجارة ) للحظات .... لأن ارتفاع اسعار السيارات سببه لا يخرج عن سببين لا ثالث لهما :
    الاول : ان يكون (( الجمرك )) على السيارات مرتفع جدا" وأصبحنا كـ سوريا والاردن ومصر الذين يبلغ الجمرك لديهم في أحيان كثير الـ 90% !!
    الثاني : زيادة الطلب والعرض قليل ... فشي طبيعي التحكم في الأسعار اذا (( ندرت )) السلعه ...

    عموما" انا حدي مع الليميتد 2 إلى 150 ألف فقط لا غير ...


    سؤال أخي الكريم ... هل الليميتد 2 فيه دبل والا وش سالفته ؟؟
    الأمر الآخر هل العزل بالسيارة كويس ؟؟ وهل هناك تنسيم مع القزاز ؟؟


    هذا مالدي حاليا" ... مع تمنياتي للجميع بـ المشاركة وتبادل الآراء ^__^

  7. #7
    alwel غير متصل عضو نشيط
    تاريخ التسجيل
    Jun 2012
    المشاركات
    75

    افتراضي رد: القلب يرفرفـ ... يبي الـ edge

    سلام عليكم والله يالغالي انا انصح وبقوة بالنسبة ليمتد2 السعر مره عالي ومبالغ فيه الاسعار في امريكا زي هنا مافي فرق مقارنة بالمواصفات طبعا تقدر تدخل موقع فور الرسمي امريكا وتتاكد بنفسك
    بالنسبة للسياره مو ناقصها غير الناف سيستم يعطونا الخرائط وكلوا تمام تصير ماتحتاج اي شي

    انصح ب الليمتد1 لانو كل شي في مايفرق عن 2 الا جنط20 اكبر سعر كفر عالي زينون و رادار بس ودي الاشياء يمكن تسوي لها استبعاد وكل شي نفسه مع العلم انو الليمتد1 ب 142000 الف اسف على الاطاله
    وشكرا

  8. #8
    أبوفيصل غير متصل عضو نشيط
    تاريخ التسجيل
    Oct 2008
    المشاركات
    43

    افتراضي رد: القلب يرفرفـ ... يبي الـ edge

    اقتباس المشاركة الأصلية كتبت بواسطة alwel مشاهدة المشاركة
    سلام عليكم والله يالغالي انا انصح وبقوة بالنسبة ليمتد2 السعر مره عالي ومبالغ فيه الاسعار في امريكا زي هنا مافي فرق مقارنة بالمواصفات طبعا تقدر تدخل موقع فور الرسمي امريكا وتتاكد بنفسك
    بالنسبة للسياره مو ناقصها غير الناف سيستم يعطونا الخرائط وكلوا تمام تصير ماتحتاج اي شي

    انصح ب الليمتد1 لانو كل شي في مايفرق عن 2 الا جنط20 اكبر سعر كفر عالي زينون و رادار بس ودي الاشياء يمكن تسوي لها استبعاد وكل شي نفسه مع العلم انو الليمتد1 ب 142000 الف اسف على الاطاله
    وشكرا
    كلامك صحيح لو كان الكلام عن موديل 2011 - 2012 ، لكن موديل 2013 الليمتد1 بهذ السعر فقط الدفع الأمامي ، حرام مبلغ 142 ريال على دفع أمامي بس

  9. #9
    Minister غير متصل عضو مجتهد
    تاريخ التسجيل
    May 2012
    المشاركات
    111

    افتراضي رد: القلب يرفرفـ ... يبي الـ edge

    انا الي معي 2012 دفع رباعي وتقدر تطلع فيها الطعوس بسهوله وهي ممتازه

    ولكن العيب في الوكيل هذا الي اقوله لك تعاملهم زي قلته وخصوصا اني اجيهم من راس تنوره ومشوار اطقه للوكاله

    اما الصيانه السريعه مثل تغير زيت وفلاتر فهم يعتبرون ممتازين

    وخصوصا الفروع الي ما عليها زحمه مثل الي على طريق الجبيل في الدمام اغير عندهم وانا مرتاح

    2013 في الميتد تكون دفع امامي فقط عكس 2012

    بنسبه للاسعار والعرض والطلب

    الايدج 2012 خلص في السوق من اكثر من 4 اشهر وعليه طلب بشكل كبير جدا

  10. #10
    kei
    kei غير متصل عضو مجتهد
    تاريخ التسجيل
    Feb 2011
    الدولة
    ford
    المشاركات
    131

    افتراضي رد: القلب يرفرفـ ... يبي الـ edge

    هلا بيك أخوي
    للمعلومية أنا من ملاك الليمتد 1 موديل2011
    عموماً توضيح لبعض النقاط
    بخصوص العزل
    اذا تبغي العزل100% عليك بالألماني والأوربي غيره لا تدور
    حتى الكزس ماسلم من موضوع العزل .. أنا قصدت من موضوع العزل صوت الهواء العادي نتيجة الارتطام بالهواء ولم اقصد بتنسيم او غيره يعني تقيمي الشخصي للعزل من 10 اعطيه 7.5 الى 8

    بخصوص الوكيل
    بصراحة جربت صيانة عبد اللطيف جميل أشوفهم مثل بعض من ناحية التعامل وكما قلت لك في السعودية مافيه وكيل زي الناس كلهم ما عندك احد وبالنسبة لتوفير قطع الغيار ما شاء الله تبارك الله سيارتي لم تحتاج قطع غيار فما اقدر افتيك في هذا الموضوع !!
    وانت قلت هل التوكيلات من السيئين لا مو لهذه الدرجة

    ونصيحتي لك روح الوكالة واطلب قيادة تجريبية وطلع الي في راسك من ناحية السيارة وجرب انت موضوع العزل اذا كانت لديك حساسية من قضية العزل !!

    تحياتي لك وتحت أمرك في اي وقت

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر