النتائج 1 إلى 7 من 7

الموضوع: التجارب الكوميدية .. مع الفوكس الغَبِينَةُ ..!

  1. #1
    الصورة الرمزية أبو عبد الرحمن
    أبو عبد الرحمن غير متصل متخصص فوكس
    تاريخ التسجيل
    Sep 2012
    المشاركات
    161

    Thumbs down التجارب الكوميدية .. مع الفوكس الغَبِينَةُ ..!

    بسم الله الرحمن الرحيم ..


    مرحبا ً بـ الفورديين .. والفوكسيين .. !




    أكيد تعرفون هـ السيآرة ^ ..

    مع إحترامي الشديد لمن يمدحها ..

    ..

    يعني صحيح بأن السيآرة ثابتة .. و قوية .. و عملية ..

    بس يآ رجآل الله يرحم أم أمكم .. السيآرة صيانتها وقطعها كلآم ثااااني ..

    طبعاً .. ي رجآل السيارة معي منذ فترة قصيرة ..

    كم سعر العصا الواصله بين المفتاح والقفل فوكس 2006 ؟


    وتخيلوا ي أخوان .. قطعها ما تلآقيها إلا بـ الوكآلة .. و بعض الأحيآن حتى الوكآلة ما تلآقي فيه القطع .. !!

    يعني حتى بـ الوكالة السيآرة مهمشة ..

    سيارتي كانت مكينتها تحتاج غطاء ..

    غطاء ي رجال.. غطاء غطااااء .. مب شئ كبييير .. رح وآحد للوكالة وطلب منهم الغطاء ..

    تدرون وش قالوا .. على كلآم إلي طلبها لي ..

    قالوا ما عندنا غطاء للفوكس .. بس باقي غطاء واحد بفرع عندنا بجدة .. وعلى قدوم الغطاء للرياض تحتاج المدة أسبوعين < !!

    مب بس هذه التجربة الكوميدية إلي مرّت علي بالفوكس الغَبِينَةُ ..

    فيه تجربة مرّت علي يوم رحت للوكالة حتى أشتري سير المكيف ..

    طبعاً ي رجال .. أنا متعود أن السير للتويوتا والهونداي بـ 10 , 20 ..

    لما رحت للوكالة وطلبت منهم السير .. قالوا لي بـ 230 .. < يآ أبآ الهووووول !!

    قلت لآ حول ولآ قوة إلا بالله .. هذا الحين السير .. أجل كيف إلي هو بأكبر منه .. !!

    توكلنا على الله واشتريناهـ ..

    طبعا ً رحنا لأقرب ورشة تركب لنا السير .. لأن السير كان غريب إشويّ ..


    ^ السلآم عليكم ..

    < وعليكم السلام ..

    ^ أخوي نبي نركب سير المكيف ..

    < فوكس .. أأأ .. !!! .. شوف فيه ورشة متخصصة في الفورد .. تركب لكم السير ..

    ^ وين هي الله يجزآك خير ..

    < رح يمين .. ثم أول لفة يسار .. يجيك تقاطع ... إلخ ..

    ^ جزآك الله خير ..

    ـــــــــــــــــــــــــ

    ^السلآم عليكم ..

    < وعليكم السلآم ..

    ^ أخوي نبي نركب سير المكيف ..

    ^ معاكم السير ..

    ^ إيه معنا .. تفضل ..

    < .. اممممممممممممممم .. أأ .. لآزم ميكانيكي ..

    ^ .. طيب وين هذا الميكانيكي ..؟!

    < .. الورشة إلي جنبنا ..!!

    ^ جزآك الله خير ..

    ـــــــــــــــــــــ

    ^ .. السلام عليكم ..


    < .. وعليكم السلآم ..

    ^ .. أخوي عندنا عندنا سير المكيف يبيله تركيب ..

    < .. طيب .. إفتح الكبوت ..

    ^ .. إيه طيب .. بس ترى السير ما تقدر تركبه إلا لآزم تكون تحت السيآرة ..

    < .. ما في مشكلة .. نرفع السيآرة ..

    ^ .. بسم الله !

    < .. أوووهـ .. هذا السير .. امممم .. أأأ .. اممم .. شوف الفوكس .. امممم .. الكمبروسور مركب فيه توليف .. فما نقدر نركب السير ..

    ^ .. أهآآآآ .. توليف .. تصريفة أخرى .. السلآم عليكم ..

    ــــــــــــــــــــ


    ^ .. السلآم عليكم ..

    < .. وعليكم السلآم ..

    ^ .. عندنا سير المكيف يحتاج إلى تركيب ..


    < .. جميل .. بس تكريبه بـ 250 !!..

    ^ .. .. ي رجل هذا سير .. سير .. !

    < .. إيه الكلآم سهل .. بس التطبيق صعب .. وهذه فوكس ونادراً تجد أحد يستطيع صيانتها ..

    ^ .. طيب الله يرحم أم أمكم .. آخر سعر تقدر تساعدنا فيه ..

    < .. 200 وهذا آخر كلآمي ..

    ^ .. خلآص .. ركبه تركيب طيب ..

    < .. إن شاء الله ..

    الحمد لله تم تركيب السير بعد عناء وتعب بـ 200 ريال ..

    ـــــــــــــــــــــــــــــــــــ

    ليست التجارب فقط إلي مرّت علي ..

    هناك تجارب أخرى مرّت عليّ مع الفوكس الغَبِينَةُ .. ( قربة الماء .. وعصا الكبوت .. قاعدة الكرسي للمكينة .. وإلخ .. ) وكله بمبلغه وقدره من السعر لأنك لن تشتري تلك القطع إلا من الوكالة .. والوكآلة ستستغل ّ هذا الحاجة التي ستمر عليك بسلخك ونتفك وهضم مآلك .. فنصيحتي لكل من يريد شراء الفوكس .. نصيحة لوجه الله ..

    فرّ منها كما تفر من الأسد ..


    لآ تغرك منظرها الباهي .. وهيكلها الزاهي .. فإنها ( الفوكس الغَبِينَةُ ) ..


    طبعاً أخيراً .. قررنا بيعها والتخلص منها .. والحمدلله رب العالمين ..


    * ترجمة : الغَبِينَةُ : من غبن : وهو الخداع أو بالأصح الخدعة ..


    نلقاكم على خير بدون ( الفوكس الغَبِينَةُ ) ..


    سبحآن ربك رب العزة عما يصفون .. وسلام على المرسلين .. والحمد لله رب العآلمين ..

  2. #2
    الفيصل غير متصل عضو نشيط
    تاريخ التسجيل
    Oct 2009
    المشاركات
    88

    افتراضي رد: التجارب الكوميدية .. مع الفوكس الغَبِينَةُ ..!

    ماشاء الله عليك يا أبو عبدالرحمن

    أجل شكلك ماجربت إنك توضب 3 مكاين للمونديو اللي هي اخت الفوكس
    تصدق البساتم من جاكوار s type والقازقيت حق المكينة من جيب فورد (اسكيب) وطرمبة الماء من مازدا 6
    وسع صدرك واعتبرها تمارين رياضية لك <*****<الفرفرة بالصناعية والبحث عن قطع الغيار

    الله يعطيك العافية على القصة والله يرزقك بسيارة تكون مقتنع فيها وماتسبب لك قلق.

    دمت بود.

  3. #3
    الصورة الرمزية the legend
    the legend غير متصل عضو مميز
    تاريخ التسجيل
    Jul 2011
    المشاركات
    661

    افتراضي رد: التجارب الكوميدية .. مع الفوكس الغَبِينَةُ ..!

    فعلا الوكالة ما تعطي اي أهتمام للفوكس

    مع ان السيارة في الدول الاوروبية تاخذ المركز الاول على المنافسين

    وخصوصا إن الفوكس الجديد صناعة المانية فبالتالي بيرتفع سعر قطع الغيار

  4. #4
    الصورة الرمزية town car 97
    town car 97 غير متصل عضو مميز
    تاريخ التسجيل
    Jul 2011
    المشاركات
    346

    افتراضي رد: التجارب الكوميدية .. مع الفوكس الغَبِينَةُ ..!

    الله يجزاك الف خير

    كنت افكر فيها لكن خلااااااااااص نصيحة ما تقدر بذهب

    الله ييسر امرك ويفرج همك ويرزقك من اوفر وخير الحلال
    .THE Dr

  5. #5
    الصورة الرمزية DELL
    DELL غير متصل إداري
    تاريخ التسجيل
    Dec 2010
    الدولة
    الولايات المتحدة الاميركية - ولاية ماساسوتش / بوسطن
    المشاركات
    18,783

    افتراضي رد: التجارب الكوميدية .. مع الفوكس الغَبِينَةُ ..!

    مشكور يا الغالي وهذي مشكلة الوكيل هنا
    حتى المونديو سيارة جدا عملية ومواصفتا حلوة لكن مافيه اهتمام فيها حالها حال الفيوجن والتوروس والايدج بعض القطع مو متوفرة للاسف .


    Boston, Massachusetts




  6. #6
    الصورة الرمزية Black King
    Black King غير متصل مراقب عام / رئيس التغطيات
    تاريخ التسجيل
    May 2009
    الدولة
    K.S.A AND FORD
    المشاركات
    13,064

    افتراضي رد: التجارب الكوميدية .. مع الفوكس الغَبِينَةُ ..!

    هههههههههههههه

    يعطيك العافيه على المشاهد الكوميديه هههههههههههه والله يعنيك وكويس انك تخلصت منها

    انا مادري كيف يبعون سيارات لا يوجد قطع غيار لها او احد يعرف لها هو استغلال المواطن ونصب عليه

    لانهم يعرفون مافيه حماية لها لاحول

    عموما الوكاله عندنا تهتم بعدد من السيارات مثل فكتوريا و ومركيز و سيارات الدفع الرباعي و العائلي


    ابعث تحية الى امريكا التي يوجد بها حماية لمواطنيهم
    التعديل الأخير تم بواسطة Black King ; 12-11-2012 الساعة 08:37 AM
    اخوكم عبدالعزيز بن محمد

    KING OF THE ROAD



  7. #7
    الصورة الرمزية أبو عبد الرحمن
    أبو عبد الرحمن غير متصل متخصص فوكس
    تاريخ التسجيل
    Sep 2012
    المشاركات
    161

    افتراضي رد: التجارب الكوميدية .. مع الفوكس الغَبِينَةُ ..!

    ,,


    تدرون يآ الربع أني إلى الآن ما بعتها
    ,,

    كل شوي أقول الأسبوع الجاي .. الأسبوع الجاي ..

    مع أني متفق مع رجآل أنه يآخذها مني .. بس كل شوي ْءآجل الشغلة !


    ربي ييسر أمري وأمر كل مسلم ..


    ,,

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر