النتائج 1 إلى 7 من 7

الموضوع: شباب الرياض ابغى مساعدتكم

  1. #1
    HUA
    HUA غير متصل عضو نشيط
    تاريخ التسجيل
    Sep 2012
    المشاركات
    53

    Exclamation شباب الرياض ابغى مساعدتكم

    السلام عليكم

    شباب قبل فترة اذكر اني قريت بأحد المواضيع أن هناك يوجد بعض المحلات
    تمرر جهاز صغير من امام ارقام الباب و يظهر لهم الرقم السري للأبوباب تبع المصنع
    وهذي العملية بمبلغ 50 ريال!! المهم انا ما اعرف رقم السري حق المصنع او الكالة
    للأبواب وسبق أني قريت أنه في الموديلات الجديدة لايكتب لا بالشنطة ولا خلف ديكور الباب
    وأنه فقط يكتب في كرت موجود في المحفظة الي تجي مع السيارة وأنا ماحصلت المحفظة
    ولا الكرت فقط وجدت الكتيب وبعض الكتيبات الاخرى الصغيرة موضوعه في كيس و تفحصتهم ولا لقيت الرقم وايضاً تأكدت من الشنطة ودورت وماحصلت وبصراحة ماعندي استعداد افك الديكور
    وخصوصاً ان مثل ماذكرت الموديل الجديد مافيه فلذلك انا مريت ورشة فلبينين وعندخم برمجة وقلت
    لهم ابيكم تطلعون لي الرقم قالو 360!!!!! قلت 360 اركب قفل جديد مو تطلعون لي الرقم
    فياليت الي يعرف محل يطلعه لي بحدود ال50 بالرياض اكون شاكر ومقدر له

  2. #2
    الصورة الرمزية ysar
    ysar غير متصل عضو ملَكي
    تاريخ التسجيل
    May 2011
    المشاركات
    4,256

    افتراضي رد: شباب الرياض ابغى مساعدتكم

    هاذي الطريقه مو موجوده الي تقول عليها يمرر جهاز ويطلع الرقم هو نضام برمجه في السكرتي يشبك الكمبيوتر في السياره ويطلع الرقم السري واسعارهم معروفه 50 او 100 ريال انت بس روح الصناعيه ولف على الورش الي عندها كشف كمبيوتر وقوله بطلع الرقم السري تبع الباب او انك تمر المعارض وفيه ورش الكشف يطلعونه وش 350 ريال هاذا حرامي ونصاب بقوه الشغله ماتاخذ دقيقه

  3. #3
    HUA
    HUA غير متصل عضو نشيط
    تاريخ التسجيل
    Sep 2012
    المشاركات
    53

    افتراضي رد: شباب الرياض ابغى مساعدتكم

    اخوي ياسر اليوم مريت الي على شارع معارض النسيم حقين البرمجة وقالي بخمسين قلت مافيه مشكلة وجاء وعمل مثل ما انت تفضلت وشبك جهاز تحت الدركسون بفيش الكمبيوتر ولا اشتغل معه وقالي ما ينفع على موديل موترك هذا جديد المهم قلت طيب ورحت لواحد قدامه حق مفاتيح بعد وعمل نفس الشي وقالي مايشتغل معي وقعد يخربط يقولي مافيه كهرب ما ادري لازم سوي فيوز وراح لمحل خايس جنبه وكلم بنقالي على اساس انه كهربائي وجاب سلك فيه مثل مقبض الاشتراك ومربوط فيه معلاق حديد وفيه لبمة صغيرة طبعاً السلك هو الي مسويه بالمحل واضح يوم شفته قلت وش بتسوي قال بجرب شيء بالسيارة قلت طيب بس ترى لو يسير شيء بالكمبيوتر والا بكهرب السيارة بحرقكم اثنينكم قالي لا مالي دخل قلت اجل اقلب وجهك انت وياه تبون تتعلمون على سيارتي بعدها مريت على كم محل فحص كمبيوتر وكلهم مايعرفون لكن واحد قالي رح للبيان الي على نفس الشارع يطلعه لك رحت له وكان الوقت متأخر ولقيته مسكر بس كلمت واحد تركي عطاني رقمه راعي محل فحص كمبيوتر وقالي مالك الا حلين ياتتواصل مع الوكالة بامريكا اون لاين ويعطونك الرقم او انك تروح التشليح وتشتري واحد كامل قلت انا الحين مافكيت الديكور عشان مسوي اني محافظ على الموتر تبيني اركب واحد من التشليح لا والله ماركبت فما ادري يااخ ياسر اذا عندك حل للموضوع هذا لاني بصراحة طهقت كل ماوقفت عند بقالة والا شيء لازم اطفي المكيف واطفي السيارة مع العلم ان سيارتي 2008 امريكي.

  4. #4
    الصورة الرمزية ysar
    ysar غير متصل عضو ملَكي
    تاريخ التسجيل
    May 2011
    المشاركات
    4,256

    افتراضي رد: شباب الرياض ابغى مساعدتكم

    ماعندك ريموت لسياره استخدم الريموت لما تنزل منها ولا فضيها واسحب البريك ونزل الريموت معاك وقفل السياره لنه يشتغل والسياره مو معشقه الشي الاخر سكر الباب واضغط اخر زرين مع بعض اذا تقفلت الابواب فالجهاز عندك شغال ومابه اي مشكله ولاتخلي المفتاح داخل السياره وتقفل عليه والي رحت لهم مايعرفون و كمبيوتراتهم ابو رخيص تبع تشك انجن واكود بس البيان معروف روح لهم وجرب وبلغنا وش يصير معاك

  5. #5
    HUA
    HUA غير متصل عضو نشيط
    تاريخ التسجيل
    Sep 2012
    المشاركات
    53

    افتراضي رد: شباب الرياض ابغى مساعدتكم

    انا عارف اخوي ياسر حركة الريموت واني اقدر اخذه معي بس ضروري ارقام الباب فيها فوائد كثيرة وكنت مرتاح فيها في سيلرتي القديمة والكي باد شغال وانا اقفل فيه الابواب احيان لكن المشكلة بالرقم ما اعرفه لكن انشالله انا بعد شوي بروح اخلص لي شغله وامر البيان وارد لك وش يصير معي.

  6. #6
    المحيط الهادي غير متصل مشرف فورد سيدان
    تاريخ التسجيل
    Apr 2011
    المشاركات
    1,647

    افتراضي رد: شباب الرياض ابغى مساعدتكم

    هو الرقم عادة يكون ستكر ملصق في مفصلات الشنطة اليمين او اليسار



    بعض الفردات زي الاكسبلورر والاكسبدشن الستكر ملزق في علبة الفيوزات او جنبها عند رجل السواق او عند رجل الراكب ينشاف بالمراية او بكمرة الجوال لانه ملزق في الجنب او في الكتلوج اول صفحتين او اخر صفحتين
    اذا السيارة مستعملة اللي قبلك يمكن حفظ الرقم وشال الستكر وخصوصا اذا كانت ايجار ما يخلونه وفيه البعض يفك الديكور حق الباب ولا يلقاه
    Mercury Grand Marquis 1978


  7. #7
    HUA
    HUA غير متصل عضو نشيط
    تاريخ التسجيل
    Sep 2012
    المشاركات
    53

    افتراضي رد: شباب الرياض ابغى مساعدتكم

    اخوي المحيط الهادي الحركة الي قلتها تجي على ما اعتقد فقط بالموديلات
    القديمة واانا اذكر اني قريت نفس الكلام هنا بالمنتدى بالاضافة الى اني دورت بكل مكان
    ومالقيت شيء.

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر